19. ఉలి

 ఉలి    ( Chisel ) :  

దీనితో     కర్రను    పొరలు,   పొరలుగా   ఖండించవచ్చును.   

 కర్రవస్తువును     ఖండించి    దానిలో    వెడల్పైన    చీలికలు,    చదరపు 

  రంధ్రములు    చేయుటకు   యిది    ఉపయోగపడుతుంది.    పటము   4.18 

 లో   చూపినట్లు   యిది   పొడవైన       సమతల    చతురస్రపు    పలక   

 ఆకారముగల   బ్లేడును     కలిగియుంటుంది.    ఇది    మేలురకపు      చెక్కతో 

      చేయబడి     దీని    ఒక      చివరన     సన్నని    కడ్డీ     ఆకారపు    ' టాంగ్ '  (

Tong ) ను    కలిగియుంటుంది.    గట్టి    కర్రతో    చేయబడిన     ' హాండిల్ ' 

 నకు      గల     రంధ్రములో      టాంగా    అమర్చుకొనుట    ద్వారా    బ్లేడు   

  హాండిల్ నకు    కలుపబడుతుంది.    బ్లేడు    రెండవ   చివర   అంచు   

 పదునైన    మొనగా    ఏర్పరచబడి   యుంటుంది.    పదునైన    మొనగా   

  అంచు    ద్వారా    కర్రవస్తువును    పెచ్చులు,   పెచ్చులుగా   

 ఖండించవచ్చును.    ఈ    అంచును    'ఖండించెడి  అంచు'    ( Cutting  edge

 )   అని     అంటారు.    

         ఉలి     సైజు     దాని     బ్లేడు    వెడల్పు   పైన     ఆధారపడియుంటుంది. 

   బ్లేడు    సైజుతో    పాటు    దాని    ఆకారము     మరియు   దానిద్వారా   

 కర్రవస్తువును    ఖండించెడి     విధానము   మొదలైన     విషయములు   

  ఉలిని   ఏ    పనికి    ఉయోగించాలో    నిర్ణయించుటకు   తోడ్పడుతవి. 

  వివిధ    రకముల    ఉలులు,    వాటి    నిర్మాణ     వివరములు.    వాటిని   

  యే   పనులకు    ఉపయోగించుకొనవలయునన్నది    క్రింద   

 వివరించనైనది.

1.   ఫర్మర్   ఉలి   ( Firmer  chisel ) 

          ఇది    మందమైన    బ్లేడును    కలిగియుండి   ఉలి   ద్వారా    చేయబడు 

  అన్నిరకముల    పనులను    చేసుకొనుటకు    ఉపయోగపడుతుంది.   దీని   

 పదునైన    అంచును   కర్రపలకపై   ఏటవాలుగా    పెట్టుకొని    హాండిల్ ను   

 చేతితో    పట్టుకొని   నొక్కిపెడ్తూ,   హాండిల్ ను    చేతితో    గానీ,    మాలెట్     (

 కర్రతో    చేయబడిన    సుత్తె )  తో     గాని   కొట్టుట   ద్వారా  పదునైన  అంచు

   కర్రవస్తువులోనికి   దిగబడుతుంది.   దీని   ద్వారా   చదరపు, 

  దీర్ఘచతురస్రాకారపు    చీలికలు,  రంధ్రములు   యేర్పరచవచ్చును.    దీని   

 బ్లేడు    వెడల్పు    5 మి.మీ.    నుండి   50 మి.మీ.   వరకు   మరియు   పొడవు 

  125 మి.మీ.    దాకా   యుంటుంది.   బ్లేడు  రెండు   ప్రక్కల    చదునుగా   

 యుండి   పదునైన   మొనవద్ద    మాత్రము     కోసుగా   వుంటుంది.   పదునైన

    అంచుగల    చూస్తే  దీనిబ్లేడు   దీర్ఘచతురస్రాకారంగా    వుంటుంది.

2.   బివెల్    ఆకారపు   అంచుగల   ఉలి   ( Bevel   edge   chisel  )  :-

         ఇది   కూడా    ఫర్మర్    ఉలి    సైజులోనే    యుంటుంది.    అయితే   దీని

   బ్లేడు    క్రింది    ఉపరితలము   సమతలంగా    వుండి    వెడల్పు   

 ఎక్కువగా   వుంటుంది.   పై   ఉపరితలము    రెండు    ప్రక్కల    ఏటవాలుగా

    యుండి    మధ్యభాగము    చదునుగా   యుంటుంది.   పటము  4.20.   

 పదునైన   అంచువైపు   నుండి    చూచినపుడు   ఇది   ట్రెపీజియం 

  ఆకారమును    కలిగియుంటుంది.   సాధారణ    ఫర్మల్   ఉలితో   

  పనిచేయుటకు   కర్రవస్తువు    మూలలయందు    బివెల్    అంచు   ఫర్మల్ 

 ఉలి     ఉపయోగపడుతుంది.

3.   పేరింగ్    ఉలి    ( Paring   Chisel ) :-

                 ఇది    కూడా    ఫర్మర్   ఉలి    లేదా    'బివెల్    అంచు   ఫర్మల్ 

 ఉలి'    వలెనే    చేయబడి     ఎక్కువ    పొడవును    కలిగిన     బ్లేడును 

  కలిగియుంటుంది.    ఎక్కువ   లోతుగల     కర్రవస్తువులపై   

 పనిచేయునపుడు     ఫర్మర్ ఉలి    బ్లేడు  పొడవు    సరిపోనందున    దీనిని 

  ఉపయోగించినపుడు   దీని   హాండిల్ ను    చేతితో     మాత్రమే    నొక్కిపెడ్తూ

    లేదా    హాండిల్   పై    అరచేతితో    కొడ్తూ     దీనితో    మెల్లిగా   

 పనిచేసుకొనాలి.    అంతేకాని   దీని    హాండిల్    పైన   మాలెట్ తో 

  కొట్టరాదు.    దీని    బ్లేడు   పొడవు    225  నుండి   800  మి.మీ.   వరకు   

 మరియు    వెడల్పు   5   నుండి   50  మి.మీ.   వరకు    వుంటుంది.

4.   మోర్ టైస్  ఉలి   ( Mortise Chisel ) :-

               దీనిని     భారీ    పనులకు   ఉపయోగిస్తారు.     కర్రను   లోతుగా    (

 ఎక్కువ  మందముతో )    ఖండించినపుడు    ఉలి  పై   ఎక్కువ    భారము   

 పడుతుంది.    అట్టి   పరిస్ధితులలో    ఉలిని    ఉపయోగించినపుడు    ఆ   

 భారము    తట్టుకునే    విధంగావుండాలి.    అందుకుగాను    బ్లేడు   ఎక్కువ 

  మందముతో   గల     మోర్ టైస్     ఉలిని    ఉపయోగిస్తారు.    దీని   పదునైన 

  అంచు   కర్రవస్తువులోనికి   ఎక్కువ   లోతుతో   చొచ్చుకొనిపోవుటకుగాను   

 దీని    హాండిల్ ను    ఎక్కువ   శక్తితో    కొట్టుటకుగాను  కర్రతోచేసిన    సుత్తె 

 బదులు   సాధారణ     సుత్తెను    ఉపయోగిస్తారు.    ఈ  విధముగా 

  కొట్టినపుడు   హాండిల్     దెబ్బతినిపోకుండా    యుండుటకుగాను     

 హాండిల్      చివర     ఇనుపతొడుగు   బిగింపబడి    యుంటుంది.

దీని   బ్లేడు    హాండిల్  వైపు    ఎక్కువ    మందమును    పదునైన   

 అంచువైపు     తక్కువ   మందమును     కలిగి     యుండునట్లు    ఏటవాలుగా 

  వుంటుంది.    బ్లేడు     వెడల్పు  3మి.మీ. నుండి    15మి.మీ.     వరకు 

  వుంటుంది.     కరర్రవస్తువుయందు   చదరపు   రంధ్రములను    చేయుటకు 

  ( వీటిని 'మోర్ టైస్' అంటారు  )  గాను,   కొద్దిలోతును  కలిగిన 

  రంధ్రములను   చేయుటకుగాను    యిది   ఎక్కువగా 

  వుపయోగపడుతుంది.

5.   సాకెట్   ఉలి   ( Socket  Chisel ) :-    

            దీని   బ్లేడు    ఫర్మర్   బ్లేడువలెనేయుండి   20 మి.మీ.   నుండి 

  50మి.మీ.  వరకు    వెడల్పును   కలిగియుంటుంది.    బ్లేడు   రెండువైపులగల 

  ఉపరితలము   చదునుగాయుండి  బ్లేడు   చివరిభాగము    మాత్రము 

  పదునైన    అంచును   కలిగియుంటుంది.   అయితే   హాండిల్  కు   బ్లేడు 

  బిగింపబడినచోట   సాకెట్    అనబడు    వెడల్పైన   లోతైన    గొట్టమును 

 కలిగియుండి   దానికి   హాండిల్    బిగింపబడి   యుంటుంది.     

         ఆకారపు    సాకెట్   ఉక్కు   లేదా   యిత్తడి   లోహముతో   చేయబడి 

  యుంటుంది.    భారిపనులను   చేయుటకు   ఇది   ఉపయోగపడుతుంది.   

  ఎక్కువ    శక్తితో  కూడిన   దెబ్బను   హాండిల్ పై    కొట్టినపుడు   హాండిల్   

  కర్ర    విరుగుట    లేదా    దానియందు    పగుళ్లు    యేర్పడకుండా     సాకెట్ 

  ఉపయోగిస్తుంది.   దీనిని  ఫర్మర్  ఉలిని   సాధారణ   పనులకు   కూడా 

  ఉపయోగించవచ్చు.

ఆకారమును    కలిగియుంటుంది.     దీని     నుపయోగించి   

  కర్రవస్తువుయండు    గుండ్రపు    రంధ్రములను    యేర్పరుచటుకు   

 వీలుంటుంది.    కర్రవస్తువుకుగాను     ఉపయోగపడెడి    లేత్   

 యంత్రములపై   దీనిని    ఎక్కువగా    వుపయోగిస్తారు.     బ్లేడు   

 ఆకారమునుబట్టి     రెండు   రకముల   ' గౌజులు '   వున్నాయి.      వంపు   

  తిరిగిన    ఆకారము     బ్లేడులో    తలముయందు    పదునైన    అంచు 

  కలిగిన     గౌజును    ' ఇన్  సైడ్   గౌజ్ ' ( Inside gouge )   అని   అంటారు.   

  వంపు దిరిగిన      బ్లేడు   వెలుపలి    తలముయందు    అంచును   

  కలిగియున్న   గౌజును   ' అవుట్   సైడ్    గౌజు '    ( Outside   gouge )    అని 

  అంటారు.     ఇవి     5 మి.మీ.  నుండి   25 మి.మీ.    వరుకు    వెడల్పును   

  కలిగియుంటాయి.

ఉలిని    ఉపయోగించు   విధానము :

      కర్రవస్తువుయందు    కణములు     అమర్చబడిన     దిశలోనే    ఉలిని   

   ఉపయోగిస్తు    వస్తువును     ఖండించాలి.      ఉలిని      ఉపయోగించటానికి 

   ముందు      వస్తువును       ' ' మోర్   టైస్ '     యందుగానీ       లేదా    ఇతర   

  గట్టి      ఆధారముతోగాని     అమర్చి     బిగించుకొనాలి.      దీనివలన   

 ఉలిని   పట్టుకొని     సుత్తెతో      దానిని      కొట్టుటకు     రెండు   చేతులను   

  వుపయోగించవచ్చును.

         కర్రవస్తువు పై     ఉలికి      గల    పదునైన     అంచుకుగల      ఏటవాలు 

    తలము    పైకి      వుండునట్లుగా    పెట్టుకొనాలి.     ఉలి      బ్లేడును     

 ఎడమ      చేతితో     పట్టుకొని       కుడి     చేతితో   హాండిల్ ను    నొక్కి

 పెట్టుట   ద్వారా     ఉలిని     ముందుకు     కదిలిస్తూ     కర్రవస్తువు   

  ఉపరితలమును     చదునుపరిచి      నునుపుపరచవచ్చును.   

 పెద్దమొత్తములో   కర్రవస్తువును     ఖండించుటకు    హాండిల్ పై  మాలెట్

 తో    కొట్టవలసి  వుంటుంది.   ఉలితో      వస్తువును    ఖంఢించినపుడు   

  పనిచేయువ్యక్తి     శరీరమునకు      దూరముగా     దానితో     పనిచేయవలెను.

     ఉలినుపయోగించుటకు     ముందు      దాని        పదునైన   అంచు      

  సరాగా     వుందా     లేదా  గమనించాలి.        పదునులేని      అంచును  '

 గ్రైండ్ '     చేసుకొని      పదును      పెట్టుకొనాలి.     ఉలి  హాండిల్   

 పగుళ్ళను     కలిగియున్న    యెడల     దానిని     తొలగించి      క్రొత్త     

 హాండిల్ ను     అమర్చుకొనాలి.         ఉలినుపయెగించుటకు   ముందు     

 మలినపదార్థములు,      గ్రీజు,     నూనె  మొదలగు      యితర     

 పదార్థములను    మరియు      బ్లేడు పైన,    హాండిల్ పైన       లేకుండా     

  వాటిని       శుభ్రపరుచుకొనాలి.

అభ్యాసము

 1.   ఱంపము    పటమును    గీచి   వివిధ   

       భాగములను     గుర్తించుము.

 2.   ఱంపమును    ఉపయోగించుటకు    ముందు   

      గమనించవలసిన     వివరములను     

      పేర్కొనము.

 3.   కర్రవస్తువు    యందు    అమర్చబడిన      

      కణములకు     అడ్డముగా     కోయుటకు  

      వుపకరించు    ఱంపము   నొకదానిని   

      పేర్కొని,    దానిని     ఉపయోగించు    

      విధానము    తెలుపుము.

 4.   రిప్    ఱంపము   పటమును   గీచి,    అది   

       పనిచేయు    విధానమును    గురించి   

       వివరించుము.   

 5.    ఱంపము      సైజును    యే    విధముగా       

        పేర్కొందురు ?     ఱంపమును    పదును   

        పెట్టుకొను    విధానమును     వివరించుము.

 6.     ' బౌ   ఱంపము '    పటమును    గీచి,    

         వివిధ 

         భాగములను   గుర్తింపుము.

 7.      కంపాస్    ఱంపము    ఉపయోగమును   

         తెలుపుము.

 8.      కర్రవస్తువుయందు     వంపు    తిరిగిన   

         దిశలో      ఖండించుటకు    ఉపయోగపడెడి   

         వివిధ    ఱంపమును    పేర్కొని,   వాటిలో   

         ఒకదానిని    వివరింపుము.

 9.      ' ఉలి '   యొక్క    పటమును   గీచి,   దాని

         వివిధ   భాగములను   గుర్తించుము.   

10.    ఉలి   సైజును   యేవిధముగా  పేర్కొందురు?

         ఉలిని    ఉపయోగించెడి   విధానము  

         తెలుపుము.

11.   ' మోర్ టైస్ ఉలి '   ని   ఉపయోగించు   

         విధానమును     తెలుపుము.

12.  ' గౌజ్ '    మరియు    ' ఉలి '  కి    గల    

       భేదములను   వివరించుము.    

       రెండురకముల    గౌజుల    పేర్లను    పేర్కొని, 

       వాటి     మధ్యగల     భేదములను    

       వివరింపుము.

18. కర్రవస్తువును ఖండించెడి పనిముట్లు

 కర్ర  వస్తువును ఖండించెడి  పనిముట్లు
ఉపోద్ఝాతము:

     కర్ర  సామాగ్రిని   తయారుచేయుటకు  గాను   పెద్ద   సైజుగల  కర్రవస్తువులను ఖండిచి   చిన్నముక్కలుగా   చేయుటకు   లేదా వాటికి   వివిధ    ఆకారములను   తెచ్చుటకు ఉపయోగపడు   పనిముట్లను 'ఖండిచెడి పనిముట్లు' (cutting tools) అని  అంటారు. కర్రసామాగ్రిని   తయారుచేయు పనియందు యుందుకుగాను   ఉపయోగపడెడి పనిముట్లను రెండురకములుగావిభజించవచ్చు.

    1. ఱంపము (saw)      2. ఉలి   (chiesl)

          ఈ   రెండురకముల   పనిముట్లు వస్తువులను   ఖండించెడి   విధానములోను, మరియు   వాటినుపయోగించెడి  పధ్ధతిలోను భేదములున్నాయు. ఈ   పనిముట్లను గురించి వివరముగా   తెలుసుకుందాము.

1. ఱంపము   : 

         ఇది కర్ర వస్తువులను  కోసి  రెండు భాగములుగా   విడదీయుటకు  మరియు కావలసిన    ఆకారములలో   కోయుటకు వుపయోగపడుతుంది. ఇది  స్ర్పింగుదనమును కలిగిన  ఉక్కుతో  చేయబడిన    సన్నని రేకుఆకారపు   బ్లేడును   కలిగి యుంటుంది.  స్ర్పింగుదనమును   కలిగియుండుట  మూలముగా   భ్లేడును   కొద్దిగా,ప్రక్కలకు వంచినను అది విరగకుండా  వుండును. బ్లేడు ఒక  ప్రక్కగా   కర్రతో   చేసిన   హాండిల్   ( పిడి )కు రివెట్ల  ద్వారా  లేదా స్ర్కూల  ద్వారా బిగింపబడి   వుంటుంది.  బ్లేడు  పొడవైన అడుగుభాగపు   అంచు   వరసగా  అమర్చిన పదునైన   మొనలతో   కూడిన 'పండ్లను' కలిగియుంటుంది. వీటినే 'ఱంపపు పండ్లు' అంటారు. ఇవి   V—ఆకారమును   కలిగియుంటాయి. ఱంపముబ్లేడు పండ్లు కర్రపలకపై ఆనించి వాటి పదునైన మొనలు ముందునకు  సాగునట్లు  తోసినపుడు, అవి కర్రను క్రమక్రమంగా ఖండిస్తూకోసివేస్తాయి ఱంపముబ్లేడు పండ్లు ఒకదానిని విడిచి ఇంకొకటి కుడి, ఎడమ వైపులకు వంపబడియుంటాయి. దీనివలన బ్లేడు పండ్లు కర్ర వస్తువును ఖండించినపుడు యేర్పడు సన్నని చీలికగుండా బ్లేడు మిగిలినభాగము యేవిధమైన రాపిడి లేకుండా  సులభముగా పయనిస్తుంది. ఇందుకు కారణము రెండు వైపులా కొద్దిగా వంగిన పండ్ల మూలముగా ఱంపము బ్లేడు కర్రవస్తువును   ఖండించినపుడు యేర్పడెడి చీలిక, బ్లేడు మందము కన్నా కొద్దిగా ఎక్కువ మందమును కలిగియుండుటయే!

     బ్లేడు ముందుభాగమును 'టో'(toe) అనీ, హాండిల్   బిగించిన   వెనుకభాగమును   హీల్ (Heel) అనీ పిలుస్తారు.   ఱంపము యొక్క సైజును దాని బ్లేడు పొడవును బట్టి నిర్ణయిస్తారు. ఉదాహరణకు  650 మి.మీ. సైజు గల ఱంపము  బ్లేడు   పొడవు 650 మి.మీ. వుంటుంది.  ఱంపము   పొడవు  మరియు ఆకారములు పలురకములుగా వున్నాయి. కర్రసామాగ్రిని తయారుచేయు పనియందు ఉపయోగపడు వివిధ రకముల ఱంపములను గురించి క్రింద వివరించనైనది.

        ఉపయోగించు విధానమునుబట్టి ఱంపమును   రెండు రకములుగా విభజించవచ్చును.  

(1)ముందుకు  నెట్టబడెడి ఱంపములు (push saws) :-  వీటిని కర్రవస్తువుపై ముందుకు నెట్టుట ద్వారా కర్ర కోయబడుతుంది. ఱంపమును వెనుకకు లాగినపుడు ఱంపము పండ్లు కర్ర వస్తువునకు తగలకుండాయుండునట్లు కొద్దిగా పైకిలేపాలి. తిరిగి ఱంపమును ముందుకు నెట్టినపుడు వస్తువుపై ఱంపము పండ్లను నొక్కిపెడ్తూ ముందుకు నెట్టుచు కర్రను కోయవలసి వుంటుంది. ఈ రకపు ఱంపములో బ్లేడుకుగల పండ్లు ముందు వైపుకు తిరిగిన పదునైన మొనలను కలిగివుంటాయి. కాబట్టి కర్రను కోయుటకుగాను ఈ ఱంపమును ముందుదిశలో మాత్రమే ఉపయోగించాలి. 

(2) వెనుకకు లాగెడి ఱంపములు (Draw saws) :-

ఈ ఱంపము యెక్క పండ్లు కొద్దిగా వెనుకవైపుకు తిరిగిన పదునైన మొనలను కలిగి యుంటాయి. ఱంపము వెనుకకు (అనగా హాండిల్ వైపునకు) లాగినపుడు కర్రవస్తువుపై బ్లేడుపండ్లను నొక్కిపెట్టి వుంచాలి.దీనివలన ఱంపము వెనుకకు పయనించునపుడు కర్రవస్తువు కోయబడుతుంది. తిరిగి ఱంపమును ముందుకు నెట్టినపుడు బ్లేడును కర్రవస్తువునుండి కొద్దిగా పైకిలేపి ఎక్కువ బలము నుపయోగించకుండా పయనింపజేయాలి. 

పై రెండురకముల ఱంపములు వాడుకలో నున్నాయి. కనుక బ్లేడును ఉపయోగించుటకు ముందు దాని పండ్లు ఏ దిశలో తిరిగియున్న పదునైన మొనలను కలిగియున్నది గమనించుకొనాలి. తప్పు దిశలో బ్లేడును కదిలిస్తూ కర్రవస్తువునుకోయుటకు ప్రయత్నించినయెడల కర్రవస్తువు కోయబడకుండా వుండుటయేకాక, ఱంపముపండ్లు దెబ్బతినిపోవచ్చును.

1.  చేతి  ఱంపము ( Hand saw ) :-

       దీనినే  'క్రాస్  కట్ ఱంపము ' ( cross cut saw )   అనికూడా  అంటారు.  అనగా  'అడ్డముగా  కోసెడి ఱంపము  అని  అర్థము.  దీనికి  కారణము కర్రవస్తువులో  కణములు  ( Grains ) అమర్చబడిన  దిశకు  అడ్డముగా  కర్రను  కోయుటకు  ఇది  ఉపయోగపడుతుంది.  అయితే  కణములు  అమర్చబడినదిశలో  మరియు  ఇతరదిశలలో  కూడా  ఇది  కర్రను  కోయుటకు  ఉపకరిస్తుంది.  దీని  బ్లేడు పొడవు  500  నుంచి  650  మి. మీ. వరకు వివిధ సైజులలో లభ్యమగుతుంది.  బ్లేడు  మందము  1 గేజి  వుంటుంది. దీని  పండ్లు  పటము  4.3 లో  చూపిన మాదిరిగా  అమర్చబడి  చాకు  మొనలాంటి  పదునైన  మొనలను  కలిగావుంటాయి.  దీనిచే  కర్రవస్తువును  కోయునపుడు   వాడియైన   మొనలచే  ఖండింపబడిన  భాగము  మొనల  మధ్య  ఖాళీస్థలములో  నొక్కబడి  చూర్ణంగా   మారుతుంది.  దీని  బ్లేడు  100 మి.మీ.  పొడవులో             20  నుండి  48  వరకు  పండ్లను   కలిగియుంటుంది.  

2.  రిప్  ఱంపము ( Rip  saw ) :-

            ఈ  ఱంపము  కర్రవస్తువుయందు  కణములు  అమర్చబడిన  దిశలో  మాత్రమే  కర్రను   కోయగలుగుతుంది.  దీనిపండ్లు  ఉలి  ( Chisel ) కి  గల  పదునైన  వస్తువును  ఖండించెడి  అంచు లాగా కొద్ది  మందముతో  అమర్చబడివుంటాయి.  వరసగా  బ్లేడు  అమర్చబడిన  ఈ  పండ్లు  వరుసగా    అమర్చబడిన   అనేక   ఉలుల   యొక్క   పదునైన   అంచులలాగా   పనిచేసి  కర్రవస్తువును  ఖండిస్తాయి.   బ్లేడును   ముందునకు  కదిల్చినపుడు  ఒక   కదలికలో   ఎక్కువ  మొత్తములో  కర్రను  ఖండించుటకు  యిది   ఉపయోగపడుతుంది.  దీని   బ్లేడు  వెడల్పు   ముందువైపు  తక్కువగా  (సుమారు  8 సెం. మి. ), హాండిల్ వైపు  ఎక్కువగా  (సుమారు  16 సెం.మి. )  వుంటుంది.   ఇది   650  నుండి  750  మి.మీ.  వరకు   వివిధ  సైజులలో   లభ్యమగుతుంది.  100 మి.మీ.  బ్లేడు  పొడవులో   ముందువైపు  24  నుండి  32  వరకు,   హాండిల్ వైపు  12  నుండి  15   వరకు  పండ్లను కలిగియుంటుంది

      

3.  పానెల్ ఱంపము  ( Panel saw ) :-

          ఇది  క్రాస్   ఱంపము  ఆకారములోనేయుండి,   అదేవిధంగా  పనిచేస్తుంది.   అయితే  దీని  బ్లేడు  క్రాస్కట్  ఱంపము  బ్లేడుకన్నా  తక్కువ  మందమును   (22 గేజి )  కలిగియుంటుంది. దీని  పొడవు  350  నుండి  600మి.మీ.  వరకు  వివిధ  సైజులలో  వుండి ,  100 మి.మీ.  బ్లేడు  పొడవులో  32  నుండి  48  వరకు  పండ్లను  కలిగివుంటుంది.  కర్రవస్తువును  సూచించిన   కొలతల   ప్రకారము  ఖచ్చితంగా  కోయుటకు  ఇది  పనికివస్తుంది.   కర్రవస్తువును   రెండు   భాగములుగా  చీల్చుటకు   మరియు   కణములు   అమర్చబడిన  దిశకు   అడ్డముగా   కోయుటకు  కూడా  ఇది  ఉపయోగపడుతుంది.

4.   టెనన్  ఱంపము  ( Tenon saw ) :- 

          ఇది   కూడా  చేతిఱంపమువలె   పండ్లను  కలిగియుండి  కర్రవస్తువులో  కణములు  అమర్చబడిన  దిశకు  అడ్డముగా  కోయుటకు  వాడబడుతుంది.   దీని  బ్లేడు  తక్కువ  మందమును  ( 22  గేజి )  కలిగియుండి,  దీని  పండ్లు  సమబాహు   త్రిభుజాకారములో   60॰  కోణమునుగలిగిన   పదునైన   మొనలను  కలిగియుంటాయి.  కర్రవస్తువును  మృదువుగా  కోయుటకు యిది  నుపయోగించినపుడు   బ్లేడు  ప్రక్కలకు  వంగిపోకుండా   దృఢంగా  నిలబడి   యుండుటకుగాను  బ్లేడు  పై   భాగమున  కర్రచేగాని,   లోహముతోగాని  చేయబడిన ఆధారపు  చట్రము  ( Frame )   అమర్చబడి   యుంటుంది.  ఱంపపుపండ్లకు   వెనుకవైపున   ఆధారము  కల్పింపబడినది   కావున   దీనిని  'బ్యాక్  ఱంపము'  ( Back saw )   అని   పిలుస్తారు.   ఇది    200  నుండి  450  మి.మీ.    వరకు   పొడవుతో   వివిధ    సైజులు   లభ్యమగుతుంది.   100  మి.మీ.   బ్లేడు  పొడవులో   40   నుండి  60   వరకు    పండ్లను   కలిగియుంటుంది.

5.  డవ్   టెయిల్    ఱంపము   ( Dove   tail  saw ) :-      

           ఇది    కూడ    టెనస్   ఱంపము   వలె  యుంటుంది.    అయితే   ఇది  తక్కువ    పొడవుతో     ( 150  నుండి  300 మి.మీ.  వరకు వివిధ  సైజులలో )    చిన్నసైజులో   వుండి   దీని  హాండిల్  తెరుచుకొని  వుంటుంది.  ఇది  కర్రవస్తువును  అతి   మృదువుగా  కోయుటకు,  సన్నని  చీలికలను  యేర్పరుచుటకు  మరియు  డవ్  టెయిల్  లను   ఏర్పరిచి  కర్రవస్తు  భాగములను  కలుపుకొనుటకు  వుపయోగపడుతుంది.  బ్లేడు  మందము  22  గేజితో   అతి  తక్కువగా  యుండి  100 మి.మీ.  పొడవు  గల   బ్లేడు  యందు  40  నుండి  60  వరకు  పండ్లు  యేర్పరచబడి   వుంటాయి.

6.  విల్లు   ఆకారపు  ఱంపము   ( Bow  saw ) :- 

        దీనిని   ' బౌ   ఱంపము '  అని అంటారు   ఇది     

వెడల్పు    తక్కువుగా  యున్న    బ్లేడును  కలిగియుంటుంది.    సాధారణంగా   దీని   బ్లేడు   3 మి. మీ. నుండి   12.5   మి.మీ.    వరకు   వెడల్పును   200  నుండి   250  మి.మీ.   వరకు   పొడవును   కలిగియుంటుంది.   దీనికి  ముందు   మరియు    వెనుక    భాగములలో    కర్రతో  చేయబడిన    రెండు   హాండిల్ లు    బిగింపబడి   వుంటాయి.    అంతే   కాకుండా    బ్లేడుకు   రెండు  వైపులా    కర్రతో    చేయబడిన   రెండు   కడ్డీలు   నిలువుగా    అమర్చబడి  ఆ   రెండింటినీ   కలుపుతూ  బ్లేడు   పొడవుకు    సమాంతరముగా    

కర్రతో   చేసిన    అడ్డు   కమ్మీ     ఒకటి   బ్లేడుకు    పై భాగమున     కొద్ది  దూరములో   అమర్చబడి    యుంటుంది.   ఈ    అడ్డు  కమ్మీ కి    మధ్యభాగములోగల    ఒక    చీలికలో     మరియొక    నిలువు   కడ్డీ     అమర్చబడియుంటుంది.    అడ్డు  కమ్మీకి    సమాంతరముగా     దానికి    పై   భాగమున    కొద్ది    దూరాములో    బ్లేడు    ముందు,    వెనుక  భాగములలో   అమర్చబడిన   నిలువుకడ్డీలను  కలుపుతూ   దారము  బిగింపబడి  యుంటుంది.  ఈ  దారము  పొడవు   సుమారు  3  మీటర్ల  దాకా  యుండి  అది  వదులుగా  వుండకుండా  బిగుతుగా   యుండుటకుగాను  మధ్యలోగల  నిలువుకడ్డీకి  చుట్టబడి  యుంటుంది.  బ్లేడును   గట్టిగా  బిగించడానికి   మధ్యలో  గల  నిలువుకడ్డీని  చేతితో   గుండ్రముగా   త్రిప్పుకొని  దారమును  దానిచుట్టూ   చుట్టుకొనవలసిన   యుంటుంది.   నిలువుకడ్డీ   అడ్డుకమ్మీకిగల   చీలికలో   సులభంగా  తిరుగుటవలన   యిది సాధ్యపడి  బ్లేడు   తగినంత  బిగుతుదనమును   కొద్దిగా    తగ్గించుకొనుట    ద్వారా  దీనినయోగించి  కొద్దిగా  వంపుకలిగిన  దిశలలో    కర్రవస్తువును  కోయవచ్చును.

7.  కంపాస్   ఱంపము  ( Compass saw ) :-

          దీనినే  ' టర్నింగ్ '  ( Turning  saw ) ఱంపము  అని  అంటారు.  దీని  బ్లేడు  కూడ   తక్కువ   వెడల్పును  కలిగియుంటుంది.  ఇది  250  నుండి  400  మి.మీ.  పొడవుతో   కోసుగా   వుండి  హాండిల్   వైపు  ఎక్కువ  వెడల్పును,  బ్లేడు   ముందు   వైపు   తక్కువ   వెడల్పును   కలిగి యుంటుంది.   ఇది   250  నుండి   400  మి.మీ.   పొడవుతో   కోసుగా  వుండి   హాండిల్  వైపు   ఎక్కువ   వెడల్పును,   బ్లేడు   ముందు  వైపు   తక్కువ   వెడల్పును   కలిగియుండునట్లుగా   చేయబడియుంటుంది.    ఈ  ఱంపము   రెండు   రకములుగా    లభ్యమగుతుంది.    మొదటిరకపు    కంపాస్   ఱంపముయందు   బ్లేడు   వెనుక  భాగము   హాండిల్ నకు    స్ధిరంగా    బిగింపబడి   యుంటుంది.  రెండవరకము    కంపాస్   ఱంపము    మూడు   వివిధ  సైజుల    బ్లేడును    కలిగియుండి,   వాటికి   అవసరమైన    బ్లేడును   హాండిల్ కు   తగిలించుకొను   సదుపాయమును   కలిగియుంటుంది.    హాండిల్ కు   అమర్చిన   ఒక   స్క్రూను    వదులు  చేసుకొని    కావలసిన   బ్లేడును   దీనిలో   అమర్చికొని    తిరిగి    స్క్రూను       బిగింపబడుతుంది.    దీనితో    కూడ   వంపుదిరిగిన    దిశలో   కర్రవస్తువులను   కోయుటకు     వీలుంటుంది.

8.   కోపింగ్   ఱంపము   (Coping  saw ) :-

        ఇది   తక్కువ   మందము    మరియు   తక్కువ   వెడల్పుగల    బ్లేడును    కలిగియుండి   అది   ఇనుప   చట్రములో    ఒక    మీట    ద్వారా    బిగింపబడి  యుంటుంది.   బ్లేడు   పండ్ల    వెనుకవైపున     ( అనగా   హాండిల్ వైపు )   తిరిగి   యుంటాయి.    హాండిల్ ను   గుండ్రముగా    త్రిప్పుకొనుట   ద్వారా   బ్లేడు   బిగువుదనమును    సరిచేసుకొనవచ్చును.    తక్కువ   వ్యాసముగల     చిన్న  వంపు   దిరిగిన   చాపముల   దిశలో   కర్రవస్తువును    కోయుటకు   యిది   పనికివస్తుంది.

9.  కీరంధ్రములను   చేయుఱంపము  ( key   hole  or    pad   hole    saw):-

        వస్తువుపై    సన్నని     ' కీ '   రంధ్రములు   ( చీలికలు )    చేయుటకు    ఈ   ఱంపము   పనికివస్తుంది.   ఇది   చిన్నగా     సుమారు    250  మి.మీ.    పొడవును    కలిగియుంటుంది.      దీని    బ్లేడు    కోసుగా   చేయబడియుంటుంది.    హండిల్ యందు    చీలికలో    బ్లేడు   బిగింపబడియుంటుంది.     బ్లేడును    వుపయోగించినపుడు   దీనిని    హాండిల్   నుండి      బయటకు     తీయవచ్చును.

ఱంపమును   ఉపయోగించువిధానము    :

        ఱంపమును   సరిగా    ఉపయోగించని    యెడల   దాని   బ్లేడు   విరిగిపోవుట   లేదా    ఱంపముపండ్లు    దెబ్బతినిపోవుట   జరగవచ్చును.   అంతే   కాకుండా    కర్రవస్తువును   సరియైన   దిశలో   కోయుట   సాధ్యపడదు.   ఱంపమును    సరిగా   వుపయోగించు  విధానము   క్రింది   వివరింపబడింది.    

( 1 )   ఱంపమును   చేతితో   పట్టుకొన్నపుడు   చూపుడు   వ్రేలు    ( Fist  finger )   ముందువైపునకు  సూచిస్తూ వుండాలి.   దీనివలన   ఱంపముతో   వస్తువును    కోయుటను   కావలసిన    రీతిలో    క్రమబద్దము    చేసుకొనుటకు   సాధ్యపడుతుంది.   

 ( 2 )   వస్తువు   కొలతకన్నా    కొద్దిగా   ఎక్కువ   కొలతలను   కలిగియుండునట్లుగా  ఱంపముతో  కోయాలి.   కావలసినదానికన్నా   ఎక్కువగా    యున్న   కొద్ది   భాగము   ' ప్లేన్ '   నుపయోగించి    చదును   చేయునపుడు   తొలగించబడుతుంది.    

( 3 )   ఱంపము   ముందునకు  నెట్టునపుడు   పయనించెడి   దూరమును    ' స్ర్టోక్ '   ( Stroke )  అంటారు.    ఱంపము   పై   తక్కువ  ఒత్తిడిని   కలుగచేస్తూ   ఱంపము  కదిలెడి   స్ర్టోక్   పొడవుగా    వుండునట్లుగా    ఱంపముతో   కర్రవస్తువును    కోయాలి.  

( 4 )   ఱంపము   ఉపయోగించుటకు  ముందు   ఱంపము     పండ్లు    పదునుగా    ఉన్నాయా   లేదా    అన్నది    పరీక్షించుకొనాలి.    పదును     లేనియెడల    వాటిని     పదును     పెట్టుకొనాలి.

( 5 ) పని   ప్రారంభించుటకు   ముందు   ఱంపము    బ్లేడు   కర్ర   ఉపరితలము     చేయు   కోణము   తక్కువగా   వుండును.   ఱంపమును  పట్టుకొనాలి.   ఎడమచేతి  బొటన   వ్రేలికి  ఱంపము   బ్లేడును   నొక్కి   పెడుతూ,   ఱంపము  బ్లేడు   ప్రక్కలకు  కదలకుండా   తిన్నగా    సాగును   ముందు   నెమ్మదిగా   కర్రను    కోయాలి.  ముందుగా   తేలిక    స్ట్రోక్ లతో    కొద్దిగా  కోయుటద్వారా   కర్ర    యందు  చీలిక   యేర్పరచాలి.    పిదప    పొడవైన   స్ట్రోక్ లతో   కర్రను   వేగంగా   కోయవచ్చును.

ఱంపమును    పదును    పెట్టుకొనుట :  

       ఱంపమును   ఉపయోగించిన     కొంతకాలమునకు   దానిపండ్లు    అరిగిపోయి    పదును    కోల్పొనవచ్చును.    అప్పుడు   ఱంపమముతో    కర్రను    కోయుపని    సరిగా    జరగదు.   ఱంపము   పండ్లను    పదునుపెట్టుకొని       మరల    కోతను    సాగించాలి.  ఱంపము   పండ్లను    పదును   పెట్టుకొనెడి    విధానము   క్రింద   వివరించనైనది.    

1.  ముందుగా   ఱంపము   బ్లేడు    పండ్లు    పైకి   యుండునట్లుగా    బ్లేడు   తలక్రిందుగా ' వైస్ '   పైన   బిగించాలి.   అయాతే    వైస్ లో     బ్లేడు   వదులుగా   వుండరాదు.     వదులుగా    బిగించిన     బ్లేడును   పదును   పెట్టిన    యెడల    అది   పదునైన   మొనలు    కలిగిన    పండ్లను    కాకుండా    గుండ్రముగా    వున్న     పండ్ల     యేర్పడతాయి.     

2.  మొదట   సాధారణ    చదునైన   ఫైల్   ( Flat    file )  తో    ఱంపము   పండ్ల పై     ముందునుండి     వెనుకవైపు    ఫైల్ ను    కదిలిస్తూ      పండ్లను    అరగదీయాలి.   

3.  తర్వాత    పండ్ల    మధ్యగల    ఖాళీ    స్థలములో    కూర్చుండునట్లు   త్రిభుజాకారపు   ఫైలను    బ్లేడుకు     లంబదిశలో    అమర్చి   పండ్లను    అరగదీసిన    యెడల    పండ్లు   పదునుపెట్టబడతాయి.    

4.   తర్వాత   బ్లేడు   పండ్లను    ఒకదానిని   విడచి   యింకొకటి    ఎడమ     వైపుకు,    మిగిలిన    పండ్లు   కుడివైపుకు     వంగియుండునట్లుగా    అమర్చాలి.    ఇందుకుగాను    బ్లేడు    పండ్లకు    ఒకవైపు    ఏదైనా     ఆధారమునమర్చి    సుతత్తె   నుపయోగిస్తూ      పండ్లను   ప్రక్కలకు   కొద్దిగా   వంగి   (  పటము  4.15 ).    లేదా   ' సా   సెట్ '    అను   పరికరము  నుపయోగించి    బ్లేడు    పండ్లను   ప్రక్కలకు    వంచుకొనవచ్చును.     దీనిని    'ఱంపము  పండ్లను    అమర్చుకొనుట '    లేదా     ఱంపము   పండ్ల     సెట్టింగు   ( Saw   setting )   అని    అంటారు.    

5.    పిదప    ఆయిల్    స్టోన్  ( Oil stone )    ద్వారా    బ్లేడుకు    యిరువైపులా     వంచబడిన   పండ్ల    వాడి    మొనలను     సరిచేయాలి.     దీనిని    డ్రెస్సింగ్   ( Dressing )    అని   అంటారు.

6.   చివరిగా    పటము  4.17  లో    చూపిన   మాదిరిగా   త్రిభుజాకార     ఫైల్ ను    వుపయోగిస్తూ   ఒకటిగా   బ్లేడు   పండ్ల     ఎడమ వైపు,    మిగిలిన     పండ్లను    కుడివైపు     అరగదీసి   పదును    పెట్టుకొనాలి.

17. గుర్తించుటకు ఉపకరించు పరికరములు

 11. కాంబినేషన్ సెట్   ( combination set) :

      ఇది   ఎంతో   ఉపయోగకరమైన  పనిముట్టు.  దీని  యందు   ట్యైస్క్వేర్   కోణమానిని , 

స్పిరిట్లలెవె ,  స్కేల్ ,      స్క్రైబర్      అనబడున    ఐదు   పనిముట్లు   అమర్చబడి   ఉండి  

 ఆ   పనిముట్లు   విశిష్టతను   యిది    కలిగియుంటుంది.   పటములో   చూపినట్లుగా   యిది 

బ్లేడు,   స్క్వేర్ హెడ్,   కోణమానిని   కలిగిన   హెడ్,    సెంటర్ స్క్వేర్ హెడ్,   అనబడు 

నాలుగు భాగములను   కలిగియుంటుంది.   మిగిలిన    మూడు భాగములు   బ్లేడుకు 

తగిలించబడి   ఉంటాయి.   సన్నని   బ్లేడు   ఋజువుగా   ఉండి   దాని పై   కొలతలు 

గుర్తించబడి    వుండుట   మూలముగా   స్కేలువలె   ఉపయెగపడుతుంది.   దీని 

వెనుకభాగమున   మధ్యగా   పొడవు   దిశలో   ఒక   చీలిక    చేయబడియుంటుంది.    బ్లేడును

 తగిలించిన    ప్రతి   హెడ్ భాగము    మేకులాంటి    కడ్డీని    కలిగియుండి,   ఆ కడ్డీ    బ్లేడుకు 

వెనుకవైపున    గల    చీలికలో    అమర్చబడి  యుంటుంది.    మేకును   చీలికలో 

కదిలిస్తూ    హెడ్ ను    బ్లేడుపైన   జరపుకోవచ్చును.    ఈ విధంగ   జరుపుకొన్న   హెడ్ ను 

కావలసిన    స్థానములోనికి    తెచుకున్న   పిదప   హెడ్   పైన   గల   స్క్రూను   బిగించుట

  ద్వారా   అది    బ్లేడుకు    బిగింపబడి   యుంటుంది .   కోణమానిని     కలిగియున్న హెడ్ 

మరియు    స్క్వేర్    హెడ్   సాధారణంగా    స్పిరిట్    లెవెల్ ను    కలిగియుంటాయి.   

స్క్వేర్ హెడ్     కొనభాగమున    'స్క్రైబర్'    అనబడు    గుర్తించెడి    సాధనము

 అమర్చబడియుంటుంది.    స్క్వేర్ హెడ్    పైన    అమర్చిన    స్క్రూను    వదులుచేసి 

దానిని    బ్లేడుకు    లంకోణములో    లేదా    తగిన   కోణములో    అమర్చుకొని   ట్రైస్క్వేర్ 

లేదా    మీటర్ స్క్వేర్    లాగా   ఉయోగించవచ్చును. 

12. గుర్తులు పెట్టుటకు ఉపకరించు చాకు  

(marking knife) :--

           దీని    ద్వారా     కర్రవస్తువుపై     రేఖలుగీయుట     మరియు     యితర గుర్తులు 

పెట్టుట    చేయవచ్చును.   ఇది   ఉక్కుతో    చేయబడి   ఒకవైపు    పదునైన    మొన   

 రెండవ   చివర    ఏటవాలుగా    యున్న    పదునైన    అంచును    కలిగియుంటుంది.   దీని

 ద్వారా    గుర్తులను    సరిగ్గా    మరియు    ఖచ్చితంగా    పెట్టుకొనవచ్చును.   'మార్కింగ్ 

చాకు'   అంటారు.

13.  గుర్తులు పెట్టుటకు ఉపకరించు సాధనము:---- కర్ర వస్తువు

యొక్క యేదైన ఒక అంచుకు సమాంతరగా గీతను గుర్తించుటకు

పనికివచ్చు యీ సాధనమును 'మార్కింగ్ గేజి' (marking gauge)అని

అంటారు. ముఖ్యమైన పనిముట్టుగా పరిగణింపబడే మార్కింగ్ గేజి

దీర్ఝచతురస్రపు దిమ్మ రూపమును కలిగియుండి గట్టి కర్రతో

చేయబడియుంటుంది. దీని అవచ్చేదము (cross section) చతురస్రాకారం

లేదా దీర్ఘచతురస్రాకారమును కలిగియుండి దీని అడుగు భాగమున ఒక

చివర ఉక్కుతో చేయబడిన పిన్నును కలిగియుంటుంది. ఈ పిన్నుకు గల

పదునైనమొన కర్రవస్తువు మీద గుర్తులు పెట్టుటకు వుపకరిస్తుంది. పిన్ను

పొడవు సుమారు 2 మి.మీ. ఉంటుంది.' హెడ్' అనబడెడి మరియొక కర్ర

పలకకు మధ్యలో చేయబడిన చదరపు ( లేదా దీర్ఘచతురస్రపు) రంధ్రములో

పిన్నుకు తగిలిన 'దిమ్మ' (stem) వదులుగా అమర్చబడి యుంటుంది. హెడ్

పైన అమర్చిన ఒక స్క్రూను చేతితో త్రిప్పుకొని వదులుపరచుట ద్వారా

దిమ్మ పైన హెడ్ ను కదల్చి జరుపుకొనవచ్చును. ఈ విధముగా జరుపుకొనుట

వలన పిన్నుకు, హెడ్ కు మధ్యగల దూరమును మార్చుకొని ఎక్కువ లేదా

తక్కువ చేసుకొనవచ్చును. తిరిగి స్క్రూను బిగించుట ద్వారా హెడ్, దిమ్మపైన

కదలకుండా యుంటుంది. దీనిని ఉయోగించినపుడు ముందుగా పిన్నువైపు

గల హెడ్ ముఖ భాగమును (face) కర్రవస్తువు అంచుకు తగులునట్లు నొక్కి

పెట్టాలి . చేతితో హెడ్ భాగమును పట్టుకొని, పిన్ను పదునైన మొనభాగము

కర్రవస్తువు ఉపరితలము పై తగులునట్లు నొక్కి పెట్తూ, హెడ్ ను ముందునకు

కదిల్చినపుడు పిన్ను ద్వారా కర్రవస్తువు పై సరళరేఖ గుర్తించబడుతుంది.

అయితే హెడ్ ను ముందునకు కదిలించినపుడు దాని ముఖ భాగము

కర్రవస్తువు అంచుకు ఎప్పుడూ తగులునట్లుగా నొక్కిపెట్తూ వుండాలి. అప్పుడే

గీచిన సరళరేఖ కర్రవస్తువు ఆ అంచుకు సమాంతరంగా వుంటుంది. పిన్నుకు,

హెడ్ కు గల మధ్య దూరమును మారుస్తూ ఆ అంచుకు సమాంతరంగా

ఎన్ని సరళరేఖలైన గీయవచ్చు. మార్కింగ్ గేజి నుయోగించు విధానము

పటములో చూపబడింది.

14. రెండు పిన్నుల మార్కింగ్ గేజి : దీనిని 'మోర్ టైస్ గేజి' (mortise gauge) అని అంటారు.

దీనితో ఒకేసారి రెండు సమాంతర రేఖలను గీయవచ్చును. ఇది

కూడా మార్కింగ్ గేజ్ వలనే యుండి ఒక పిన్నుకు బదులు రెండు

పిన్నులను కలిగియుంటుంది. వీటిలో ఒక పిన్ను దిమ్మకు బిగింపబడి

స్థిరంగా యుంటుంది. దిమ్మకు అడుగుభాగామున గల

దీర్ఘచతురస్రాకారపు చీలికలో కదిలెడి కర్రపలక ఒకటి

అమర్చబడియుంటుంది. ఈ కర్రపలకకు మొదటి పిన్ను వున్నదిశలో

రెండవ పిన్ను బిగింపబడియుంటుంది. కదిలెడి కర్ర పలకను

కదిలించినపుడు యీ రెండవ పిన్ను కదులుటచే దానిని 'కదిలెడి

పిన్ను' (movable pin) అని అంటారు. కర్రపలకను దిమ్మలో

కదలకుండా బిగించుటకుగాను కర్రపలక రెండవ చివర చేతితో

త్రిప్పుకొను స్క్ర ఒకటి అమర్చబడియుంటుంది. దీనిని

వదులుచేసుకొని దిమ్మలోని చీలికలో కర్రపలకను కదల్చి రెండు

పిన్నుల మధ్య దూరమును మార్చుకొనవచ్చును. స్క్రూను బిగించుట

ద్వారా రెండు పిన్నుల మధ్యదూరము మారకుండా స్థిరంగా

వుంటుంది. మార్కింగ్ గేజి వలనే దీని హెడ్ ను కర్రవస్తువు అంచుకు

నొక్కి పెట్తూ దీనిని ముందుకు కదిలించుట ద్వారా ఆ అంచుకు

సమాంతరంగా రెండు సరళరేఖలు ఒకేసారి గుర్తింపబడతాయి. దీని

నుపయోగిస్తూ సన్నని దీర్ఘచతురస్రాకారపు చీలికలను చేయుటకు

సమాంతర రేఖలను గీయుటకు వీలుంటుంది. ఈ చీలికలను 'మోర్

టైస్ చీలికలు' (morertise grooves) అని అంటారు. కాబట్టే ఈ

గేజిని 'మోర్ టైస్ గేజి' అని పిలుస్తారు.

15. సన్నని ఖండించెడి గేజి (cutting gauge) :

ఇది కూడా మార్కింగ్ గేజి ఆకారంలో యుండి

అదేవిధంగా పని చేస్తుంది. అయితే దీనిలో కర్రదిమ్మకు బిగించిన

పిన్నుకు బదులు ఉక్కుతో చేసిన పదునైన బ్లేడు (cutter)

దిమ్మకు బిగించబడియుంటుంది. మార్కింగ్ గేజి వలె ఉయోగిస్తూ

కర్రవస్తువు అంచు ఆధారంగా దీనిని ముందుకు కదిలించినపుడు

ఆ అంచుకు సమాంతరగా కర్రవస్తువును పదునైన బ్లేడు

ఖండిస్తుంది. అయితే ఇది 3 మి.మీ. వరకు మందము గల సన్నని

కర్రవస్తువులను మాత్రమే కోయగలుగుతుంది. ఎక్కువ మందముగల

కర్రవస్తువులపై ఇది లోతైన కొలతలను యేర్పరుస్తుంది. సన్నని కర్రవస్తువు

యేదేని అంచుకు సమాంతరంగా ఆ వస్తువును ఖండి పాయలగా చేయుటకు ఇది

ఉపకరిస్తుంది. దీనిని 'కటింగ్ గేజి' అని పిలుస్తారు.

16.అవుట్ సైడ్ కాలిపర్స్ (outside callipers): దీని ద్వారా కర్ర వస్తువుల

వెడల్పు, మందము మొదలగు కొలతలను కొలవవచ్చు. ఇది లోపలి

దిక్కుగా వంపు తిరిగిన రెండు భుజములను కలిగియుంటుంది. ఈ రెండు భుజముల పై భాగము ఒక పిన్ను ద్వారా కలపబడివుంటాయి. ఈ పిన్ను ఆధారముగా భుజములను కదిలిస్తూ వాటిని దగ్గరగా లేదా దూరంగా జరుపుకొనవచ్చును. వస్తువు మందమును కొలుచుటకుగాను ముందుగా యీ పనిముట్ల రెండు భుజములను బయటకు నెట్టుచు వాటి మధ్యదూరమును పెంచుకొని వీటి అడుగుభాగపు అంచుల మధ్యగా కర్రవస్తువును అమర్చి, ఆ భుజములకు దగ్గరగా వచ్చునట్లు నొక్కి పట్టాలి. దీని వలన భుజముల అడుగు అంచులకు కర్రవస్తువును రెండు వైపులా తగులునట్లు దగ్గరకు వస్తాయి. పిదప భుజముల మధ్యనుండి కర్రవస్తువును తీసివైచి, వాటి అడుగు అంచులను స్టీలురూలు పై గల కొలతలకు తాకునట్లుగా అమర్చి వాటి మధ్య దూరము కొలవాలి. ఈ కొలత కర్రవస్తువుయొక్క మందము లేదా వెడల్పును సూచిస్తుంది. అవుట్ సైడ్ కాలిపర్సు రెండు రకములుగా లభ్యమగును. మొదటిరకపు సాధారణ కాలిపర్ పైన తెలిపినట్లు రెండుభుజములను కలిగియుండి వాటి పై భాగము వాషర్ల మధ్య వదులుగా అమర్చియుండుట మూలముగా సులభముగా కదలగలుగుతాయి. రెండవ రకమునకు చెందిన 'స్ప్రింగు కాలిపర్' పైన తెలిపినట్లుగా వదులైన ఆధారపు జాయింట్ కు బదులు గుండ్రముగా వంపుదిరిగిన స్ప్రింగును కలిగియుంటుంది. రెండు భుజములను కలుపుతూ అమర్చబడిన స్క్రూ పైన గల నట్టును త్రిప్పుకొని వీటి మధ్య దూరమును మార్చుకొనవలసి యుంటుంది

17.ఇన్ సైడ్ కాలిపర్స్ (Inside callipers ) కర్రవస్తువుయందు చేయబడిన రంధ్రములు, చీలికలు మొదలగువాటి లోపల కొలతలు (అనగా రంధ్రమయొక్క వ్యాసము, చీలిక వెడల్పు మొదలగునవి) తీసుకొనుటకు ఇది ఉపకరిస్తుంది. ఇది రెండు భుజములను కలిగియుండి వాటి అడుగు అంచులు వెలుపలి వైపుకు వంపు తిరిగి యుంటాయి. రెండు అంచులు రంధ్రములోపలి తలమునకు లేదా చీలిక వెడల్పును సూచించు యెదురెదురు తలములకు తగులునట్లుగా అమర్చి, పిదప దీనిని బయటకు తీసి స్టీలురూలు పైన అమర్చుట ద్వారా కొలతలను తెలుసుకొనవచ్చును. ఇది కూడా సాధారణ ఇన్ సైడ్ కాలిపర్ మరియు స్ప్రంగురకపు ఇన్ సైడ్ కాలిపర్ రెండు రకములుగా లభ్యమగుతుంది. అభ్యాసము 1. కర్రవస్తువు పై చాపములను, వృత్తములను గుర్తించుటకు ఉపయోగపడెడి పనిముట్లను పేర్కొని, వాటిలో యేదేని ఒకదానిని గురించి వివరించుము. 2. వివిధ రకముల కొలబద్దలను పేర్కొని, నాలుగు మడతల స్కేలుపటమును గీచి దానిని వుపయోగించు విధానమును తెలుపుము. 3. 'ట్రైస్క్వ' పటమును గీచి దానిని వుపయోగించు విధానము తెలుపుతుంది. 4. 'బివెల్ స్క్వేర్' మరియు 'మీటర్ స్క్వేర్ 'ల మధ్యగల వ్యత్యాసము తెలిపి, బివెల్ స్క్వేర్ ను వుయోగించు విధానము తెలుపుము. 5. కాంబినేషన్ సెట్ పటమును గీచి, వివిధ భాగములను గుర్తించుము. 6.స్పిరిట్ లెవెల్ ను ఉపయోగించి విధానము తెలుపుము. 7. మార్కింగ్ గేజిని వుపయోగించు విధానము తెలుపుము. 8.మోర్ టైన్ గేజికి, మార్కింగ్ గేజికి మధ్యగల వ్యత్యాసమును తెలిపి, టైస్ గేజి పనిచేయు విధానమును వివరించుము. 9.అవుట్ సైడ్ కాలిపర్ ఉపయోగమును తెలిపి, వివిధ రకములు అవుట్ సైడ్ కాలిపర్స్ గురించి వివరింపుము. 10.ఇన్ సైడ్ కాలిపర్ ను ఉపయోగించు విధానమును వివరించుము.

17. గుర్తించుటకు ఉపయోగపడు పనిముట్లు

   17. గుర్తించుటకు  ఉపయోగపడు   పనిముట్లు

1.  పెన్సిల్

2. వృత్తలేఖిని  ( Pencil  compass)

3. డివైడర్ ( Divider)

4. ట్రామెల్   మొనలు ( Trammel        points )

5. కొలబద్ద ( Scale )

(a)  స్టీల్  రూల్  ( Steel  rule)

(b) నాలుగు   మడతల  స్కేలు

(C) స్టీలు   టేపు

1. పెన్సిల్  :—

దీని  ద్వారా  కర్ర  వస్తువుపై   తగిన  చోట  గుర్తులు  పెట్టుకొనవచ్చును.

H, HB  మరియు  B  గ్రేడు పెన్సిళ్లలో  దేనినైనా   వుపయోగించి  కర్రవస్తువుపై కొలతలను  
గుర్తించుటకు   కావలసిన రేఖలను   గీయుట  చేసుకొనవచ్చును.

2. వృత్త  లేఖిని :—

దీనినే   "పెన్సిల్   కం పాస్ "  ( Pencil compass )   అని  అంటారు .  దీనికి   పెన్సిలు   

తగిలించుకొని    కర్ర   వస్తువు పై  చిన్న  వృత్తములు    ,  చాప  రేఖలు    గీయవచ్చును.  

 వృత్తలేఖిని    రెండు   భుజములను    కలిగియుండి    అవి    ఒక వైపు  పిన్ను   ద్వారా   

కలపబడి   దాని    ఆధారంగా     వాటిని   దగ్గరగా    లేదా  దూరంగా      జరుపుటకు   

వీలుగా  ఉంటుంది .  ఒక   భుజము    రెండవ   చివర    ఉక్కుతో    చేయబడిన    పిన్నును  

కలిగి వుండి   రెండవ   భుజమునకు    పెన్సిలును     అమర్చుకొను    సదుపాయము  

ఉంటుంది  .   రేఖా గణితములో    చాపములను,  వృత్తములను    గీయుటకు    

ఉపయోగించినట్లే     యీ    వృత్తలేఖినిని   ఉపయోగించాలి   .   పదునైన    పిన్ను    

మొనభాగమును    కర్ర    వస్తువుపై    తగిన    చోట   నొక్కి   పెట్టి ,   పెన్సిల్    కలిగిన    

భుజమును    కదిలించుట   ద్వారా     చాపరేఖలు  ,  వృత్తములను    కర్ర    వస్తువుపై    

గుర్తించవచ్చును.   రెండు   భుజములను   దగ్గరగా    లేదా   దూరముగా    చేసుకొని    

వివిధ   సైజుల    వృత్తములు    గీయవచ్చును.  

3.  డివైడర్   (Divider ) :---

ఇది    కూడ     వృత్తలేఖిని    వలే    రెండు    భుజములను    కలిగివుండి   ,  వాటి    

అడుగు   భాగమున   ఉక్కుతో     చేయబడిన    పిన్నులను    కలిగి ఉంటాయి   .   అనగా   

దీనికి   పెన్సిల్   ను    అమర్చుకొను   సదుపాయము   ఉండదు .   వృత్తలేఖిని   బదులు   

దీనినుపయోగించి    కర్ర  వస్తువుపై    చాప రేఖలు ,  వృత్తములు    గీయవచ్చును.   

కొలత  బద్ద      (  Scale ) పై గల   కొలతలను    డివైడర్    ద్వారా   కర్ర   వస్తువుపై    గుర్తించ  

 వచ్చును.   

4.  ట్రామెల్  మొనలు  (Trammel   points  )  :---

వృత్తలేఖిని   లేదా  డివైడర్ ను  వుపయోగించి   చిన్న  వృత్తములు   గీయవచ్చును

   వీటిద్వారా  గుర్తించలేని  ఎక్కువ  వ్యాసమును    కలిగిన  పెద్ద  సైజు  వృత్తములను  ,  

చాపరేఖల. కర్ర  వస్తువుపై   గుర్తించుటకు   ' ట్రామెల్ '  ఉపయోగపడుతుంది  .ఇది  

నునుపు  పరచబడిన  దీర్ఘ  చతురస్రాకారపు  కర్ర  దిమ్మ   లేదా  కర్ర  పలకను  లేదా  

ఉక్కు కడ్డీని   కలిగి  ఉంటుంది.  పాలక  అంచులు  చదునుగా  వుంది  దాని పై  రెండు 

స్క్రూల ద్వారా  బిగింపబడిన  రెండు  చట్రములు   లేదా  బ్రాకెట్లను  కలిగి  ఉంటుంది .  ఈ   చట్రముల  అడుగు  భాగమున   రెండు  ఉక్కు  పిన్నులు   అమర్చబడి  వుంటాయి.  స్క్రూలను   చేతితో   త్రిప్పుకొని  వదులు  చేయుట  ద్వారా   చట్రముల  మధ్యదూరమునుమార్చుకొనవచ్చును.  అనగా   రెండు   పిన్నుల   పదునైన  మొనల   మధ్యదూరము   ఎక్కువ   లేదా   తక్కువ   చేసుకొనవచ్చును.   దీని   వలన   గీయవలసిన   వృత్తము  లేదా   చాపరేఖ   వ్యాసమును   ఎక్కువ   లేదా   తక్కువ  చేయుట  ద్వారా   కావలసిన   సైజుతో   గుర్తులను  పెట్టుకొనవచ్చును.
               చట్రమునకు  తగిలించుకొనెడి   పిన్ను  మొనభాగము  పదునుగా   కాకుండా   యితర  ఆకారములను   కలిగియుండ  వచ్చును.   మనకు  కావలసిన   పిన్నును   చట్రమునకు   అమర్చుకొనుట   ద్వారా   ట్రామెల్   ను   చాపరేఖలు   గీయు   వృత్తలేఖిని  లాగా   లేదా   ఇన్ సైడ్   కాలిపర్   మరియు   అవుట్  సైడ్  కాలిపర్  లాగా   ఉపయోగించు  కొనవచ్చును.

5.  కొలబద్ద  ( Scale ) :---

పొడవులను   సరిగా   గుర్తించుటకు  

గాను  మరియు   వస్తువు   కొలతలను  తెలుసుకొనుటకుగాను    కొలబద్ద   లేదా  స్కేలు  ఉపయోగపడుతుంది.  స్కేలుపై   గుర్తింపబడిన   కొలతల   ఆధారముగా   మనకు   కావలసిన  పొడవును   డివైడర్   ద్వారా   కొలిచి   దానిని  కర్ర   వస్తువు  పై  గుర్తించవచ్చును.  కర్ర   వస్తువు   పొడవు   ,వెడల్పు   ,  మందము   మొదలగువాటిని   నేరుగా   స్కేలు  నుపయోగించుట   ద్వారా   కొలువవచ్చును.  

   వడ్రంగి  పనియందు   మూడురకముల   స్కేళ్ళు     ఉపయోగపడుతున్నాయి.  వాటిని   గురించి  క్రింద  వివరించనైనది.

( a ) స్టీల్  రూల్  ( steel  rule )  :---

కొలతలను   గుర్తించుటకు   ఎక్కువగా   

ఉపయోగపడెడి   కొలబద్ద   స్టీల్  రూల్  .
  ఇది   మేలు   రకపు   ఉక్కుతో   

చేయబడి  పొడవైన  పలుచని   రేకును  

కలిగి   యుండి   దానిపై   కొలతలు   

అంగుళములలో    మరియు   

సెంటీమీటర్లలో   గుర్తింపబడి  

 వుండును.  ఇది   25  మి.మీ.   

వెడల్పుతో     15  సెం.మీ .  నుండి   

120  సెం.మీ .  వరకు   వివిధ  

పొడవులలో    లభ్యమగును.  30  

సెం.మీ   (  12  అంగుళముల )   

పొడవుగల  స్టీల్   రూల్  సాధారణ  

పనులకు    ఉపయోగపడుతుంది.  

దీనిపై     ఒక వైపు   సెం.మీ ,  మి.మీ.  

మరియొక  వైపు   అంగుళములు   

గుర్తించబడి వుంటాయి.  0.5  మి.మీ.  

మరియు   1/64  అంగుళముల  

 కనీసపు   పొడవులను   గుర్తించగల  

 స్కేలు   అన్ని   పనులకు   పనికి  

వస్తుంది.

( b)  నాలుగు  మడతల  స్కేలు :—

ఇది   కర్రతో  నాలుగు  భాగములుగా  

చేయబడి  వుంటుంది.   ప్రతి  భాగము  

15  సెం.మి  . పొడవును  కలిగియుండి  

దానిపై   మి.మీ .,   సెంటీమీటర్లు   

కొలతలు  ఒకవైపు  ,   అంగుళముల  

కొలతలు  రెండవవైపు   గుర్తింపబడి  

వుంటాయి.   ఈ   నాలుగు భాగములు  

ఒకదానితో    ఒకటి   వదులైన  పిన్నుల  

ద్వారా   వదులుగా    కలుపబడి  

వుంటాయి.    ఈ   విధంగా  

కలుపబడిన  అంచుల  ఆధారముగా    

నాలుగు  భాగములను  మడిచి  దీనిని 

చిన్నగా    (  అనగా   15  సెం . మీ  

పొడవుతో  )  అమర్చుకొనవచ్చును.  

ఈ    స్కేలును  ఉపయోగించినపుడు  

మడచిన  ఈ   భాగములను  విడదీసి  

దానిని  పొడవుగా  (  అనగా   4 x 15 

=  60  సెం. మీ   పొడవుతో  ) 

అమర్చుకొనవచ్చును.   స్కేలును    

ఉపయోగించునపుడు  మడచుకొనిన   

ఈ  స్కేలును  జేబులో  

పెట్టుకొనవచ్చును.   దీని  వెడల్పు  

సుమారు  2.5  సెం.మీ  వుంటుంది.

( c ) స్టీలు  టేపు :— 

 ఉక్కు  రేకుతో   చేయబడిన   స్కేలును  ' స్టీలు  టేపు '  అంటారు.  ఇది   సుమారు   1 సెం.మీ .  వెడల్పుతో    200  సెం.మీ   పొడవును   కలిగి వుంటుంది.   పెట్టెలాగా    మూయబడియున్న    కేసింగ్  (  Casing )   మధ్యభాగమున  గల   ఒక  కడ్డీ   పైన    ఈ    స్కేలు   గుండ్రముగా   చుట్టబడియుంటుంది.   కేసింగ్ కు     ఒకవైపు  గల  సన్నని   చీలికగుండా    స్కేలు   ఒక  కొన   భాగము   వెలుపలికి   తీయబడి    దానిని   చేతితో    పట్టుకొనుటకు  వీలుగా   దానికి   ఒక  చిన్న  కొక్కెము    ( Hook)  అమర్చబడి  యుంటుంది.  కొక్కెమును   పట్టుకొని   స్కేలును   బయటకు   లాగి   పొడవుగా   చేసుకొనవచ్చును.   స్కేలు   తయారు చేయబడిన  ఉక్కురేకు   స్ప్రింగు   దనము  (Springness ) కలిగియుంటుంది.  దీనివలన    స్కేలును   ఉపయోగించనప్పుడు  

కేసింగ్ ను   చేతితో   పట్టుకొని   కదిలించినపుడు  బయటకు   లాగబడిన   స్కేలు భాగము  తిరిగి   కేసింగ్  లోనికి   లాగబడి  లోపల   గల   కడ్డీ పైన   తిరిగి   చుట్టబడుతుంది.  మడతలుగల    స్కేలుకన్నా   దీని  ద్వారా   ఎక్కువ   పొడవులను   కొలువవచ్చును.

6.  తిన్నగాయున్న   అంచు  (Straight  edge )

కర్ర  వస్తువు  ఉపరితలము   చదునుగా   వున్నదా  లేదా   పరిశీలించుటకు  ఇది  ఉపయోగపడుతుంది.   ఉక్కుతో   చేయబడిన  సన్నని  పొడవైన   విడిభాగములు కలుపబడుట  ద్వారా   యిది  చేయబడుతుంది.   ఈ   విడిభాగములు   ఒక   వైపు   అంచు  కొద్దిగా   ఏటవాలుగా   వుండి  కొలతలను   గుర్తు పెట్టుటకు   ఉపయోగపడుతుంది.  వస్తువు  యొక్క  ఉపరితలములను  తిన్నగా  యున్న  దీని  అంచుతో  వివిధ ద
శలలో    అమర్చుకొని    పోల్చి  చూచుటమూలముగా   ఆ  ఉపరితలము    సమతలముగా    వున్నది లేనిది  తెలుస్తుంది.

7 .ట్రై   స్క్వేరు  (  Try square ) :---

కర్ర  వస్తువు    రెండు  ప్రక్క   ప్రక్క   అంచులు  సమకోణంలో   వున్నాయా   లేదా   తెలుసుకొనుటకు   మరియు   కర్ర వస్తువు    యేదేని   అంచుకు   లంబకోణములో   రేఖలను  గీయుటకు   యిది    పనికివస్తుంది.   ఇది   కర్రతో   లేదా  ఉక్కుతో     నునుపుగా  మరియు  సమముగా  చేయబడిన   ఒక  పలకను  కలిగి వుంటుంది.     ఖచ్చితమైన   కొలతలతో   చేయబడిన   దీనిని     'స్టాక్ '  (Stock )    అని  అంటారు.  దీర్ఘచతురస్రాకారపు  ' స్టాక్ '  కు   ఒక   
వైపున    లంబకోణములో  బిగించబడిన   బ్లేడు   స్టాక్   పొడవైన  అంచులతో    ఖచ్చితమైన   90   డిగ్రీల   కోణమును  చేస్తూ  వుంటుంది. బ్లేడుకూడా    ఉక్కురేకుతో    చేయబడి   దానిపై  స్కేలుపై   ఉన్నట్లుగా  కొలతలు   గుర్తింపబడి  వుంటాయి.   అనగా  బ్లేడుభాగమును   స్కేలులాగా  ఉపయోగించవచ్చును.  బ్లేడు  పొడవును  బట్టి   ఇది  100 మి.మీ. ,  150 మి.మీ.,  300 మి.మీ  సైజులలో  లభ్యమగుతుంది. 
           ట్రై  స్క్వేర్   నుపయోగించు  విధానము  పటములో   చూపబడింది. స్టాక్   పొడవైన  పై  అంచును  కర్ర వస్తువు  అంచుకు  తాకునట్లు  అమర్చి  బ్లేడు  నుపయోగిస్తూ   ఆ  అంచుకు  లంబ కోణములో   రేఖను   గీయవచ్చును. కర్రవస్తువు  అంచు  పై  స్టాక్  ను   మెల్లిగా  కదిలిస్తూ  బ్లేడు  నుపయోగిస్తూ   ఈ   విధమైన   లంబరేఖలు  గీయవచ్చును. కర్రవస్తువు  అంచుకు  లంబకోణములో  గీచిన  ఆ  రేఖలన్నియు   ఒకదానితో  ఒకటి   సమాంతరంగా  వుంటాయి గదా.
                అదేవిధంగా    కర్ర   వస్తువు   ఒక  అంచు   చివర స్టాక్  ను    తగిలించి   బ్లేడు   అంచును   కర్రవస్తువు   పై  అంచుకు   ప్రక్కగా  నున్న   అంచుకు  తగిలించి   వాటి మధ్య    ఖాళీ   స్థలమున్నదీ  లేనిదీ  పరీక్షించుట    ద్వారా    కర్రవస్తువు  రెండు  అంచులు  ఒకదానితో   ఒకటి  లంబకోణములో   వున్నదీ  లేనిదీ  తెలుసుకొనవచ్చును.

8.బివెల్    స్క్వే ర్ :— ట్రై  స్క్వేర్     ద్వారా   90  డిగ్రీల    కోణమును   మాత్రమే   గుర్తించగలము.  దీనితో   పాటు   ఇతర   కోణములను   ( అనగా    0  డిగ్రీల   నుండి   180  డిగ్రీల   వరకు)   గుర్తించుటకు   మరియు   కొలుచుటకుగాను    బివెల్   స్క్వేర్   ఉపయోగపడుతుంది.   కావలసిన  కోణమును   దీనిపైన   అమర్చుకొనుటకు   వీలుగా   దీనియందు   బ్లేడు  భాగము  స్టాక్ కు  మధ్యలో   గల  చీలికలో   స్క్రూ  ద్వారా   బిగింపబడి   యుంటుంది.  స్క్రూని   వదులుచేసి    బ్లేడును   స్టాక్ కు   తగిలించిన   వైపు   ఆధారంగా   గుండ్రముగా   త్రిప్పుకొని   స్టాక్    భాగముతో   కావలసిన   కోణమును  ఏర్పడేటట్లు   బ్లేడును   అమర్చుకొని   స్క్రూని   బిగించవచ్చును.  ఈ   విధంగా   గుండ్రముగా   త్రిప్పుకొనే  సదుపాయముంటుంది.   కనుక   బ్లేడును   ' కదిలెడిబ్లేడు '   (  Sliding  blade )  అనీ ,  యీ   పనిముట్టును   ' కదిలెడి  బివెల్  స్క్వేర్   (  sliding bevel  square )   అనీ అంటారు.  కావలసిన   కోణములోనికి   బ్లేడును  త్రిప్పుకొనినపిదప    స్క్రూను  బిగించిన   పిదపనే  దీనిని  ఉపయోగించాలి.   బ్లేడు పొడవును  బట్టి   యిది  100 , 150, 200, 250 మి.మీ  సైజులలో   లభ్యమగుతుంది.
  9. మీటర్   స్క్వేర్   (Metre  square):--- దీని   యందు   బ్లేడు  భాగము  స్టాక్  భాగముతో   45॰   కోణములో    అమర్చబడి   స్టాక్ కు    బిగించబడి   యుంటుంది.   అనగా  45॰   కోణమును   మాత్రమే   దీని   ద్వారా   గుర్తించుట   కొలుచుట  చేసు 

కొనవచ్చును.

10.  స్పిరిట్   లెవల్  (Spirit  level  ) :--దీని  ద్వారా  యేదేని  వస్తువు  యొక్క  ఉపరితలము  చదునుగా  మరియు  సమతలంగా  వుందా  లేదా  తెలుసుకొనవచ్చును.  ఇది  కర్రతో  లేదా  బరువు  తక్కువ  గల  లోహముతో  గాని  దీర్ఘచతురస్రాకారపు  పెట్టె   ఆకారములో  చేయబడిన  ' బాడీ '( Body)  ని  కలిగి  ఉంటుంది .   ఒక  సన్నని  గాజు  గొట్టము  ఎక్కువ  వ్యాసార్థమును  కలిగి  ఉండునట్లుగా  వంచబడి  బాడీ  లోపల  అమర్చబడి  ఉంటుంది.  ఈ  గొట్టము  యందు   కొద్దిగా  ఖాళీ  స్థలమును  వదలి   స్పిరిట్  ద్రవము  నింపబడి  యుంటుంది.  ఈ  ఖాళీ  స్థలములో  యేర్పడిన   ' గాలిబుడగ '  (  Air bubble)  గొట్టములో   ద్రవము పై  భాగమునకు  చేరుకుంటుంది.  స్పిరిట్  లెవల్  బాడీ  అడుగుభాగమునకు  సమతలంగా  యున్న  వస్తువు  ఉపరితలమునకు  తగులునట్లు  అమర్చినప్పుడు  గాలిబుడగ  గాజు  గొట్టము  మధ్య  భాగమునకు  చేరుకుంటుంది.  గాజు  గొట్టము  మధ్యభాగము  కనబడుటకు  గాను  దిమ్మ ఆకారపు  బాడీలో  మధ్యగా  ఒక  రంధ్రము  చేయబడిఉంటుంది.  దీని   

ద్వారా  గాలిబుడగ  గాజు  గొట్టము  మధ్యభాగమునకు  చేరిందా  లేదా  అన్న  విషయము  గమనించవచ్చును.   గాజుగొట్టము  మధ్యభాగముపై  కొలతలు  గుర్తింపబడి  యుంటాయి.  ఈ  కొలతల  ఆధారంగా  గాలిబుడగ  ఖచ్చితంగా మధ్యకు  వచ్చిందా  లేదా  అనానది  తెలుసుకొనవచ్చును.  స్పిరిట్  లెవల్  బాడి  పొడవును  బట్టి  దీని  సైజును  సూచిస్తారు.  ఉదాహరణకి  200 మి.మీ  స్పిరిట్  లెవల్  బాడీ  200  మి.మీ.  వుంటుంది.

16.కొలుచుటకు మరియు గుర్తు పెట్టుటకు ఉపయోగపడు పనిముట్లు

16 . కొలుచుటకు       మరియు   గుర్తు  పెట్టుటకు  

ఉపయోగపడు   పనిముట్లు 

ఉపోద్ఘాతము:— 

మనకు  అవసరమగు  కర్రసామగ్రిని   తయారు   చేయునప్పుడు  కలపను.తగిన 


సైజులో    మరియు   ఆకారములో   కోసి  ,     దానిపై  వివిధ  వడ్రంగి   పనులను 

నిర్వహించవలసియుంటుంది.  కర్రవస్తువులను   తగిన   ఆకారములోనికి 


మార్చుకున్నప్పుడు  దాని   సరియైన సైజును   నిర్ణయించటానికి వివిధ  


కొలతలు  ఉపయోగపడతాయి.   పొడవు  వెడల్పు , మందము  మొదలగు  కొలతలు 


సరిగా   వుండేటట్లుగా   కర్ర  వస్తువు  ఆకారము  ,  సైజును  మార్చుకొనవలసి  

యుంటుంది.  వివిధ   వడ్రంగి   పనులు  చేయునప్పుడు   కర్రవస్తువు   కొలతలను


నిర్ధారించుటకై     ఉపకరించు  పనిముట్లను  ' కొలుచుటకు ఉపయోగపడు  పనిముట్లు  '  (


Measuring   instruments )   అని  అంటారు.   అదే  విధంగా  మనకు  కావలసిన  


కొలతలను  కర్రవస్తువు  పై   తగిన  స్థలములలో  సూచించుటకు  కొన్ని 


గుర్తులు  పెట్టవలసి  ఉంటుంది.  కొలతలను  ' గుర్తించుటకు  ఉపయోగపడు  పనిమూట్ల'  

ను     (Marking  tools )  ఇందుకు   ఉపయోగిస్తారు.  కొలుచుటకు   మరియు 


గుర్తుపెట్టుటకు  సరియైన  పరికరములు  లేకుండా   తయారు చేసిన  కర్రసామగ్రి 


తగిన  సైజు  మరియు   ఆకారము  లేకుండా  లోపముతో   కూడియుంటుంది. 


వడ్రంగి  పనియందు  కొలుచుటకు   మరియు  గుర్తుపెట్టుటకు  ఉపకరించు 


వివిధ   పనిముట్లను   గురించి ,  వాటిని  సరిగా  వుపయోగించెడి   విధానమును 


గురించి క్రింద  వివరించనైనది.