17. గుర్తించుటకు ఉపయోగపడు పనిముట్లు

   17. గుర్తించుటకు  ఉపయోగపడు   పనిముట్లు

1.  పెన్సిల్

2. వృత్తలేఖిని  ( Pencil  compass)

3. డివైడర్ ( Divider)

4. ట్రామెల్   మొనలు ( Trammel        points )

5. కొలబద్ద ( Scale )

(a)  స్టీల్  రూల్  ( Steel  rule)

(b) నాలుగు   మడతల  స్కేలు

(C) స్టీలు   టేపు

1. పెన్సిల్  :—

దీని  ద్వారా  కర్ర  వస్తువుపై   తగిన  చోట  గుర్తులు  పెట్టుకొనవచ్చును.

H, HB  మరియు  B  గ్రేడు పెన్సిళ్లలో  దేనినైనా   వుపయోగించి  కర్రవస్తువుపై కొలతలను  
గుర్తించుటకు   కావలసిన రేఖలను   గీయుట  చేసుకొనవచ్చును.

2. వృత్త  లేఖిని :—

దీనినే   "పెన్సిల్   కం పాస్ "  ( Pencil compass )   అని  అంటారు .  దీనికి   పెన్సిలు   

తగిలించుకొని    కర్ర   వస్తువు పై  చిన్న  వృత్తములు    ,  చాప  రేఖలు    గీయవచ్చును.  

 వృత్తలేఖిని    రెండు   భుజములను    కలిగియుండి    అవి    ఒక వైపు  పిన్ను   ద్వారా   

కలపబడి   దాని    ఆధారంగా     వాటిని   దగ్గరగా    లేదా  దూరంగా      జరుపుటకు   

వీలుగా  ఉంటుంది .  ఒక   భుజము    రెండవ   చివర    ఉక్కుతో    చేయబడిన    పిన్నును  

కలిగి వుండి   రెండవ   భుజమునకు    పెన్సిలును     అమర్చుకొను    సదుపాయము  

ఉంటుంది  .   రేఖా గణితములో    చాపములను,  వృత్తములను    గీయుటకు    

ఉపయోగించినట్లే     యీ    వృత్తలేఖినిని   ఉపయోగించాలి   .   పదునైన    పిన్ను    

మొనభాగమును    కర్ర    వస్తువుపై    తగిన    చోట   నొక్కి   పెట్టి ,   పెన్సిల్    కలిగిన    

భుజమును    కదిలించుట   ద్వారా     చాపరేఖలు  ,  వృత్తములను    కర్ర    వస్తువుపై    

గుర్తించవచ్చును.   రెండు   భుజములను   దగ్గరగా    లేదా   దూరముగా    చేసుకొని    

వివిధ   సైజుల    వృత్తములు    గీయవచ్చును.  

3.  డివైడర్   (Divider ) :---

ఇది    కూడ     వృత్తలేఖిని    వలే    రెండు    భుజములను    కలిగివుండి   ,  వాటి    

అడుగు   భాగమున   ఉక్కుతో     చేయబడిన    పిన్నులను    కలిగి ఉంటాయి   .   అనగా   

దీనికి   పెన్సిల్   ను    అమర్చుకొను   సదుపాయము   ఉండదు .   వృత్తలేఖిని   బదులు   

దీనినుపయోగించి    కర్ర  వస్తువుపై    చాప రేఖలు ,  వృత్తములు    గీయవచ్చును.   

కొలత  బద్ద      (  Scale ) పై గల   కొలతలను    డివైడర్    ద్వారా   కర్ర   వస్తువుపై    గుర్తించ  

 వచ్చును.   

4.  ట్రామెల్  మొనలు  (Trammel   points  )  :---

వృత్తలేఖిని   లేదా  డివైడర్ ను  వుపయోగించి   చిన్న  వృత్తములు   గీయవచ్చును

   వీటిద్వారా  గుర్తించలేని  ఎక్కువ  వ్యాసమును    కలిగిన  పెద్ద  సైజు  వృత్తములను  ,  

చాపరేఖల. కర్ర  వస్తువుపై   గుర్తించుటకు   ' ట్రామెల్ '  ఉపయోగపడుతుంది  .ఇది  

నునుపు  పరచబడిన  దీర్ఘ  చతురస్రాకారపు  కర్ర  దిమ్మ   లేదా  కర్ర  పలకను  లేదా  

ఉక్కు కడ్డీని   కలిగి  ఉంటుంది.  పాలక  అంచులు  చదునుగా  వుంది  దాని పై  రెండు 

స్క్రూల ద్వారా  బిగింపబడిన  రెండు  చట్రములు   లేదా  బ్రాకెట్లను  కలిగి  ఉంటుంది .  ఈ   చట్రముల  అడుగు  భాగమున   రెండు  ఉక్కు  పిన్నులు   అమర్చబడి  వుంటాయి.  స్క్రూలను   చేతితో   త్రిప్పుకొని  వదులు  చేయుట  ద్వారా   చట్రముల  మధ్యదూరమునుమార్చుకొనవచ్చును.  అనగా   రెండు   పిన్నుల   పదునైన  మొనల   మధ్యదూరము   ఎక్కువ   లేదా   తక్కువ   చేసుకొనవచ్చును.   దీని   వలన   గీయవలసిన   వృత్తము  లేదా   చాపరేఖ   వ్యాసమును   ఎక్కువ   లేదా   తక్కువ  చేయుట  ద్వారా   కావలసిన   సైజుతో   గుర్తులను  పెట్టుకొనవచ్చును.
               చట్రమునకు  తగిలించుకొనెడి   పిన్ను  మొనభాగము  పదునుగా   కాకుండా   యితర  ఆకారములను   కలిగియుండ  వచ్చును.   మనకు  కావలసిన   పిన్నును   చట్రమునకు   అమర్చుకొనుట   ద్వారా   ట్రామెల్   ను   చాపరేఖలు   గీయు   వృత్తలేఖిని  లాగా   లేదా   ఇన్ సైడ్   కాలిపర్   మరియు   అవుట్  సైడ్  కాలిపర్  లాగా   ఉపయోగించు  కొనవచ్చును.

5.  కొలబద్ద  ( Scale ) :---

పొడవులను   సరిగా   గుర్తించుటకు  

గాను  మరియు   వస్తువు   కొలతలను  తెలుసుకొనుటకుగాను    కొలబద్ద   లేదా  స్కేలు  ఉపయోగపడుతుంది.  స్కేలుపై   గుర్తింపబడిన   కొలతల   ఆధారముగా   మనకు   కావలసిన  పొడవును   డివైడర్   ద్వారా   కొలిచి   దానిని  కర్ర   వస్తువు  పై  గుర్తించవచ్చును.  కర్ర   వస్తువు   పొడవు   ,వెడల్పు   ,  మందము   మొదలగువాటిని   నేరుగా   స్కేలు  నుపయోగించుట   ద్వారా   కొలువవచ్చును.  

   వడ్రంగి  పనియందు   మూడురకముల   స్కేళ్ళు     ఉపయోగపడుతున్నాయి.  వాటిని   గురించి  క్రింద  వివరించనైనది.

( a ) స్టీల్  రూల్  ( steel  rule )  :---

కొలతలను   గుర్తించుటకు   ఎక్కువగా   

ఉపయోగపడెడి   కొలబద్ద   స్టీల్  రూల్  .
  ఇది   మేలు   రకపు   ఉక్కుతో   

చేయబడి  పొడవైన  పలుచని   రేకును  

కలిగి   యుండి   దానిపై   కొలతలు   

అంగుళములలో    మరియు   

సెంటీమీటర్లలో   గుర్తింపబడి  

 వుండును.  ఇది   25  మి.మీ.   

వెడల్పుతో     15  సెం.మీ .  నుండి   

120  సెం.మీ .  వరకు   వివిధ  

పొడవులలో    లభ్యమగును.  30  

సెం.మీ   (  12  అంగుళముల )   

పొడవుగల  స్టీల్   రూల్  సాధారణ  

పనులకు    ఉపయోగపడుతుంది.  

దీనిపై     ఒక వైపు   సెం.మీ ,  మి.మీ.  

మరియొక  వైపు   అంగుళములు   

గుర్తించబడి వుంటాయి.  0.5  మి.మీ.  

మరియు   1/64  అంగుళముల  

 కనీసపు   పొడవులను   గుర్తించగల  

 స్కేలు   అన్ని   పనులకు   పనికి  

వస్తుంది.

( b)  నాలుగు  మడతల  స్కేలు :—

ఇది   కర్రతో  నాలుగు  భాగములుగా  

చేయబడి  వుంటుంది.   ప్రతి  భాగము  

15  సెం.మి  . పొడవును  కలిగియుండి  

దానిపై   మి.మీ .,   సెంటీమీటర్లు   

కొలతలు  ఒకవైపు  ,   అంగుళముల  

కొలతలు  రెండవవైపు   గుర్తింపబడి  

వుంటాయి.   ఈ   నాలుగు భాగములు  

ఒకదానితో    ఒకటి   వదులైన  పిన్నుల  

ద్వారా   వదులుగా    కలుపబడి  

వుంటాయి.    ఈ   విధంగా  

కలుపబడిన  అంచుల  ఆధారముగా    

నాలుగు  భాగములను  మడిచి  దీనిని 

చిన్నగా    (  అనగా   15  సెం . మీ  

పొడవుతో  )  అమర్చుకొనవచ్చును.  

ఈ    స్కేలును  ఉపయోగించినపుడు  

మడచిన  ఈ   భాగములను  విడదీసి  

దానిని  పొడవుగా  (  అనగా   4 x 15 

=  60  సెం. మీ   పొడవుతో  ) 

అమర్చుకొనవచ్చును.   స్కేలును    

ఉపయోగించునపుడు  మడచుకొనిన   

ఈ  స్కేలును  జేబులో  

పెట్టుకొనవచ్చును.   దీని  వెడల్పు  

సుమారు  2.5  సెం.మీ  వుంటుంది.

( c ) స్టీలు  టేపు :— 

 ఉక్కు  రేకుతో   చేయబడిన   స్కేలును  ' స్టీలు  టేపు '  అంటారు.  ఇది   సుమారు   1 సెం.మీ .  వెడల్పుతో    200  సెం.మీ   పొడవును   కలిగి వుంటుంది.   పెట్టెలాగా    మూయబడియున్న    కేసింగ్  (  Casing )   మధ్యభాగమున  గల   ఒక  కడ్డీ   పైన    ఈ    స్కేలు   గుండ్రముగా   చుట్టబడియుంటుంది.   కేసింగ్ కు     ఒకవైపు  గల  సన్నని   చీలికగుండా    స్కేలు   ఒక  కొన   భాగము   వెలుపలికి   తీయబడి    దానిని   చేతితో    పట్టుకొనుటకు  వీలుగా   దానికి   ఒక  చిన్న  కొక్కెము    ( Hook)  అమర్చబడి  యుంటుంది.  కొక్కెమును   పట్టుకొని   స్కేలును   బయటకు   లాగి   పొడవుగా   చేసుకొనవచ్చును.   స్కేలు   తయారు చేయబడిన  ఉక్కురేకు   స్ప్రింగు   దనము  (Springness ) కలిగియుంటుంది.  దీనివలన    స్కేలును   ఉపయోగించనప్పుడు  

కేసింగ్ ను   చేతితో   పట్టుకొని   కదిలించినపుడు  బయటకు   లాగబడిన   స్కేలు భాగము  తిరిగి   కేసింగ్  లోనికి   లాగబడి  లోపల   గల   కడ్డీ పైన   తిరిగి   చుట్టబడుతుంది.  మడతలుగల    స్కేలుకన్నా   దీని  ద్వారా   ఎక్కువ   పొడవులను   కొలువవచ్చును.

6.  తిన్నగాయున్న   అంచు  (Straight  edge )

కర్ర  వస్తువు  ఉపరితలము   చదునుగా   వున్నదా  లేదా   పరిశీలించుటకు  ఇది  ఉపయోగపడుతుంది.   ఉక్కుతో   చేయబడిన  సన్నని  పొడవైన   విడిభాగములు కలుపబడుట  ద్వారా   యిది  చేయబడుతుంది.   ఈ   విడిభాగములు   ఒక   వైపు   అంచు  కొద్దిగా   ఏటవాలుగా   వుండి  కొలతలను   గుర్తు పెట్టుటకు   ఉపయోగపడుతుంది.  వస్తువు  యొక్క  ఉపరితలములను  తిన్నగా  యున్న  దీని  అంచుతో  వివిధ ద
శలలో    అమర్చుకొని    పోల్చి  చూచుటమూలముగా   ఆ  ఉపరితలము    సమతలముగా    వున్నది లేనిది  తెలుస్తుంది.

7 .ట్రై   స్క్వేరు  (  Try square ) :---

కర్ర  వస్తువు    రెండు  ప్రక్క   ప్రక్క   అంచులు  సమకోణంలో   వున్నాయా   లేదా   తెలుసుకొనుటకు   మరియు   కర్ర వస్తువు    యేదేని   అంచుకు   లంబకోణములో   రేఖలను  గీయుటకు   యిది    పనికివస్తుంది.   ఇది   కర్రతో   లేదా  ఉక్కుతో     నునుపుగా  మరియు  సమముగా  చేయబడిన   ఒక  పలకను  కలిగి వుంటుంది.     ఖచ్చితమైన   కొలతలతో   చేయబడిన   దీనిని     'స్టాక్ '  (Stock )    అని  అంటారు.  దీర్ఘచతురస్రాకారపు  ' స్టాక్ '  కు   ఒక   
వైపున    లంబకోణములో  బిగించబడిన   బ్లేడు   స్టాక్   పొడవైన  అంచులతో    ఖచ్చితమైన   90   డిగ్రీల   కోణమును  చేస్తూ  వుంటుంది. బ్లేడుకూడా    ఉక్కురేకుతో    చేయబడి   దానిపై  స్కేలుపై   ఉన్నట్లుగా  కొలతలు   గుర్తింపబడి  వుంటాయి.   అనగా  బ్లేడుభాగమును   స్కేలులాగా  ఉపయోగించవచ్చును.  బ్లేడు  పొడవును  బట్టి   ఇది  100 మి.మీ. ,  150 మి.మీ.,  300 మి.మీ  సైజులలో  లభ్యమగుతుంది. 
           ట్రై  స్క్వేర్   నుపయోగించు  విధానము  పటములో   చూపబడింది. స్టాక్   పొడవైన  పై  అంచును  కర్ర వస్తువు  అంచుకు  తాకునట్లు  అమర్చి  బ్లేడు  నుపయోగిస్తూ   ఆ  అంచుకు  లంబ కోణములో   రేఖను   గీయవచ్చును. కర్రవస్తువు  అంచు  పై  స్టాక్  ను   మెల్లిగా  కదిలిస్తూ  బ్లేడు  నుపయోగిస్తూ   ఈ   విధమైన   లంబరేఖలు  గీయవచ్చును. కర్రవస్తువు  అంచుకు  లంబకోణములో  గీచిన  ఆ  రేఖలన్నియు   ఒకదానితో  ఒకటి   సమాంతరంగా  వుంటాయి గదా.
                అదేవిధంగా    కర్ర   వస్తువు   ఒక  అంచు   చివర స్టాక్  ను    తగిలించి   బ్లేడు   అంచును   కర్రవస్తువు   పై  అంచుకు   ప్రక్కగా  నున్న   అంచుకు  తగిలించి   వాటి మధ్య    ఖాళీ   స్థలమున్నదీ  లేనిదీ  పరీక్షించుట    ద్వారా    కర్రవస్తువు  రెండు  అంచులు  ఒకదానితో   ఒకటి  లంబకోణములో   వున్నదీ  లేనిదీ  తెలుసుకొనవచ్చును.

8.బివెల్    స్క్వే ర్ :— ట్రై  స్క్వేర్     ద్వారా   90  డిగ్రీల    కోణమును   మాత్రమే   గుర్తించగలము.  దీనితో   పాటు   ఇతర   కోణములను   ( అనగా    0  డిగ్రీల   నుండి   180  డిగ్రీల   వరకు)   గుర్తించుటకు   మరియు   కొలుచుటకుగాను    బివెల్   స్క్వేర్   ఉపయోగపడుతుంది.   కావలసిన  కోణమును   దీనిపైన   అమర్చుకొనుటకు   వీలుగా   దీనియందు   బ్లేడు  భాగము  స్టాక్ కు  మధ్యలో   గల  చీలికలో   స్క్రూ  ద్వారా   బిగింపబడి   యుంటుంది.  స్క్రూని   వదులుచేసి    బ్లేడును   స్టాక్ కు   తగిలించిన   వైపు   ఆధారంగా   గుండ్రముగా   త్రిప్పుకొని   స్టాక్    భాగముతో   కావలసిన   కోణమును  ఏర్పడేటట్లు   బ్లేడును   అమర్చుకొని   స్క్రూని   బిగించవచ్చును.  ఈ   విధంగా   గుండ్రముగా   త్రిప్పుకొనే  సదుపాయముంటుంది.   కనుక   బ్లేడును   ' కదిలెడిబ్లేడు '   (  Sliding  blade )  అనీ ,  యీ   పనిముట్టును   ' కదిలెడి  బివెల్  స్క్వేర్   (  sliding bevel  square )   అనీ అంటారు.  కావలసిన   కోణములోనికి   బ్లేడును  త్రిప్పుకొనినపిదప    స్క్రూను  బిగించిన   పిదపనే  దీనిని  ఉపయోగించాలి.   బ్లేడు పొడవును  బట్టి   యిది  100 , 150, 200, 250 మి.మీ  సైజులలో   లభ్యమగుతుంది.
  9. మీటర్   స్క్వేర్   (Metre  square):--- దీని   యందు   బ్లేడు  భాగము  స్టాక్  భాగముతో   45॰   కోణములో    అమర్చబడి   స్టాక్ కు    బిగించబడి   యుంటుంది.   అనగా  45॰   కోణమును   మాత్రమే   దీని   ద్వారా   గుర్తించుట   కొలుచుట  చేసు 

కొనవచ్చును.

10.  స్పిరిట్   లెవల్  (Spirit  level  ) :--దీని  ద్వారా  యేదేని  వస్తువు  యొక్క  ఉపరితలము  చదునుగా  మరియు  సమతలంగా  వుందా  లేదా  తెలుసుకొనవచ్చును.  ఇది  కర్రతో  లేదా  బరువు  తక్కువ  గల  లోహముతో  గాని  దీర్ఘచతురస్రాకారపు  పెట్టె   ఆకారములో  చేయబడిన  ' బాడీ '( Body)  ని  కలిగి  ఉంటుంది .   ఒక  సన్నని  గాజు  గొట్టము  ఎక్కువ  వ్యాసార్థమును  కలిగి  ఉండునట్లుగా  వంచబడి  బాడీ  లోపల  అమర్చబడి  ఉంటుంది.  ఈ  గొట్టము  యందు   కొద్దిగా  ఖాళీ  స్థలమును  వదలి   స్పిరిట్  ద్రవము  నింపబడి  యుంటుంది.  ఈ  ఖాళీ  స్థలములో  యేర్పడిన   ' గాలిబుడగ '  (  Air bubble)  గొట్టములో   ద్రవము పై  భాగమునకు  చేరుకుంటుంది.  స్పిరిట్  లెవల్  బాడీ  అడుగుభాగమునకు  సమతలంగా  యున్న  వస్తువు  ఉపరితలమునకు  తగులునట్లు  అమర్చినప్పుడు  గాలిబుడగ  గాజు  గొట్టము  మధ్య  భాగమునకు  చేరుకుంటుంది.  గాజు  గొట్టము  మధ్యభాగము  కనబడుటకు  గాను  దిమ్మ ఆకారపు  బాడీలో  మధ్యగా  ఒక  రంధ్రము  చేయబడిఉంటుంది.  దీని   

ద్వారా  గాలిబుడగ  గాజు  గొట్టము  మధ్యభాగమునకు  చేరిందా  లేదా  అన్న  విషయము  గమనించవచ్చును.   గాజుగొట్టము  మధ్యభాగముపై  కొలతలు  గుర్తింపబడి  యుంటాయి.  ఈ  కొలతల  ఆధారంగా  గాలిబుడగ  ఖచ్చితంగా మధ్యకు  వచ్చిందా  లేదా  అనానది  తెలుసుకొనవచ్చును.  స్పిరిట్  లెవల్  బాడి  పొడవును  బట్టి  దీని  సైజును  సూచిస్తారు.  ఉదాహరణకి  200 మి.మీ  స్పిరిట్  లెవల్  బాడీ  200  మి.మీ.  వుంటుంది.

16.కొలుచుటకు మరియు గుర్తు పెట్టుటకు ఉపయోగపడు పనిముట్లు

16 . కొలుచుటకు       మరియు   గుర్తు  పెట్టుటకు  

ఉపయోగపడు   పనిముట్లు 

ఉపోద్ఘాతము:— 

మనకు  అవసరమగు  కర్రసామగ్రిని   తయారు   చేయునప్పుడు  కలపను.తగిన 


సైజులో    మరియు   ఆకారములో   కోసి  ,     దానిపై  వివిధ  వడ్రంగి   పనులను 

నిర్వహించవలసియుంటుంది.  కర్రవస్తువులను   తగిన   ఆకారములోనికి 


మార్చుకున్నప్పుడు  దాని   సరియైన సైజును   నిర్ణయించటానికి వివిధ  


కొలతలు  ఉపయోగపడతాయి.   పొడవు  వెడల్పు , మందము  మొదలగు  కొలతలు 


సరిగా   వుండేటట్లుగా   కర్ర  వస్తువు  ఆకారము  ,  సైజును  మార్చుకొనవలసి  

యుంటుంది.  వివిధ   వడ్రంగి   పనులు  చేయునప్పుడు   కర్రవస్తువు   కొలతలను


నిర్ధారించుటకై     ఉపకరించు  పనిముట్లను  ' కొలుచుటకు ఉపయోగపడు  పనిముట్లు  '  (


Measuring   instruments )   అని  అంటారు.   అదే  విధంగా  మనకు  కావలసిన  


కొలతలను  కర్రవస్తువు  పై   తగిన  స్థలములలో  సూచించుటకు  కొన్ని 


గుర్తులు  పెట్టవలసి  ఉంటుంది.  కొలతలను  ' గుర్తించుటకు  ఉపయోగపడు  పనిమూట్ల'  

ను     (Marking  tools )  ఇందుకు   ఉపయోగిస్తారు.  కొలుచుటకు   మరియు 


గుర్తుపెట్టుటకు  సరియైన  పరికరములు  లేకుండా   తయారు చేసిన  కర్రసామగ్రి 


తగిన  సైజు  మరియు   ఆకారము  లేకుండా  లోపముతో   కూడియుంటుంది. 


వడ్రంగి  పనియందు  కొలుచుటకు   మరియు  గుర్తుపెట్టుటకు  ఉపకరించు 


వివిధ   పనిముట్లను   గురించి ,  వాటిని  సరిగా  వుపయోగించెడి   విధానమును 


గురించి క్రింద  వివరించనైనది.

15.కర్రను సీజనింగ్ చేయు విధానములు

కర్రను సీజనింగ్  చేయు విధానములు

కర్రను  సీజనింగ్   చేయుటకు  రెండు  పద్ధతులు  కలవు.

1. సహజమైన  పద్ధతిలో  సీజనింగ్  చేయుట.

     ( Natural  Seasoning  )

2. కృత్రిమ  పద్ధతిలో   సీజనింగ్  చేయుట.

    ( Artificial  seasoning )

1. సహజమైన  పద్ధతిలో  సీజనింగ్  చేయుట:--

  ( Natural  Seasoning  )

దీని    యందు  వాతావరణములోని  గాలిని     ప్రసరింప  చేయుట  ద్వారా  సీజనింగ్  

చేయబడుతుంది.   దీనిని   'గాలి  ప్రసరణ  వల్ల   సీజనింగ్ చేయు  విధానము' (Air   seasoning )   

అని  అనవచ్చును.   కోయబడిన   కర్ర దూలముల  పైకి  గాలిని   తగిలినట్లుగా   ప్రసరింప  చేయడం   

ద్వారా   సీజనింగు     చేయబడుతుంది.    కోయబడిన  కర్ర  దూలములను  మధ్య   మధ్య 

తగినంత   ఖాళీ   స్థలము  కలిగి యుండునట్లుగా    పేర్చుకొనాలి.   ఈ విధంగా పేర్చుకున్నపుడు 

అడుగున   ఉన్న దూలములు  కాకుండా   నేలనుండి  తగినంత   ఎత్తులో   ఉండునట్లు  చూడాలి.  దీని 

వలన   ఇవి  నేలలోని  తేమకు, నేలపై  ప్రసరించు   నీటికి  గురికాకుండా  ఉంటాయి.  పేర్చబడిన  

దూలములకు  పై  భాగమున  సరియైన  "పై కప్పు"  (Roof)  అమర్చుకొనినచో,   పైన గల దూలములు  

సూర్యకిరణములకు, వర్షములకు గురికాకుండా   వుంటాయి.  పేర్చబడిన  కర్రదూలముల మధ్య  గల  

ఖాళీ  స్థలముల గుండా  గాలి  ప్రసరించి వాటి నుండి  తేమను  గ్రహించుట  జరుగుతుంది.  ఈ  పద్ధతి  

 సులభమైనదే   కాకుండా   మేలురకమైనది కూడా.  అయితే   ఈ   సీజనింగు  చేయుటకు   2  నుండి  4  

సంవత్సరాలు పడుతుంది.



2. కృత్రిమ పద్ధతిలో సీజన్ చేయు విధానము:— 


కృత్రిమంగా   సీజనింగ్   చేయుట వలన కర్రను   త్వరితంగా  సీజనింగు  చేయ వీలుంటుంది. 

ముఖ్యమైన   కొన్ని   కృత్రిమ సీజనింగు   విధానములను  గురించి వివరించబడింది. 



1. నీటిచే    సీజనింగుచేయు   విధానము :—ఈ పద్ధతిలో  చిన్న భాగములుగా   కోయబడిన   కర్రను

 ప్రవహించే    నీటిలో   మునిగి   ఉండునట్లు   నిలువయుంచుతారు.   ఈ విధంగా సుమారు  15


రోజుల   వరకు   వాటిని   వెలుపలికి తీసి   గాలిలో  ఆరబెడతారు.  ఈ పద్ధతి వల్ల   కలప 

వంగిపోవుట   లేదా  దానిపై  పగుళ్ళు  యేర్పడుట   తగ్గుతుంది.  అయితే   దాని దారుఢ్యత   

తగ్గి పోతుంది.     ఎక్కువగా    తేమను   కలిగిన  కర్రలకు  యీ  పద్ధతి   ఎక్కువ   లభిస్తుంది. 

పురుగులచే   తిని  వేయబడుట   లేదా   ఫంగస్  వలన    క్షీణింపబడుట    నివారించుటకు   యీ  

 సీజనింగ్    పద్ధతి  తోడ్పడుతుంది.



2.  నీటిలో  మరగబెట్టుటచే   సీజనింగు  చేయు విధానము :—



కలప   ముక్కలను,    మరుగుచున్న  నీటిలో  గాని,  నీటి   ఆవిరి  లో  గాని   సుమారు  4   గంటల  దాకా 

వుంచి,  పిదప   వాటిని  నెమ్మదిగా   ఆరబెట్టి    సీజనింగు    చేయవచ్చును.  దీనివలన   కలప  

దారుఢ్యత   పెరిగి   దాని   స్థితిస్థాపకత్వము ( Elasticity )   ఎక్కువగుతుంది.



3. రసాయనిక  పద్ధతిలో  సీజనింగు  చేయుట (Chemical seasoning ) :—

ఈ  విధానములో  తేమకలిగిన   కర్రభాగములను   ముందుగా  సంతృప్త

లవణ  ద్రావణములో  నానబెట్టి ,   అవి  పూర్తిగా  నానిన  పిదప,  వాటిని

వెలుపలికి   తీసి  గాలిలో  ఆరబెడతారు.  దీని  వలన  ముందుగా  కరార  లోపలి

పొరలలోని  తేమ బహిశ్చర్మము  ఉపరితలము  నుండి  తేమ   తొలగింపబడుతుంది.


4. బట్టీలో   సీజనింగు చేయు విధానము( Kiln  seasoning ):—

కృత్రిమ  సీజనింగు  పద్ధతులలో  యిది  అత్యంత  మేలు  రకమైనది.  ఈ

విధానములో  ఇటుకలచే   గది   ఆకారములో  కట్టబడిన  బట్టీ

యందుకలప  ముక్కలు   వాటి   మధ్య  ఖాళీ  స్థలముండునట్లుగా 

పేర్చబడతాయి.    వీటి గుండా   ముందుగా     నీటి ఆవిరిని    ప్రసరింప   

చేస్తారు.  పిదప   వేడి  చేయబడిన    గాలిని   ప్రసరింపచేస్తారు.  కలప   

ముక్కలలోని    తేమను   ముందుగా  నీటిఆవిరి   కొంత  గ్రహిస్తుంది.   

మిగిలిన   తేమను   వేడిగాలి     గ్రహించి  తీసివేస్తుంది.    ఈ   పద్ధతిని   

'డెస్సికేటింగ్  విధానము (  Dessicating   process)  అని   కూడ   అంటారు.

5. విద్యుత్   శక్తి    నుపయోగించి   

సీజనింగ్  చేయుట :—   Electric  seasoning ):--- ఈ    

విధానమందు    ఎక్కువ    ఫ్రీక్వెన్సీ ( 
Frequency )   తో   

కూడిన  ఆల్టర్ నేటింగ్    విద్యుత్  ప్రవాహమును  (  A. C.)  

ఉపయోగించి   కలపను  

వేడిచేస్తారు.   ఈ  విధంగా  

 వేడిచేయుటను    'డై ఎలక్ట్రిక్   పద్ధతిలో    వేడిచేయుట  

 ( Dielectric  heating )  అని అంటారు.   ఈ  పద్ధతి    ప్లైవుడ్   

తయారీలో    ఎక్కువ  ఉపయోగపడుతుంది.   అయితే  ఇది   
ఎక్కువ   ఖర్చుతో  కూడుకున్న  పద్ధతి.

ఉపయోగమునకై     కలపను     మార్చుకొనెడి   విధానము  ( conversion  of  timber ):--

చెట్టునుండి    లభించు   కలపను   తగిన   రూపము   లోనికి    మార్చుకొనుటకు   గాను   

దాని    సైజును   తగ్గించాలి  . ఇందుకుగాను   దానిని   రంపములతో    కోసి   వివిధ   

సైజులలోనికి  మార్చుకొనవలసి  ఉంటుంది .  ఈ   విధంగా     కోయుటను   '  కలప   

మార్పిడి  '  అని   అంటారు.   ఇందుకు    గాను    మూడు   పద్దతులలో    కలప  

కోయబడుతుంది .   వాటిని    గురించి  క్రింద   వివరింపబడింది . 

1.  లైవ్   సాయింగ్   (  Live   sawing  ):--  

ఈ   పద్ధతి  లో      కర్ర   సన్నని   

పలకలుగా      కోయబడుతుంది .   కర్ర    మొద్దును  తిప్ప  కుండానే      కర్ర    

పొడవుకు   నిలువుగా    కోసి ,   ఒకకోతకు ,    రెండవ    కోతకు  మధ్య    

కొంత   స్థలమును   వదలి    సమాంతరమైన    కోతలతో  

కోయుటవలన   కర్ర  చిన్న   పలకలుగా   కోయబడుతుంది   .    ఈ    విధముగా    

కోయుటవలన    యే    విధమైన   నష్టము   లేకుండా    మొత్తము   కర్ర   

కోయబడుతుంది .   అయితే    సన్నని   పలకలుగా   కోయబడ్డ   కర్రముక్కలు     

కొద్ది    కాలమునకు    వంగిపోవుటకు    అవకాశమున్నది  .     ఈ    పద్ధతి   కర్ర   

డబ్బాలను    చేయుటకు    ఉపయోగపడి    కర్ర   పలకల   తయారీలో     మరియు   

చౌకబారు   నిర్మాణములకు    అవసరపడెడి   కర్ర   పలకల   తయారీలో   ఎక్కువగా    

ఉపయోగపడుతుంది .  


2.   బ్యాక్    సాయింగ్    ( Back   sawing ):---

ఈ   పద్దతిలో    కర్ర    మొద్దు   యందు   యేర్పరచబడిన    వార్షిక    వలయములను  

 స్పర్శించునటుల     కర్ర   కోయబడుతుంది.   ఇందుకుగాను    కర్ర   మొద్దును  


 త్రిప్పుకొని   కోతపని   సాగించవలసి   ఉంటుంది  .    ఈ   విధముగా    కోయబడిన   

కర్రభాగములు    త్వరగా   సీజనింగు   చేయబడతాయి .  అంతే    కాకుండా   కోయబడిన  

 కర్రయందు    కణముల    అమరిక     ఒక    క్రమపద్ధతిలో   లేకుండా    ఆకర్షణీయమైన   

నమూనాలను    యేర్పరుస్తుంది .   కాబట్టి    ఈ   కర్ర   అలంకారిక   సామాగ్రి   . 

ఉపరితలముల  తయారీలో   ఉపయోగిస్తుంది .  

3.   '  క్వార్టర్   సాయింగ్   '   (  Quarter   sawing  ) :--

ఈ    పద్దతిలో     వ్యాసార్ధదిశలో    కర్ర   కోయబడుతుంది  .   ఈ   విధముగా    

కోయబడిన  కర్ర    అమరిక   కూడా     ఆకర్షణీయ పద్దతిలో  

యేర్పరచబడి  అలంకారిక   సామాగ్రి    ఉపరితలములను    చేయుటకు   

ఉపయోగపడుతుంది.  సీజనింగు   చేయునప్పుడు   ఈ   కర్ర  సంకోచించదు .   కానీ  ,  

దీనిని సీజనింగు   చేయుటకు   లేదా  ఆరబెట్టుటకు   ఎక్కువ   కాలము పడుతుంది  .   ఈ 

  విధంగా    కోయబడ్డ  కర్ర   ఎక్కువగా  ఉపయోగిస్తుంది .  ఈ పద్దతిలో    కర్రను   

కోయుటలో   కొంత  కర్రను   కోయుటలో    కొంత కర్ర   నష్టపడుతుంది  .

14.కర్రను సీజనింగ్ చేయుట (Wood seasoning )

           కర్రను  సీజనింగ్  చేయుట
            Wood  Seasoning)
చెట్టు    నుండి    పడగొట్టిన    కర్రలో    నీరు  మరియు  లవణ  

ద్రావణములతో    కూడిన    తేమ  ( Sap)   వుండుట    

మూలముగా    అది    కొద్దికాలము   తర్వాత    సంకోచించుట,  

వంగిపోవుట    జరిగి    దాని  యందు  పగుళ్ళు  యేర్పడవచ్చును. 

అంతే    కాకుండా   అది  బలహీనంగా  తయారై  కొద్ది  కాలానికి  

క్షీణించిపోతుంది  కూడ.   కాబట్టి    మనకు  కావలసిన  

ఉపకరణములను  తయారుచేయుటకు  చెట్టునుండి  లభ్యమయ్యే 

కర్రను    నేరుగా    ఉపయోగించరాదు.   దాని  లోని    తేమను  

తొలగించుట    ద్వారా   యేవిధమైన   లవణ  ద్రావణములు   

లేకుండా    చేసి    రసదారువును  గట్టిపరచుటను  ' సీజనింగ్ '  

అంటారు. కర్రను    సీజనింగ్  చేయుట   వలన    ఈ    క్రింద 

పేర్కొనబడిన    లాభములుంటాయి.

1. తేమను  తొలగించుటచే   కర్ర  బరువు  తగ్గుతుంది.
2. కర్ర  యొక్క  దారుఢ్యత  పెరిగి  ,  దానిపై  వివిధ  పనిముట్లతో  తేలికగా  పనిచేయుటకు  వీలుంటుంది.
3. కర్ర   ఎక్కువ  కాలము  మన్నిక  గా   వుంటుంది.  సంకోచించుట  వంగిపోవుట   ,  పగుళ్ళను  కలిగియుండుట ,  క్షీణించుట  మొదలగు  దుష్ఫలితములు   తగ్గుతాయి.

13. మార్కెట్లో లభ్యమగు వివిధ సైజుల కలపలు

 మార్కెట్లో    లభ్యమగు   వివిధ   సైజుల కలపలు:—చెట్టును   పడగొట్టుట

వేసవికాలంలో   ( ఏప్రిల్,  మే  మాసాలలో )
లేదా   శీతాకాలపు   మధ్యభాగము

( డిసెంబరు , జనవరి   మాసాలలో )

చేయవలసి   ఉంటుంది .  ఈ   కాలంలో

 వృక్ష కాండము లోని  తేమ  కదలకుండా

నిశ్చల   స్థితిలో   నుండుటయే  దానికి

కారణము.  చెట్టు  పూర్తిగా పెరిగి దాని

పెరుగుదల   నిలిచిపోయినపుడు మాత్రమే

చెట్టును   పడగొట్టుట   జరుగుతుంది.

పడగొట్టిన   చెట్టునుండి   కర్రను

రంపములతో   కోసుకొని  వివిధ

సైజులలోనికి     మార్చి   ఆ పిదప

 'సీజనింగ్ '  చేస్తారు.   వివిధ   సైజులలో

కోయబడ్డ    కర్రరూపములు  మార్కెట్ లో

యీ   క్రింది   పేర్లతో  లభ్యమగుతున్నాయి.

( a ) .  కర్ర  మొద్దు ( Log ):--- కొమ్మలు

లేని    చెట్టు  ప్రకాండమును   ' కర్రమొద్దు'

అంటారు.

 (b ) దూలము ( Balk ):--  కాండము

యొక్క  బహిశ్చర్మమును 

తొలిగించునట్లుగా   దానిని  కోసుకొని 

చదరపు  అవచ్ఛేదము  కలిగి

యుండునట్లుగా   మార్చుకొంటారు. ఈ

విధముగా  లభ్యముగు  కర్రను

దూలములు  అంటారు.

( c )   స్తంభములు  ( posts  ) :  — 

ఇవి  చదరపు

ఆకారము  లేదా  గుండ్రముగా  గానీ

అవచ్ఛేదమును   కలిగియుండి పొడవుగా

వుంటాయి.  చదరపు   ఆకారములో

యున్న  దీని  భుజము  పొడవు  లేదా

గుండ్రని  ఆకారపు  వ్యాసము  పొడవు

175 మి.మీ.  నుండి  300 మి.మీ . వరకు

వుంటుంది.

( d)  డీల్  కర్ర  ( Deal  ) :-- ఇవి  225

మి.మీ.  వెడల్పు   తో   సుమారు

100మి.మీ.  మందమును   కలిగిన

దీర్ఘచతురస్రాకారపు   పలకల రూపములో

వుంటాయి.

(  e )  కర్ర   పలకలు  ( Planks  ) :--ఇవి

కూడ  దీర్ఘచతురస్రాకారములో   3 నుండి

7  మీటర్ల  పొడవును  కలిగియుండి  50

నుండి  100  మి.మీ. మందము ,  275

  నుండి   300 మి.మీ  వెడల్పును  కలిగి

వుంటాయి.

(  f ) బోర్డులు (  Boards  or  Battens) :-- ఇవి   25  నుండి   50   మి.మీ.

మందమును   మరియు   125 నుండి

175 మి.మీ  వెడల్పును   కలిగి

యుంటాయి.

12. కలప లో గల లోపములు

        12. కలప  లో   గల  లోపములు

 1. ముళ్ళు ( Knots) :---వృక్ష కాండము

నుండి    వెలువడిన    కొమ్మలు

విరిగిపోయినప్పుడు   కాండముపై 

ఏర్పడు   గుర్తులను ' ముళ్ళు'(నాట్స్)

అంటారు.   ఈ   గుర్తులు   స్పష్టం గా

యేర్పరచబడతాయి.   చిన్న సైజులో

యేర్పడ్డ   ముళ్ళను  'టైట్ నాట్స్ ' (

Tight  knots )  అని అంటారు.   ఈ

ముళ్ళు    యేర్పడ్డ    కర్రభాగము దృఢంగా

యుండుట   చేత    ఇది    లోపంగా

పరిగణింపబడదు.   కానీ ,   పెద్ద సైజులో ,

వదులుగా  నున్న  ముళ్ళు  ముఖ్య  కలప

భాగము  నుండి  పెలుసులుగా

విడిపోతాయి.  ఈ  లోపమును  కలిగిన

 కలప  తగినంత    దారుఢ్యతను   కలిగి

ఉండదు.
---------------------------------------------------

2 .మెలి  తిరిగిన  ఫైబర్లు :—   చెట్టు

కొొమ్మలగుండా   వేగంగా   వీచెడి

  గాలులు    తుఫానుల   తాకిడివలన 

వృక్షకాండము   యొక్క   పొరలు  (

ఫైబర్లు)   మెలితిరిగి    పోవుట   వలన ఈ

లోపము   ఏర్పడుతుంది .

---------------------------------------------------

3. హార్ట్   షేక్ (  Heart  shake ):—

వృక్ష కాండపు  కేంద్రము   వద్ద   గల 'హార్ట్ '

భాగము   నుండి   కాండపు   వెలుపలి

వైపున గల   'సాప్ వుడ్  ' ( Sapwood)

భాగమునకు  వ్యాపించెడి   చీలికలను  '

హా ర్ట్    షేక్  '  అని  అంటారు.

 --------------------------------------------------

4 .స్టార్ షేక్  (  Star  shake ):--

వృక్షకాండపు   వెలుపలిపొర  లోపలి

తలము   నుండి   కాండపు  కేంద్ర 

భాగమునకు  వ్యాపించెడి   చీలికలను

'స్టార్  షేక్  '  అని  అంటారు. 

వేసవికాలంలో  అమితమైన   ఉష్ణోగ్రతకు

 మరియు   శీతాకాలంలో  అతి చల్లని

వాతావరణమునకు   గురి  అగుటవలన

వృక్షకాండపు   పొరలు  కాలిపోవుట

లేదా  పికిలిపోవుట  జరిగి  యీ  లోపము

యేర్పడుతుంది.
---------------------------------------------------

కప్    మరియు  రింగ్  షేక్ (Cup &  Ring  shake  ):--వృక్షకాండములో

వృత్తాకారములో   అమర్చబడిన  రెండు

ప్రక్క  ప్రక్క  ఆన్యులర్  రింగులమధ్య 

సన్నని    చీలిక    ఉత్పన్నమై,  క్రమేణా

వృద్ధి  పొంది  పెద్ద  చీలికగా   మారుతుంది.

ఈ   విధంగా    సన్నని   చీలిక గా

మారుతుంది.    ఈ    విధంగా    యేర్పడ్డ 

లోపమును   ' కప్  మరియు  రింగ్ షేక్  '

అని   అంటారు.   శీతాకాలంలో వృక్ష

కాండంలో గల    తేమ   ఘనీభవించుట 

వలన   లేదా   వృక్షకాండపు

అడుగుభాగమున   గల   వ్రేళ్ళ   ద్వారా

 కావలసిన   దాని  కన్నా  ఎక్కువగా   

నీటిని    గ్రహించుట    వలన  కూడ  యీ   

లోపము  ఏర్పడుతుంది .

6. హనీ  కోంబింగ్ ( Honey   combing):--  కర్రను    సరిగా 

సీజనింగ్    చేయక  పోవుట   వలన   ఈ

లోపము  ఏర్పడుతుంది.   సీజనింగ్

తొలిదశలో   తేమను  తొలగించుట

కావలసిన   దానికన్నా   ఎక్కువ వేగంగా

జరిగినప్పుడు   కలప  లోపలి  పొరలలో

చీలికలు  యేర్పడుట  ద్వారా   యీ

లోపము  జరుగుతుంది.  తేనెపట్టు

గదులవలె  యీ  చీలికలు  యేర్పడుట

చేత  దీనిని  'హనీ  కోంబిం గ్'   అని

అంటారు.


7. రిండ్    గాల్  ( Ring  gall ):-- వృక్ష

కాండము   నుండి   కొమ్మలు   కొట్టివేసిన

పిదప  తెగిపోగా   మిగిలిన

కొమ్మభాగములో   రసదారువు   (Sap

wood )    పెరిగిపోవుట   వలన   ఈ

లోపము   ఏర్పడుతుంది.   దీని మూలంగా

ఆ  కొమ్మ   యందు  డొల్లగా  యేర్పడిన

రంధ్రములు    యేర్పడి ,  అక్కడి నుండి

క్షీణించుట   ప్రారంభమై   యితరభాగాలకు

వ్యాపిస్తుంది .

8.  నశించిపోయిన   కర్ర ( Dead  wood) :—నిర్ణీత 

జీవితకాలమును   దాటిన   పిదప

వృక్షమును   పడగొట్టి    దానినుండి  కర్రను

పొందినపుడు    ఆ   కర్ర  లో  యీ

లోపము   కనపడుతుంది .  ఈ కర్ర

సాధారణ బరువు    కంటే   తక్కువ

బరువుతో   బలహీనంగా   ఉంటుంది.

11.కలపకు సోకెడి కొన్ని వ్యాధులు

 కలపకు సోకేడి  కొన్ని   వ్యాధులు :— 

కలప    ముఖ్యంగా    మూడు రకముల

వ్యాధులకు   గురి   అవుతుంది .  వీటిని

1.  డ్ర్రె  రాట్  ( Dry  rot )

2.   వెట్  రాట్  (Wet  rot )

3.  వృత్తాకారపు సంకోచము 
(Circumfrential  shrinkage)

 అని   పేర్కొంటారు.   వీటిని   గురించి

 వివరంగా   తెలుసుకుందాము.

 1. డ్రై రాట్ :—' ఫంగస్' (Fungus )

మూలంగా   కలప   క్షీణించడాన్ని

 ' డ్ర్రె  రా ట్  '   అని   అంటారు .  ఈ

వ్యాధి    సోకిన  కర్ర భాగము 

కొద్దికాలానికి   పొడిపొడిగా   మార్పు

చెంది  తరిగిపోతుంది.   తగినంత   గాలి

లేని    ప్రదేశంలో   కలపను 

నిలువయుంచుట    మూలంగా   అది  ఈ

వ్యాధికి   గురి  అగుతుంది.   ఈ వ్యాధి

నుండి   నివారించడానికి   కలపను   తగిన

విధంగా  "   సీజనింగు"   చేసి   దాని 

నుండి  తేమను   తొలగించాలి.   కాపర్

సల్ఫేట్    ద్రావణాన్ని   కలప పై   పెయింట్

చేయడం   ద్వారా   డ్రై రాట్  నుండి 

కాపాడుకొన   వచ్చును.

2.   వెట్  రాట్ :—  ఎక్కువగా  తేేమకు

గురి    అగుట వలన    కలప   రసాయనిక

మార్పులు   చెంది   తద్వారా క్షీణించటాన్ని

వెట్ రాట్   అంటారు. ఈ   వ్యాధికి   గురైన

కలప భాగము    ఎర్రని   డాగులతో 

కూడి  యుండి   క్రమేణా  పొడిగా మార్పు

చెంది   తరిగి పోతుంది.   ఈ వ్యాధిని

నివారించటానికి    సరైన విధంగా

సీజనింగ్   చేయుటయే   కాకుండా ,దానిపై

తారు   పూయుట   లేదా  పెయింట్

చేయుట  వలన   దానిని

కాపాడుకొనవచ్చును .

3. వృత్తాకారపు దిశలో సంకోచము:—

ఈ   వ్యాధి   వృక్ష కాండము   వెలుపలి

భాగము నుండి    మధ్యలో   గల   కేంద్ర

భాగమునకు    వ్యాసార్థ దిశలో   కర్రను

చీలికలుగా   విడగొట్తూ  వ్వాపిస్తుంది.

వృక్ష  కాండపు   వెలుపలి  పొరలు  లోపలి

వైపు  పొరల   కన్నా  త్వరగా   తేమను

కోల్పోవటం    వలన   వృక్ష కాండము  ఈ

వ్యాధికి   గురి   అవుతుంది .

పైన   తెలిపిన   విధంగా   తగినంత   గాలి

లేకపోవుట ,  ఎక్కువగా  తేమకు  గురి

అగుట   మొదలగు   కారణాల వలన కర్ర

క్షీణిస్తుంది.  అంతేకాకుండా   వాతావరణ

వైపరీత్యాలకు   గురి అగుట   మరియు

ఇతర   కారణముల   వలన   కొన్ని

లోపములను   కలిగి   ఉండవచ్చును.  ఈ

లోపములను   గురించి  క్రింద

వివరించడమైనది. ముఖ్యమైన

ఇంజినీరింగ్   పనులకు

 ఉపయోగించుటకు   కర్ర   సామాగ్రిని

తయారు చేయునప్పుడు   ఈ 

లోపములు  కలిగిన   కలపను

ఉపయోగించరాదు.

10. మన దేశంలో పెరిగెడి కలప వృక్షములు

 మన  దేశంలో  పెరిగెడి  కలప   వృక్షములు:—
మన  దేశంలో  పెరిగెడి  కలప   వృక్షములు  

 క్రింద పేర్కొనబడినవి.
1.  తుమ్మ చెట్టు:— ఇది   దేశమంతటా

పెరుగుతుంది . ఇది   దగ్గర దగ్గరగా   గల

కణములను   కలిగి యుండి   పటిష్టంగా

ఉంటుంది. దీని   కాండం  అవచ్ఛేదము

లేత   ఎర్రని   రంగును   కలిగి ఉంటుంది .

2 .దేవదారు  వృక్షము:—ఇది   కొండ

ప్రాంతంలో పెరుగుతుంది. 

దీని   కలప   పటిష్టంగా   ఉండి   ఎక్కువ

కాలం   మన్నికగా   ఉంటుంది.  గృహ

నిర్మాణం   మరియు   రైలు పట్టాల క్రింద

పరిచెడి  స్లీపర్లను   తయారు చేయడంలో

ఇది ఉపయోగ పడుతుంది.

 3.  మామిడి చెట్టు  :— ఇది 

దేశమంతటా   పెరుగుతుంది. ఇది

దూరదూరంగా   అమర్చబడినయున్న 

పెద్ద   కణములను   కలిగి   ఉంటుంది.

దీని   కలప   తక్కువ   నాణ్యత   కలిగి

ఉంటుంది .  తలుపులు  మరియు

గృహోపకరణాలను   తయారు చేయుటలో

ఇది   ఉపయోగపడుతుంది.   ఇంజనీరింగ్

పరికరములను   తయారు చేయుటకు

ఇది   పనికిరాదు .

4 .మల్బరీ   చెట్టు :— ఇది   దృఢంగా

ఉండి   తగినంత   స్థితిస్థాపకత 

(Elasticity ) కలిగి

ఉంటుంది.   దీనిని    టెన్నిస్   మరియు

బ్యాడ్మింటన్    రాకెట్   హాకీ   కర్రలు , క్రికెట్

బ్యాటులు   మరియు   ఇతర   ఆట

వస్తువులు    తయారు చేయుటకు

ఉపయోగిస్తారు.

 5.  టేకు చెట్టు :—  ఇది   ధృడంగా 

ఉండి   ఎక్కువ కాలం   మన్నికగా

ఉండుటయే   కాకుండా  కలపను  నునుపు

పరచుట    సులభంగా   సాధ్యపడుతుంది.

కొన్ని   ప్రత్యేక   నూనెల   మూలంగా   ఇది

కీటకములకు   గురికాకుండా    చాలా

కాలము  మన్నికగా  వుండుట

జరుగుతుంది. వివిధ  గృహోపకరణాలను

తయారుచేయుటకు  ఉపయోగపడుతుంది .

6. మద్దిచెట్టు :—ఇది   ఎక్కువ   గట్టి గా

మరియు   దారుడ్యతతో   ఎక్కువ

బరువును   కలిగి   ఉంటుంది.   ఇది కూడా

చదలకు  మరియు   ఇతర   కీటకములకు

గురికాకుండా   చాలా కాలం  మన్నికగా

ఉంటుంది.   రైల్వేస్లీపర్లు , వంతెనలు,

గృహ నిర్మాణమున   కవసరమగు    కర్ర

సామాగ్రి,   ఓడలు   తయారు చేయుటలో

ఇది   ఉపయోగపడుతుంది .

7 .మహోగని (mahogany )వృక్షము:--

 ఇది   తిన్నగా  యున్న  కణములను  కలిగి

యుండి,  ముదురు   ఎరుపు రంగును

కలిగి ఉంటుంది.   ఇది   కూడా చెదలకు,

ఇతర కీటకములకు   గురికాకుండా   చాలా

కాలం   మన్నికగా   ఉంటుంది .  అయితే

తేమకు   గురి   అయినప్పుడు   దీని

నాణ్యత   తగ్గుతుంది.   దీనిని 

బీరువాలు  ( Cabinets )  ఇతర  మేలు

రకపు  గృహోపకరణాలు    మరియు

ఓడల  తయారీలో ఉపయోగిస్తారు.

 8 .అక్రోటు చెట్టు :—ఇది   చిన్న సైజు

గల   కణములను   కలిగి   ఉండి   లేత

రంగులో ఉంటుంది.   ఇది   కొద్ది

దారుఢ్యతను    కలిగియుండి 

నునుపుపరచి   అందంగా   తయారు

చేయుటకు      వీలు కలిగి ఉంటుంది. ఇది

కూడా   కీటకములకు  గురికాదు.  దీనిని

అలంకరణ సామగ్రి ,

గృహోపకరణములు,  బీరువాల  తయారీకి

ఉపయోగిస్తారు .

9 .వెదురు చెట్టు :—ఇది అంతర్జాత

వృక్షము.   దీనిని   గృహ నిర్మాణముులో

మరియు   గెడకర్రల ( Scaffoldings )

తయారీలో   ఉపయోగిస్తారు.

9. వృక్షకాండము యొక్క ముఖ్యభాగములు

 వృక్ష కాండము  యొక్క  ముఖ్య భాగములు :—

వృక్ష కాండము   యొక్క అవచ్ఛేదము

పటములో చూపబడినది. వృక్షము 

యొక్క   కర్ర  నారల   (Fibres )   వంటి 

పదార్థంతో   చేయబడింది ఉంటుంది .

వృక్షము   పొడవుగా   పెరిగిన కొలది,

దాని   పొడవు   దిశలో   నారలు

పెరుగుతాయి .  ఈ  నారలు   గొట్టం

ఆకారంలో   ఉండి   వృక్ష కాండపు

కేంద్రము   వద్ద  గల  ' దవ్వ ' లేక  'బెండు'

(Pith   or  Medulla )  చుట్టూ

అమర్చబడి ఉంటాయి. ఈ  నారలు

వృక్షకణములచే   చేయబడి   పెరిగిన

కొలది,  కణములు   వ్యాపించెడి  దిశలో

ఏర్పరచబడుతుంటవి.  ఈ  నారలనే   వృక్ష

కణాలు ( Cells  or  Grains ) అని

కూడా అంటారు.   కణములు   వృక్షము

యొక్క   పొడవు   దిశలోనే   పెరుగుతూ

నారల   వలె  ఏర్పడతాయి.   ఈ నారల

ద్వారా   వృక్షమునుండి   లభించు  కర్ర

తగిన   పటిష్టతను   కలిగి   ఉంటుంది .

అంతే   కాకుండా  యీ   నారల   ద్వారా

వృక్ష కాండము   అడుగు భాగమున   కల

వ్రేళ్ళ నుండి   ఆహారపదార్ధములు

కొమ్మలకు,  ఆకులకు 

అందించబడతాయి.వృక్షకాండపు 

వెలుపలి   బెరడు ( outer bark  ) చెట్టు

ను  వాతావరణపు   వైపరీత్యాలకు

గురికాకుండా   కాపాడుతుంది .దీనినే  '

బహిశ్చర్మము '  అని అంటారు. బెండు

చుట్టూ  వర్తులాకారములో   అమర్చబడిన

వృక్ష భాగము   గట్టిగా   నల్లగా   ఉంటుంది

.దీనిని 'హృత్కాష్ఠము" లేదా గట్టి  కర్ర

లేదా  హార్ట్   వుడ్ (Heart  wood )   

అని   అంటారు. దీని  గుండా  నీరు గాని,

ద్రావణములుగాని ప్రసరింపవు. ఈ

వృక్షభాగము  తగిన దారుడ్యతను

కలిగియుండి  ఎక్కువకాలము  మన్నికగా

ఉంటుంది .దీనికి,  కాంబియమ్  పొర

(Cambium   layer )  అనబడెడి

వెలుపలి పొరకు  మధ్యగల  కర్ర

భాగమును 'రసదారువు'( Sap wood )

అంటారు .  దీని గుండా నీరు ,లవణ

ద్రవములు  ప్రసరించుట  వలన  ఇది

తేమను   కలిగి యుండి   బలహీనంగా

ఉంటుంది .  ఈ   వృక్ష భాగము  కర్ర

సామాగ్రిని   తయారు   చేయుటకు

పనికిరాదు.  రసదారువునకు,  వెలుపలి 

బెరడునకు   మధ్యగల  పొరవలెయున్న

వృక్షకాండపు  భాగమును  'కాంబియమ్

పొర  ' అని   అంటారు.
                     
                         బెరడు  నుండి  కేంద్ర

భాగమున   గల  'దవ్వ '  వైపునకు

వ్యాసార్థ  దిశలో   అమర్చబడియున్న 

కణాముుల      అమరికను  'దవ్వ 

రేఖలు'   లేదా   'మెడ్యూల్లరీ  రేఖలు'  అని

అంటారు.
                        కాంబియమ్  పొర నుండి

బెండువైపునకు    ప్రతి   సంవత్సరము

ఒక  వలయమువలె   యేర్పడు

దారువలయములను 'వార్షిక

వలయములు'  (Annual  rings )

లేదా  ' ఆన్యుయల్  రింగులు  '  అని

అంటారు.  వృక్షకాండమును   అడ్డముగా

కోసినపిదప     ఈ     రింగుల   సంఖ్యను 

లెక్కించుకొని    వృక్షము   యొక్క

వయస్సును    నిర్ణయించుకొనవచ్చును.

వృక్షము పెరిగిన    కొలది    మెత్తని

రసదారువు   గట్టిగా   మారుతూ   గట్టి  కర్ర

భాగము   పెరుగుతుంది.  

8. కలప నిచ్చే వృక్షములు రకములు

 కలప నిచ్చే వృక్షములను రెండు రకములుగా విభజించవచ్చును.
 ( i ).బహిర్జాత   వృక్షములు ( Exogenous  trees ):---ఈ రకపు

వృక్షములు    పెరిగినప్పుడు   చెట్టు

కాండము    వెలుపలి    వైపుకు   అనగా

అడ్డంగా   పెరుగుతుంది .   క్రమక్రమంగా

పెరిగే    కాండపు    పెరుగుదలను

సూచించే   ఏకకేంద్ర   వృత్తాకారపు

రింగులు    కాండంలో    ఏర్పడతాయి.

కాండాన్ని   ఖండించి నప్పుడు   ఈ

రింగులు   స్పష్టంగా   కనబడతాయి .ఈ

రింగులను  'వార్షిక వలయాలు'   లేదా

ఆన్యులర్   రింగులు  అని  అంటారు.  ప్రతి

ఒక్కరింగు   ఒక   సంవత్సరపు

పెరుగుదలను   సూచిస్తుంది.  ఈ  రకపు

వృక్షములను    తిరిగి   రెండు రకములుగా

విభజించవచ్చును.

 (a ) సతత  హరిత   వృక్షములు(

Evergreen Trees ) :--- ఇవి

మృదువైన  కాండము ను  కలిగి

ఉంటాయి.  వీటినే  కోనిఫర్  వృక్షములు

అని అంటారు.  వీటికి   ఉదాహరణగా

దేవదారు ,  అక్రోటు ,  ఫర్   వృక్షములను

పేర్కొనవచ్చును.

( b)   వెడల్పైన   ఆకులు   గలవృక్షములు

(Broad leaf trees ):--- ఇవి గట్టి 

కర్రను   కలిగి   ఉండి   వివిధ   కలప

సామాగ్రిని  తయారు చేయుటకు  విరివిగా

ఉపయోగపడతాయి. వీటినే   ఆకులు

రాల్చెడి  వృక్షములు  ( Decidous trees)

అని అంటారు.  మద్ది , టేకు ,  సింధూర ,

అశోక వృక్షములు   ఈ రకమునకు చెందినవి .

2. అంతర్జాత   వృక్షములు (

Endogenous  trees ) :--- ఈ 

వృక్షములు   పొడవుగా

 వృద్ధిచెందుతాయి.  వృక్షము 

పెరిగినప్పుడు   క్రమక్రమంగా   ఒక వరుస

పై మరియొక వరుస  అమర్చబడ్తూ

అడ్డంగా   కాకుండా   లోపలి వైపునకు

వరుసలు  అమర్చబడతాయి . ఈ విధంగా

చెట్టు  పెరిగే  క్రమాన్ని  బట్టి  కణములు

(Cells ) ఏర్పరచబడుతూ   చెట్టు

పెరుగుతుంది. తాడి,  ఈత , వెదురు

వృక్షములు    ఈ   రకమునకు  చెందినవి.

7. కలప జాతి వృక్షములు

  కలప జాతి వృక్షములు    
1. ఉపోద్ఘాతము :—
               చెట్టు   నుండి లభ్యమగు

 కర్రను   గృహ   నిర్మాణంలో మరియు 

ఇతర   ఉపయోగకర   సామాగ్రిని 

తయారు   చేయుటకు ఉపయోగకరంగా 

ఉండుటకు   గాను  దానిని    కలపగా 

మార్చుతారు   బరువు తక్కువగా   ఉండి 

తగినంత   పటిష్టత కలిగియుండుట 

మూలముగా   వివిధ ఇంజినీరింగ్ 

పరికరములను   తయారు చేయుటకు 

గాను   ఇతర లోహముల కన్నా   కలప

ఎక్కువగా   వాడబడుతున్నది .కలపను 

కావలసిన    ఆకారము   లోనికి

మార్చుటకు   గాను    తేలిక    రకమైన

పనిముట్ల   ద్వారా    సులభముగా

సాధించవచ్చును.    కలపతో    చేసిన

వస్తువులను   జాగ్రత్తగా   వాడుకొనిన

యెడల    అవి   చాలా   కాలం   మన్నికగా

ఉంటాయి .

2.  మేలురకపు    కలపకు    ఉండవలసిన గుణములు:— 
               
      కర్ర సామాగ్రిని తయారు

చేయుటకు   ఉపకరించు   మేలు రకపు

కలపను    ఎన్నుకొనుట కు   గాను   అనేక

వివరాలను    పరిశీలించవలసి  ఉంటుంది.

కలప    గట్టితనం,   మన్నిక ,  బరువు,  కర్ర

యందు   అమర్చబడిన   కణములు

మొదలగు   సాధారణ   విషయాలే

కాకుండా   ఒక్కసారి   దాని   అగ్ని  నిరోధక

గుణము    త్వరగా  నునుపు  చేయ

బడుతుందా   లేదా   అన్న    విషయం

మొదలగు    ఇతర    వివరాలను

పరిశీలించి    తగిన    కలపను

ఎన్నుకొనవలసిన   ఉంటుంది.   సాధారణ

వడ్రంగి   పనికి   గాను   ఉపయోగపడే

కలప   ఈ   క్రింది   గుణములను   కలిగి

ఉండాలి .

1. సరి యైన    వార్షిక వలయముల

(Annual  rings ) ను   కలిగి   ఉండి

రంపముతో   కోయునప్పుడు   రంపము

పండ్లు    నిరోధించ   బడకుండా   ఉండాలి.

2. కలపలో    తేమ    ఉండకూడదు .

3. కలపలో   ఉండే    సాధారణ 

లోపములు    కలిగి    ఉండరాదు.

4. కలప   ' సీజనింగ్ '  చేయబడి ఉండాలి

5 .కలపను    కొట్టినప్పుడు    శ్రావ్యమైన

శబ్దము  నివ్వగలగాలి.

3. కలప  నిచ్చే   వృక్షములు :—
     
మేలు రకపు     కలప    ప్రతి

వృక్షమును   నుండి   లభించదు .  కొన్ని

ప్రత్యేక   వృక్షముల   నుండి   లభించు కర్ర

మాత్రమే  మేలు  రకపు  కలపకు 

కావలసిన  గుణములను  కలిగి ఉంటుంది.

కలప  నొసగే   వృక్షము   పొడవుగా ఉండి,

లావైన  కాండమును   కలిగి   ఉండి

మేలురకమైన  కర్ర   నివ్వగలిగి  ఉండాలి.

6.కర్ర సామాగ్రి తయారు చేయు పనియందు పాటించవలసిన వివిధ రక్షక సూత్రములు .

కర్ర   సామాగ్రి   తయారు చేయు  పని

యందు   పాటించవలసిన   వివిధ రక్షక 

సూత్రములు   క్రింద   సూచింపబడినవి.

.పని చేయు వ్యక్తి   బిగువైన   దుస్తులు 

ధరించాలి .  ముఖ్యంగా యంత్రము ల పై 

పని   చేయునప్పుడు   వదులైన  

 దుస్తులను ధరించాలి .పొడుగు చేతుల 

చొక్కాలు    ధరించిన    యెడల   చొక్కా 

చేతులను    మోచేతుల   వరకు 

మడుచుకొనవలెను .   పనిని 

ప్రారంభించుటకు   ముందు   ఉంగరము 

,చేతి గడియారం    మొదలగు   వాటిని 

తీసి   వైచి   పని   ముగించిన   పిదప 

మరల   వాటిని   ధరించాలి .  

2. బట్టలు   మురికి కాకుండా   ముందు 

వైపు కట్టుకునే   గుడ్డను   ధరించాలి.దీనిని 

"ఆ ప్రాన్" అంటారు   

3.కర్ర    సామాగ్రిని   పెద్ద   ఎత్తున 

తయారు  చేయు   పరిశ్రమలో 

పనిచేయునప్పుడు    కాళ్లకు బూట్లు లేదా  

 తోలుతో    చేయబడిన   పాదరక్షలు 

ధరించాలి    ఉత్తి కాళ్లతో   లేదా రబ్బరు 

చెప్పులతో    పని చేయరాదు  . 

4.  పనిచేయునప్పుడు    దానిపైనే 

మనస్సును   కేంద్రీకరించాలి.   ఇతర 

విషయములను   ఆలోచిస్తూ   కర్ర   పని 

చేయుట  వలన   హాని   జరుగవచ్చును 

.5.తగినంత    వెలుతురు లేని 

ప్రదేశములలో    పని చేయరాదు.   

6. పనిముట్లను    ఉపయోగించే   

విధానము   పూర్తిగా   తెలుసుకున్న 

పిదపనే   వాటిని   ఉపయోగించాలి 

.చేయవలసిన   పనికి   ఉపయోగపడే 

సరియైన   పనిముట్టును   ఆ పనికి 

ఉపయోగించాలి .  తప్పుడు పనిముట్లను 

ఉపయోగించిన ఎడల    ఆ   పనిముట్లు 

మరియు   కర్ర   వస్తువు   దెబ్బతినుట 

జరుగుటయే   కాకుండా   దానిని 

ఉపయోగించు   వ్యక్తికి   హాని 

జరగవచ్చును .

7. గ్రైండింగ్   ,  డ్రిల్లింగ్   మొదలగు 

పనులకు   మరియు   ఉలిని 

ఉపయోగించినపుడు   కండ్లకు   రక్షక  

అద్దములు ( safety  goggles)   

ధరించాలి..

8. ఉలీ , సుత్తి   మొదలగు   పనిముట్లను 

ఉపయోగించినప్పుడు   చేతికి   చెమట 

చమురు   మరియు   ఇతర   మలిన 

పదార్థాలు    లేకుండా    శుభ్రంగా 

తుడుచుకోవాలి.    లేని  యెడల   ఇవిచేతి 

నుండి జారి పోయి దూరంగా ఎగిరి 

పడవచ్చును.   

9. పనిముట్లను ముఖ్యంగా   వాటి 

హ్యాండిల్  

 భాగములను   శుభ్రంగా ఉంచాలి . గ్రీజు 

నూనె    మరియు    ఇతర   మలిన 

పదార్ధాలు   లేకుండా   శుభ్రపరచాలి.  

10. వదులుగా   ఉన్న   హ్యాండిల్ ను 

సరిగా   బిగించుకొనిన    పనిముట్లను 

ఉపయోగించుకోవాలి .  పగుళ్లు ఏర్పడిన 

హ్యాండిల్నను    దాని స్థానంలో    క్రొత్త 

దానిని   అమర్చుకోవాలి.

11.  ఖండింపబడిన   కర్ర   పొట్టును 

తొలగించుటకు   బ్రష్ ను 

ఉపయోగించవలెను.   చేతితో   తొలగింప 

రాదు .

12.వస్తువును  ఖండించుటకు, కోయుటకు 

ముందు అది   కదలకుండా 'వైస్' లో 

దానిని   గట్టిగా   పట్టుకొని 'వైస్ "లో

వస్తువు 

వదులుగా   లేకుండా   గమనించుకుని పని 

ప్రారంభించాలి. 

13. పనిముట్ల   సైజును   గమనించి   సరి 

అయిన   సైజు   గల   పనిముట్లు  

 మాత్రమే ఉపయోగించాలి .

14 .యంత్రముల పై   పని  చేయునప్పుడు 

వస్తువు   లేదా   పనిముట్లను   యంత్రంపై 

సరిగా   బిగించాలి.  తగిన   రీతిలో  తగిన 

పొడవు తో   సరి   అయిన   పట్టుతో  

 వీటిని    బిగించిన   పిదపనే    పనిని 

ఆరంభించాలి. 

15. యంత్రము   పనిచేయు   వివిధ 

వేగములను   గమనించుకుని  

అవసరమగు   వేగముల తో   దానిని 

నడుపుకొని   పని   చేసుకోవాలి.

16. యంత్రం   పని  చేయునప్పుడు 

అనగా   వస్తువు   లేదా   పనిముట్టు 

కదిలినప్పుడు    కొలతలు  తీసుకొనరాదు. 

యంత్రమును  కొలతలు  తీసుకుని 

అవసరమైనచో   తిరిగి   యంత్రమును పని   చేయించవలెను.