28. ప్లేన్ ను ఉపయోగించి కర్రవస్తువును చదునుచేయుట

 యూనిట్   -  3

ప్లేన్ ను    ఉపయోగించి    కర్రవస్తువును    చదునుచేయుట

3.1  ఉపోద్ఘాతము    :  

ప్లేన్ ( చిత్రిక )ను     ఉపయోగించి    కర్రవస్తువు     వివిధ     తలములు,   అంచులు    ప్రక్కభాగములు    చదును     పరచవచ్చునవి    ఎనిమిదవ     తరగతిలో    తెలుసుకున్నాము.    అంతేకాక    వివిధరకముల   ప్లేన్ ల    నిర్మాణమునుగురించి,    వాటిని     ఉపయోగించెడి    విధానమునుగురించి     కూడా    మనము    తెలుసుకొనియున్నాము.   ప్లేన్ ను     ఉపయోగించి    కర్రవస్తువులు      చదునుచేసి    నునుపుపరచు    విధానమునుగురించి     యిపుడు    తెలుసుకుందాము.    

 కర్రవస్తువు     వివిధ     తలములు,   అంచులను    సమపరచి   నునుపుచేయుట   :

        ప్లేన్   ఉపయోగించి    మనకు   కర్రవస్తువు     వివిధ     తలములనుండి,   అంచులనుండి    కొంత    కర్రను     ఖండించి,    తొలగించుట      ద్వారా    దానిని    చదును    చేయవచ్చును.    అంతేకాక    అనవసర     భాగములను    తొలగించుట    ద్వారా    కర్రవస్తువుపై    నిర్ధారించిన    కొలతలను   పొందవచ్చును.    అయితే     ఒక    విషయము    గమనించవలసివుంది.    ప్లేన్      ద్వారా    తొలగించబడెడి    కర్రభాగము   కొద్దిగా    మాత్రమే     వుండాలి.    ఎక్కువ    భాగము   కర్రను    ఖండించుటకు    ప్లేన్ ను   ఉపయోగించరాదు.   మనకు   యివ్వబడిన    కర్రవస్తువును     సమపరచి   దానిని    దీర్ఘ  చతురస్రాకారపు   పలకగా    మార్చి,    దాని   వివిధ     తలములు,   అంచులు    ఒకదానితో     నొకటి    సమకోణములో     వుండునట్లు    ప్లేనింగ్   చేయువిధానము     క్రింద     తెలుపబడింది.    

( A )    కర్రవస్తు    తలములను    చదునుపరచి    నునుపుగా    చేయుట   :—

     1.     ముందుగా   ఇవ్వబడిన    కర్రవస్తు  పైభాగమున   మరియు    క్రింది   వైపుగల    ముఖతలములను    పరిశీలించాలి.    వాటిలో    ఎక్కువ     చదునుగాయున్న      ముఖతలములను   ఎన్నుకొనవలెను.

2.   తిన్నని    అంచు   ( Stright edge  )   లేదా    ట్రైస్క్వేర్ ను    ఉపయోగించి    కర్రవస్తువు    మెలిదిరిగియున్నదా     పరీక్షించాలి.   కర్రవస్తువు   ముఖతలమునందు   ఉబ్బెత్తుగా    యున్న    భాగములను   గమనించి,   గుర్తించాలి.

3.   కర్రవస్తువు   ముఖతలములు   మరియు    అంచులయందు   కణములు    అమర్చబడిన    దిశను   పరిశీలించి,    ఆ    దిశను     సూచించునట్లుగా     బాణముగుర్తును    పెట్టుకొనాలి. ( పటము  3.2  )

4.   కర్రపలకను    వైస్   డాగ్    మరియు    బెంచి   స్టాప్ ల    మధ్య     బిగించాలి.    అయితే    బెంచి   స్టాప్ కు    గల   కర్రదిమ్మ    మందము    కర్రపలక    మందముకన్న    తక్కువగా    యుండాలి.    

      కర్రవస్తువును   దాని      రెండు   అంచులపై    ఒత్తిడి      కలుగచేయునట్లు   బిగించరాదు.   ఈ    విధముగా   బిగించినయెడల   కర్రవస్తువు   సంపీడనముచెంది    వంగిపోవుట    జరగవచ్చును.    ఎక్కువ    పీడనముతో    తిన్నగా    బిగించబడిన    కర్రవస్తువును   ప్లేన్ ను     ఉపయోగించి   చదును   పరచినపిదప,    పీడనము     తొలగించిన     తదుపరి,    ఆ    కర్రవస్తువు    వంపుదిరిగిపోవుటకు    అవకాశమున్నది.  

5.    ముందుగా    ప్లేను     బ్లేడును   తగినట్లుగా    అమర్చుకొని    అది    కర్రవస్తువు    ఉపరితలమునుండి     సన్నని    పొరలుగా    కర్రను    విడదీయునట్లు    చూడాలి.    ప్లేను  ను   కర్రయందు     కణములు    అమర్చబడిన    దిశలో    కదిలించుచు    ప్లేనింగ్   చేయాలి.

       ముందుగా   ఉబ్బెత్తుగాయున్న    భాగములనుండి    కర్రను   ఖండించి    తొలగించుట     ద్వారా    కర్రపలకను    చదునుపరచాలి.    పిదప    ప్లేన్ ను     కర్ర ఉపరితలము    నంతయును    వ్వాపించునటుల  కదిలించుచు     సన్నని    పొరలుగా    కర్రను    తొలగించసాగాలి.    

6.     ప్లేన్ ను     ఉపయోగించునపుడు    క్రింది    సూచనలు    పాటించాలి.

( a )  ప్లేన్ ను  కదిలించుట    ఆరంభించినపుడు   ముందువైపునగల    చేతిపిడి    ( Knob )  పై    ఎడమచేతితో    ఎక్కువ    పీడనమును   కలిగించాలి.    అనగా    ప్లేన్   ముందుభాగమును    కర్రవస్తువుపై     ఎక్కువ    ఒత్తిడితో    నొక్కిపెట్టాలి.   

( b )   ప్లేన్   ముందునకు   కదిలి   దాని    అడుగుభాగము    పూర్తిగా    కర్రవస్తువు    ఉపరితలము    పైకి    ప్రవేశించిన   పిదప    ముందువైపుగల    చేతి    పిడి    పైన    మరియు   ప్లేన్   వెనుక    భాగమున    కుడిచేతితో     పట్టుకొని   యున్న      హాండిల్    పైన    సమానమైన     ఒత్తిడిని    కలుగజేయాలి.

( c )   ముందునకు   సాగిన   ప్లేన్     కర్రవస్తువు    ఉపరితలమును    దాటి    పోవునపుడు    ముందుభాగమునగల    చేతిపిడిపైన    ఒత్తిడిని   తొలగించాలి.

7.     ప్లేనింగ్    చేయునపుడు    మధ్య   మధ్యలో   ట్రైస్క్వేర్ ను   లేదా    తిన్నని    అంచును    కర్రవస్తు    ఉపరితలముపై    అమర్చి    అది    సమతలముగా    వున్నదీ,   లేనిదీ    పరిశీలించాలి.  ట్రైస్క్వేర్ ను      కర్ర    ఉపరితలముపై     పొడవుదిశలో,   అడ్డముగా    మరియు    కర్ణము    దిశలో    అమర్చి    పరిశీలించాలి.    ట్రైస్క్వేర్    యొక్క    బ్లేడు    అంచు    భాగమును    కర్రవస్తువు     ముఖతలముపై    అమర్చి    కాంతివచ్చు    దిశకు   అభిముఖముగా    ఆ   రెండింటిని    పట్టుకొని    చూడవలెను.    బ్లేడు    అంచుకు    కర్రవస్తువుకు    మధ్యనుండి    కాంతి    కనబడు    భాగములు    మిగిలిన     ఉపరితలముకన్నా    లోతుగా   ( దిగువుగా )   వున్నవని    గుర్తించవచ్చును.   బ్లేడు    అంచు   కర్రనుతాకెడి    మిగిలిన    భాగములనుండి    కర్రను    తొలగించవలసియుంది.    అయితే    ఆ    భాగమునుండి    కర్రను    సన్నని   పొరలుగా    మాత్రమే     తొలగించి    మరల     సమతలమును    పరిశీలించాలి.    

8.    ఈ    విధముగా    సమపరచబడిన    ముఖతలముపై    యేదైనా    గుర్తుపెట్టుకొనాలి.   రెండుముఖతలములలో    చదును    చేయబడిన    దానిని    తర్వాత     గుర్తించుటకై     యీ    గుర్తు    పనికివస్తుంది.

( B )   అంచులను    ముఖతలముతో    సమకోణము    చేయునట్లు    చదునుచేయుట   :

1.    కర్రవస్తువు     రెండు    అంచులలో    ఎక్కువ   చదునుగానున్న    దానిని    ఎన్నుకొనాలి.   ట్రైస్క్వేర్ తో    యీ   అంచు    సమతలపరచి   గుర్తించబడిన     ముఖతలముతో   సమకోణములో    నున్నదా    లేదా    గమనించాలి.    ఈ    అంచుపైన    ఎత్తైన     భాగమును    గుర్తించాలి.   

2.   చదును    చేయవలసిన    అంచు    పైకివుండునట్లుగా    మరియు    అది    బెంచి    ఉపరితలమునకు    సమాంతరముగా   వుండునట్లు    కర్రవస్తువును    బెంచి   వైస్ లో     బిగించాలి.   ( పటము 3.5 )   

3.   పటము 3.5 లో    చూపినట్లు    ప్లేన్ ను    పట్టుకొనాలి.    ఎడమచేతి    బొటనవ్రేలు    ప్లేన్    ముందువైపునగల    చేతి   పిడికి     తగులుచు,   మిగిలిన    వ్రేళ్లు    కర్రవస్తువు    ముఖతలముపైన    సులభముగా   జాఱునట్లు    ఆనించి    వుంచాలి.   ప్లేన్ ను    అంచుకు     సమాంతరముగా     వుంచి    కుడిచేతితో    మామూలుగా    హాండిల్ ను   పట్టుకొనాలి.    ఈ   విధముగా    పట్టుకొనుటవలన    ప్లేన్    యేవిధమైన    ఒడిదుడుకులు    లేకుండా   సరిగ్గా    ముందువైపునకు    కదులుతుంది.    

4.    ప్లేన్ ను   అంచుపై   పూర్తిగా    కదిలిస్తూ    వెనుకకూ,   ముందుకు   జరపాలి.     ప్లేన్ ను సమతలంగా   వుంచి   ముందుగా    అంచుపై    ఎత్తుగాయున్న    భాగములను    తొలగించాలి.    ప్లేన్ ను  ముందునకు    కదిలించుట   ఆరంభించినపుడు    ప్లేన్    ముందువైపునగల    చేతిపిడిని     నొక్కిపెట్టాలి.   ప్లేన్    ముందువైపు    జరుగు    కదలికను    ఆపినపుడు,    వెనుకవైపునగల    హాండిల్ పై    ఎక్కువ    ఒత్తిడి    కలుగచేయాలి

5.    చదునుపరచబడిన    అంచును     పరీక్షించుటకుగాను     ట్రైస్క్వేర్ ను    వుపయోగించాలి.   పటము    3.6   లో    చూపిన    విధంగా      చదునుపరచబడిన    ముఖతలమునకు     తగులునట్లుగా     ట్రైస్క్వేర్  స్టాక్ ను     అమర్చి    దాని    బ్లేడు    అంచు    ప్లేనుచేయబడిన      కర్రవస్తువు    అంచుపై    తగులునట్లుగా     అమర్చాలి.     వెలుతురుకు     అభిముఖముగా     దీనిని    పరిశీలించునపుడు     బ్లేడుకు     కర్రవస్తు    అంచునకు    మధ్య    ఖాళీస్థలమువుండిన       భాగములను     గుర్తించాలి.    బ్లేడుకు     తగిలెడి    మిగిలిన     కర్రభాగములు     ఎత్తుగా     గుర్తింపబడినవి    కనుక   ఈ    భాగములను    ప్లేన్     ద్వారా    తొలగించాలి.    అయితే     యీ    పని    కర్రను   సన్నని    పొరలుగా    మాత్రమే   తొలగిస్తూ    జాగ్రత్తగా     చేయాలి.   

        ప్లేన్   ను      ఉపయోగించునపుడు     పూర్తి    వెడల్పును     కలిగియుండునట్లు     కర్ర    మొత్తము    పొడవుపై     వ్యాపించునట్లు    ప్లేన్ ను     కదిలించాలి.    దీనితో     సరియైన    అంచు    త్వరగా     యేర్పడుతుంది.    

6.    ఈ    విధముగా     సమపరచబడిన    అంచుపై    తగిన     గుర్తుపెట్టుకొనాలి.   

( c )   ప్రక్క    భాగములను    చదునుచేసి     ముఖతలము,    అంచులతో     సమకోణములో     వుండునట్లు    సరిచేయుట  :

1.    ముందుగా    ఒక     ప్రక్క    భాగములను     పరిశీలించి,    కణముల    అమరిక    కనబడుతుందా    లేదా    చూడాలి.    కనబడనియెడల        ఆ    ప్రక్కభాగమునుండి    కనీసము    5   మి.మీ.   పొడవును   వదలి    కర్రను    కోసివేయాలి.    దీనితో    కణముల    అమరిక     సరిగా    కనబడుతుంది.

2.   ఈ     ప్రక్కభాగము    పైకి    తిరిగియుండునట్లుగా    వైస్ లో    కర్రవస్తువును   బిగించి    పిదప    ప్లేన్ తో    చదునుచేయాలి.    పిదప    ఆ    ప్రక్కభాగమును   ఒక     అంచునుండి    సగముదూరమువరకు     మాత్రమే     ప్లేన్ తో     చదునుచేయాలి.     మిగిలిన    సగభాగమును   చదునుచేయుటకు    ప్లేన్  ను   రెండువైపులగల    అంచునుండి    కదిలిస్తూ     చదునుచేయాలి.   దీనివలన   అంచులవద్ద     మూలలు   పొరలు    పొరలుగా    లేవకుండా    వుంటాయి.

3.   ప్రక్కభాగమును    చదునుచేయుటకుగాను    అంచును    చదునుపరచునపుడు    పట్టుకున్న     పద్ధతిలోనే    ప్లేన్ ను    పట్టుకొనాలి.   అయితే    ప్లేను    కొద్దిగా    ప్రక్కకు     త్రిప్పి    ఏటవాలుగా    యుండునట్లుగావుంచి   ముందునకు   కదిలించాలి.    దీనివలన    కర్ర  పై  నుండి    పొరలు     సులభముగా    తొలగించుట    సాధ్యపడుతుంది.   

4.   పిదప   ట్రైస్క్వేర్ తో   చదునుపరచబడిన    ప్రక్కభాగమును     యింతకు    ముందు    చదునుచేయబడిన      ముఖతలము      మరియు     అంచులతో    సమకోణము    చేయుచున్నదా   లేదా     పరిశీలించాలి.    ఎత్తుగాయున్న     భాగములను   తొలగించి    ప్రక్కభాగమును    చదునుపరచాలి.  

5.   ఈ    విధముగా    చదును   పరచబడిన    ప్రక్క    భాగమును     తగిన     విధముగా    గుర్తుపెట్టుకొనాలి.

27. ఱంపముతో కర్రవస్తువును కోయు విధానము

 యూనిట్ - 2

ఱంపముతో    కర్రవస్తువును   కోయు    విధానము

2.1    ఉపోద్ఘాతము : 

          వివిధ    రకముల    చేతి    ఱంపములనుగురించి,    వాటిని    ఉపయోగించెడి  

 విధానమునుగురించి    ఎనిమిదవ     తరగతిలో     తెలుసుకొనియున్నాము.   ఱంపము    ద్వారా  

 కర్రవస్తువును    కోసి    దానికి   తగిన   ఆకారమును    తెచ్చెడి    విధానమునుగురించి    యిపుడు

   తెలుసుకుందాము.    అయితే   ముందుగా     కర్రవస్తువుయుందు    కణములు   అమర్చబడిన

    దిశలో    లేదా    కణముల   అమరికకు     అడ్డముగా     కోయుటకు    తగిన    ఱంపమును    

 ఎన్నుకొనవలెను.    కర్రవస్తువును    తిన్నగా    ఒక    రేఖ    వెంబడి    కోయవలయునా    లేదా    

వంపుగా    కోయవలయునా    నిర్ణయించుకొని    దానికి    తగిన     ఱంపమును    

 ఎన్నుకొనవలెను.  

   తగిన     ఱంపమును     ఎన్నుకొనుటకుగాను,    వివిధ    ఱంపములు     పనిచేయు    

 విధానమునుగురించి     మరల   పునర్విమర్శించుకొనుము.    

2.2    ఱంపముతో    కర్రవస్తువును   కోయు    విధానము  :    

1.    ముందుగా   కోయవలసిన   దిశలో    కర్రవస్తువుపై    స్టీలురూలు    మరియు     పెన్సిల్    లేదా

    మార్కింగ్    గేజితో    రేఖను    గుర్తించిలి.   

2.   కర్రవస్తువు    చిన్నదైన   యెడల    దానిని    వైస్ లో     గానీ    లేదా    బెంచి    హుక్    పైనగానీ 

    అమర్చి     బిగించాలి.    పొడవుగాయున్న    కర్రవస్తువును    సాధారణంగా    ఱంపపుబల్ల    ( Saw

 Horse )   పైన   పెట్టి     అది    కదలకుండా    మోకాలితో     దానిని    నొక్కిపెట్టి      కదలకుండా   

 వుండునట్లు   చూడాలి.   

3.   ఱంపమును      కుడిచేతితో    పట్టుకొనాలి.    కుడిచేతి   బొటనవ్రేలు    మరియు   

 చూపుడువ్రేలు    హాండిల్ కు   రెండువైపులా    వుండాలి.   చూపుడువ్రేలు    ముందువైపునకు  

 సాచియుంచాలి.    ఈ     విధముగా    హాండిల్ ను   పట్టుకొనుట    వలన    ఱంపము  

 ఋజుమార్గములో    (  తిన్నగా )    పయనించుట      క్రమబద్ధము     చేసుకొనుట    

సులభతరమగుతుంది.

4.   పనిచేయు    వ్యక్తి    ముంజేయి,    భుజము    మరియు    కంటిదృష్టి     ఒకే   వరుసలో    

యుండునట్లు    ఆ    వ్యక్తి     సరిగా   నిలబడాలి.   ( పటము 2.2  )   

5.   ఱంపపుబిల్లను     ఉపయోగించునపుడు    పటము    2.3  లో   చూపినట్లు   కర్రవస్తువుపై  

 మోకాలిని    నొక్కిపెట్టి    వస్తువు   కదలకుండా   చూడాలి.   పెన్సిల్ ద్వారా    గుర్తింపబడిన    

రేఖకు    అతి    దగ్గరగా    ఱంపముతో     కోయుట     ఆరంభించాలి.    ఱంపము    రేఖ    నుండి    

తొలగింపవలసిన    కర్రభాగమువైపునకు    వుండాలి.    కోయుట    ముగిసిన     పిదప    ముందుగా

   గుర్తింపబడిన    రేఖ   దాదాపుగా     కనబడకుండా   వుండాలి.    

6.   కర్రవస్తువును      కోయుట      ప్రారంభించుటుకుగాను    ఎడమచేతితో   ఱంపము     బ్లేడునకు  

  దగ్గరగాయుండునట్లు     కర్రవస్తువును   పట్టుకొనాలి.    బొటనవ్రేలి     కొంతభాగము    బ్లేడునకు   

 తగులుచుబ్లేడు     పయనించుదిశను    క్రమబద్ధము   చేసుకొనునట్లు   వుండాలి   (  పటము 2.4 ) 

 అయితే    ఱంపము     బ్లేడు    కదులునపుడు,   దాని    పదునైన   పండ్లకు  తగిలి       

  గాయపడకుండా    బొటనవ్రేలును    లేపి    వుంచాలి.

7.   ముందుగా     ఱంపమును    కర్రవస్తువుపై    ఆనించి    రెండు    లేక    మూడు    సార్లు   మెల్లిగా   పైకి     లాగాలి.    దీనితో   కర్రయందు    సన్నని    చీలిక     యేర్పడి     ఱంపముపండ్లు   ఆ    చీలికలో   ప్రవేశించుట    ద్వారా     కర్రలోనికి   దిగుతుంది.   

8.  ఈ    విధముగా   ఱంపము    కర్రలోనికి   దిగిన     పిదప    ఱంపముబ్లేడు     ముందువైపు    కొద్దిభాగము     మాత్రము    కర్రను     ఖండించునట్లు    చిన్న   స్ర్టాకులతో   చిన్న   కదలికలతో   ఱంపము   బ్లేడును    ముందు   దిశలో    కదిలించాలి.    దీనితో   ఇంతకుముందు    చేయబడిన   చీలిక     లోతు    హెచ్చి    ఱంపముబ్లేడు   మరింతగా     కర్రలోనికి  దిగుతుంది.    ఇప్పుడు   కర్రపైనుండి     ఎడమ    చేతిని    తీసివేయవచ్చును.   

9.   పిదప   మొత్తము   బ్లేడు    పొడవుతో   కర్రను    కోయునట్లు      ఱంపముబ్లేడును      పూర్తి   స్ర్టాకులతో    ముందు,   వెనుకలకు    కదిలించాలి.   ఱంపమును    ముందునకు    నెట్టినపుడు   శరీరము    మరియు     భుజముతో     తగినంత   ఒత్తిడిని     కలిగించాలి.    అంతేకాని    ముంజేయితో    ఒత్తిడిని    కలుగచేయరాదు.    ముంజేయితో    ఒత్తిడిని    కలుగించినయెడల     బ్లేడు   తిన్నగా    కాకుండా     అటూ,  ఇటూ    కదులుచు   ఒడిదుడుకులతో      పయనిస్తుంది.

10.   ఒకవేళ     ఱంపము   బ్లేడు   కోయవలసిన   తిన్నని    మార్గము   నుండి    ప్రక్కకు   వైదొలగిపోయినయెడల,   బ్లేడు   ముందుభాగము     వైపుగల     పండ్లతో    మాత్రమే   కర్రను    కోయుచు,   ఱంపముహాండిల్ ను    ప్రక్కలకు    వంచి    బ్లేడు      ప్రక్కలకు   వంగునట్లు    చూడాలి.    దీనివలన    బ్లేడు    తిరిగి   సరియైన     మార్గములోనికి    వస్తుంది.   ( పటము  2.5 )

11.   ఱంపముబ్లేడు    వస్తు    ఉపరితలముతో     తగినంత   కోణమును    చేయునట్లు     ఏటవాలుగా   వుండాలి.   అడ్డముగా    కోయునపుడు    ఈ    కోణము    45॰  మరియు  రిప్ ఱంపము   నుపయోగించినపుడు   సుమారు 60॰     వుండునట్లు     అమర్చాలి.    ( పటము 2.6 )

12.   ఱంపమును    కదిలించునపుడు      అది    గుర్తించి    రేఖవెంబడి     ఖండించునట్లు     చూడాలి.    అంతేకాకుండా    అది   వస్తువు    ఉపరితలమునకు   సమకోణములో    కోయాలి.

13.   ఱంపముతో   చీలికలు   చేయునపుడు,    ఱంపము   చీలికలో     చిక్కిపోవుట    వలన    సులభముగా    కదలకపోవచ్చును.    కోయబడిన     చీలికలో     కోసుగాయున్న     కర్రముక్కనొకదానిని    అమర్చి    చీల్చబడిన    కర్రభాగములు    దగ్గరగా   రాకుండ   చూడాలి.    దీనివలన   బ్లేడు   చీలికలో    తట్టుకొనబడక    సులభముగా     కదులుతుంది.    ( పటము 2.7 )

14.  ఱంపము    బ్లేడు    కర్రను   కోయుట     ముగియునపుడు    ( అనగా  కర్రవస్తువు   ఒక   ప్రక్క    భాగము  నుండి   మొదలై    మరియొక    ప్రక్క    భాగము  వరకు    వచ్చునపుడు ),   విడదీయబడెడి     కర్రభాగమును    చేతితో   పట్టుకొనాలి.    ( పటము2.8 )   తక్కువ    పొడవుగల     కదలికతో,     తేలికైన     స్ర్టోకులతో     ఱంపమును    కదిలించాలి.    ఒకవేళ     విడదీయబడెడి    కర్రముక్క     ఎక్కువ    పొడవును     కలిగియుండి,     దానిని     ఒక     చేతితో    పట్టుకొనుట     కష్టసాధ్యమైనపుడు,    మరొకవ్యక్తి     సహాయమును     కోరాలి.    లేదా    దాని     క్రింద     తగిన       ఆధారమును    పెట్టియుంచాలి.    

2.3     గమనించవలసిన   విషయములు   :

1.   ఱంపముతో    కోయునపుడు   గుర్తింపబడిన     రేఖకు    దగ్గరగా    మరియు   తొలగించవలసిన     కర్రభాగమువైపు     కోయవలెను.

2.    ఱంపము   ద్వారా    కోయబడు   భాగము    కర్రవస్తువు    ఉపరితలనునకు     లంబముగా    యుండాలి.   

3.    ఱంపముతో    కర్రవస్తువును    పూర్తిగా    కోసి    రెండు      భాగములుగా    విడదీయవలెను.    అంతేకాని,    కొంతవరకు     కోసినపిదప,    కర్రను    ఉలితో      విడదీయుట     లేదా    చేతితో      పట్టుకొని    చీల్చి     విడదీయుట     చేయరాదు.

4.    ఎడమచేతి     బొటనవ్రేలికి     గాయము      కాకుండా   చూడాలి.    ధరించిన    వదులైన    దుస్తులు    ఱంపముపండ్లలో    చిక్కిపోకుండా    జాగ్రత్త     వహించాలి.

అభ్యాసము

1.    ఒక    దీర్ఘ  చతురస్రాకారపు     కర్రపలకను    వెడల్పు    మార్గములో    రెండు    భాగములుగా    కోయువిధానమును     వివరింపుము.

2.     ఒక    దీర్ఘ  చతురస్రాకారపు     కర్రపలకయందు     దానికర్ణము      మార్గములో    కర్రనుకోయు     విధానమును    వివరింపుము.    

3.  ఱంపముతో    కోయునపుడు   తీసుకొనవలసిన     జాగ్రత్తలను     వివరింపుము.

26 .కర్రవస్తువు పై కొలతలను గుర్తించుట

 యూనిట్ - 1

         కర్రవస్తువు పై    కొలతలను   గుర్తించుట   

 1.1    ఉపోద్ఘాతము : 

                మార్కెట్ లో లభ్యమగు    కలపను   కొని   దానిని   తగిన   ఆకారము   మరియు  

 పరిమాణముగల   కర్రసామగ్రిగా   మార్చుటకుగాను

ఉపయోగించెడి     వివిధరకముల    పనిముట్లనుగురించి     మనము   ఎనిమిదవ    తరగతిలో  

 తెలుసుకొనున్నాము.   ఈ   పనిముట్లను    ఉపయోగించెడి   విధానమును   గురించి,  ఆ  

 పనిముట్ల    ద్వారా   వివిధ    పనులు    నెరవేర్చుకొను    విధానమును  గురించి    యీ   తరగతిలో 

  వివరముగా    తెలుసుకుందాము.   

        కర్రవస్తువును    మనకు   కావలసిన    ఆకారము    మరియు    పరిమాణముగల     సామాగ్రిగా    

మార్చుటకుగాను    చేయవలసిన   వివిధ   పనులు    యీ    క్రింది    విధముగా   వుంటవి.

1.    ముందుగా   కర్రసామాగ్రి    యొక్క   కోలతలను    నిర్దారించాలి.   అనగా   దాని  

 ఆకారముతోబాటు   పొడవు,   వెడల్పు ,   మందము,   ఎత్తు   మొదలగు   వివిధ   కొలతలను    

నిర్ణయించుకొనాలి.   

2.  పైన   తెలిపిన    కొలతలను   సూచించినట్లు   యివ్వబడిన   కర్రవస్తువుపై   కావలసిన    

ఆకారమును,    కొలతలను   సరిగా   గుర్తించాలి.   ఇందుకు   తగిన   పనిముట్లను  

 ఉపయోగించాలి.   

3.  గుర్తించిన     కొలతల    ప్రకారము   తగిన    పనిముట్టును   ఉపయోగించి   కర్రవస్తువును  

 ఖండించాలి.   

4.   ఖండించబడిన   వస్తుతలమును    చదును   పరచి   ,   నునుపు   పరచాలి.   

5.   విడివిడి   భాగములుగా   తయారైన    కర్రసామాగ్రి    భాగములను   కలిపి    సరిగా    బిగించుట 

  ద్వారా   కర్రసామాగ్రిని    పొందవచ్చును.   

6.    తగిన    ఆకారము   మరియు   పరిమానముగల     కర్రసామాగ్రిని    పైన   పేర్కొనిన  విధముగా 

   పొందినపిదప    దానిని    ఆకర్షణీయంగా    వుంచుటకు   మరయు    ఎక్కువకాలము   మన్నికగా  

  వుండుటకుగాను    దానిపై   వార్నిష్     లేదా    పెయింట్ ను    పూయవలసి   యుంటుంది.   

ముందుగా   కర్రవస్తువుపై   వివిధ   కొలతలను   గురించి  తెలుసుకుందాము.

1.2    కొలతలను   గుర్తించు    విధానము :    

కర్రవస్తువుపై    వివిధకొలతలను     గుర్తించెడి   పనిముట్లనుగురించి,   వాటిని     ఉపయోగించెడి  

 విధానమును    గురించి   ఎనిమిదవ    తరగతిలో   చదివినది    మరల    జ్ఞప్తికి    తెచ్చుకొనండి.  

 కర్రవస్తువుపై    కొలతలను   గుర్తించుటకై     రెండుపనులు     చేయవలసియుంటుంది.  

 కొలతలను     సూచించినట్లుగా    ముందుగా    పనిముట్టును    సరిగా    అమర్చవలెను.     దీనినే  

'  సెట్టింగ్ '

    ( అమరిక )   అని   అంటారు.    సెట్టింగ్    చేసినపిదప      ఆ     పనిముట్టు    నుపయోగించి    

కర్రవస్తువుపై    కొలతలను  గుర్తించాలి.    ఈ   విధముగా    గుర్తించినపుడు   పనిముట్టును   సరిగ్గా 

  వుపయోగించాలి.    

          ఉదాహరణకు,   కర్రవస్తువుపై    వృత్తమును   గుర్తించవలెననుకొందాము.    ఇందుకుగాను  

వృత్తలేఖినిని    (  పెన్సిల్  కంపాస్ ను )  ఉపయోగించవచ్చును   కదా!  ముందుగా    

గీయవలసిన    వృత్తము    యొక్క     వ్యాసార్థము    కొలతకు   సమానముగా    వుండునట్లు    

వృత్తలేఖిని   రెండు    భుజముల    అడుగుభాగపు    మధ్యదూరము    యుండునట్లు    ఆ  

 భుజములను    జరుపుకొని    సరిగా    అమర్చాలి.    స్టీలురూలు  పై    గల    కొలతల    

ఆధారముగా  వృత్తలేఖిని    భుజములను    జరుపుకొని   తగినంత    దూరమును    వాటిమధ్య   

 అమర్చవచ్చును.    ఈ   విధముగా      వృత్తలేఖినిని   అమర్చుటను   '  సెట్టింగ్  '  అంటారు.  

 ఇది    ముందుగా    చేయవలసినపని.   పిదప    వృత్తలేఖినిని   సరిగా   వుపయోగిస్తూ  

 కర్రవస్తువుపై   తగిన     స్థలములో     వృత్తమును    సరిగా     గీయవలెను.    ఈ   విధముగా    

వృత్తమును   గీయునపుడు    వృత్తలేఖిని పై    అమర్చబడిన   వ్యాసార్థముకొలత    జరిగి    

చెదిరిపోకుండా    వుండాలి.    అనగా   పనిముట్టును    సరిగా   ఉపయోగిస్తూ    వృత్తమును    

 గీయవలసియుంటుంది.

2.    గేజి   నుపయోగించి    రేఖలను   గుర్తించుట  :—

         మార్కికింగ్   గేజి     హెడ్ యొక్క     ముఖభాగమునకు     మరియు    దాని    దిమ్మకు  

 బిగింపబడియున్న    పిన్నుకుగల   మధ్యదూరమును     మార్చుకొని    కావలసిన   కొలతకు  

 సమానముగా     వుండునట్లు    అమర్చుకోవాలి.

      కుడిచేతిలో    హెడ్ భాగమును    పట్టుకొని,    దాని    ముఖభాగమును    కర్రఅంచునకు    

ఆనించి   నొక్కిపెట్టాలి.     మార్కికింగ్   గేజి  దిమ్మ   సమతలములోయుండి,     దానికి    అమర్చిన 

   పిన్ను     కొద్దిగా    వెనకవైపునకు    తిరిగియుండునట్లు     పట్టుకొని    కర్ర    ఉపరితలమునకు    

పిన్ను    తగులునట్లుగా    నొక్కి  పెట్టియుంచాలి.       చేతిని    ముందునకు    కదిలించుట    

ద్వారా   పిన్ను   కర్ర   ఉపరితలముపై    కదిలి    దానిపై    రేఖను     గీస్తుంది.    ఈ    విధంగా    

గుర్తింపు   బడిన    రేఖ   కర్ర    అంచుకు    సమాతరంగాయుంటుంది.     ( పటము 1.2 )  

మార్కికింగ్   గేజి ద్వారా   సుమారు   100   మి.మీ.   పొడవువరకు   ( అనగా   అంచు  నుండి   100  

మి.మీ.  దూరమువరకు )   సమాంతర   రేఖలను   గీయవచ్చు. 

1.3.   స్టీల్ రూలు,     పెన్సిల్     ద్వారా    గుర్తించుట  :-

    అంచునకు     ఎక్కువదూరములో     దానికి   సమాంతరంగా    రేఖలను    గుర్తిచుటకు    పై  

రెండు    పద్ధతులు    పనికిరావు.    స్టీల్ రూలు   మరియు     పెన్సిల్ ను    ఉపయోగించుచు    

ఎక్కువ    దూరములో    రేఖలను     గుర్తించవచ్చును.   స్టీల్ రూలు    ద్వారా   ముందుగా    

అంచు   నుండి   కావలసిన   కొలతకు    సమానమైన      దూరములో     యుండునట్లు    కర్ర  

 ఉపరితలము    పై   అక్కడక్కడ   బిందువులను   గుర్తించిలి.    ఈ     బిందువులను   స్టీల్ రూలు 

  ద్వారా    కలుపుచు    పెన్సిల్ తో    రేఖలను    గీయవచ్చును.   ఈ   రేఖ   అంచు   నుండి  

 కావలసిన   కొలతతో   సమాంతరముగా    వుంటుంది.

1.4.   కోణములను   గుర్తించు   విధానము  :-

     ఒక్కొక్కసారి    కర్రవస్తువుపై    వివిధదశలలో   రేఖలను    గుర్తించవలసియుంటుంది.   ఈ  

 రేఖలు ఏదేని    యివ్వబడిన    కొలతనుండి   కొంత    కోణమును    చేయునట్లు   ఏటవాలుగా    యుండవచ్చును.    వివిధ   కోణములను    గుర్తించు   విధానము   క్రింద   తెలుపబడింది. 

1. 45॰   కోణము   గుర్తించుట  :-

     45॰  డిగ్రీలు  90   డిగ్రీల   కోణములను   ట్రైస్క్వేర్ ,     మీటర్  స్క్వేర్ ,   కాంబినేషన్  స్క్వేర్  

నుపయోగించి    గుర్తించవచ్చును.   పటములో   1.4లో   ట్రైస్క్వేర్    నుపయోగించి   45॰  

 కోణమును     గుర్తించు   విధానము    చూపబడినది.    T—బివెల్ ను   ఉపయోగించి    45॰    

కోణమేకాకయితర   యేకోణమైననను   గుర్తించవచ్చును,   పటము  1.5  లో    చూపినట్లు  

 ముందుగా   కోణమానిని   ఉపయోగిస్తూ    T—బివెల్ ను    తగిన   కోణములో    ( అనగా   45॰ 

కోణములో )   అమర్చవలెను.   ఈ   విధంగా    అమర్చిన   పిదప   T—బివెల్ ను    ఉపయోగిస్తు  

  కర్రవస్తువుపై     తగిన    కోణములో   రేఖలను   గుర్తించవచ్చును.  

    వివిధ   కోణములో    యేర్పరిచిన     కర్రవస్తువు  వివిధ   కొలతలను   కొలుచుటకుగాను     T—

బివెల్ ను    ఉపయోగించెడి    విధానము     పటము    1.6   లో    చూపబడింది.   కాంబినేషన్ సెట్ 

పై     అమర్చబడి     T—బివెల్    ద్వారా    కోణమును    కొలుచుటయున్న     'ఆంగిల్ డివైడర్' 

అనబడు    కోణములను   గుర్తించెడి    పరికరము   ద్వారా   కోణమును    గుర్తించవచ్చును.   ఇది  

 రెండు   బ్లేడులను    కలిగియుండి,     వాటికిమధ్యగల    కోణమును   మార్చుకొని   తగినంత  

 వుండునట్లు   అమర్చుకొన    వీలుకలిగియుంటుంది.    బహుభుజిని    త్వరగా  గుర్తించుటకు    

యిది    సదుపాయముగా   వుంటుంది.

2.   90॰    కోణమును   కొలుచుట   లేదా   గుర్తించుట :-    

         ట్రైస్క్వేర్ ,     మీటర్  స్క్వేర్ ,   కాంబినేషన్  స్క్వేర్  మొదలగు   పరికరముల   ద్వారా    90॰

   కోణమును    గుర్తించవచ్చును.    మీటర్  స్క్వేర్ ,   కాంబినేషన్  స్క్వేర్ ను  

 ఉయోగించునపుడు    45॰   కోణమును     గీయుపద్ధతిలోనే    ముందుగా    కోణమానిని    

ఉపయోగిస్తూ   90॰    కోణమును   వీటిపై   అమర్చి,    పిదప   వాటిని    ఉపయోగించాలి.     

 ట్రైస్క్వేర్  ను   ఉపయోగించి     కర్రవస్తువు   ఒక    అంచునకు     సమకోనములో    రేఖను    

గుర్తించుట   పటము    1.8   లో    చూపబడింది.   ట్రైస్క్వేర్    యొక్క   స్టాక్ ను    కర్రవస్తువు  

 అంచునకు   నొక్కిపెట్టి,    దాని    బ్లేడును    స్టీలురూలువలె   ఉపయోగిస్తూ    రేఖను  

గీసినయెడల,     అది   స్టాక్   తగిలించబడిన    అంచునకు    సమకోణములో    వుంటుంది.   

           కర్రవస్తువు    రెండు    ప్రక్కతలములు   ఒకదానితోనొకటి   సమకోణములో     యేర్పరచబడి 

   వున్నవా   లేదా   పరిశీలించుటకు  ట్రైస్క్వేర్     ఉపయోగిస్తుంది.    పటము    1.9  లో

చూపిన   విధముగా     ట్రైస్క్వేర్   యొక్క   స్టాక్  ను   కర్రవస్తువు    ఒక    తలమును   నొక్కిపెట్టి  

 దానిబ్లేడు    అంచుభాగము      కర్రవస్తువు    రెండవ    తలమునకు    తగులునట్లుగా    

 అమర్చాలి.   ఈవిధంగా   అమర్చిన     పిదప     కర్రవస్తువును     ట్రైస్క్వేర్ ను   చేతితో  

 పట్టుకొని    వెలుతురు   వచ్చుదిశకు     ఎదురుగా     వుండునట్లు    కంటికి   ముందు    అమర్చి   

 పరిశీలించాలి.    బ్లేడు    అంచునకు,       కర్రఉపరితలమునకు    మధ్య    యేవిధమైన  

 ఖాలిస్థలము   లేనియెడల    ( అనగా  ఆ  రెండిటి  మధ్యనుండి  వెలుతురు  కనపడనియెడల )  

ఆ  రెండు   తలములు    ఖచ్చితముగా   సమకోణములో   వున్నట్లు    నిర్ధారింపవచ్చును.

 కర్రవస్టువు     ఉపరితయము    సమానముగా   వున్నది,    లేనిది   పరిశీలించుటకుగాను    

ట్రైస్వ్కేర్ ను    ఉపయోగించు   విధానము   పటము  1.10లో     చూపబడినది.

1.5  వృత్తములను    మరియు   చాపరేఖలను   గుర్తించుట :—

     ఇందుకుగాను    పెన్సిల్    కంపాస్    లేదా   డివైడర్   లేదా     ట్రామెల్     మొనలను  

 ఉపయోగించవచ్చును    పెన్సిల్    కంపాస్    ద్వారా    వృతమునుగీయుట   పటము   1.11లో  

 చూపబడినది.     ట్రామెల్     మొనల    ద్వారా     కర్రవస్టువుపై   వృత్తమును  లేదా    

చాపమునుగీయుట   తటము 1.12    లో   చూపబడినది     ఎక్కువ    వ్యాసముగల   పెద్ద  

 చాపములను     గుర్తించుటకు      ట్రామెల్     మొనల     లేదా    పెన్సిల్    కంపాస్     పనికిరావు.

ఇందుకుగానుపలుచని   స్కేలు   ఆకారముగల   వంచుటకు    వీలైనటువంటి    కర్రముక్కను   

 ఉపయోగించాలి   దానిని    తగిన   ఆకారములోనికివంచుకొనీ   దానిని   స్కేలువలె  

 ఉతయోగిస్తూ   పెన్సిల్ తో   చాపములను     గీయవచ్చును.

1.6  ఇతర    ఆకృతలను   గుర్తించుట :—

    కర్రవస్తువుపై    క్రమబధ్ధమైన    రేఖాపటములు   మరియు     ఆకర్షణీయమైన    నగిషీ    

 రేఖలను   గుర్తించి,   ఆ   ప్రత్యేక   ఆకారములో   కర్రను    కోయుటవలన   కావలసిన    ప్రత్యేక    

ఆకృత్తి లో   కర్రసామాగ్రిని    పొందవచ్చును.    త్రిభుజము,   పంచభుజి,   షట్భుజి   మొదలగు  

 క్రమ   రేఖాపటములు    మరియు   ఆకర్షణీయమగు   వంపు    గీతలను    గుర్తించు   విధానము  

 మనము   10 వ   తరగతిలో   తెలుసుకొనెడము.

                          అభ్యాసము 

1.  కొలతలను    గుర్తించునపుడు   చేయవలసిన   రెండు   పనులను   వివరింపుము.

2. పటము   1.14లో   సూచింపబడిన   దీర్ఘచతురస్రాకారపు    కర్రవస్తువును   అడ్డముగా   మూడు  

  సమభాగములుగా   చేయుటకుగాను  దానిపై    గుర్తులు   పెట్టుకొను    విధానము   వివరింపుము.   

3.  పైన   పేర్కొనబడిన   దిమ్మ    మధ్యభాగమున  20మి.మీ.   రంధ్రములను    చేయుటకుగాను  

 వృతమును   గుర్తించెడి   విధానము   వివరింపుము.

4.  ఒక   కర్రపలకయందు    50మి.మీ.   వృత్తమును   గుర్తించి,   దానిని   6  భాగములుగా  

 విభజించెడి   రేఖలను    గుర్తించెడి   విధానము   వివరింపుము.

5.   మార్కింగ్ గేజితో   పటము    1.14 లో   సూచింపబడిన   కర్రవస్తువు   పొడవైన   అంచునుండి  

  10  మి.మీ.   ,   20  మి.మీ.  , 35  మి.మీ. ,  దూరముతో     సమాంతర    రేఖలు    గీసెడి    విధానము

    వివరింపుము.

25. ఇతర పనిముట్లు

 యూనిట్ - 6

                   ఇతర    పనిముట్లు

ఉపోద్ఘాతము : 

               వడ్రంగి    పనికి    సంబందించిన     ప్రత్యేక    పనులను    చేయుటకు    ఉపకరించు  

  వివిధ   పనిముట్లను   గురించి   క్రిందటి   యూనిట్లలో   మనము   తెలుసుకున్నాము.    అయితే  

మరికొన్ని   సాధారణ   పనిముట్లు   గూడ    యీ    పనియందు    విరివిరిగా   వాడబడుతున్నాయి.  

వీటిని   గురించి  క్రింద   వివరించనైనది.    

1.    ఆకురాయి  :---

              ఒక     వస్తుతలమును    అరగదీసి    నునుపుపరచుటకు   ఆకురాయి.  

 ఉపయోగపడుతుంది.    ఎగుదిగుడులుగా    యున్న      వస్తుతలముపై  ' ఫైల్  '   ( Fiel )  

అనబడు    ఆకురాయిని    అదిమిపట్టి   రాపిడి   గావించుట    ద్వారా   ఆ    తలమును    అరగదీసి 

  నునుపుపరచవచ్చును.     వడ్రంగిపనియందు    కర్రవస్తువును     నునుపుపరచుటకుగాను  

రెండు   రకములైన   ఆకురాళ్లను   ఉపయోగిస్తారు.   వీటిని

 ' రాస్ప్ '   ( Rasp )   మరియు  ' ఫైల్ '   ( File ) అని    పిలుస్తారు.   ఈ   రెండు    రకములైన    ఫైళ్లు  

 కూడా  ' హాండిల్ '   మరియు 'బాడీ'

  ( Body )  అనబడు   రెండు   భాగములను   కలిగియుంటాయి.    హాండిల్    భాగము   గట్టి   కర్రతో 

  చేయబడి    ఒక   వైపు   చిన్న   రంధ్రములను   కలిగియుంటుంది.   బాడీకి   వెనుక    భాగమున    

సన్నగా   కాడవలెయుండు   ' టాంగ్ '  

  ( Tongue )   అనబడు    భాగము   యీ    రధ్రములో   అమర్చుకొని    బిగింపబడియుంటుంది.   

 చేతికి   తగిన   పట్టు    ( Grip )  యిచ్చెడి   ఆకారములో    హాండిల్   చేయబడియుంటుంది.  

 టాంగ్ ను   హాండిల్   రంధ్రములో    బిగించినపుడు    రంధ్రము   చుట్టూవున్న    కర్ర    

బీటలువారకుండ    సన్నని   యినుపరింగు    బిగింపబడియుంటుంది.   బాడీ    భాగము    

ఉక్కుతో    చేయబడి    దాని    ముఖభాగమున    ( Face )   పదునైన   పండ్లను    ( Cutting teeth )  

 కలిగియుంటుంది.    

           ' రాప్స్ '   అనబడు    ఫైల్     కర్రవస్తువును    త్వరగా     అరగదీయుటకు    పనికి    వస్తుంది. 

   దీనికిగల    పండ్ల     వస్తువును    ఎక్కువగా    నునుపుపరచటానికి     పనికిరావు.     రాస్ప్ ఫైల్    

 అవచ్ఛేదము    ( Cross section )   సాధారణంగా   అర్ధవృత్తాకారపు    ఆకారంలో    వుంటుంది.

ఫైల్    లేదా   ' వుడ్  ఫైల్ '    ( Wood file )   అనబడు   ఆకురాయి    వస్తుతలమును   ఎక్కువగా    

నునుపుపరచటానికి    ఉపయోగపడుతుంది.    రాస్ప్ ఫైల్ ను   రఫ్ పనికి    మరియు    వుడ్   ఫైల్ 

ను    ఫినిషింగ్   పనికి   వుపయోగిస్తారు.    రాస్ప్ ఫైల్    నుపయోగించినపుడు    కర్రవస్తువుపై    

యేర్పడిన     సన్నని    గీతలను    తొలగించి    వస్తుతలమును   మెరుగుపరచటానికి     వుడ్  ఫైల్

    ఉపయోగపడుతుంది.   

      రాస్ప్ నుగానీ,    ఫైల్ నుగానీ    వాడినపిదప    వాటిని    శుభ్రపరచుటకుగాను    మేలురకమైన

    బ్రష్ నుపయోగించాలి.     

2.   స్ర్కేపర్    ( Scraper )  : 

            ఇది    సన్నని    ఉక్కురేకుతో    చేయబడి   తగిన   దారుఢ్యతను   కలిగియుండుటకుగాను 

   టెంపర్  చేయబడియుంటుంది.    దీనిని    సాధారణంగా    తెగిపొయిన    కణములు     ( Torn 

grains )   తొలగించుటకు    లేదా   ప్లేన్    ద్వారా     కర్రవస్తువును    నునుపుపరచిన    పిదప    

దానిపై     యేర్పడిన     ప్లేను     అడుగుభాగపు   గుర్తులను    తొలగించుటకువాడతారు.

    తక్కువ    మందముతో    సన్నగా   దీర్ఘచతురస్రాకారపు     ఆకారంలో     పొడవుగా   యున్న 

    స్ర్కేపర్    ఒకవైపు    పదునైన    అంచును   కలిగియుంటుంది.    ఎడమచేతి    బొటనవ్రేలితో    

 పదునైన    అంచును    కర్రవస్తువుపై     నొక్కిపెట్టి    కుడిచేతితో   స్ర్కేపరును    ముందుకు    

కదిలించుట    ద్వారా  కర్రవస్తువు     ఉపరితలమునుండి    అతి    సన్నని    

పొరలుగా     విడదీయవచ్చును.

3.   పిన్సర్    ( Pincer )  :- 

     కర్రవస్తువులనుండి    మేకులను     బయటకు   లాగుటకు     ' పిన్సర్ '    ఉపయోగపడుతుంది.  

  పటములో    చూపిన     విధముగా   ఇది    ' 'పట్టకారు '    ఆకారమును    కలిగియుంటుంది.   దీని  

 రెండు    భుజములు    ఉక్కుతో     చేయబడి  ఒక     పిన్ను    ద్వారా   ' క్రాస్ '  ( x )   ఆకారములో    

కలుపబడియుంటాయి.    ఈ    పిన్ను    ఆధారమునకు    ఒకవైపు     పొడవుగాయున్న    

 భుజములను    చేతితో    పట్టుకొని    కదిలించుటద్వారా    దగ్గరకు    లేదా    దూరమునకు  

 మార్చుకొనవచ్చును.     పిన్నుకు   రెండవవైపు    పొడవు     తక్కుగాయుండి   వంపు    

తిరిగియున్న    భుజములను  '  జాలు ' ( Jaws )

అని    అంటారు.    పొడవుగాయున్న     భుజములను     కదిలించినపుడు    జాలు    కూడా   కదిలి   

  దగ్గరగానీ,      దూరముగాగాని     జరుగుతాయి.      వంపు    తిరిగిన   యీ  జాల,   వెలుపలి  

 తలము    చదునుగా    యుండి   లోపలి  వైపు     ఏటవాలుగా    యుండుట    మూలముగా   జాల

     చివరి     అంచులు     సన్నగా,    పదునుగా  యుంటాయి.    ఈ   సన్నని     అంచుల    మధ్య    

మేకును    నొక్కిపెట్టి    బయటకు    లాగవచ్చును.

4.  స్ర్కూడ్రైవర్   ( Screw driver ) :- 

      కర్రసామాగ్రిని    తయారుచేయునపుడు       వివిధ   భాగములను   కలిపెడి   మరలను  ( 

స్ర్కులను )   బిగించుటకు    లేదా    ఆ   భాగములను    విడదీయున్నపుడు    స్ర్కులను    

 వదులుచేసి    విడదీయుటకు     స్ర్కూడ్రైవర్    ఉపయోగపడుతుంది.   స్ర్కూడ్రైవర్      

హాండిల్,   షాంక్     మరియు    బ్లేడు  అనబడు   మూడు   భాగములను   కలిగియుంటుంది.  

 హాండిల్  భాగము   చేతికి   తగిన   పట్టును   యిచ్చు   ఆకారములో   గట్టికర్రతో  

 చేయబడియుంటుంది.   దీనికి    ఒకవైపునగల     రంధ్రములో   సన్నని   కడ్డీ    ఆకారముగల  

 షాంక్   ( Shank )   ఒక   చివర   బిగింపబడియుంటుంది.    గట్టిఉక్కుతో    చేయబడిన   షాంక్  

 రెంఢవ   చివరభాగము    పదునైన   అంచును   కలిగియుంటుంది.    ఈ   పదునైన  

 అంచుభాగమును   ' బ్లేడు ' ( Blade )  అని   అంటారు.    పదునైన   బ్లేడు    భాగమును   స్ర్కూ    

హెడ్ పైన    గల    సన్నని   చీలికలో      అమర్చి   స్ర్కూడ్రైవర్    హాండిల్ ను   గుండ్రముగా  

 త్రిప్పుటద్వారా   స్ర్కూను    త్రిప్పుకొని   దానిని   వదులుచేయుట   లేదా   బిగించుట    

చేసుకొనవచ్చును.   స్ర్కూడ్రైవర్      వివిధ   పొడవులలో   లభ్యమగుతుంది.   30 మి.మీ.   నుండి 

  450 మి.మీ.   దాకా   పొడవుగల   బ్లేడుతో   సాధారణ    స్ర్కూడ్రైవర్లు   లభ్యమగుతాయి.   ఇవి  

 కాకుండా  ' ఆఫ్ సెట్   స్ర్కూడ్రైవర్ '   ( Offset screw  driver  )   మరియు    ' రాచెట్   ఆఫ్ సెట్ 

స్ర్కూడ్రైవర్ '  (Ratchet Offset screw  driver )

మొదలగు   ప్రత్యేక   స్ర్కూడ్రైవర్లు   సాధారణ   స్ర్కూడ్రైవర్   నుపయోగింపలేని   స్థలములలో  

 ఉపయోగించటానికి   తోడ్పడతాయి.   అదేవిధంగా    

' x '   ఆకారములో   స్ర్కూ హెడ్ పైన  చీలిక   కలిగిన   స్ర్కూలను   విడదీయుటకు   ( లేదా  

బిగించుటకు )    ' ఫిలిప్స్     స్ర్కూడ్రైవర్ '  (  phillips screw driver )  ఉపయోగపడుతుంది.   దీని

   పడునైన  అంచు   x   ఆకారంలో     చేయబడియుంటుంది.    ప్రత్యేకరకమైన     స్ర్కూడ్రైవర్లు    

 పటములో   చూపబడ్డాయి.

కర్రసామాగ్రిని   విరివిగా  పెద్దఎత్తున   తయారుచేయు   పరిశ్రమలలో    విద్యుత్తుతో గానీ,  

 అతిపీడనముతో   కూడిన   గాలితో   కాని   పనిచేయు   స్ర్కూడ్రైవర్లు    ఉపయోగిస్తారు.   ఇవి   ఒక

   నిముషమునకు   500,   800,    1600,   లేదా   2500   చుట్లు   తిరుగుచు   వేగంగా  స్ర్కూలను 

  బిగించుటకు   ఉపయోగపడతాయి.

            స్ర్కూడ్రైవర్ ను   ఉపయోగించుటకు   ముందు   దాని   బ్లేడు   పదునుగా    యుండునట్లు

   చూడాలి.   స్ర్కూడ్రైవర్ ను   ఉపయోగించనపుడు   దాని    షాంక్ కు    మరియు   పదునైన  

అంచుకు నూనెను    పూయాలి.     స్ర్కూడ్రైవర్   హాండిల్ ను   శుభ్రంగా     వుంచాలి.

యూనిట్ - 7 

5. ఱంపము   బ్లేడు   పండ్లను   సరిచేయు   పనిముట్లు  : 

     ఱంపము    బ్లేడుపండ్లను   పదును  పెట్టిన    పిదప     వాటికి   తగిన     ఆకారములో    

వంచుటకుగాను    ఉపయోగపడు    పనిముట్టును  

' సాసెట్ '  ( Sawset )  అని   అంటారు.    ఎక్కువకాలం    ఉపయోగించిన   ఱంపము    బ్లేడు    

పండ్లు    అరిగిపోయి,   వాటి    అమరిక   చెదిరిపొవచ్చును.    అప్పుడు   బ్లేడు   పండ్లను   తిరిగి   

 పదును   పెట్టుకొని,    వాటి   అమరికను    సరిచేయవలసి   యుంటుంది.   ఱంపము   బ్లేడు  

 పండ్లు    బ్లేడునకు   కొని   ఎడమవైపు    మరికొన్ని    కుడి వైపు   వంచబడి   యుంటాయి.   ఒకటి

   వదిలి   ఇంకొకటి    ఎడమవైపునకు   వంచబడితే   ఆ   పండ్లకు    మధ్యగా    వచ్చెడి    మిగిలిన

   పండ్లు     కుడివైపుకు   వంపబడి   యుంటాయి   ( పటము  9.7 ).    చెదిరిపోయిన    ఈ  

 అమరికను   తిరిగి    సరిచేయుటకుగాను    సాసెట్   ఉపయోగపడుతుంది.  

      ఇది     సన్నని    ఉక్కురేకుతో    చేరబడి     పటములో   9.8   లో   చూపినట్లు    రెండువైపులా 

   సన్నని     చీలికలను      కలిగియుంటుంది. దీనికి   అమర్చిన    హాండిల్ ను     పట్టుకొని    

పండ్లను    కలిగియున్న   ఱంపము    అంచున   తగిన    చీలికలో     అమర్చి   బ్లేడును    హాండిల్

 వైపునకు   వంచుటద్వారా    బ్లేడు   పండ్లు    హాండిల్   వైపునకు    వంచబడతాయి.  హాండిల్ కు  

  కుడావైపు   అమర్చిన   చీలికలో    బ్లేడును    అమర్చి      బ్లేడు   పండ్లను     ఒకదానిని    విడిచి  

  మరియొకటి     ఒకవైపునకు    వంచుకొనవచ్చును.    మిగిలిన    పండ్లను   అరెండువైపునకు    

వంచుటకుగాను   బ్లేడును    హాండిల్ కు    ఎడమ    వైపు    అమర్చిన    చీలికలో    

బిగింపవలసియుంటుంది.

                     అభ్యాసము 

1.    ఫైల్    యొక్క   ఉపయోగమును   వివరింపుము.

2.     రాస్ప్ నకు,   ఫైల్ నకు   గల     భేధములను    వివరింపుము.

3.    పిన్సర్ ను    వుపయోగించు   విధానము   తెలుపుము. 

4.    స్ర్కూ   డ్రైవర్ ను     ఉపయోగించు    విధానము    తెలుపుము

5.    సాసెట్    ఉపయోగమును    తెలుపుము.

24. పట్టుకొనుటకు ఉపకరించు పరికరములు

 యూనిట్   -5

    పట్టుకొనుటకు    ఉపకరించు    పరికరములు

  కర్రవస్తువు పై    వివిధ   వడ్రంగి     పనిముట్ల   నుపయోగించి     తగిన   కర్రసామాగ్రిగా     మార్చుకొనునపుడు    కర్రవస్తువు    కదలకుండా   వుండుటకుగాను     దానిని    గట్టిగా   పట్టుకొనియండు    పనిముట్లు   మరియు    పరికరములను   పట్టుకొనెది    పరికరములు  ( Holding tools )   అని   అంటారు.   కర్రవస్తువును    గట్టిగా   పట్టుకొనప్పుడే      దాని పై   వుపయోగించెడి     పనిముట్లు     ఒత్తిడిని    అది    తట్టుకొనగలిగి     వివిధ    వడ్రంగి   పనులను   సులభముగా     నెరవేర్చుటకుగాను    తోడ్పడుతుంది.    అంతేకాకుండా   కర్రవస్తువుపై    వుపయోగించెడి   పనిముట్టు   జారిపోవుటవలన  మరియు    వదులుగానున్న  కర్రవస్తువు   కదులుట    వలన     వడ్రంగిపని   చేయువ్యక్తి కిగాని,    దగ్గరగావున్న     యితర     వ్యక్తులకుగాని     దెబ్బతగులుట    జరుగవచ్చును.    వివిధ    వడ్రంగిపనిముట్ల      నుపయోగించి      కర్రవస్తువును     కోయుట,    ఖండించుట,   దానిపై    గుర్తులు    పెట్టుకొనుట,    చీలికలు    చేయుట,     నునుపుపరచుట    మొదలగు    పనులు   సరిగా   నిర్వహించుటకుగాను    క్రింద       పేర్కొనబడిన     వివిధ     పరికరములు     వుపయోగపడ్తాయి.

1.   బెంచి   వైస్  ( Bench vice):-

        వివిధ   వడ్రంగి    పనిముట్లు    నుపయోగించి    వడ్రంగి    పనిచేయు   వ్యక్తి     నిలబడి    సులువుగా     పనిచేసుకొనుటకుగాను    కర్రవస్తువు    తగ్గినంత    ఎత్తులో     అమర్చబడి   యుండాలి.    ఇందుకుగాను   వుపయోగపడు   బెంచి     సుమారు    700. మి.మీ.   ఎత్తులో   వుంటుంది.    ఈ     బెంచికి     బిగింపబడిన   ' వైస్'

లో      కర్రవస్తువును    అమర్చుకొని    తగిన    పట్టు     యిచ్చునట్లు   బిగించుకొనవచ్చును.

       పటములో    చూపినట్లు    బెంచి వైస్    రెండు   ' జా '   ( Jaws )   లను   కలిగి     యుంటుంది.    వీటిలో       స్థిరంగాయున్న    జా    వర్కు      బెంచికి    ముందువైపు     బిగింపబడియుంటుంది.     స్థిరంగా      యున్నయీ     జాకు    లంభదిశలో     పొడవుగా     అమర్చిన    సన్నని     కడ్డీ   మరల    లేదా     త్రెడ్లు    ( Screw threads )   కలిగియుంటుంది.    దీనిపై      కదిలెడి    జా     అమర్చబడి      యుంటుంది.    ఈ    రెండవ    జాకు    మధ్యలో     కలిగిన    రంధ్రమునకుగల  స్ర్కూ    త్రెడ్లు      కడ్డీ   కిగల    స్ర్కూ    త్రెడ్లచే    కలపబడి    యుంటాయి.    దీనివలన    కడ్డీని     గుండ్రముగా   త్రప్పినపుడు    దానిపై   కదిలెడి    జా     కదులుతుంటుంది.    స్థిరంగాయున్న    ఒక   నట్టుకు    కడిలెడి     జా    బిగింపబడి   యుండుటమూలముగా     కడ్డీ     గుండ్రముగా     తిరిగినపుడు    జా    దానిపై    కదలగలుగుతుంది.    కడ్డీ కి     ముందుభాగమున   అమర్చబడిన   హాండిల్ ను    చేతితో     గుండ్రముగా      త్రిప్పుట   ద్వారా     కడ్డీని    గుండ్రముగా   త్రిప్పుకొని    కదిలెడి   జాను    కదిలించవచ్చును.     హాండిల్ ను     సవ్యదిశలో     త్రిప్పినపుడు    కదిలెడి   జా   స్ధిరమైన    జా కు     దగ్గరగా     జరిగి   వాటి    మధ్య     దూరము     తగ్గుతుంది.    హాండిల్ ను   అపసవ్యదిశలో      త్రిప్పినపుడు     వాటి    మధ్య    దూరము     హెచ్చుతుంది.    కర్రవస్తువు     సైజుకు    అనుగుణంగా    రెండు    జా ల   మధ్యదూరమును   మార్చుకొని    వాటి    మధ్య   వస్తువును     బిగించుకొనవచ్చును.     ఈ    రెండు   జాల  లోపలి      తలములు     గట్టికర్ర    పలకలచే

2.   బెంచి    స్టాప్  ( Bench stop ) :-

       ప్లేన్ ను      ఉపయోగించి     కర్రవస్తువు   ఉపరితలమును     నునుపుచేయునపుడు     కర్రవస్తువు    కడలకుండా     యుండుటకుగాను    బెంచి  స్టాప్      ఉపయోగపడుతుంది.     ఇది    దీర్ఘచతురస్రాకారపు     దిమ్మ    ఆకారములో    గట్టికర్రతో     చేయబడి     యుంటుంది.    దీనిని    స్ర్కూల   సహాయముతో      బెంచికి   బిగించుకొనవచ్చును.    కర్రవస్తువు    ముందువైపు    అంచును     బెంచి   స్తాప్ కు    తగులునట్లు     కర్రవస్తువును    బెంచిపైన    అమర్చుకొని     ప్లేన్  నుపయోగించి,    వస్తువు   ఉపరితలమును    నునుపుపరచ్చవచ్చును.    వస్తువుపై    ప్లేన్ ను   ముందుకు    నెట్టినపుడు    దానితోపాటు    వస్తువు ముందుకు    కదలకుండా  బెంచి  స్టాప్      నిరోధిస్తుంది.

3.   టీ - క్రాంప్   ( Tea - Cramp ) :- 

        దీనినే    సాష్   క్రాంప్  ( Sash Cramp )    లేదా  ' బార్   క్రాంప్ ' ( Bar Cramp ) అని   అంటారు.  తలుపులు,   కిటికీ   చట్రములు   మొదలగు   ఎక్కువ   వెడల్పుగల    కర్రవస్తులను   దీనిలో   బిగించుకొని   పట్టుకొనుటకుగాను    యిది    ఉపయోగపడుతుంది.   

         ఇది   టీ -  ఆకారపు    అవచ్ఛేదము   గల   పొడవైన   ఉక్కు  కడ్డీని   కలిగియుంటుంది.    దీని   పొడవు   వ్యాపించిన   దిశలో   ప్రక్క   భాగములో    సమాన    దూరములలో   చేయబడిన    అనేక   రంధ్రములుంటాయి.   కడ్డీ    ముందువైపు   భాగము    బెంచికి   బిగింపబడియుంటుంది.   మరల   కలిగియున్న   ఒక   కడ్డీకి    ముందుభాగమును    అమర్చబడియున్న    ఒక   జా   T -   ఆకారపు    కడ్డీకి    ముందుభాగమున    బిగింపబడియుంటుంది.    ఈ   కడ్డీకి   అమర్చిన     హాండిల్  ను     గుండ్రముగా   త్రిప్పుటద్వారా    అది    స్థిరంగా   యున్న    నట్టు     ఒకదానిలో    తిరుగుటద్వారా   ' జా '   ఒకదానిని    ముందునకు    కదుపుతుంది.    దీనిని   కదిలెడి    జా    ( Moveable  Jaw )   అంటారు.   స్థిరంగా    వుండెడి   మరియొక   జా   T  -   ఆకారపు    కడ్డీకి   ప్రక్కగాయున్న     రంధ్రములలో    ఒకదానికి    ఒక   పిన్ను   ద్వారా    కలుపబడియుంటుంది.   పిన్నును     తగినరంధ్రములో   అమర్చుటద్వారా    రెండు   జా  ల   మధ్యదూరమును   కర్రవస్తువు   సైజునుబట్టి    ఎక్కువ    లేక    తక్కువ     చేసుకొనవచ్చును     రెండు   జా ల    మధ్య     వస్తువును    అమర్చిన   పిదప    హాండిల్ ను    గుండ్రముగా   త్రిప్పుకొని    కదిలెడి   జాను   ముందునకు   కదిపి   వస్తువుపై   ఒత్తిడి     కలిగించుటద్వారా     వస్తువు   రెండు   జాల    మధ్య   బిగింపబడుతుంది.

4.   జీ -   క్రాంప్    ( G-Cramp ) :-   

           దీనినే   ' సీ—  క్రాంప్ '    ( C—Cramp)  అని   కూడా    అంటారు.   ఇది  ' C '   ఆకారములో     యుండి  తెరచుకొనియున్న   దాని   రెండు   భుజములలో   ఒకదాని    లోపలి    తలమునకు   గట్టి   కర్రతో   చేయబడిన   ' జా '   అమర్చబడియుంటుంది.   దీనిని    స్థిరమైన   జా   అంటారు.   కదిలెడి   మరియొక    ' జా '    మరలు    కలిగిన   ఒక   కడ్డీకి   ముందుభాగమున   అమర్చబడి   యుండి   ఆ   కడ్డీ   C- క్రాంప్   యొక్క    తెరచుకున్న    రెండవ    భుజమునకు   కలిగిన    రంధ్రముగుండా   అమర్చబడియుంటుంది.    ఈ     రంధ్రములోపలి    తలమున   మరలు    అమర్చబడియుండి    కడ్డీ    మరలు,   యీ    మరలచే   కలుపబడి   వుంటాయి.   ఈ    కడ్డీ    వెనుకవైపు    భాగమున   హాండిల్   అమర్చబడియుంటుంది.   హాండిల్ ను     గుండ్రముగా   త్రిప్పుట    ద్వారా    స్ర్కూ   కడ్డీ    ముందునకు    వెనుకకు   కదులుట   ద్వారా   రెండు   జాల   మధ్యదూరమును    మార్చుకొనవచ్చును.  ' C '  క్రాంప్    రెండు   జాల   మధ్య   యేర్పడు    గరిష్ఠ    దూరమునుబట్టి   దాని    సైజు   నిర్ణయింపబడుతుంది.   ఇది    125   నుండి   300   మి.మీ.    వరకు     వివిధ    సైజులలో   లభ్యమగుతుంది.

5.    హాండ్    స్ర్కూ    క్రాంప్  ( Hand  Screw Cramp )  :-   

             పైన     తెలిపిన     పరికరముల     ద్వారా   కర్రవస్తువు   రెండు   జాల   మధ్య    మాత్రమే    పట్టుకొనబడుట   ద్వారా    బిగింపబడియుంటుంది.    అనగా    పెద్ద    సైజు    కలిగిన    వస్తువులో   కొద్ది   భాగము   మాత్రమే   ( అనగా  జాల   మధ్య    మాత్రమే )   పట్టుదొరికి    ఆ   వస్తువు    బిగింపబడియుంటుంది.   అయితే   దీని   మూలంగా   జాలకు    దూరంగా   వస్తువు పై     వడ్రంగి   పనిచేయునపుడు    ఆ   వస్తువుపై     జాల    వల్ల    దొరికిన     పట్టు    సరిపోక    ఆ   వస్తువు    కదిలిపోవుట    జరగవచ్చును.    అటువంటప్పుడు   ఎక్కువ    విస్తీర్ణంలో    వస్తువును    పట్టుకొనుటకుగాను     హాండ్  స్ర్కూ  క్రాంప్     ఉపయోగపడుతుంది.

    ఇది    పటము  8.5   లో     చూపినట్లు   రెండు    కర్రదిమ్మలతో     చేసిన    జాలను   కలిగియుండి   రెండు   మర    ( స్ర్కూ )ల     ద్వారా    అవి    కలపబడియుంటాయి.     ఈ    మరలను    త్రిప్పుకొని    వీటి    మధ్య    దూరము     ఎక్కువ   లేదా     తక్కువ   చేసుకొనవచ్చును.    పొడవు    ఎక్కువుగా    గల   కర్రదిమ్మలలో    బిగించుట    ద్వారా     కర్రవస్తువునకు    ఎక్కువ    విస్తీర్ణంలో   పట్టు    దొరుకుతుంది   ఇవి    తెరుచుకునప్పుడు    వాటి    మధ్య    వుండే   గరిష్ఠ    దూరమును    బట్టి    హాండ్    స్ర్కూ   క్రాప్     సైజు    నిర్ణయింపబడుతుంది.      ఇది    సాధారణగి    150  నుండి   350  మి.మీ.   పొడవులలో    లభ్యమగుతుంది.

                    అభ్యాసము 

1.  కర్రవస్తువును     పట్టుకొను    ఆవశ్యకతను    వివరింపుము.

2.  బెంచి   వైస్   ద్వారా   కర్రవస్తువు   యేవిధముగా    పట్టుకొనబడుతుందో   వివరింపుము.

3. బెంచి   స్టాప్    ఉపయోగమును   వివరింపుము.  

4. ' టీ   క్రాంప్ '   యేవిధముగా   పనిచేస్తుండి    వివరింపుము.  

5. హాండ్    స్ర్కూ  క్రాంప్    ద్వారా    వస్తువును    పట్టుకొనిడి    విధానము    వివరింపుము.

23. కర్రవస్తువుయందు రంధ్రములను చేయు ముఖ్యమైన :-

 కర్రవస్తువుయందు   రంధ్రములను   చేయు   పనిముట్లు  :-   

          బ్రేస్ కు    తగిలించుకొని   కర్రవస్తువుయందు     రంధ్రములను   చేయు   పనిముట్లను  ' బిట్ '  ( Bit )  అంటారని    తెలుసుకున్నాము.   వివిధ   ఆకారముల,   వివిధ   సైజుల   రంధ్రములను   చేయుటకు   పనికివచ్చు   ముఖ్యమైన    పనిముట్లను   గురించి   క్రింద    వివరించనైనది.  

1.   షెల్   బిట్   ( Shell bit ):-

         ఇది   పటములో   చూపిన    మాదిరిగా    పొడవైన   దీర్ఘచతురస్రాకారపు    కడ్డీని   కలిగియుండి   దాని   అడుగుభాగమున   V— ఆకారములో   ఏటవాలుగాయున్న   రెండు  పదునైన   అంచులను   కలిగియుంటుంది.   దీనిని   బ్రేస్ కు    తగిలించుకుని  12 మి.మీ.   వరకు   వ్యాసముగల   రంధ్రములను   చేయవచ్చును.   అయితే   దీనిచే    చేయబడిన   రంధ్రముల   లోతలము    ఎక్కువ   నునుపుదనమును   కలిగియుండదు.

2.  ట్విస్ట్  బిట్   ( Twist bit ) :-

           దీనినే     ' ఆగర్   బిట్ '   ( Auger bit ) అని   కూడా   అంటారు.    ఇది   కర్రవస్తువును   ఖండించెడి   రెండు   పదునైన   అంచులు   సర్పిలాకారములో   మెలిదిరిగి   యుండునట్లుగా   యేర్పరచబడిన   కడ్డీని   కలిగియుంటుంది.   దీనికి   అడుగు   భాగమున   తక్కువ    పొడవుగల    సన్నని   స్క్రూ  ఒకటి  అమర్చబడియుంటుంది.   ఈ    పనిముట్టుతో    రంధ్రమును   చేయునపుడు   ముందుగా   స్క్రూ    కర్రవస్తువు   ఉపరితలమును   తాకుచు   చిన్న    రంధ్రమును   చేస్తుంది.    పిదప   కడ్డీకి   గల   పదునైన    అంచుల   ద్వారా   వస్తువు   ఖండింపబడి    కడ్డీ   వ్యాసమునకు    సమానమైన   సైజుగల    రంధ్రము   చేయబడుతుంది.   దీని   ద్వారా   లోతైన   రంధ్రములను   ఖచ్చితమైన    కొలతలను   కలిగియుండునట్లు    యేర్పరచవచ్చును.    కర్రవస్తువుయందు    అమర్చబడిన   దిశలో   లేదా   ఆ   దిశకు   అడ్డముగా    రంధ్రములను   దీనితో   చేయవచ్చును.   ఇది   6  నుండి  35 మి.మీ.  వ్యాసమువరకు   వివిధ   సైజులలో   లభ్యమగుతుంది.   తక్కువ   పోడవుగల   ట్విస్ట్  బిట్ ను  ' డవెల్  బిట్ ' ( Dowel bit )  అని   అంటారు.

3.   ఎక్స్ పాన్షన్    బిట్    ( Expansion  bit ):-

               ఇది    ' కట్టర్లు '   ( Cutters )   అనబడెడి   ఖండించెడి   రెండు    భాగములను  కలిగియుండి,    వాటి   మధ్య    దూరమును    మార్చుకొనెడి    సదుపాయమును   కలిగియుంటుంది.    ఈ   రెండు   కట్టర్లను   తగిన   స్థానములలోనికి   జరుపుకొని   అమర్చుకొనుట   ద్వారా    రెండు    నిర్ణీత    సైజులమధ్యగల  యేదేని   సైజుతో    రంధ్రమును   యేర్పరచుకొనవచ్చును.    ఇది    సాధారణంగా   12  నుండి  35 మి.మీ.   వరకు   వ్యాసముగల    వివిధ    సైజులలో   లభ్యమగుతుంది.

4.   సెంటర్   బిట్    ( Center bit  ) :-

             కర్రవస్తువుయందు   అమర్చబడిన    దిశకు    అడ్డముగా    లోతు    తక్కువగల    రంధ్రములను   చేయుటకు   యిది   తోడ్పడుతుంది.   దీనితో   చేయబడు    రంధ్రములు   ఖచ్చితమైన   కొలతతో    నునుపైన    లోతలమును    కలిగియుంటాయి.    ఇది    3  నుండి  35  మి.మీ.   వరకు   వ్యాసముగల   వివిధ   సైజులలో   లభ్యమగుతుంది.   

5.   ఫార్ స్ట్నర్   బిట్   ( Forstner bit ) :-   

                ఇది   కడ్డీ   ఆకారపు   ' షాంక్ '  ను    కలిగియుండి    దానికి   అడుగు   భాగమున    ఉక్కుతో   చేయబడిన   రింగును   కలిగియుంటుంది.   రింగుయందు   వంపుగాయున్న   చీలిక   చేయబడి   అది   రెండు   పదునైన   అంచులను     కలిగియుంటుంది.      షాంక్ కు   రెండవ   వైపునగల   ' టాంగ్ ' ( Tang )

అనబడు   భాగము   చక్ లో   బిగించుట  ద్వారా   యిది  బ్రేస్ కు  కలపబడి వుంటుంది. ఇది   6నుండి 25 మి.మీ.   వరకు   వ్యాసముగల  రంధ్రములను  చేయు   వివిధ   సైజులలో   లభ్యమగుతుంది.

6.   కౌటర్ సంక్   బిట్  ( Counter sunk bit ):-

          దీనినే   ' రోజ్  బిట్ '  ( Rose bit )   అని  అంటారు.   కర్రవస్తువులలో   చేయబడ్డ   లోతైన   రంధ్రము   యొక్క   పై   భాగము  వెలుపలికి   తెరచుకున్నట్లు   ఏటవాలు   తలమును   కలిగి   యుండునట్లు   చేయుటకు   ఇది   తోడ్పడుతుంది.    ఈ    ఏటవాలు   తలమునకు   తగులునట్లు       

 ' కౌటర్ సంక్  స్క్రూ ' లను    ఈ    రంధ్రములో    బిగించుటకు   వీలుంటుంది.   

7.    డ్రిల్   బిట్   :-   

             కర్రవస్తువుయందు    స్క్రూలను   బిగించుటకుగాను   అవసరపడు   రంధ్రములను    చేయుటకు   డ్రిల్   బిట్   ( Drill bit ) ఉపయోగపడుతుంది.  ఇది   రెండు   పదునైన   అంచులను   కలిగియుండి   అవి   సర్పిలాకారంలో   మెలిదిరిగిన    చీలికలతో   కడ్డీ    ఆకారములో   అమర్చబడి    వుంటాయి.   దీని  అడుగు   భాగము   పదునైన   అంచులను  ఏటవాలుగా   118॰   కోణములో   వుండునట్లు     యేర్పరచబడి     యుంటుంది.   బ్రేస్ కు   తగిలించుకొను    డ్రిల్   బిట్టు   పటములో   చూపబడింది.   

                       అభ్యాసము   

1.    కర్రవస్తువుయందు   రంధ్రములనుచేయు   వివిధ    పనిముట్లను    పేర్కొనుము.    

2.    రాచెట్   బ్రేస్   పటమును   గీచి   దాని   వివిధ   భాగములను   గుర్తించుము.    

3.     పండ్లచక్రపు   బ్రేస్   పటమును    గీచి,   అది   పనిచేయు   విధానమును   వివరించుము.   

4.       ట్విస్ట్   బిట్ కు   మరియు   కౌంటర్   సంక్  బిట్  కు   మధ్యగల   వ్యత్యాసములను   వివరింపుము.   

5.       రెండు   రకముల    గిమ్ లెట్ ల   పేర్లను   పేర్కొని,    వాటిలో   యేదేని   ఒకటి   పనిచేయు   విధానమును    వివరింపుము.

22. కర్రవస్తువు యందు రంధ్రములను చేయుటకు బోరింగు పనిముట్లు ( Boring Tools )

 కర్రవస్తువు   యందు   రంధ్రములను    చేయు   బోరింగు   పనిముట్లు

కర్రవస్తువు     యందు   రంధ్రములను    చేయుటకు    బోరింగు   పనిముట్లు   ( Boring Tools )     ఉపయోగపడతాయి.    రంధ్రము   యొక్క     సైజును     బట్టి    ( అనగా  రంధ్రము వ్యాసమును  బట్టి )    తగిన    బోరింగు    పనిముట్టును     ఎన్నుకొని    వుపయోగించవలసి   

యుంటుంది.     కర్ర    సామాగ్రిని     తయారు  చేయుపనియందు    ఉపయోగపడెడి    వివిధ  బోరింగు    పనిముట్లను    గురించి    క్రింద    వివరించనైనది.

1.  బ్రాడాల్   ( Bradawl )  :-

        ఎక్కువ     గట్టిదనము     లేని   మెత్తని  కర్రవస్తువుయందు    చిన్న   రంధ్రములను    చేయుటకుయీ     పనిముట్టు    ఉపకరిస్తుంది.

పటము 7.1    లో    చూపిన   మాదిరిగా     ఇది   కడ్డీ     ఆకారపు    ' బ్లేడు '    ను    కలిగియుండి   దానికి    పై     భాగమును    కర్రతో     చేసిన    హాండిల్    బిగింపబడియుంటుంది.    కడ్డీ    అడుగు   భాగము    పదునైన   అంచు   ( Cutting edge )     కర్రను    ఖండించుటకుగాను     ఏర్పరచబడియుంటుంది.     ఈ    పనిముట్టు  స్ర్కూడ్రైవర్    ఆకారమును   కలిగియుంటుంది.    హాండిల్ ను    చేతితో   పట్టుకొని    పదునైన    అంచును    గట్టిగా     కర్రలోనికి    నొక్కిపెడ్తూ    బ్లేడును     గుండ్రముగా    త్రిప్పుట     ద్వారా    కర్రవస్తువులో    రంధ్రము    చేయబడుతుంది.

   పదునైన    అంచుగల    బ్లేడు    అడుగు  భాగము    తగినంత      కోణములో    వెలుపలివైపుకు    ఏటవాలుగా   వంగి    వుండుట    మూలముగా     దీని    నుపయోగించి రంధ్రములను    చేయునపుడు     కర్రవస్తువు  పై    పగుళ్లు    యేర్పడవు.     దీని   హాండిల్  పైన    'మాలెట్' తో    నెమ్మదిగా    కొట్టుట     ద్వారా     కూడా     కర్రవస్తువు    యందు      రంధ్రములు   యేర్పరచవచ్చును.    దీనితో    సుమారు    6 మి.మీ.   వరకు    రంధ్రములను   చేయువీలుంటుంది.

2.   గిమ్ లెట్ ( Gimlet )  :- 

       ఇది     కూడా     కర్రవస్తువుయందు    చిన్న    రంధ్రములను    చేయుటకు    ఉపకరిస్తుంది.    రెండు   రకముల   గామ్ లెట్ లు   వాడుకలో   నున్నాయి.     మొదటి   రకపు    సాధారణ    గిమ్ లెట్      కడ్డీ   ఆకారపు    ' బ్లేడు '    భాగమును    కలిగియుండి    దాని  అడుగు    భాగమున  కొద్ది   పొడవు     కర్రవస్తువును    ఖండిచెడి   తదునైన    మొనలు   సర్పిలాకారంలో   మెలిదిరిగి    యుండునట్లు    అమర్చబడి    వుంటాయి.

     రెండవ     రకము      గిమ్ లెట్    కడ్డీ     మొత్తము     పొడవు   మెలిదిరిగి    సర్పిలాకారపు  పదునైన    మొనలు      అమర్చబడి     వుంటుంది. 

దీనిని      ' మెలి దిరిగి యున్న గిమ్ లెట్ '  ( Twisted Gimlet)   అని  అంటారు.   పై   రెండు    రకముల   గిమ్ లెట్ లను    ఉపయోగించుటకుగాను,   కడ్డీకి   పైన   అమర్చబడిన   కర్ర    హాండిల్ ను    చేతితో    పట్టుకొని,     కడ్డీ    అడుగు    భాగమును      కర్రవస్తువుపై    నొక్కి పెట్తూ    హాండిల్ ను    గుండ్రంగా   త్రిపాలి.     దీని వలన    పదునైన    మొనలచే    కర్ర   ఖండింపబడి   రంధ్రము   చేయబడుతుండి.    దీని   నుపయోగించి    సుమారు   10 మి.మీ. వరకు    వ్యాసము గల      రంధ్రములను    చేయవచ్చునుదీనినే   ' బరమా ' 

అని    అంటారు.

3.   బ్రేస్    ( Brace ) :

       వివిధ   సైజులలో    వివిధ   ఆకారములను   కలిగియున్న   రంధ్రములను   చేయుటకు   బ్రేస్     ఉపయోగపడుతుంది.    కర్రవస్తువుయందు     రంధ్రములను   చేయుటకు    ఉపకరిచు    పనిముట్టును  ' బిట్  '  ( Bit )  అని   అంటారు.   బిట్ ను   తగిలించుకొని    కర్రవస్తువు   యందు   రంధ్రములను   చేసెడి    పరికరమును   ' బిట్    బ్రేస్ '    లేదా     ' బిట్ స్టాక్  '   లేదా    ' బ్రేస్ '  అంటారు.   రంధ్రమును    చేయునపుడు    గుడ్రముగా   తిరిగెడి   ' బిట్ '  వంగిపోకుండా    నిట్టనిలువుగా   నిలబడి    యుండుటకుగాను   దానికి    తగినంత    పట్టు   నిచ్చుటకుగాను    బ్రేస్   ఉపయోగపడుతుంది.   బిట్ ను    తగినంత    ఒత్తిడితో    కర్రవస్తువు  పై     నొక్కిపెట్టుటకు   మరియు     దానిని    తగినంత       వేగముతో     గుండ్రముగా    త్రిప్పుటకు     బ్రేస్   సహకరిస్తుంది.   గుండ్రముగా   తిరిగెడి    బిట్    కర్రవస్తువును    ఖండిస్తూ    ముందుకు    పయనించుట    ద్వారా    లోతైన      రంధ్రములను    చేయగలుగుతుంది.    ముందుగా    బ్రేస్   పనిచేయు   విధానమును    గురించి   తెలుసుకుందాము.    రెండు    రకముల  బ్రేసులు     ఎక్కువగా   వాడుకలోనున్నాయి.    వీటిని   (1)   రాచెట్ ను  కలిగిన  బ్రేస్ ( Ratchet brace )   అనీ మరియు   (2)   పండ్ల  చక్రమును   కలిగిన    బ్రేస్   ( Wheel brace )   అని   అంటారు.

(1)   రాచెట్   బ్రేస్    :-    

                 ఇది    ' విల్లు '   ( Bow )  ఆకారములో   వంచబడి    ఉక్కు   కడ్డీని   కలిగియుంటుంది.    దీనిని   ' క్రేంక్ '   ( Crank )  అని  అంటారు.   ప్రత్యేకమైన   యీ   విల్లు   ఆకారము   వలన  దీనిని   ఉపయోగించుట    సులభసాధ్యమే   కాకుండా,     ఇది    పనిచేయు   విధానము  తగురీతిలో    క్రమబద్ధము    చేసుకొనవచ్చును.    ఈ   కడ్డీ   పై     భాగమున    బాల్   బేరింగుల   ద్వారా   ' హెడ్ '     అనబడు    భాగము   అమర్చబడి    వుంటుంది.    ఇది    ప్లాస్టిక్  తో     లేదా    గట్టి   కర్రతో   లేదా   అల్యూమినియంతో   చేయబడి   చేతితో   పట్టుకొను   ఆకారమును    కలిగియుంటుంది.   దీనిని   చేతితో   పట్టుకొని    క్రిందకి   నొక్కిపెట్టుట   ద్వారా   కర్రవస్తువు   పై    తగిన   ఒత్తిడితో   బిట్    పనిచేస్తుంది.   

వంపుతిరిగిన   కడ్డీ   మధ్యభాగములో    హాండిల్    ఒకటి    బిగింపబడియుంటుంది.    ఇది    ప్లాస్టిక్  తో     లేదా    గట్టి   కర్రతో   లేదా   అల్యూమినియంతో   చేయబడి   వుంటుంది.   క్రేంక్   పైన   బిగింపబడిన    హాండిల్    వదులుగా   వుండుటవల్ల    అది   క్రేంక్   పైన   గుండ్రముగా   తిరగగలుగుతుంది.   హాండిల్ ను    చేతితో    పట్టుకొని    బలమునుపయోగిస్తూ   క్రేంక్ ను    గుండ్రముగా    త్రిప్పవచ్చును.

రంధ్రములను    చేయు    పనిముట్టు   ( బిట్ )   ను   పట్టుకొనుటకుగాను    ఉపయోగపడు   భాగమును     ' చక్ '     ( Chuck )   అంటారు.    ఇది    బాల్    బేరింగుల    ద్వారా    క్రేంక్   అడుగు   భాగమును    బిగింపబడియుంటుంది.    దీనికి    అమర్చబడిన    పండ్ల    ( Jaws )  ద్వారా    బిట్    పట్టుకొనబడుతుంది.    చక్ కు     అమర్చబడిన    స్లీవ్   ( Sleeve )   అనబడు   గొట్టమును    గుండ్రముగా    త్రిప్పుకొనుట   ద్వారా    పండ్లను   దగ్గరగా    లేదా    దూరముగా   జరుపుకొని   బిట్ ను    పట్టుకొనుట   లేదా    వదిలివేయుట    చేసుకొనవచ్చును.   చక్ ను   క్రేంకు   కు   అడుగుభాగమున    అమర్చినచోట    ' కేమ్ రింగ్'  ( Cam ring  )   అనబడు   గొట్టము   ఆకారపు    భాగమువుంటుంది.   దీనిని   కుడి   వైపు    (  అనగా  సవ్యదిశలో )  త్రిప్పుట  ద్వారా   చక్ కు   పైన  గల  ' రాచెట్ '    ( Ratchet )  పనిచేసి   క్రేంకు   గుండ్రముగా   ( సవ్యదిశగా )   తిరిగినపుడు   దానితోపాటు   బిట్ ను   కూడా    త్రిప్పుతుంది.    అయితే   క్రేంకును    అపసవ్యదిశలో   త్రిప్పినపుడు   బిట్    దానితోపాటు   తిరగదు.    రంధ్రము    చేసినపిదప    బిట్ ను    రంధ్రమునుండి    పైకి   తీయునపుడు   క్రేంకును   అపసవ్యదిశలో     త్రిప్పుకొని   బిట్ ను   బయటకు    తీయవచ్చును.

కర్రవస్తువుయందు    పండ్లచక్రపు  బ్రేస్   

పండ్లచక్రపు  బ్రేస్ :-

            తక్కువ  వ్యాసముగల    చిన్న    రంధ్రములను   చేయుటకు   ఇది    ఉపకరిస్తుంది.   దీనియందు   విల్లు   ఆకారపు    క్రేంకుకు   బదులు   ఒకపెద్ద    పండ్ల    చక్రము    ( Toot  hed gear )  మరియు   దానిని   గుండ్రముగా    త్రిప్పుకొనుటకుగాను    దానికి    అమర్చబడిన    

 ' క్రేంక్ '   వుంటాయి.   అడుగునగల    కడ్డీ    ఆకారపు  బాడీకి     అడుగున     చక్     బిగింపబడియుంటుంది.    దీనికి     పై   భాగమున    అమర్చిన     కర్ర   హాండిల్ ను    చేతితో     పట్టుకొని,    కర్రవస్తువు   పైకి    చక్ లో    బిగించిన   బిట్ ను  నొక్కిపెట్టవచ్చును.    కడ్డీపైననే   అమర్చబడిన    చిన్న   పండ్లచక్రము     క్రేంక్ చే     త్రిప్పబడు   పెద్ద   పండ్లచక్రమునకు   కలపబడియుంటుంది.    పెద్ద   పండ్లచక్రము    తిరిగినపుడు   దానితోపాటు    చిన్న   పండ్లచక్రము    గుండ్రముగా    తిరిగి   కడ్డీని    మరియు   దానిపై   అమర్చిన    చక్ ను   త్రిప్పుట    ద్వారా   రంధ్రమును   చేయు    బిట్   తిరిగి    కర్రవస్తువుయందు    రంధ్రమును    చేస్తుంది.