33.ల్యాప్ జాయింట్ ను ఏర్పరుచుట

 యూనిట్ -  3

          ల్యాప్    జాయింట్ ను   ఏర్పరుచుట

       రెండు    కర్రముక్కలను    ఒకే   దిశలో   కలుపుట    ద్వారా   కర్రవస్తువు 

  పొడవును   పెంచుటకు   లేదా   వాటిని     రెండు   దిశలలో  కలుపుకొనుటకు

   ల్యాప్    జాయింట్ ను   ఉపయోగించవచ్చును.   ( పటము   6.22, 6.23 )

1.  ముందుగా   సమాన    మందముగల   రెండుకర్రముక్కల    ప్రక్క  ( కొన  )  

  భాగములను   చదునుపరచాలి.

2.  రెండు  కర్రముక్కలను   ఒకదాని    ప్రక్కగా   మరియొకటి   పటము    6.24 

  లో   చూపిన   విధముగా   అమర్చాలి.    అయితే   ఈ   విధముగా  

  అమర్చినపుడు    మొదటి  కర్రముక్క   ముఖభాగమును    మరియు   రెండవ

   కర్రముక్క   క్రిందతలము    పైకి    వుండునట్లుగా    చూడాలి.

3.   చదునుపరచబడిన   కొనభాగమునుండి   జాయింట్ కు    కావలసిన

   వెడల్పు   స్టీలు   రూలు   ద్వారా   కొలిచి   మార్కింగ్   చాకు     ద్వారా  

  గుర్తించాలి.   బిందువు   A ).  ఈ   విధముగా   రెండు   కర్రముక్కల   పైన

   చేయాలి.

4.   ట్రైస్క్వేర్ ను    ఉపయోగిస్తూ    రెండు  కర్రముక్కలపైన   AB   రేఖను

   మార్కింగ్   చాకు   లేది   పెన్సిల్  తో    గుర్తించాలి.

5.  కర్రముక్కలరెండువైపుల   గల    అంచులపై   A   మరియు B   

   బిందువుల    నుండి   నిలువుగా   క్రిందవైపు     గీతలుగీయాలి.   ఈ   రేఖలు

    కర్రముక్కల   మందమునకు   సగము   మాత్రమే   వుండాలి.

6.  కర్రముక్కల   మందములో   సగము    వుండునట్లుగా   మార్కింగ్    గేజిని

   అమర్చి  కర్రముక్కల     ముఖభాగము   ఆధారముగా    రెండుప్రక్క

   అంచులలో    మరియు   చదునుపరచబడిన    చివర    ( కొన  )    భాగములో

    రేఖలను      పెన్సిల్  తో    గుర్తించాలి.     దీనితో    కర్రముక్కలనుండి 

  తొలగించవలసిన      కర్రభాగము   గుర్తింపబడుతుంది.    

7.   రెండు   కర్రముక్కలలో    ఒకదాని   తీసుకొని   దాని   చదును  

  పరచబడిన   కొనభాగము    పైకి   వుండునట్లుగా    దానిని   వైస్ తో

   బిగించాలి.    పిదప   బ్యాక్     ఱంపమునుపయోగించి    తొలగించవలసిన  

  భాగమువైపు   వుండునట్లుగా   ఱంపమును    అమర్చి    గుర్తింపబడిన 

   రేఖవెంబడి    కర్రను    కోయాలి.

8.  కర్రముక్కను   వైస్  నుండి   తొలగించాలి,    దానిని   వర్కబెంచిపై

   పెట్టుకొని,    బ్యాక్   ఱంపముతో    కర్రమందములో     సగమునకు 

  గుర్తింపబడిన    దిశలో   కర్రను   నిలువుగా   కోయాలి.    అదేవిధముగా

   రెండవ  కర్రముక్కనుకూడా    కోయాలి.    గుర్తించిన   రేఖలమీద 

  ఱంపముతో    ఖచ్చితముగా   కోసినయెడల    రెండు   కర్రముక్కలను

   కలిసినపుడు   అవి   సరిగా    అమర్చబడి   జాయింట్    బిగుతుగా

   యేర్పడుతుంది.    లేని   యెడల     ఉలిని   ఉపయోగిస్తు   తగిన

   మందముతో   కోయబడిన    కర్రభాగమునుండి   తొలగింపవలసిన    కర్రను

   తీసివేయాలి.

9.  పటము  6.9లో   చూపబడిన   క్రాస్   ల్యాప్    జాయింట్ ను  

  ఏర్పరుచటకు   ఇదే    పద్ధతిని    అవలంభించాలి.  

10.  పైన   తెలిపిన    విధముగా   యేర్పరచబడు   ల్యాప్   జాయింట్ కు

    తగిన   పటిష్టతను   కలిగించుటకుగాను    జిగురు,  స్ర్కూలు,    మేకుల

   ద్వారా    రెండు    కర్రముక్కలను   బిగింపవచ్చును.

గమనించవలసిన   విషయములు :—

1.  రండు   కర్రముక్కలు    ఒకదానిలో   మరియొకటి   యేవిధమైన   వదులు 

   లేకుండా   బిగుతుగా   అమర్చబడాలి.

2.   అయితే   జాయింట్    కావలసినదానికన్న   హెచ్చు    బిగుతుగా 

  వుండరాదు.    చేతులద్వారా     శక్తినుపయోగిస్తూ   వాటిని   కలుపవలెను.

   అంతేకాని     ఎక్కువ    బలము    నుపయోగించి    జాయింట్ ను  

   యేర్పరచరాదు.   వదులుగా    లేదా    ఎక్కువ బిగుతుగా     వున్న  

  జాయింట్లు     పనితనములోని     లోపములను    తెలుపుతవి.

మీటర్  జాయింట్ న  ఏర్పరుచుట  :-

1.  ముందుగా    మీటర్  జాయింట్ తో    కలుపవలసిన    కర్రముక్కల  

  పొడవున     సరిగ్గా      నిర్ణయించాలి.

     ఉదాహరణకు    పటములకు    ఫ్రేములను     తయారుచేయుటకు   

 యేర్పరచెడి    మీటరు  జాయింటునకు   కర్రపొడవును    క్రింది    విధముగా

నిర్ణయించాలి.

 కర్రపొడవు  =  పటము  యొక్కపొడవు + 2x నిలువు 

కర్రయొక్కవెడల్పు + 2x అడ్డు  కర్ర  యొక్క   వెడల్పు .

2.  పిదప   కావలసిన   కోణములో   కర్రముక్కల    కొనభాగములను  

  ఏటవాలుగా   ఱంపముతో    కోయాలి.  మీటరు   జాయింటు    ఎక్కువ   45॰ 

 కోణములో   చేయబడుతుంది.  తగిన   కోణములో   సరిగ్గా   కోయుటకుగాను   '

 మీటర్  బాక్స్ '  అనబడు  పనిముట్టు  వుపయోగిస్తుంది.   అయితే   

 సాధారణ   పనులకుగాను   ' మీటర్  బాక్స్ ' ను    వుపయోగించనవసరము

  లేకుండానే   పటము   6.26  లో   చూపీనట్లుగా    కోయవచ్చును. 

   ఇందుకుగాను    ముందుగా   పెన్సిల్ తో   కర్రముక్క   వెడల్పును 

   గుర్తించునట్లుగా  కోయవచ్చును.    ఇందుకుగాను   ముందుగా   పెన్సిల్తో 

   కర్రముక్క    వెడల్పును   గుర్తించినట్లు   ఒక   రేఖను    అడ్డముగా   

 గీయాలి.    పిదప   దాని   వెడల్పును   డివైడర్ తో    కొలిచి,   ఆ   పొడవును

    కర్రముక్క   పొడవు   దిశలో   ఒకవైపు  అంచుపై   గుర్తించి,   అక్కడ 

 వెడల్పు    దిశలో   అడ్డముగా    రెండవరేఖను   గీయాలి.   ఈ   రేఖల 

  ద్వారా   యేర్పడిన    చదరపు   భాగము   వ్యతిరేఖ   మూలలను    కలిపెడి 

  కర్ణమును   పెన్సిల్ తో   గుర్తించాలి.   ఈ   కర్ణము   వెంబడి   ఱంపముతో  

  కోసినయెడల   45॰   కోణముతో    మీటర్   జాయింట్ కు    కావలసిన 

  కొనభాగమును   యేర్పడుతుంది.

3.  పైన   తెలిపిన    విధముగా    రెండు    కర్రముక్కలపై   ఏటవిలుగా 

  కోయబడిన   కొనభాగములపై     జిగురును    అంటించి   పటము    6.24  లో   

 చూపబడిన    విధముగా    ఆ    కొనభాగములను    ఒకదానిని    మరియొకటి   

 తగులునట్లుగా   అమర్చి   నొక్కిపెట్టి   జాయింట్    సరిగా    యేర్పడునట్లు

   చూడాలి.

4.  పైన    తెలిపినట్లు    యేర్పరచబడిన    మీటర్   జాయింట్ ను  

  పటిష్టపరచుటకు    గాను    మేకులు,   స్ర్కూలు,   డవెల్    పిన్నులు   లేదా

   చిన్న   కర్రపేడును   వుపయోగించవచ్చును.    పటము   6.28   లో  

  కర్రపేడుద్వారా  పటిష్టపరచబడిన     విధానము   చూపబడినది.

          డవెల్   పిన్నుల    నుపయోగించునపుడు    అవి   కోయబడిన 

  కొనభాగములకు    లంబదిశలో    వుండాలి.

గమనించవలసిన   విషయములు   :

1. కలుపబడిన    రెండు    కొనభాగముల   మధ్య     యేవిధమైన    ఖాళీ 

   స్థలము   వుండరాదు.

2.  కలుపబడిన    రెండు   కర్రముక్కల    వెడల్పు    దిశలో    గల  

  ఉపరితలములు   సమముగా   వుండాలి.   లేనియెడల   ప్లేన్ ను

   ఉపయోగించి    సమపరచాలి.

3.  మూలలను   కలిపినపుడు   లోపలి   మరియు   వెలుపలి   మూలలు

   సరిగ్గా   కలుపబడాలి.

6.7   మోర్ టైస్  మరియు   టెనన్   జాయింటు  :

( A )   టెనన్ ను   యేర్పరుచుట  :- 

1. ముందుగా   రెండు    కర్రముక్కల   మందమును   స్టీలురూలుతో 

    కొలవవలెను.   రెండింటిలో   తక్కువ   మందము    కొలత   ( t )

  ఆధారముగా   టెనన్    కొలతలు   క్రిందివిధంగా   నిర్ణయించాలి.

         టెనన్    మందము  T  =  ( 1/3  నుండి 1/2 ) x t

          టెనన్    వెడల్పు  W< 6 x t

( అనగా   టెనన్    వెడల్పు 6t   కన్నా  తక్కువవుండాలి ).

ఎక్కువ   టెనన్ లు   కలిగిన    జాయింట్ యందు    మోర్ టైస్  ( చీలికల )

  మధ్యగల   కర్రవెడల్పు = t

2.  రెండు    కర్రముక్కలయందు   జాయింట్    యేర్పరచవలసిన   

 కొనభాగములను   నిర్ణయించి    ఆవైపు   పైన   తెలిపిన     కొలతలను

   గుర్తించాలి.

3.  పటము  6.30 లో   సూచించినట్లు   టెనన్ పొడవు ( L ),  రెండవ   

 కర్రముక్క     కొలతల   ఆధారముగా    నిర్ణయించాలి.

4.  రెండుప్రక్క    అంచులనుండి     వదలవలసిన    మూలభాగము   ( S )

 వెడల్పు    ఆ   కర్రముక్కపై    టెనన్    యేర్పరచెడి   స్థితిని    బట్టి

   వుంటుంది.   సాధారణంగా   ఇది    టెనన్    మందమునకు    సమానముగా  

  వుంటుంది.   లేదా 12 నుండి    15 మి.మీ.   వరకు   వుంటుంది. 

      అనగా  S = T  లేదా    S = 12  నుండి    15 మి.మీ.  

5.   పైన   పేర్కొనబడిన    కొలతలను    మార్కింగ్   గేజి   లేదా    మోర్ టైస్

 గేజి   నుపయోగించి    కర్రముక్క     కొనభాగము    వైపుగుర్తించాలి.

6.  టెనన్    కోయుటకు   ముందుగా    కర్రముక్కను   బెంచివైస్ లో   కొద్దిగా 

   ఏటవాలుగా      అమర్చవలెను.   బ్యాక్ సా   ఱంపమును    వుపయోగిస్తూ 

  టెనన్    మందమును   గుర్తించు    రేఖలవెంబడి    కర్రను   కోయవలెను. 

  కోయునపుడు   ఱంపము    గుర్తించబడిన    రేఖనుండి    తొలగించవలసిన   

 కర్రవైపు   వుండాలి.

7.   పిదప   టెనన్    వెడల్పు   సూచించు   రేఖలవెంబడి    కోయవలెను.

8.  కర్రవస్తువు   ముఖతలము   మరియు   క్రిందివైపు   ఉపరితలముపై

   టెనన్   పొడవును    సూచించు   అడ్డు    రేఖలవెంబడి    కర్ర  

  మూలభాగములను    కోయవలెను.  అనగా   టెనన్    వెడల్పును  

  వదిలివేసి    రెండుప్రక్కల    అంచులనుండి   కర్రను    కోయవలెను.   ఈ

   విధముగా    ఏర్పరచవలసిన     టెనన్    నాలుగు    మూలలనుండి   కర్రను

   కోసి    తొలగించవలెను.

9.  టెనన్    ముందుప్రక్కన    నాలుగు    అంచుల     వెంబడి    కొద్దిగా 

   ఏటవాలుగా    వుండునట్లు   తలములను      ఏర్పరచాలి.   దీనిని   

' ఛాంఫరింగ్ '    ( Chamfering )   అంటారు.  దీనివలన   టెనన్ ను   మోర్ టైస్

 లో    సులభముగా   అమర్చగలుగుటయే   కాకుండా,   ఈ    విధముగా 

  నాలుగు    ప్రక్కల    కర్ర    తొలగించుటచే    మోర్ టైస్ లో   టెనన్    చుట్టు  

  యేర్పడిన    కొద్ది   ఖాళీస్థలములో   జిగురు   పదార్ధమును   పెట్టి    జాయింట్

 ను  దృఢపరచవచ్చును.   ఛాంఫరింగ్    చేయబడిన   టెనన్ ను    పటము

   6.32 లో    చూడవచ్చును.

( B )మోర్ టైస్    నిర్శాణము   :—

1.   )మోర్ టైస్  ను   యేర్పరుచటకుగాను    ముందుగా   కర్రవస్తువుపై 

   చేయవలసిన    చీలిక   ( మోర్ టైస్ )కొలతలను    సరిగా   గుర్తించాలి. 

  ఎక్కువ    సంఖ్యలో    మోర్ టైస్ లను     చేయునపుడు,   అన్ని

   కర్రముక్కలను   ప్రక్క ప్రక్కగా    అమర్చుకొని,   ఒకేసారి    అన్ని    మోర్

 టైస్ ల   కొలతలు   గుర్తించాలి.   అన్ని   కొలతలు   కూడా    కర్రముక్క 

  ముఖభాగమునుండి   కొలచి,    గుర్తించాలి.

మోర్ టైస్   కొలతలను   క్రింద  సూచింపబడినవి:—

( a )    మోర్ టైస్   పొడవు  L1=     టెనెన్   వెడల్పు  W

( b )  మోర్ టైస్   పొడవు W1=  టెనెన్    మందముT 

( c ) మోర్ టైస్    యేర్పరుచుటకుగాను    కర్రముక్క    ప్రక్క   భాగమునుండి 

    వదల   వలసిన    మూలభాగము,    టెనెన్ కు    ప్రక్కగా   వదిలిన  

  మూలభాగము   (s) నకు     సమానముగా    వుండాలి.

ట్రైస్క్వేర్ ,    మార్కింగ్    చాకు   ద్వారా    మోర్ టైస్    పొడవును  

  ముందుగా    గుర్తించాలి.    టెనెన్   వెడల్పునకు    సమానముగా   

 వుండునట్లు   మార్కింగ్    గేజి   ( లేదా  మోర్  టైస్  గేజి )ని     అమర్చుకొని

   దాని   ద్వారా   మోర్   టైస్    పొడవును    గుర్తించాలి.    మోర్  టైస్  

  వెడల్పును   కూడా    మార్కింగ్    గేజి   ద్వారా   గుర్తించాలి.

2.   మోర్ టైస్   వెడల్పు   ( W1 )నకు   2 మి.మీ.   తక్కువ    సైజుగల

   బోరింగు   బిట్ ను   బిట్ బ్రేస్ లో    అమర్చి   కొలతలచే     గుర్తింపబడిన  

  మోర్ టైస్    యందు    ప్రక్కప్రక్కగా   యుండునట్లు    రంధ్రములను

   చేయాలి.   ముందుగా   రెండు   ప్రక్కల     రంధ్రములను   చేసి    పిదప

   మధ్యగల    రంధ్రమును    చేసి      కర్రను    తొలగించాలి.

3.  పిదప   తగిన     వెడల్పుగల    పదునైన   అంచులను   కలిగిన

   ఉలిద్వారా    రంధ్రములు    చేయగా   మిగిలిన    కర్రను   గుర్తించబడిన 

  రేఖల          మధ్య నుండి    తొలగించి,   తద్వారా   యేర్పడిన   మోర్ టైస్

   లోపలి    ముఖ   తలములు   సమపరచాలి.    ఈ   పని     చేయునపుడు  

  మోర్ టైస్      కొలతలను   (  ముఖ్యంగా    వెడల్పును )

గుర్తించు   రేఖలను    దాటిపోరాదు.

4.  బోరింగు   బిట్ తో    రంధ్రములు    చేయకుండా మోర్ టైస్   ఉలితో 

  నేరుగా    మోర్ టైస్ ను    ఏర్పరచవచ్చును.   మోర్ టైస్    ఉలి   వెడల్పు 

   చేయవలసిన   చీలిక    వెడల్పుకన్నా    సుమారు   2మి.మీ.   తక్కువ 

   వుండాలి.    ముందుగా   మధ్య    భాగమునుండి   ప్రారంభించి   రెండు

   ప్రక్క    భాగములకు   సాగుచు    కర్రను   తొలగించాలి.

జాయింటును   కలుపునపుడు   గమనించవలసిన    విషయములు :

1.  మోర్ టైస్ లో   టెనన్ ను    దూర్చి    జాయింటును   ఏర్పరచునపుడు

   జాయింట్   ఎక్కువ   బిగువుగా   లేదా   వదులుగా    వుండరాదు.    టెనన్

 ను   ఎక్కువ    బలమునుపయోగించి    మోర్ టైస్ లో   దూర్చరాదు.  

  దీనివలన    రంధ్రము    చుట్టువున్న    కర్రయందు    పగుళ్లు

   యేర్పడవచ్చును.   ఎక్కువ     వదులుగాయున్న    జాయింట్    పనికిరాదు.   

2.  టెనన్    యందు    దాని   చుట్టు     కర్రతొలగించగా    యేర్పడిన   

 మూలభాగములు    చదునుగా   వుండాలి.    చదునుగాలేని   కర్రమూలలను  

    పదునైన    ఉలి    ద్వారా    సమపరచాలి.

6.8   డవ్ టెయిల్   జాయింట్ ను  యేర్పరుచుట :

1.  ముందుగా   డవ్ టెయిల్   జాయింట్   వివిధ    భాగములను   గురించి 

  సరిగా   తెలుసుకొనాలి.   పటములో    యివి    సూచింపబడినవి.

2.  డవ్ టెయిల్   పిన్నులు,  ' టెయిల్ ' భాగముకన్నా    తక్కువ   సైజులో

   గానీ   లేదా   అదే   సైజులో   యేర్పరుస్తారు.    అయితే   టెయిల్ కన్నా  

  పిన్నులు    ఎక్కువ   వెడల్పును    కలిగియున్నచో    జాయింట్   పటిష్టత

   హెచ్చుతుంది.

3.  పిన్నులను   యేర్పరుచుటకుగాను   కొలతలను    క్రింది    విధముగా

   గుర్తించాలి.

కర్రముక్క  మందము = t

పిన్ను   అడుగు   భాగపు    వెడల్పు   W =3/4 x t

ప్రక్కప్రక్కగా    యున్న    రెండుపిన్నుల   మధ్యబిందువుల   దూరము   = 2

  W  లేదా 3 W

వెలుపలివైపు   పిన్నులు   ( అనగా   రెండుచివర   వైపుల   గల   పిన్నులు )

   మధ్యలో   గల    పిన్నుల    వెడల్పు    కన్న   3  నుండి  4  మి.మీ.   ఎక్కువ 

    వెడల్పును   కలిగియుండాలి.

4.  రెండు    కర్రముక్కల   యందు    కలుపవలసిన    కొనభాగములను  

  నిర్ణయించి   వాటిని    చదునుపరచాలి.   వాటిలో    ఒకదాని    మందమును 

   కొలచి,    ఆ    దూరమును    రెండవ   కర్రముక్క  యందు    చదును  

  పరచబడిన    కొనభాగము    నుండి    గుర్తించాలి.

ఈ    విధముగా   గుర్తింపబడిన   బిందువునుండి    కర్రముక్క   నాలుగు

   తలములయందు   ( అనగా  చుట్టు  )   మార్కింగ్ చాకు   లేదా   పెన్సల్ తో

    రేఖలను    గీసి    గుర్తించాలి.

5.  జాయింట్ కు    యేర్పరచవలసిన    పిన్నును   మరియు   చీలికల

   సంఖ్యను    సరిగా    నిర్ణయించాలి.   ఇందుకుగాను    కర్రముక్కల

   మందమును   బట్టి    పిన్ను    వెడల్పు ,  పిన్నుల    మధ్యదూరము  

  మొదలగునవి   పైన   సూచింపబడిన    కొలతల    ఆధారముగా 

   నిర్ణయించాలి.

ఉదాహరణకు,   కర్రముక్క  వెడల్పు    160  మి.మీ.     మరియు    మందము   20

 మి.మీ.     అనుకొందుము.   కాబట్టి ,   పిన్నువెడల్పు  W= 3/4    x 20 = 15 మి.మీ.

      పిన్నులమధ్యదూరము  = 2.5 W

                                         =2.5x15 మి.మీ.

                                         =37.5 మి.మీ.

                                        ~ 40 మి.మీ.

    ఏర్పరచవలసిన    పిన్నుల   సంఖ్య =కర్రముక్క   వెడల్పు / పిన్నుల

  మధ్యదూరము 

                                      = 160/40 = 4 పిన్నులు

        అయితే    రెండు    చివరలలో   పిన్నులు  సగము    వెడల్పుతో

   వుండాలి.  కాబట్టి ,     4 పిన్నుల  సంఖ్యను  3   పూర్తి   పిన్నులు   

మరియు   2   సగము   పిన్నులుగా  నిర్ణయించాలి.   ( 3  పూర్తి   పిన్నులు

   మధ్యలో   మరియు   2   సగము   పిన్నులు   రెండు    చివరలలో   వుండాలి. )

6.  మధ్యలో    గల   పిన్నుల    కన్నా     రెండు    చివరలలో  గల   పిన్నులు

  సుమారు   3 మి.మిా.   ఎక్కువ    వెడల్పును   కలిగియుండాలి.  కాబట్టి

   ముందుగా   రెండు   ప్రక్కఅంచుల    నుండి   3 మి.మిా.    దూరమును

   కొలిచి   ఆ    బిందువుల   గుండా   అంచులకు    సమాంతరముగా ( పొడవు 

   దిశలో )  రెండు    రేఖలను   గీయాలి.

7.  పై   రెండురేఖల    మధ్యగల   కర్ర   వెడల్పు    భాగమును   నాలుగు  

  సమభాగములుగా   విభజిస్తూ   రేఖలను   గీయాలి.   ఈ     రేఖలు

   యేర్పరచబడెడి   పిన్నుల    మధ్య   భాగమును   సూచిస్తాయి.   పైన  

  గణించి    పెట్టుకొన్న    పిన్ను     మందమునకు    సగభాగము  

  వుండునట్లుగా   పై    రేఖలకు   రెండు  వైపులా    బిందువులను

   గుర్తించాలి.    ఈ    బిందువుగుండా    T— బివెల్ ను    వుపయోగిస్తూ    1:6

   నిష్పత్తిని   కలిగియుండునట్లు   ( పటము )  ఎటవాలుగా    రేఖలను  

  గీయాలి.  T— బివెల్ ను   తగిన    కోణములో    అమర్చుకొను   విధానము

   పటము    6.39 లో   చూపబడింది.   ఈ   విధంగా   పిన్నుల    సైజును    కర్ర

   రెండవ   ముఖతలము     వైపు   గూడా   గుర్తించాలి.

8.బ్యాక్    ఱంపము    లేదా     డవ్    టెయిల్    ఱంపమును     వుపయోగిస్తూ   

 పైన    గుర్తింపబడిన     రేఖల   వెంబడి    కర్రను    కోయాలి.   అయితే 

  ఱంపము    రేఖ   నుండి   తొలగింపవలసిన    భాగమువైపు    అమర్చి

   కర్రను    తొలగించాలి.   ఈ   విధముగా   చీలిక    రూపములో    కోయబడిన 

    కర్రను   తొలగించుటకు   కోపింగ్    ఱంపము    లేదా   ఉలిని  

  ఉపయోగించాలి.    ముందుగా     ఒకవైపు       సగము    వరకు   కోసి,

   కర్రముక్కను    త్రిప్పుకొని    రెండవ    వైపు    మిగిలిన   సగభాగమును   కోసి

    తొలగించాలి.    ఈ   విధముగా    కోయునపుడు    పిన్ను   ప్రక్క   భాగములు

    చదునుగా  ( సమముగా )    వుండునట్లు    జాగ్రత్త   వహించాలి.

9.  పై   విధముగా    ' డవ్   టెయిల్ '   రూపములో   కోయబడిన    పిన్నును  

  ఉపయోగిస్తూ    రెండవ    కర్రయందు   దాని   రూపమును   గీసి   గుర్తించాలి. 

    దీని    వలన   కోసి    తొలగించవలసిన     భాగమును   పెన్సిల్ తో    లేదా

   మార్కింగ్  చాక్ తో    గుర్తింపబడుతుంది.    ఈ     విధముగా     కర్రముక్క  

   రెండు    ముఖతలముల    యందు    గుర్తించాలి.

10.  తొలగించ   వలసిన   భాగమును    ముందుగా    బ్యాక్    ఱంపముతో  

  కోసి    తొలగించాలి.    పిదప   కోపింగ్    ఱంపము   లేదా     ఉలితో    కోయగా

    మిగిలిన     భాగము   ప్రక్కతలములను   చదునుపరచి    తగిన   సైజును  

   సరిచేయాలి.

11.   పిదప    పటము    6.40 లో   చూపిన    విధముగా   రెండు  

  కర్రముక్కలను    జాగ్రత్తగా   కలపాలి.

12.  కొన్ని   డవ్   టెయిల్    జాయింట్ల   యందు   టెయిల్    భాగము

   జాయింట్     ద్వారా    వెలుపలి    వరకు    యేర్పరచబడదు.   అనగా  

  టెయిల్    భాగము    బయటకు    కనబడకుండా    జాయింటు  

  యేర్పడుతుంది   ( పటము 6.41 ).   దీనిని    బ్లైండ్   లేదా    స్టాప్   డవ్

   టెయిల్      జాయింట్ '    అంటారు.

                      అభ్యాసము   

1.  కర్రముక్కలను    కలుపుకొని    జాయింట్ ను    ఏర్పరచు    ఆవశ్యకతను

    వివరింపుము.

2.  కర్రముక్కలను    కలుపెడి    వివిధ    జాయింట్లును    పేర్కొనుము.

3.  రెండు    కర్రముక్కలను    కలుపెడి    ల్యాప్   జాయింటును    ఏర్పరచు 

   విధానమును    వివరింపుము.

4.  మీటరు   జాయింటును    ఏర్పరచుటకు   కావలసిన   పనిముట్లను

   పేర్కొని,   వాటితో    జాయింటును   యేర్పరుచు   విధానమును 

   వివరింపుము.

5.  మోర్ టైస్    మరియు   టెనన్   జాయింట్ ను   ఏర్పరచునపుడు

   కొలతలను   గుర్తించెడి   విధానమును    వివరింపుము.  

6.  మోర్ టైస్  ను   నిర్మించు   విధానమును   వివరింపుము.

7.  డవ్   టెయిల్   జాయింటును  ఏర్పరచునపుడు   కొలతను   గుర్తించు 

  విధానమును    వివరింపుము.

8.  డవ్   టెయిల్   జాయింటును    యేర్పరచుటకుగాను    కావలసిన

   పనిముట్లను   పేర్కొనుము.   వాటినుపయోగించి   జాయింటును

    యేర్పరచు   విధానమును   వివరింపుము.

32. కర్రసామాగ్రి వివిధభాగములను కలిపెడి జాయింట్లు

 యూనిట్  -1

కర్ర సామాగ్రి    వివిధ భాగములను   కలిపెడి   జాయింట్లు

ఉపోద్ఘాతము  :

         బీరువాలు,  బల్లలు,   కుర్చీలు, తలుపులు,  కిటికీలు   మొదలగు   వివిధ

   కర్రసామాగ్రులను   తయారు   చేయుటకు   గాను   ఆయా    వస్తువుల   

  విడిభాగములను   ముందుగా   చేసుకొని,  వాటిని   కలుపుకొనవలసి 

  యుంటుంది.  అనగా   తగిన   సైజు   మరియు    ఆకారముగల   వివిధ   

 కర్రముక్కలను   కలుపుకొనుట    ద్వారా   కావలసిన   ఆకారముతో   

 కర్రసామాగ్రి    తయారు     చేయబడుతుంది.   రెండు     కర్రముక్కలను  

  కలుపుకొని    ఒక    భాగముగా    చేయుటను     

  " కర్ర    ముక్కలను  జతచేయుట  " ( Wooden joinery )  అని   అంటారు.   ఈ 

  విధముగా   కర్రముక్కలను      జతచేయుట   మూడు    విధములుగా 

  అవసరమవుతుంది.

1.   కర్రముక్కలను   కలుపుకొనుట    ద్వారా     కర్రవస్తువు   యొక్క   పొడవు, 

  వెడల్పు,   మందము   మున్నగు    కొలతలను    పెంచవచ్చును.

2.   ఒకే    దిశలో    కాకుండా   వివిధ   దశలలో    కర్రమక్కలను    కలుపుకొని 

    కర్రవస్తువునకు    కావలసిన   ఆకారమును   యివ్వగలము.   

3.   కర్రముక్కలను   కలుపుకొని ,   వాటిమధ్య   కావలసిన    రీతిలో 

  కదలికను   పొందవచ్చును.

              రెండు     కర్రముక్కలను    ఒక    వస్తువుగా   కలిపెడి   భాగమును  ' కీలు '  

' జాయింట్  ' ( Joint )  అని   అంటారు.    కర్రముక్కలను   గట్టిగా    కానీ   

 లేదా   వదులుగా    కాని    జత   చేయవచ్చును.   అనగా   తగిన   జాయింట్

 ను   యేర్పరుచుట   ద్వారా   రెండు     కర్రముక్కలు    గట్టిగా   

 బిగింపబడుటలేదా   వాటి    మధ్య   కదలిక   యుండునట్లుగా   

 బిగింపబడుట     చేయవచ్చును.

6.2  వివిధ    రకముల   జాయింట్లు  :

కర్ర   పని   యందు   ఉపయోగపడెడి  జాయింట్లను  రెండు    విధములుగా 

  విభజింపవచ్చును.

1.  పొడవును   పెంచు  జాయింట్లు  :—

ఈ   జాయింటు   ద్వారా   విడి   విదములుగా   యున్న    కర్రముక్కలను   

 కలుపుకొని   కర్రవస్తువు   కొలతను    ( పొడవు,   వెడల్పు,   మందము   

 మొదలగు   వాటిని  )   పెంచవచ్చును.

2.  ఆకారము   నొసెగెడి   జాయింట్   :— 

ఇది    వివిధ   ఆకారములు,   కొలత   యేర్పరిచిన   విడి   కర్రముక్కలను 

  కలుపుకొని   ఆ   సముదాయంతో    ఆకారమును   పొందుటకు 

 వుపయోగించెడి   జాయింట్.

6.3  జాయింట్ కు   వుండవలసిన   ధర్మములు :—

     కర్రముక్కల     జాయింట్    తగినంత   పటిష్టతను   కలిగియుండాలి.   

 కాకుండా   కంటికి   యింపైన   తగిన   రూపమును   కలిగియుండాలి. 

  జాయింట్    యొక్క    పటిష్టత   ఆ    కర్రముక్కల   ను    కలుపుకొని   

 జాయింట్ ను   యేర్పరచవలెను.    చూపిన    నైపుణ్యత   పైన   ఆధారపడి   

 యుంటుంది.    ఖచ్చితంగా   యేర్పరచవలెను   జాయింట్       పటిష్టంగా   

 వుండుటయే    కాకుండా   ఆకర్షణీయంగా   వుంటుంది.    జతచేయబడిన  

  కర్రముక్కల   పటిష్టతను    పెంచుటకు     వాటిని   మేకులు,  స్ర్కూ 

  పిన్నులు  లేదా   జిగురు   (  Glue )   మన్నగు    వాటివల్ల    వాటిని    గట్టిగా 

  బిగించవచ్చును.   

6.4  కర్రసామాగ్రి    తయారీలో   వుపయోగించెడి   సాధారణ   జాయింట్ :—

 కర్రసామాగ్రి    తయారీయందు    వుపయోగించెడి   ముఖ్యమైన   కొన్ని   

 జాయింట్ ను    గురించి   క్రింద   వివరింపమైనది.

1.   బట్     జాయింట్   ( Butt  joint ):— 

దీనియందు   ఒక   ముక్కవైపు    ప్రక్కభాగము   తగులునట్లు   అమర్చబడి, 

   అవి    రెండు   జిగురు    లేదా   స్ర్కూ  ల   వలన   కలపబడతాయి.   ఈ 

  జాయింట్   సాధారణంగా   ఎక్కువ   పటిష్టత    అవసరములేని 

  పనులకుపయోపడుతుంది.   ఈ    జాయింట్    దాదాపు   అన్ని   రకముల 

  కర్రసామాగ్రుల    తయారీలలో    రాయబడుతుంది.   రెండు   రకముల   

 బట్    జాయింట్ల    పటము6.1   లో   చూపబడ్డాయి.

2.   మీటర్   జాయింట్   :— 

ఇది    ప్రత్యేకమైన     బట్    జాయింట్.    ఒకే    వెడల్పు   గల    రెండు 

  కర్రముక్కలను   కలుపుటకు   యిడి   వాడబడుతుంది.   రెండు 

  కర్రముక్కల    కలపవలసిన   ప్రక్క   భాగములను   ఏటవాలుగా   కోసి,    ఆ 

  రెండు   భాగములను   జిగురుతో    కలుపుట    ద్వారా   యీ   జాయింట్ 

  యేర్పడుతుంది.   ఏటవాలుగా   కోయునపుడు   రెండు   కర్రముక్కలు   ఒకే 

 కోణమును   కలిగియుండాలి.   ఈ   కోణము   90॰  కన్నా   తక్కువ   

 యుండాలి.   45॰   కోణములో   యేర్పడిన   మీటర్   జాయింట్     పటము 

  6.2  లో    చూపబడినది.    స్ర్కూలు,   పిన్నులు  లేక   సన్నని   కర్రముక్కల 

  నుపయోగించి   యీ    జాయింట్  పటిష్టతను   పెంచవచ్చును.   ఫోటో 

  ఫ్రేలు   మొదలగు   తేలికరపు   పనులలో   యీ    జాయింట్   ఎక్కువగా 

  వుపయోగపడుతుంది. 

3.   డవెల్   జాయింట్   :-

        బట్    జాయింట్ నకు   ఎక్కువ    పటిష్టతను  కలుగజేయుటకుగాను   

 డవెల్    పిన్నుల    నుపయోగించి    జాయింట్ ను     ఏర్పరచవచ్చును. 

  దీనిని   ' డవెల్   జాయింట్  '   అంటారు.  ( పటము 6.6;6.7 )  గుండ్రని 

  ఆకారములో   సన్నని    పిన్నుల   ఆకారముతో   గట్టి    కర్రతో   చేయబడిన 

  చిన్న      కర్రముక్కలను   ' డవెల్    పిన్నులు '  అంటారు.   ఈ    పిన్నుల 

  నుపయోగించి    రెండు   కర్రముక్కలను   సరిగా    అమర్చుకొని   

 జతచేయుట    వీలగుతుంది.

4.   ల్యాప్   జాయింట్  ( Lap  Joint )  :-

                  ఈ    జాయింట్   ద్వారా    రెండు   కర్రముక్కలను కలుపుటకుగాను

    వాటి   యందు   కొంత     వెడల్పును    కలిగియుండునట్లు    ఒక   చీలికను 

   యేర్పరుచుట     ద్వారా    ఆ     కర్రముక్కల   మందమును   తగ్గించి 

  సగము    చేస్తారు.   దీనిని    ' సగము  చేయుట '   ( Halving )  అని   అంటారు. 

  ఈ   విధముగా   మందము    తగ్గింపబడిన    కర్రముక్కల   భాగములను 

  ఒకదానిపై    మరియొకటి   అమర్చి   కలిపిన   యెడల   ' ల్యాప్   జాయింట్

 '   యేర్పడుతుంది.   ఈ   విధముగా  కలపబడిన   రెండు   కర్రముక్కల 

  జాయింట్   వద్ద    జిగురునుపయోగించి   లేదా   పైకి   కనపడకుండా 

  అమర్చబడి    స్ర్కూల     నుపయోగించి   జాయింట్

పటిష్టతను  పెంచవచ్చును.    వివిధ    రకములుగా   కలపబడిన    ల్యాప్ 

  జాయింట్    పటము   6.8,   6.9,  6.10    లలో   చూపబడ్డాయి.    ల్యాప్ 

  జాయింట్   వివిధ    కర్రసామాగ్రులను   తయారు   చేయుటకుగాను 

 స్ర్టెచర్లు,   స్టాండ్లు,   ఫ్రేములు,   గృహనిర్మాణమునకు   అవసరమగు   

 కర్రసామాగ్రియందు   ఉపయోగిస్తారు.

5.   టాంగ్   మరియు    గ్రూప్  జాయింట్  :—

కర్రముక్కలచివర   భాగములను   కలిపెడి   బట్ జాయింట్   వలె      ఈ   

  జాయింట్ ను   యేర్పరుస్తారు.   ఇందుకుగాను    ఒక   కర్రవస్తువు 

  చివరభాగములో    సన్నని   చీలిక   చేయవలసి   యుంటుంది.దీనిని  ' గ్రూవ్

 '   ( Groove )  అంటారు.   చీలిక   వద్ద   తొలగింపబడిన   కర్రమందమును  

  కలిగిన   మొన    ( Tongue ) భాగము   రెండవ   వస్తువులో   చివరభాగము 

  చేయబడియుంటుంది.   చొచ్చుకు   పోయినట్లుగా   వున్న    ఈ 

  మొనభాగము    రెండవ   కర్రవస్తువుయందు  చేయబడిన   చీలికలో 

  అమర్చుకొని   జాయింట్ ను   యేర్పరచవచ్చును.   రెండవరకము   టాంగ్ 

  మరియు    గ్రూప్  జాయింట్    యందు   రండు   కర్రముక్కల 

  చివరభాగములలో   చీలికలు   చేయబడి,   ఆ   చీలికల   మందముతో 

 సమానమైన    మందముగల   ఒక   కర్రముక్కను    ఆ   రెండు   చీలికలోనికి 

  జొప్పించి   ఆ    కర్రముక్కలను   కలుపవచ్చును    ( పటము 6. 13)   ఈ 

  జాయింట్   డ్రాయింగ్  బోర్డుల,   తలుపులకుగల   పలకలు,   కర్రతో   

 చేయబడిన    నేలభాగములను     చేయుటకు   వుపయోగపడుతుంది.

యూనిట్ -2

6.  మోర్  టైస్    మరియు  టెనస్   జాయింట్ :—

  ఈ     జాయింట్ ను    ఏర్పరుచటానికి  గాను   రెండు   కర్రముక్కలలో 

  ఒకదానియందు    దీర్ఘచతురస్రాకారపు    రంధ్రము    చేస్తారు. ఈ 

  రంధ్రము   ' మోర్  టైస్ ' లేదా  ' సాకెట్ '   అని   అంటారు.   కొన్ని   

 సందర్భములలో   రెండు   రంధ్రములు   కూడా    చేయబడతాయి.   సాకెట్ 

  యందు   సరిగ్గా   అమరునట్లుగా   రెండవ   కర్రముక్క  ఒకప్రక్క  ( కొన ) 

  భాగమందు  దాని   మందమును    కొద్దిగా   తగ్గించి  దీర్ఘచతురస్రాకారపు 

  కడ్డీ    ఆకారమును   కలిగియుండునట్లుగా చేస్తారు.    దీనిని  ' ఫింగర్ ' లేదా 

 ' టెనెన్ '   అని  అంటారు.   టెనెన్  మోర్ టైస్ లో    అమర్చుట   ద్వారా 

  జాయింట్   యోర్పడి   రెండు   కర్రముక్కలు   కలపబడతాయి.   డవెల్ 

  పిన్నులు   లేదా   జిగురును   ఉపయోగించి   జాయింట్   పటిష్టతను 

  పెంచవచ్చును.   వివిధ   రకముల   మోర్ టైస్   మరియు   టెనెన్ 

 జాయింట్ల   పటము   6.14,   6.15,   6.16   లలో   చూపబడ్డాయి

.7.  బ్రిడిల్   జాయింట్  :— 

 పెంకుటింటి      పైకప్పున      ఏటవాలుగా     యున్న      ఇంటి     

 వాసములను     అడ్డముగా  నున్న      దూలమునకు       కలిపి     

 బిగించటానికి          జాయింట్ ను     ఎక్కువగా   వుపయోగిస్తారు.    

  ఈ   జాయింట్    కూడా       మోర్ టైస్    మరియు   టెనెన్   జాయింట్ ను 

 ఏర్పరచబడుతుంది.   ఒక    కర్రముక్క    చివరభాగమున   

  దీర్ఘచతురస్రాకారపు    టెనెన్     చేయబడుతుంది.   రెండవ   కర్రముక్క   

  చివర   భాగమున    అదే   ఆకారము    చీలిక    చేయబడుతుంది. 

  సాధారణంగా   దూలమును   టెనెన్     మరియు   వాసములకు    చివర   

 చీలిక చేయబడుతుంది.     టెనెన్       భాగమును   చీలిక లో    దూలము 

  అమర్చుట   ద్వారా   అవి   కలపబడతాయ.    పటము   6.17    మరియు  6.18

    చూపబడినట్లుగా    రెండురకముల   బ్రిడిల్   జాయింట్వాడవచ్చు 

  మూలలందు   కలపబడెడి   జాయింటును   ' కార్నర్    బ్రిడెల్   జాయింట్ ' 

  అని   మరియు   అడ్డముగా   కలపబడెడి   బ్రిడెల్   జాయింట్ ను     T  —

 బ్రిడెల్   జాయింట్   అనియు   పిలుస్తారు.

పైన     తెలిపిన    విధముగా    టెనెన్     మరియు   చీలికలను    ఎక్కువ 

  సంఖ్యలో   ఏర్పరిచి   జాయింట్ ను    చేసిన   యెడల   దానిని  '  ఫింగర్

 జాయింట్ '   లేదా  ' బాక్స్   జాయింట్ '   అని   పిలుస్తారు.

8.  డవ్  టెయిల్   జాయింట్    :— 

 ఇది   కూడా    '  ఫింగర్ జాయింట్ '     వలెనె   యేర్పరచబడుతుంది.  

  అయితే      దీర్ఘచతురస్రాకారపు    బదులు   ఏటవాలుగా    వెడల్పుతో   

 ట్రెపీజియం   ఆకారమును    కలిగియుండునట్లుగా   చీలికలు   మరియు   

 టెనెన్ లు    యేర్పరచబతాయి.   చీలికల   వెలుపలి    భాగము   ఎక్కువ 

  వెడల్పు   మరియు  లోపల    భాగము    తక్కువ   వెడల్పు ను     

  కలిగియుంటాయి.      టెనెన్ ల    వెడల్పు    భాగము      తక్కువ   వెడల్పు 

  మరియు   లోపల   భాగము    ఎక్కువ   వెడల్పు    కలిగియుంటాయి.   

 పటము   6.20   లో   చూపబడినట్లుగా    టెనెన్     చీలికలలో   సరిగ్గా 

  అమర్చబడి    జాయింట్   యేర్పరచబడుతుంది.

 డవ్  టెయిల్   జాయింట్   ఎక్కువ    పటిష్టతను   కలిగియుండి   ఎక్కువ  

  కాలము    మన్నికగా   వుంటుంది.

వివిధ   రకముల    డవ్  టెయిల్   జాయింట్ల    పటము    6.12  లో 

  చూపబడ్డాయి.

31. కర్రవస్తువుయందు రంధ్రములను చేయు బోరింగ్ పని

 యూనిట్ -6

కర్రవస్తువు యందు    రంధ్రములను   చేయు   బోరింగ్  పని

5.1  ఉపోద్ఘాతము  :

     బోరింగు    బిట్టు   లేదా  డ్రిల్లింగ్    బిట్టును    ఉపయోగించి   కర్రవస్తువు   యందు   గుండ్రటి   రంధ్రములను    చేయవచ్చునని    8వ    తరగతిలో      తెలుసుకొని   యున్నాము.   కర్రయందు   చేయబడెడి   రంధ్రములను   రెండు   రకములుగా    విభజించవచ్చును.

1.   కర్రవస్తువు   ఒక   ప్రక్కనుండి    రెండవ   ప్రక్కకు    పూర్తిగా   చేయబడెడి   రంధ్రము.   దీనిని   " పూర్తి   రంధ్రము "( Through hole ) అని  అంటారు.   ఇది   పటము  5.1 లో   చూపబడింది.

2.  కర్రవస్తువు  మందములో   ( లేదా   యితర  యేదేని   కొలతలో ) పూర్తిగా   కాకుండా    కొంతవరకు   మాత్రమే   యేర్పరచబడెడి   రంధ్రము.   దీనిని  " అసంపూర్ణ    రంధ్రము "  ( Blind  hlole or   stop hole )  అని   అంటారు.   పటము  5.2 లో   చూపబడింది.

        పైన    తెలిపిన    రెండు   రకముల    రంధ్రములు    యీ    క్రింద    సూచింపబడినట్లు   రెండువిధములుగా   యుండవచ్చును.

( a )   కర్ర   ఉపరితలమునందు   చేయబడెడి    రంధ్రము     ఆ    ఉపరితలమునకు   సమకోణములో    వుంటుంది.  దీనిని   ' తిన్నని    రంధ్రము '   ( Straight  hole ) అని   అంటారు.   పటము  5.1   మరియు  5.2  లలో   చూపబడిన   రధ్రములు   ఈ   రకమునకు    చెందినవి.   

( b )    కర్ర   ఉపరితలములో   చేయబడెడి    రంధ్రము,   ఆ    ఉపరితలమునకు   సమకోణము    కాకుండా    యితర   యేదేని   కోణమును  చేయునటుల   యేర్పాటు   చేయబడుతుంది.   ఇటువంటి    రంధ్రము    ఉపరితలమునకు   యేటవాలుగ    వుంటుంది.   దీనిని  "  ఏటవాలు    రంధ్రము "   ( Inclined  hole )   అని   అంటారు.   ఇది   పటము  5.3లో  చూపబడింది.

        కర్రవస్తువుయందు    రంధ్రమును   చేసెడి    బోరింగ్ బిట్టు,   డ్రిల్ బిట్టు,   బిట్   బ్రేస్    మరియు      హాండ్    డ్రిల్ లను    గురించి   8వ    తరగతిలో   చదివినది    మరల    పునర్విమర్శించుకొనుము.   

5.2  కర్రవస్తువుయందు    రంధ్రమునుచేయువిధానము :

      కర్రవస్తువుయందు    రంధ్రమును     చేయుటను    రెండు     భాగములుగా   విభజించవచ్చును.

1.   రంధ్రము   చేయవలసిన     స్థలమును    సరిగా    గుర్తించుట.   దీనిని        ' మార్కింగ్ '   అని   అంటారు.

2.   గుర్తింపబడిన   చోట   బోరింగ్   బిట్టు   లేదా   డ్రిల్   బిట్టు   ద్వారా   రంధ్రమును   చేయుట   దీనిని  ' బోరింగ్ '  లేదా   ' డ్రిల్లింగ్ '   అని   అంటారు.  

 2.1   మార్కింగ్   చేయువిధానము :—

        కర్ర   ఉపరితలముపై   రంధ్రములను   చేయవలసిన   సరియైన   స్ధలమును   కచ్చితముగా   గుర్తించాలి.   ఇందుకుగాను   చేయవలసిన     రంధ్రముయొక్క     కేంద్రబిందువును     కర్ర   ఉపరితలముపై   గుర్తించాలి.    రెండు   సరళరేఖలను   గీసి     అవి  బిగించుకొనుట     ద్వారా    యేర్పడిన    బిందువూను    రంధ్రము   యొక్క   కేంద్రబిందువుగా    గుర్తించుట    ఉత్తమమైన    పధ్ధతి.    ఈ    విధముగా    యేర్పడిన   బిందువుపై ' పంచ్ '   అనబడు    మార్కింగ్    పరికరము    వాడిమొనచే     గుర్తు   పెట్టాలి.

5.2   బోరింగ్    బిట్ చే    పూర్తి    రంధ్రమును  చేయుట  :—

1.    రంధ్రము    సైజు    దాని   వ్యాసముచే     సూచింపబడుతుంది. ముందుగా   చేయవలసిన   రంధ్రమును    సైజుగల   ' ఆగర్  బిట్ ను '    ఎన్నుకొనవలెను.  దానిని   బిట్ బ్రేస్ నకు  గల   చక్   పండ్లలో    అమర్చి    బిగించిలి. 

2.  రంధ్రమును   చేయవలసిన   కర్రవస్తువు   కదలకుండా   దానినిబిగించి   పట్టుకొనాలి.   వైస్ యందుగాని   లేదా   యితర    పట్టుకొనే  పరికరములనుపయోగించిగాని   కర్రవస్తువును   బిగించాలి.   ఈ    విధముగా   బిగించినపుడు   రంధ్రము  చేయవలసిన    కర్రవస్తువు  ఉపరితలమును   సులభముగా   బోరింగ్ చేయుటకు     వీలైన    స్ధితిలో   వుంచాలి.   తిన్నని రంధ్రములను   చేయునపుడు  బోరింగ్ చేయు    రంధ్రము    ఉపరితలమునకు    లంభముగా   వుండాలి.   ఏటవాలు   రంధ్రములకు    ఉపరితలము   బోరింగ్    బిట్టునకు   తగిన   కోణములో   అమర్చబడివుండాలి.   కర్రవస్తువును   తగిన   స్ధితిలో    బిగించుటవలన    బిట్   బ్రేస్ ను   చేతితోపట్టుకొని    సులభముగా    రంధ్రమును   వీలుంటుంది.    బోరింగ్   పనిని   క్రమబద్ధము   చేసుకొను    కూడా   సులభమవుతుంది.

3. కర్రవస్తువుయందు    గుర్తింపబడిన    కేంద్రబిందువు వద్ద     ఆగి    బిట్    అడుగుభాగమునగల    స్ర్కూ    మొనను    ఆనించాలి.    బిట్   బ్రేస్   పై   భాగమును   కుడిచేతితో    పట్టుకొని,    ఆగర్   బిట్   నిలువుగా ( అనగా  కర్రవస్తువు  ఉపరితలమునకు   లంభముగా )    యుండునట్లు  దానిని   పట్టుకొనాలి.   ఎడమచేతితో   బిట్   బ్రేస్   యెక్క   ' క్రేంక్ '   లేదా    ' స్వింగ్ ' ను    పట్టుకొని    సవ్యదిశకుదానిని   త్రిప్పినయెడల    ఆగర్   బిట్   గుండ్రముగా    తిరిగి    దాని   వాడిమొనచే   కర్రయందు   రంధ్రమును   చేస్తుంది.   కుడిచేతితో   హెడ్ పైనగల   హాండిల్ పై   ఒత్తిడిని    కలగచేయుచు     ఎడమచేతితో    ' స్వింగ్ ' ను  త్రిప్పుకుంటూ   రంధ్రము    లోతును   పెంచవచ్చును.

4. బోరింగ్ బిట్    కర్రవస్తువును    ఖండించిదానిలో   రంధ్రమును   చేయుట    ప్రారంభించిన   వెంటనే,  రంధ్రము   సరియైనదిశలో    ( నిలువుగా   లేదా   కావలసినకోణములో  ఏటవాలుగా )   యేర్పడతున్నదీ,    లేనిది    పరిశీలించాలి.   ఇందుకుగాను    ట్రైస్క్వేర్    లేదా    బివెల్   స్క్వేర్ ను    ఉపయోగింపవచ్చును.    ( పటము 5.4 మరియు 5.5 )  ఈ   పనిముట్లను    బోరింగ్   బిట్ నకు   బిట్ నకు   దగ్గరగా    యుండునట్లు   కర్ర   ఉపరితలముపై    అమర్చి,    ఈ   పరికరములు    బ్లేడు   భాగము  ఆగర్  బిట్ నకు    సమాతరముగా    వున్నదీ,   లేనిదీ   పరిశీలించాలి.    మరియెక    సులభమైన   పద్ధతియందు,  ఆగర్  బిట్ నకు    సమాతరంగా   వున్నదీ,   లేనిదీ   పరిశీలించాలి.   మరియెక   సులభమైన   పద్ధతి   యందు,  ఆగర్  బిట్ ను    ఏవేవి   రెండు   ప్రక్కల నుండి   పరీక్షించిచూచుట    ద్వారా,  అది   సరియైన   దిశలో   రంధ్రమును    చేయుచున్నదీ,  లేనిదీ   అవగతమగును.

5.  పైన   పేర్కొనిన    విధముగా   రంధ్రములోతును పెంచుచు,   బోరింగ్  బిట్టు   అడుగును  గల స్ర్కూమొనభాగము   మాత్రము   కర్ర    రెండవ    ప్రక్కనుండి  ( అనగా   క్రిందవైపు )   బయటకు   వచ్చువరకు   రంధ్రము   చేయాలి.   ( పటము5.6 ) అంతేకాని,    బోరింగ్ బిట్టు   కర్రవస్తువు   రెండవ   ప్రక్కనుండి    బయటకు    వచ్చునట్లు    రంధ్రము   పూర్తిగాచేయరాదు.    ఈ    విధముగా   చేసినయెడల   పూర్తి రంధ్రము   ఏర్పడును,    కాని   కర్ర రెండవప్రక్క     రంధ్రము   చుట్టు   చీలికలుగా   ఏర్పడును.

6. బిట్ బ్రేస్ ను     రంధ్రము   నుండి   తొలగించుటకుగాను   స్వింగ్ ను    సవ్యదిశలో   రెండుసార్లు    త్రిప్పి,    తిరిగి   సవ్యదిశలో   దానిని   త్రిప్పుచూ    హెడ్ ను   పైకిలాగినట్లయినచో   బిట్    బయటకు    వస్తుంది.   అంతేకాని    స్వింగ్ ను    వ్యతిరేఖ    దిశలో   త్రిప్పుచు   బిట్ ను    రంధ్రము   నుండి     బయటకు   లాగరాదు.   విధముగా   చేసినయెడల   చేయబడిన    రంధ్రముయందు   చీలికలు    యేర్పడును.

30. ఉలి నుపయోగించి కర్రవస్తువునకు తగిన రూపము తెప్పించుట

యూనిట్ - 5

ఉలి    నుపయోగించి    కర్రవస్తువునకు    తగిన   రూపము   తెప్పించుట

ఉపోద్ఘాతము:—

ఉలి    నుపయోగించి    కర్రవస్తువునకు    తగిన   రూపము   తెప్పించుట:  

ఉలిద్వారా    కర్రవస్తువును    పొరలు,    పొరలుగా    చీల్చి   దాని    సైజును    తగ్గించి,    తగిన    ఆకారమునకు    దానిని   మార్చుకొనవచ్చునని   మనము    8వ    తరగతిలో   తెలుసుకున్నాము.    వివిధ    రకముల    ఉలులు,    వాటి   ఉపయోగము     కూడా   మనము    గ్రహించియున్నాము.    ఇప్పుడు   ఉలిని    ఉపయోగించి    కర్రవస్తువును    ఖండించి,     దానికి    తగిన    ఆకారమును    యిచ్చెడి    విధానమునుగురించి    తెలుసుకుందాము.   

2.  ఉలిని    ఉపయోగించుటకు    ముందు    పాటించవలసిన    సూచనలు  : 

  1.    ముందుగా    కర్రవస్తువును   వైస్ లోగాని   లేదా    కదలలేని    గట్టి     ఉపరితలముపైన    కదలకుండా    యుండునట్లు    గట్టిగా    బిగించాలి.   దీనివలన       కర్రవస్తువును    చేతితో    పట్టుకొనెడి     అవసరముండదు.    అనగా   రెండు     చేతులతో     ఉలి    నుపయోగించుట    సులభముగా,    క్రమబద్ధపరిచెడి    విధముగా    చేసుకొన    వీలుంటుంది.   

    2.    ఉలి    యొక్క     ఖండించెడి    అంచు    పదునుగా    వుండాలి. 

    3.    కర్రవస్తువును  ఖండించుట    సులభముగా    జరుగుటకు    మరియు    ఖండించిన    ముఖతలము    నునుపుగా    యుండుటకు    ఉలిని   ఎప్పుడు   కణములు    అమర్చబడిన   దిశలో     వుపయోగించాలి.

    4.   ఉలిని   ఉపయోగించినపుడు   తగిన    జాగరూకత    అవసరము.   ఉలిని    చేతితో     వదులుగా   పట్టుకొని,     దానిపై    సుత్తెతో    కొట్టినపుడు    అది    చేతినుండి    జారి   ముందుకు    ఎగిరిపడవచ్చును.   

4.3    ఉలిని     ఉపయోగించెడి    విధానము :

              కర్రసామాగ్రిని    తయారుచేయు     వివిధ    పనులకుగాను    ఉలిని     ఉపయోగించెడి   విధానము    క్రింద     తెలుపబడింది.

( A )   ఉలిని     ఉపయోగించి   కర్రవస్తువు    సమతలమునుండి   కర్రను   పొరలుగా    విడదీయుట  :

              కర్రవస్తువు    యొక్క    సమతల  ముఖభాగమునుండి    కర్రను  సన్నని  పొరలభాగములో  తొలగించి   దానిని    తగిన    సైజులోనికి     మార్చుటకు    ఉలిని     ఉపయోగించవచ్చును.    ఇందుకుగాను    అవలంబించవలసిన     పద్ధతి    క్రింద   తెలుపబడింది.

     1.      ముందుగా    కర్రవస్తువును   వైస్ లో   బిగించాలి.

      2.     ఉలి   పదునైన   అంచువద్దగల     ఏటవాలు    తలము    ( Bevelled  surface )  పైకి   యుండునట్లు   మరియు   ఉలి   సమతలంగా   దాని    హాండిల్     కుడిచేతితో   పట్టుకొనాలి.   ఎడమచేతితో    ఖండించవలసిన    కర్రభాగము   నుండి    సన్నని   పొరలుగా   కర్రను    విడదీయునట్లు    వుండాలి.

    3.    చేతిని    ఆధారముగా   తీసుకొని   ఉలిని    ఒకప్రక్కనుండి    ఇంకొక   ప్రక్కకు  ఎటవాలుగా   కదులునట్లు   ముందుకు   నెట్టవలెను.   ఈ   విధంగా   ఉలిని   కొద్దికొద్దిగా   ముందుకు    జరుపుచు    కర్రవస్తువు    సమతల   ఉపరిభాగమునుండి   కర్రను  పొరలు  పొరలుగా  ఖండించవచ్చును.   ( పటము 4.1)    

( B )    ఉలిద్వారా     కర్రవస్తువు    ప్రక్కభాగములను    మరియు   నిలువుగాయున్న  మూలభాగములను     సరిచేయుట :

1.   ముందుగా   కర్రవస్తువును   బెంచిపైన       కదలకుండా    అమర్చాలి.   బెంచి    ఉపరితలము   దెబ్బతినకుండా    కర్రవస్తువు     అడుగుభాగమున    బెంచి    హుక్ నుగానీ,   పనికిరాని    కర్రముక్కలనుగానీ     అమర్చియుంచాలి.   

2.    ఉలి    పదునైన    అంచులవద్దగల   ఏటవాలుతలము    సమపరచి   సరిచేయవలసిన    ప్రక్క    తలమునకు   వెలుపలివైపు    తిరిగియుండునట్లు    ఉలిని    నిలువుగా  పట్టుకొనాలి.   ( పటము  4.2 )  

3.   ఉలిని   పట్టుకొని    వుపయోగించెడి   వ్యక్తి     దానిచే   ఖండింపబడెడి   కర్రభాగమును   మరియు   ఉలి    పయనించుదిశను    సరిగా    చూడగలుగునట్లు     నిలబడియుండాలి.

4.   అరచేయిభాగములో   ఉలి   హాండిల్ ను  నొక్కిపెట్టునట్లు   కుడిచేతితో   దాని   హాండిల్ ను పట్టుకొనాలి.    కుడిచేతి    బొటనవ్రేలు   ఉలి      

' షాంక్ '   అనగా     ముందువైపునకు   చూపిస్తు    వుండినట్టు   సాచిపెట్టవలెను.   ఎడమచేతి   వ్రేళ్లతో ఉలి  షాంక్ ను   వదులుగా    లేదా   మృదువుగా    పట్టుకొనాలి.   కుడిచేతితో    తగిన    ఒత్తిడిని   కలుగజేస్తూ   ఉలి    ముందుకు   నెట్టాలి.   ఎడమచేతితో  కదలికను   తగిన    విధముగా   మార్చుచు    అది    పయనించెడి    దిశను   క్రమపరచవచ్చును.

5.  ఖండించునపుడు    ఉలి    పదునైన  అంచు   మొత్తము   వెడల్పును    వుపయోగించరాదు.   దాని   కొద్ది    వెడల్పుతో     మాత్రమే    కర్రను   ఖండించాలి.   కర్రకు   తగలకుండాయున్న     మిగిలిన    భాగము   ఉలిని   తిన్నని  మార్గములో   పయనించునట్లు    క్రమపరచగలుగుతుంది.

6.  పై   విధముగా   ఉలిని  కొద్ది కొద్దిగా      ముందునకు     కదిలిస్తూ   నిలువుగాయున్న    ప్రక్కభాగములనుండి   కర్ర    పొరలను   విడదీయవచ్చును. 

7.   ఎక్కువ   మందముతో    కర్ర    పొరలను   తొలగించుటకు   ( అనగా   ఎక్కువ   లోతుతో  కర్రలోనికి   ఉలిని   దించుటకు )  ఉలి  హాండిల్ ను   మాలెట్ తో   కొట్టవలసి   యుంటుంది.

( C ) మోర్ టైస్ లను    ఏర్పరచుటకుగాను   ఉలితో   కర్రను  తొలగించి   చీలికలు   చేయుట  :

1.   ఖండించవలసిన     చీలిక    వెడల్పునుబట్టి     తగినంత   మందముగల   సాకెట్ రకపు    ఉలిని   సెలెక్టు   చేసుకొనాలి.   

2.    ఉలి   పదునైన  అంచువద్దగల    ఏటవాలుతలము    తొలగించవలసిన   కర్రభాగమువైపు   వుండునట్లు   ఉలి   బ్లేడును    ఎడమచేతితో   పట్టుకొనాలి.   దీనివలన   ఖండింపబడెడి      భాగమును   సరిగా    క్రమబద్ధము   చేసుకొన    వీలుంటుంది.   

3.   మాలెట్ ను    కుడిచేతితో    పట్టుకొని   దానితో  ఉలి  హాండిల్ పైన   కొట్టుట   ద్వారా   ఉలిని    కర్రలోనికి    దింపవలెను.  ( పటము  4.3 )  

4.   ఈ   విధముగా   ఉలితో   ఖండించి   తొలగించవలసిన   కర్రభాగములో   దగ్గర   దగ్గరగా    యుండునట్లు   అనేక    చీలికలు    నిలువుగా    చేయాలి.

5.   పిదప   ఉలిని    కొద్దిగా   ఏటవాలుగా    పట్టుకొని ,    దానిపైన     అంచు   అడ్డముగా    పయనించునట్లు    దాని   హాండిల్ పై    మాలెట్ తో    కొట్టుచు    ఉలిని  నిలువు    చీలికలు   యేర్పరచిన    కర్రభాగములో    కొద్ది  కొద్దిగా  ముందుకు   జరపాలి.   దీనితో    నిలువుగా   చీల్చబడ్డ    కర్రపొరలు   అడుగున   ఖండింపబడి  తొలగింపబడతాయి.

6.   ఈ   విధముగా     కొద్ది  కొద్దిగా     కర్రవస్తువులోనికి    ఉలి   దిగెడిలోతును   పెంచుచు,   కర్రలో   యేర్పడిన   చీలికలోతును   పెంచవచ్చును.

( D )  కర్రవస్తువుయొక్క    వంపుదిరిగిన   ఉపరితలములను   నునుపుపరచుట  :

1.  ఉలిని  ఉపయోగించి   సమతలములోయున్న    ముఖభాగములనుండి    కర్రను    తొలగించిన    పద్ధతి   నుపయోగించి   పైకి   ఉబ్బెత్తుగా    యున్న      

ఉపరితలమునుండి    కూడా   కర్రను    తొలగించి,    ఆ    ఉపరితలమును   నునుపుపరచవచ్చును.  ఉలిని   కుడిచేతి   వ్రేళ్లతో   పట్టుకొని   అరచేయితో   నొక్కిపెట్టుచు   దానిని   కర్రవస్తువుయొక్క   వంపుదిరిగిన   ఉపరితలము పై     ముందుకు    నెట్టాలి.   ఉలిబ్లేడు     ముందుభాగమును    ఎడమచేతితో    వదులుగా    పట్టుకొని     అది   పయనించు   దిశను    క్రమబద్ధము   చేయవచ్చును.

2.  పై    విధముగా     ఉలిని   వుపయోగించినపుడు   దాని   పదునైన     అంచువద్దగల    ఏటవాలుతలము    పైకి    తిరిగియుండాలి.   

3.  లోతైన    ఉపరితలములనుండి   కర్రను    తొలగించి,   నునుపుపరచుటకు    ఉలి   పదునైన   అంచువద్దగల    ఏటవాలుభాగము    క్రిందివైపు   తిరిగియుండాలి.

4.   ఉలితో    వంపుదిరిగిన    ( ఉబ్బెత్తుగా    లేదా, లోతైన )   ఉపరితలము పై    పనిచేయునపుడు   కణములు    అమర్చబడిన   దిశలో   కర్రను   ఖండించాలి.

( E )   గౌజ్  లను   ఉపయోగించుట  :   

1.   వంపుదిరిగిన    ఉపరితలమునుండి   కర్రను    తొలగించుటకు   లేదా    కర్రవస్తువు పై    వంపుదిరిగిన    చీలికలను   చేయుటకు   గౌజ్ ను   ఉపయోగిస్తారు.  

2.   లోపలివైపు   వంపుతిరిగిన    గౌజ్ ను  కర్రవస్తువు పై    వంపుదిరిగిన    అంచులను   చేయుటకు    వుపయోగించాలి.   

            వెలుపలివైపు   వంపుతిరిగిన    గౌజ్ ను చీలికలు,   రంధ్రములు   చేయుటకు   వుపయోగించాలి.

3.  ముందుగా   తగిన    ఆకారము,   తగిన   వెడల్పుగల     గౌజ్ ను   సెలక్టు   చేసుకొనాలి.

         కుడిచేతి   వ్రేళ్లతో    దాని    హాండిల్ ను   పట్టుకొని   దాని పై    ఒత్తిడిని   కలుగజేయుచు   ముందునకు   నెట్టాలి.   ఎడమచేతితో    దాని   బ్లేడు    ముందుభాగమును    పట్టుకొని   అది   పయనించెడి    దిశను   క్రమబద్ధము    చేసుకొనాలి.  ( పటము 4.6 )

4.  ఎక్కువ   మందముతో  కర్రను    తొలగించుటకు    గౌజును    మాలెట్ తో    కొట్టుచు   ముందుకు    కదిలించాలి.   అయితే   ముగించవలసినపుడు   ( చివరి  సారిగా   ఖండించునపుడు )    మాలెట్ ను   ఉపయోగించకుండా    చేతితో నే    ఒత్తిడి  కలుగచేస్తూ    సన్నని    పొరగా    కర్రను    విడదీస్తూ     సున్నితముగా   ఖండించాలి.

4.4   ఉలితో    పనిచేయునపుడు   తీసుకొనవలసిన    జాగ్రత్తలు :

1.  కర్రవస్తువు     కదలకుండా    దానిని   వైస్ తో    గట్టిగా   బిగించాలి.  

2.  చేతులను   ఉలి   పదునైన   అంచు    ముందువైనకు   పెట్టరాదు.   

3.  ఉలి    కదిలెడి   దిశ    ఎప్పుడు   శరీరము    నుండి    వెలుపలివైపునకు    వుండాలి.

4.  ఉలి    అంచు   పదునుగా   వుండాలి.   

5.  వర్కింగ్   బెంచిపై   ఉలి   పదునైన    అంచు   తగలకుండా   చూడాలి.

                          అభ్యాసము

1.  ఉలిని    ఉపయోగించునపుడు    తీసుకొనవలసిన   జాగ్రత్తలు   వివరింపుము.

2.  ఉలి   ద్వారా   కర్రవస్తువు   ముఖతలము    నుండి   కర్రను   తొలగించి   విధానము   వివరింపుము.

3.  ఒక   కర్రవస్తు    ముఖతలమునుండి   దీర్ఘచతురస్రాకారపు     చీలిక   చేయబడి   ఉన్న  దాని     అడుగు    భాగము    మరియు    ప్రక్కతలములను    ఉలి   ద్వారా   సమపరచె   విధానము   వివరింపుము.

4.  గౌజును    వుపయోగించి   ఉబ్బియున్న    ఉపరితలమును    నునుపుపరచు   విధానము   వివరింపుము.

29. కర్రవస్తువును తగిన పొడవునకు సరిచేయుట :

 యూనిట్  -  4

కర్రవస్తువును     తగిన    పొడవునకు   సరిచేయుట  :   

1.   చదునుచేసి    గుర్తింపబడిన    ప్రక్కభాగమునుండి     కర్రవస్తువునకు   కావలసిన    పొడవును    కొలచి    గుర్తించాలి.   పెన్సిల్ తోగానీ,    మార్కింగ్ చాకుతోగానీ    కర్రవస్తువు పై   పొడవుగల  దిశకు  అడ్డముగా    ఒక   రేఖనుగీయాలి.   ఱంపముతో   యీ    రేఖకు    కొద్దిగా   వెలుపలివైపు    వుండునట్లు    కర్రవస్తువును    కోయాలి.    దీనితో     కర్రవస్తువు      కావలసిన     పొడవుకన్న    కొద్దిగా    ఎక్కువ    పొడవును   కలిగియుంటుంది.

2.   పిదప   కర్రవస్తువును    వైస్ యందు    లేదా    బెంచిహుక్    పైన     అమర్చి     కోయబడిన    ప్రక్కభాగమును     పెన్సిల్ తో   గుర్తింపబడిన    రేఖవరకు    ప్లేన్ తో   చదునుపరచి    నునుపుచేయాలి.    ఈ     విధముగా     చదునుచేయబడిన     భాగమును    ట్రైస్క్వేర్   ద్వారా   పరిశీలించాలి.    

( E )   కర్రవస్తువునకు    కావలసిన    వెడల్పును    నిర్ణయించి,   మార్కింగ్   గేజిని     దానికి    సమానముగా    అమర్చాలి.    పిదప    చదునుపరచిన    అంచునకు   మార్కింగ్   గేజి   హెడ్ భాగమును    ఆనించి    నొక్కిపెట్టి,    గేజికిగల     పిన్నుద్వారా    కర్రవస్తువు    రెండు   ముఖతలములపై    అంచునకు   సమాంతరముగా     రేఖలు    గీయాలి.  ( పటము3.9 )  10 సెం. మీ.    వెడల్పువరకు    మార్కింగ్   గేజిని    ఉపయోగించవచ్చును.    అంతకన్నా    ఎక్కువగల   వెడల్పును   గుర్తించుటకు   మార్కింగ్   గేజి   పనికిరాదు.    అపుడు    స్టీలురూలు    లేదా    యితర     కొలబద్దల      నుపయోగించి    కావలసిన     వెడల్పును   కొలిచి   గర్తుపెట్టుకొనాలి.   ఈ    గుర్తులను    కలుపుచు    రేఖను   గీసినయెడల    అది    వెడల్పును   సూచిస్తుంది.

2.   పిదప   కర్రవస్తువును    వైస్ లో   బిగించి    గుర్తింపబడిన      రేఖ   వెంబడి    ప్లేన్    ద్వారా    కర్రను     పొరలుగా    తొలగించి ,   చదునుపరచాలి.    పిదప      ట్రైస్క్వేర్  తో   సరిచూడాలి.

( F )  కర్రవస్తువు   మందమును   చదునుచేయుట   :  

1.   కర్రవస్తువునకు    కావలసిన    మందమును    నిర్ణయించి,   దానికి   సమానమైన    పొడవుతో  మార్కింగ్   గేజిని   అమర్చి   కర్రవస్తువు    రెండువైపుల   గుర్తించాలి.   ఇందుకుగాను    మార్కింగ్   గేజ్   హెడ్ భాగము    కర్రవస్తువుపై    చదునుచేయబడిన     ముఖతలమునకు   నొక్కిపెట్టి,    గేజికిగల     పిన్ను ద్వారా   రేఖను   గీయాలి.   ఈ    విధముగా     అంచులపై    గీయబడిన   రెండు    చివరలను    కలుపుచూ   కర్రవస్తువు    ప్రక్కభాగమునకూడా    ఒక       రేఖను   గీయాలి. 

2.   కర్రవస్తువును   బెంచి స్టాప్   వైపు    నొక్కిపెట్టుచు    బెంచిపైన    బిగించాలి.   పిదప   మందమును      గుర్తించెడి   రేఖలవరకు   కర్రను  తొలగించునట్లు   పదునుచేయాలి.

3.    ట్రైస్క్వేర్ ( లేదా    తిన్నని   అంచు )తో   చదునుపరచబడును    రెండవ    ముఖతలమును   పరీక్షించాలి.

3.3    గమనించవలసిన   విషయములు:

1.   ప్లేనింగ్    చేయుటకు   ముందు    కర్రవస్తువును     సరిగా    బిగించాలి.   

2.   ప్లేన్ కుగల    బ్లేడును    సరిగ్గా     అమర్చి,   తగినంత    మందముగల   పొరలతో   కర్రను   చీల్చునట్లు   చూడాలి.

3.   ప్లేనింగ్    చేయునపుడు,   మనస్సును,   దృష్టిని   చేయుచున్నపని   మీదనే   కేంద్రీకరించాలి.   

                           అభ్యాసము

1.   దీర్ఘచతురస్రాకారపు    కర్రపలక    వివిధ   అంచులను,    ముఖతలములను    సమతల    విధానమును    వివరింపుము.

2.   6 సెం.మీ.  మందము,  30 సెం.మీ.   వెడల్పు   మరియు  100 సెం.మీ.  పొడవుగల  కర్రపలకనుండి   కర్రను    తొలగించి   దాని   సైజును     5   సెం.మీ.  మందము,  20    సెం.మీ.   వెడల్పు  80 సెం.మీ.   పొడవు   కర్రవస్తువుగా   మార్చవలసియుంది.    ఇందుకుగాను

( a )  కావలసిన   పనిముట్లను   పేర్కొనుము.

( b )పనిముట్లు   నుపయోగించి    చేయవలసిన  పనులను    వివరింపుము.

( c )కొలతలు    సరిగా   వున్నదీ   లేనిది    పరీక్షించు    విధానము    వివరింపుము.

28. ప్లేన్ ను ఉపయోగించి కర్రవస్తువును చదునుచేయుట

 యూనిట్   -  3

ప్లేన్ ను    ఉపయోగించి    కర్రవస్తువును    చదునుచేయుట

3.1  ఉపోద్ఘాతము    :  

ప్లేన్ ( చిత్రిక )ను     ఉపయోగించి    కర్రవస్తువు     వివిధ     తలములు,   అంచులు    ప్రక్కభాగములు    చదును     పరచవచ్చునవి    ఎనిమిదవ     తరగతిలో    తెలుసుకున్నాము.    అంతేకాక    వివిధరకముల   ప్లేన్ ల    నిర్మాణమునుగురించి,    వాటిని     ఉపయోగించెడి    విధానమునుగురించి     కూడా    మనము    తెలుసుకొనియున్నాము.   ప్లేన్ ను     ఉపయోగించి    కర్రవస్తువులు      చదునుచేసి    నునుపుపరచు    విధానమునుగురించి     యిపుడు    తెలుసుకుందాము.    

 కర్రవస్తువు     వివిధ     తలములు,   అంచులను    సమపరచి   నునుపుచేయుట   :

        ప్లేన్   ఉపయోగించి    మనకు   కర్రవస్తువు     వివిధ     తలములనుండి,   అంచులనుండి    కొంత    కర్రను     ఖండించి,    తొలగించుట      ద్వారా    దానిని    చదును    చేయవచ్చును.    అంతేకాక    అనవసర     భాగములను    తొలగించుట    ద్వారా    కర్రవస్తువుపై    నిర్ధారించిన    కొలతలను   పొందవచ్చును.    అయితే     ఒక    విషయము    గమనించవలసివుంది.    ప్లేన్      ద్వారా    తొలగించబడెడి    కర్రభాగము   కొద్దిగా    మాత్రమే     వుండాలి.    ఎక్కువ    భాగము   కర్రను    ఖండించుటకు    ప్లేన్ ను   ఉపయోగించరాదు.   మనకు   యివ్వబడిన    కర్రవస్తువును     సమపరచి   దానిని    దీర్ఘ  చతురస్రాకారపు   పలకగా    మార్చి,    దాని   వివిధ     తలములు,   అంచులు    ఒకదానితో     నొకటి    సమకోణములో     వుండునట్లు    ప్లేనింగ్   చేయువిధానము     క్రింద     తెలుపబడింది.    

( A )    కర్రవస్తు    తలములను    చదునుపరచి    నునుపుగా    చేయుట   :—

     1.     ముందుగా   ఇవ్వబడిన    కర్రవస్తు  పైభాగమున   మరియు    క్రింది   వైపుగల    ముఖతలములను    పరిశీలించాలి.    వాటిలో    ఎక్కువ     చదునుగాయున్న      ముఖతలములను   ఎన్నుకొనవలెను.

2.   తిన్నని    అంచు   ( Stright edge  )   లేదా    ట్రైస్క్వేర్ ను    ఉపయోగించి    కర్రవస్తువు    మెలిదిరిగియున్నదా     పరీక్షించాలి.   కర్రవస్తువు   ముఖతలమునందు   ఉబ్బెత్తుగా    యున్న    భాగములను   గమనించి,   గుర్తించాలి.

3.   కర్రవస్తువు   ముఖతలములు   మరియు    అంచులయందు   కణములు    అమర్చబడిన    దిశను   పరిశీలించి,    ఆ    దిశను     సూచించునట్లుగా     బాణముగుర్తును    పెట్టుకొనాలి. ( పటము  3.2  )

4.   కర్రపలకను    వైస్   డాగ్    మరియు    బెంచి   స్టాప్ ల    మధ్య     బిగించాలి.    అయితే    బెంచి   స్టాప్ కు    గల   కర్రదిమ్మ    మందము    కర్రపలక    మందముకన్న    తక్కువగా    యుండాలి.    

      కర్రవస్తువును   దాని      రెండు   అంచులపై    ఒత్తిడి      కలుగచేయునట్లు   బిగించరాదు.   ఈ    విధముగా   బిగించినయెడల   కర్రవస్తువు   సంపీడనముచెంది    వంగిపోవుట    జరగవచ్చును.    ఎక్కువ    పీడనముతో    తిన్నగా    బిగించబడిన    కర్రవస్తువును   ప్లేన్ ను     ఉపయోగించి   చదును   పరచినపిదప,    పీడనము     తొలగించిన     తదుపరి,    ఆ    కర్రవస్తువు    వంపుదిరిగిపోవుటకు    అవకాశమున్నది.  

5.    ముందుగా    ప్లేను     బ్లేడును   తగినట్లుగా    అమర్చుకొని    అది    కర్రవస్తువు    ఉపరితలమునుండి     సన్నని    పొరలుగా    కర్రను    విడదీయునట్లు    చూడాలి.    ప్లేను  ను   కర్రయందు     కణములు    అమర్చబడిన    దిశలో    కదిలించుచు    ప్లేనింగ్   చేయాలి.

       ముందుగా   ఉబ్బెత్తుగాయున్న    భాగములనుండి    కర్రను   ఖండించి    తొలగించుట     ద్వారా    కర్రపలకను    చదునుపరచాలి.    పిదప    ప్లేన్ ను     కర్ర ఉపరితలము    నంతయును    వ్వాపించునటుల  కదిలించుచు     సన్నని    పొరలుగా    కర్రను    తొలగించసాగాలి.    

6.     ప్లేన్ ను     ఉపయోగించునపుడు    క్రింది    సూచనలు    పాటించాలి.

( a )  ప్లేన్ ను  కదిలించుట    ఆరంభించినపుడు   ముందువైపునగల    చేతిపిడి    ( Knob )  పై    ఎడమచేతితో    ఎక్కువ    పీడనమును   కలిగించాలి.    అనగా    ప్లేన్   ముందుభాగమును    కర్రవస్తువుపై     ఎక్కువ    ఒత్తిడితో    నొక్కిపెట్టాలి.   

( b )   ప్లేన్   ముందునకు   కదిలి   దాని    అడుగుభాగము    పూర్తిగా    కర్రవస్తువు    ఉపరితలము    పైకి    ప్రవేశించిన   పిదప    ముందువైపుగల    చేతి    పిడి    పైన    మరియు   ప్లేన్   వెనుక    భాగమున    కుడిచేతితో     పట్టుకొని   యున్న      హాండిల్    పైన    సమానమైన     ఒత్తిడిని    కలుగజేయాలి.

( c )   ముందునకు   సాగిన   ప్లేన్     కర్రవస్తువు    ఉపరితలమును    దాటి    పోవునపుడు    ముందుభాగమునగల    చేతిపిడిపైన    ఒత్తిడిని   తొలగించాలి.

7.     ప్లేనింగ్    చేయునపుడు    మధ్య   మధ్యలో   ట్రైస్క్వేర్ ను   లేదా    తిన్నని    అంచును    కర్రవస్తు    ఉపరితలముపై    అమర్చి    అది    సమతలముగా    వున్నదీ,   లేనిదీ    పరిశీలించాలి.  ట్రైస్క్వేర్ ను      కర్ర    ఉపరితలముపై     పొడవుదిశలో,   అడ్డముగా    మరియు    కర్ణము    దిశలో    అమర్చి    పరిశీలించాలి.    ట్రైస్క్వేర్    యొక్క    బ్లేడు    అంచు    భాగమును    కర్రవస్తువు     ముఖతలముపై    అమర్చి    కాంతివచ్చు    దిశకు   అభిముఖముగా    ఆ   రెండింటిని    పట్టుకొని    చూడవలెను.    బ్లేడు    అంచుకు    కర్రవస్తువుకు    మధ్యనుండి    కాంతి    కనబడు    భాగములు    మిగిలిన     ఉపరితలముకన్నా    లోతుగా   ( దిగువుగా )   వున్నవని    గుర్తించవచ్చును.   బ్లేడు    అంచు   కర్రనుతాకెడి    మిగిలిన    భాగములనుండి    కర్రను    తొలగించవలసియుంది.    అయితే    ఆ    భాగమునుండి    కర్రను    సన్నని   పొరలుగా    మాత్రమే     తొలగించి    మరల     సమతలమును    పరిశీలించాలి.    

8.    ఈ    విధముగా    సమపరచబడిన    ముఖతలముపై    యేదైనా    గుర్తుపెట్టుకొనాలి.   రెండుముఖతలములలో    చదును    చేయబడిన    దానిని    తర్వాత     గుర్తించుటకై     యీ    గుర్తు    పనికివస్తుంది.

( B )   అంచులను    ముఖతలముతో    సమకోణము    చేయునట్లు    చదునుచేయుట   :

1.    కర్రవస్తువు     రెండు    అంచులలో    ఎక్కువ   చదునుగానున్న    దానిని    ఎన్నుకొనాలి.   ట్రైస్క్వేర్ తో    యీ   అంచు    సమతలపరచి   గుర్తించబడిన     ముఖతలముతో   సమకోణములో    నున్నదా    లేదా    గమనించాలి.    ఈ    అంచుపైన    ఎత్తైన     భాగమును    గుర్తించాలి.   

2.   చదును    చేయవలసిన    అంచు    పైకివుండునట్లుగా    మరియు    అది    బెంచి    ఉపరితలమునకు    సమాంతరముగా   వుండునట్లు    కర్రవస్తువును    బెంచి   వైస్ లో     బిగించాలి.   ( పటము 3.5 )   

3.   పటము 3.5 లో    చూపినట్లు    ప్లేన్ ను    పట్టుకొనాలి.    ఎడమచేతి    బొటనవ్రేలు    ప్లేన్    ముందువైపునగల    చేతి   పిడికి     తగులుచు,   మిగిలిన    వ్రేళ్లు    కర్రవస్తువు    ముఖతలముపైన    సులభముగా   జాఱునట్లు    ఆనించి    వుంచాలి.   ప్లేన్ ను    అంచుకు     సమాంతరముగా     వుంచి    కుడిచేతితో    మామూలుగా    హాండిల్ ను   పట్టుకొనాలి.    ఈ   విధముగా    పట్టుకొనుటవలన    ప్లేన్    యేవిధమైన    ఒడిదుడుకులు    లేకుండా   సరిగ్గా    ముందువైపునకు    కదులుతుంది.    

4.    ప్లేన్ ను   అంచుపై   పూర్తిగా    కదిలిస్తూ    వెనుకకూ,   ముందుకు   జరపాలి.     ప్లేన్ ను సమతలంగా   వుంచి   ముందుగా    అంచుపై    ఎత్తుగాయున్న    భాగములను    తొలగించాలి.    ప్లేన్ ను  ముందునకు    కదిలించుట   ఆరంభించినపుడు    ప్లేన్    ముందువైపునగల    చేతిపిడిని     నొక్కిపెట్టాలి.   ప్లేన్    ముందువైపు    జరుగు    కదలికను    ఆపినపుడు,    వెనుకవైపునగల    హాండిల్ పై    ఎక్కువ    ఒత్తిడి    కలుగచేయాలి

5.    చదునుపరచబడిన    అంచును     పరీక్షించుటకుగాను     ట్రైస్క్వేర్ ను    వుపయోగించాలి.   పటము    3.6   లో    చూపిన    విధంగా      చదునుపరచబడిన    ముఖతలమునకు     తగులునట్లుగా     ట్రైస్క్వేర్  స్టాక్ ను     అమర్చి    దాని    బ్లేడు    అంచు    ప్లేనుచేయబడిన      కర్రవస్తువు    అంచుపై    తగులునట్లుగా     అమర్చాలి.     వెలుతురుకు     అభిముఖముగా     దీనిని    పరిశీలించునపుడు     బ్లేడుకు     కర్రవస్తు    అంచునకు    మధ్య    ఖాళీస్థలమువుండిన       భాగములను     గుర్తించాలి.    బ్లేడుకు     తగిలెడి    మిగిలిన     కర్రభాగములు     ఎత్తుగా     గుర్తింపబడినవి    కనుక   ఈ    భాగములను    ప్లేన్     ద్వారా    తొలగించాలి.    అయితే     యీ    పని    కర్రను   సన్నని    పొరలుగా    మాత్రమే   తొలగిస్తూ    జాగ్రత్తగా     చేయాలి.   

        ప్లేన్   ను      ఉపయోగించునపుడు     పూర్తి    వెడల్పును     కలిగియుండునట్లు     కర్ర    మొత్తము    పొడవుపై     వ్యాపించునట్లు    ప్లేన్ ను     కదిలించాలి.    దీనితో     సరియైన    అంచు    త్వరగా     యేర్పడుతుంది.    

6.    ఈ    విధముగా     సమపరచబడిన    అంచుపై    తగిన     గుర్తుపెట్టుకొనాలి.   

( c )   ప్రక్క    భాగములను    చదునుచేసి     ముఖతలము,    అంచులతో     సమకోణములో     వుండునట్లు    సరిచేయుట  :

1.    ముందుగా    ఒక     ప్రక్క    భాగములను     పరిశీలించి,    కణముల    అమరిక    కనబడుతుందా    లేదా    చూడాలి.    కనబడనియెడల        ఆ    ప్రక్కభాగమునుండి    కనీసము    5   మి.మీ.   పొడవును   వదలి    కర్రను    కోసివేయాలి.    దీనితో    కణముల    అమరిక     సరిగా    కనబడుతుంది.

2.   ఈ     ప్రక్కభాగము    పైకి    తిరిగియుండునట్లుగా    వైస్ లో    కర్రవస్తువును   బిగించి    పిదప    ప్లేన్ తో    చదునుచేయాలి.    పిదప    ఆ    ప్రక్కభాగమును   ఒక     అంచునుండి    సగముదూరమువరకు     మాత్రమే     ప్లేన్ తో     చదునుచేయాలి.     మిగిలిన    సగభాగమును   చదునుచేయుటకు    ప్లేన్  ను   రెండువైపులగల    అంచునుండి    కదిలిస్తూ     చదునుచేయాలి.   దీనివలన   అంచులవద్ద     మూలలు   పొరలు    పొరలుగా    లేవకుండా    వుంటాయి.

3.   ప్రక్కభాగమును    చదునుచేయుటకుగాను    అంచును    చదునుపరచునపుడు    పట్టుకున్న     పద్ధతిలోనే    ప్లేన్ ను    పట్టుకొనాలి.   అయితే    ప్లేను    కొద్దిగా    ప్రక్కకు     త్రిప్పి    ఏటవాలుగా    యుండునట్లుగావుంచి   ముందునకు   కదిలించాలి.    దీనివలన    కర్ర  పై  నుండి    పొరలు     సులభముగా    తొలగించుట    సాధ్యపడుతుంది.   

4.   పిదప   ట్రైస్క్వేర్ తో   చదునుపరచబడిన    ప్రక్కభాగమును     యింతకు    ముందు    చదునుచేయబడిన      ముఖతలము      మరియు     అంచులతో    సమకోణము    చేయుచున్నదా   లేదా     పరిశీలించాలి.    ఎత్తుగాయున్న     భాగములను   తొలగించి    ప్రక్కభాగమును    చదునుపరచాలి.  

5.   ఈ    విధముగా    చదును   పరచబడిన    ప్రక్క    భాగమును     తగిన     విధముగా    గుర్తుపెట్టుకొనాలి.