20. చిత్రిక ( Plane) :-

 

కర్రవస్తువు    ఉపరితలమును   సమపరచెడి  పనిముట్లు   

            కర్రవస్తువు    ఉపరితలము పైన     గల  ఎగుడుదిగుడులను    తొలగించి   దానిని  

 సమపరచి    చదునుగా   చేయుటకుగాను   ఉపకరించు   పనిముట్టును   ' చిత్రిక '   లేదా  

          ' ప్లేన్ '    ( Plane )    అని   అంటారు.    దీని   ద్వారా    కర్రవస్తువు    ఉపరితలమును  

   నునుపుపరుచుట    కూడా    సాధ్యపడుతుంది.    కర్రసామాగ్రిని    

తయారుచేయుపనియందు     వుపయోగపడెడి    వివిధ    ప్లేనులను   గురించి    క్రింద    

వివరించనైనది.

1. జాక్   ప్లేన్  (Jack plane ):-

          దీనితో    కర్రవస్తువు    ఉపరితలమును    సమపరచవచ్చును.    అయితే    ఇది  

 వస్తువు   ఉపరితలమును      నునుపుపరచజాలదు.     కాబట్టి       ఎక్కువ    

 నునుపుదనము     అవసరము     లేని    సాధారణ     పనులకు     ఇది     ఎక్కువగా    

 వాడబడుతుంది.      ఇది    కర్రతో గాని,      లోహముతోగాని   చేయబడి    వుంటుంది. 

        కర్రతో     చేయబడిన     జాక్    ప్లేన్     యొక్క        బాడీ ( Body )       దీర్ఘ    

 చతురస్రాకారపు     దిమ్మ       ఆకారములో     గట్టి     కర్రతో    చేయబడి      వుంటుంది.  

     దీనిని         'స్టాక్ '      కర్రతో       చేయబడిన     జాక్    ప్లేన్    ( Stock )    అని   అంటారు.    

 దీని   అడుగు     భాగము    నునుపుగా     చేయబడి     యుంటుంది .      దీనిని    ' సోల్ '   ( 

Sole )  అని     అంటారు.   ఈ     దిమ్మకు    వెనుకవైపునగల    ఒక      రంధ్రముయందు    

కర్రతో    చేయబడిన      హాండిల్      అమర్చబడి     యుంటుంది.     దిమ్మకు    

  మధ్యభాగములో  గల       వెడల్పైన     చీలికలో      కర్రను     ఖండించుటకు    

 ఉపయోగపడు     బ్లేడు    అమర్చబడి     యుంటుంది.     దీర్ఘచడతురస్రాకారపు     పలక  

  ఆకారపు     బ్లేడు     అడుగుభాగము    పదునైన అంచును    కలిగియుంటుంది.      దీనికి   

  ఆధారముగా    వెనుకవైపున    మరియొక    దీర్ఘచతురస్రాకారపు    పలక   అదే   చీలికలో    

అమర్చబడి      యుంటుంది.    ఈ     రెండు    పలకలు      మేలురకమైన     పోత    యినుము

   ( Cast steel ) తో     చేయబడి వుంటాయి.     పటములో    చూపినట్లుగా      ఆధారపు    

పలకకు  ముందుగా     బ్లేడును        అమర్చి      ఏటవాలుగాయున్న    తలములతో   కర్రతో

      చేయబడిన   వెడ్జ్   ( Wedge )  ను   బ్లేడుకు   ముందు    భాగములో     చీలికలోనికి    

 దింపుట   ద్వారా   బ్లేడు,    ఆధారపు   పలక   కదలకుండా    చీలికలో    బిగింపబడతాయి.

    బ్లేడు,   ఆధారపు పలక   దిమ్మ   అడుగుభాగమునకు   సుమారు   45॰   కోణములో    

యుండునట్లు   అమర్చబడి   వుంటాయి.    వెడ్జ్ ను,   బ్లేడును   మరియు   ఆధారపు  

పలకను   కలుపుతూ   స్క్రూ   ఒకటి   అమర్చబడి   యుంటాయి.    ఆధారపు   పలకకు  

 అమర్చబడిన   నట్టుయందు    స్క్రూ    బిగింపబడి   యుంటుంది.

దీనివలన     వెడ్జ్,   బ్లేడు   మరియు    ఆధారపు   పలక   ఒకే   భాగంగా    కలపబడి    

 వుంటాయి.    వెడ్జ్ ను       కావలసినంత    మేరకు    చీలికలోనికి      దింపుకొని       స్కూను 

     బిగించుటవలన    బ్లేడును    కావలసిన    కోణములో      అమర్చుకొనవచ్చును.   

  ఆధారపుపలక    అడుగు   అంచుభాగమునండు     బ్లేడు     పదునైన    అంచు     ఎంత  

  ఎక్కువ    పొడవూగా     అమర్చాలి     అన్న     విషయము       చదునుచేయవలసిన  

 కర్రవస్తువు     గట్టిదనాన్నిబట్టివుంటుంది.     మెత్తని     సున్నితపు   కర్రవస్తువుకు      యీ  

  పొడవు      3 మి.మీ       మరియు    గట్టి    కర్రవస్తువుకు   1.5 మి.మీ.    వుండాలి.     కర్రతో    

  చేయబడిన     జాక్   ప్లేన్      సుమారు     350 మి.మీ.    నుండి      425 మి.మీ.       పొడవులో 

    లభ్యమగుతున్నది.      దీని     బ్లేడు     వెడల్పు     50    నుండి     75  మి.మీ.    వరకు    వుంటుంది.

        లోహముతో     చేయబడిన      బాడీనికలిగియున్న       జాక్ ప్లేన్     కన్నా     ఎక్కువ    

 కాలము      మన్నికగా     వుండుటయే    కాకుండా     చదునుపరచెడి     ఉపరితలమునూ  

 ఎక్కువుగా    నునుపుపరుస్తాయి.     ఇది     పోతయిన    లేదా     గన్  మెటల్    (Gun metal )

తో      చేయబడిన     చట్రము    లేదా    బాడిని    కలిగియుండి      దానికి    వెనుక    

భాగమును     కర్రతో   చేయబడిన     హాండిల్ ను     కలిగియుంటుంది.      ఒక    చేతితో    

హాండిల్ ను,   రెండవ   చేతితో     మేకును    పట్టుకొని   కర్రవస్తువు    ఉపరితలము పై    

 దీనిని    నొక్కిపెట్తూ   ముందునకు    కదిలించాలి.    ఇది    125 మి.మీ.     నుండి   250  

మి.మీ.     వరకు    పొడవును    కలిగియుండి     బ్లేడు    వెడల్పు    30      నుండి 60  మి.మీ.  

 వరకు    కలిగియుంటుంది.

2.    ట్రైయింగ్    ప్లేన్   ( Trying  plane ) :

             ఇది      జాక్ ప్లేన్        వలనే      యుండి     ఎక్కువ        పొడవును కలిగియుంటుంది 

    ఎక్కువ    విస్తీర్ణముగల     ఉపరితలమును చదునుపరుచుటకు      ఇది    ఉపకరిస్తుంది.  

  దీని   బ్లేడు   అడుగుభాగమును     తగినంత   పొడవుతో  అమర్చుకొని    కర్రవస్తువు    

ఉపరితలాన్ని     సన్నని    పొరలుగా    ఖండిస్తూ     వస్తువు    ఉపరితలమును     ఎక్కువ   

 నునుపు     పరచ్చవచ్చును.    దీని  పొడవు   550 మి.మీ.   నుండి     650 మి.మీ.    వరకు    

వుండి    దీని    బ్లేడు    60 మి.మీ   వరకు    వెడల్పును    కలిగియుంటుంది.

3.  ఎక్కువుగా   నునుపు  పరచెడి   ప్లేన్ (Smoothing plane ) :

         ఇది    కూడా     జాక్  ప్లేన్     వలెనే    యుంటుంది.     జాక్ ప్లేను     మరియు    

 ట్రైయింగ్   ప్లేనుల    నుపయోగించిన     పిదప    దీని     నుపయోగించి    చదును    

పరచబడిన    వస్తు     ఉపరితలమును    ఎక్కువ   నునుపుగా    చేసుకొని    మెరుగు    

 పట్టుకొనవచ్చును.    దీని    పొడవు  200  మి.మీ.    నుండి    250 మి.మీ.   వరకు    

 నునుపుపరెచెడి      ప్లేన్   నుండి      దీని    బ్లేడు    70 మి.మీ.      వెడల్పును    

కలిగియుంటుంది.      దీనికి      హాండిల్    ఉండదు.    బాడిని       చేతితో     పట్టుకొని      

దీనిని    ముందుకూ     వెనుకకూ      కదిలించుట   ద్వారా     దీని    నుపయోగించాలి.

4.  రిబేట్    ప్లేన్   ( Rebate plane ):

    దీనియందు     ఆధారపు    పలక   వుండడు.    అడుగుభాగమును    పదునైన    అంచుగల 

  బ్లేడు  వెడ్జ్     ద్వారా      ప్లేన్ కుగల    బాడియందు      బిగింపబడియుంటుంది.    దీని    

 నుపయోగించి    కర్రవస్తువునకు    ఒకవైపు    అంచుపై     కొద్ది    మందముతో     కర్రను     

 తొలగించి,    ఆ   అంచుపై     సన్నని      మెట్టు     ఆకారమును      పొందవచ్చును.    ఇదే  

 విధంగా     రెండవ     కర్రవస్తువు    అంచుయందు    కూడ     మెట్టు    నేర్పరచి,    ఈ    

 రెండు    మెట్లను    ఒకదానితో   నొకటి    తగులునట్లుగా     ఒకదానిపై     ఇంకోకటి    

అమర్చుట    ద్వారా   ఆ    కర్రవస్తువులను    కలుపుకొనవచ్చును.    కర్రవస్తువు    

అంచుయందు యేర్పడిన     మెట్టు    ఆకారమును   ' రిబేట్ '      అనీ,    దీని    ద్వారా  

 రెండు     కర్రవస్తువునులను కలుపుకొనుటను    ' రిబేటింగ్ '   అనీ     అంటారు.    

 తలుపులు,   కిటికీలలో    అద్దములు    అమర్చుటకు    ' రిబేటింగ్ '    ఉపయోగపడుతుంది 

.    ఈ      ప్లేన్   బ్లేడు    రెండు  వైపులా    పదునైన    అంచును   కలిగియుంటుంది.

5.  ప్లౌ  ప్లేన్   ( Plough plane ):

          దీని   ద్వారా   కర్రవస్తువుయందు    వివిధ   ఆకారముల  మరియు  వివిధ   సైజుల  

 చీలికలు   యేర్పరచవచ్చును.    ఒక    కర్రవస్తువుయందు   ఈ   విధముగా   చీలిక     

 యేర్పరచి,      రెండవ    వస్తువుయందు     చీలిక    సైజును  కలిగిన    పొడిగింపబడిన    

మెట్టు    ( Projection ) ను   యేర్పరచి,    చీలికలో   దానిని    అమర్చుట    ద్వారా    యీ  

 రెండు    కర్రవస్తువులను   కలుపుకొనవచ్చును.   తలుపులు    మరియు     కిటికీల    

చట్రములకు    కర్రపలకలను      బిగించుటకు   యీ     విధానము    వుపయోగపడుతుంది. 

   ప్లౌ    ప్లేన్    ద్వారా    కర్రయందు    కణములు    ( Grains )   అమర్చబడిన    దిశలో    

చీలికలను     యేర్పరచవచ్చును.     దీనిచే      చేయబడు    చీలిక    లోతును    

 క్రమబద్ధము   చేసుకొనుటకు    గాను    దీని    బాడీకి    ' డెప్త్    గేజి '   ( Depth gauge )   అను 

    పరికరము    అమర్చబడి    యుంటుంది.   బాడీకిపైన    అమర్చబడిన    స్క్రూను    

చేతితో     త్రిప్పుకొనుట     ద్వారా     డెప్త్   గేజిని    పనిచేయించుకొనవచ్చును.     దీనిచే    

 చేయబడు    చీలిక    వెడల్పు,    దీని     బ్లేడు    వెడల్పుపై     ఆధారపడియుంటుంది.    

 వివిధ    వెడల్పులతో     చీలికలను    పొందుటకుగాను    యీ     ప్లేన్ తోపాటు    3  నుండి  

15   మి.మీ.   వరకు    వెడల్పుగల    8  లేక  9   బ్లేడులు   సప్లై    చేయబడతాయి.   కావలసిన  

 బ్లేడును    ప్లేను   బాడీలో   అమర్చుకొని   తగినంత   వెడల్పుగల    చీలికను    

కర్రనస్తువుయందు     పొందవచ్చును.    ఈ    ప్లేను   ద్వారా   30 మి.మీ.   వరకు   లోతుగల  

  చీలికలను    యేర్పరచవచ్చును.

6.   రూటర్   ప్లేన్   ( Router plane ):

               ఱంపము,    ఉలి    మొదలగు    పనిముట్ల   ద్వారా    కర్రవస్తువుయందు    

యేర్పరచబడిన    చీలికల     లోతును     ఎక్కువచేసి,   చీలికల    అడుగుభాగమును    

సమపరుచుటకుగాను   యిది    ఉపయోగపడుతుంది.    దీని    బ్లేడు    3  మి.మీ. నుండి  12 

  మి.మీ.   వరకు   వెడల్పును    కలిగియుంటుంది.   

   7. స్పోక్   షేవ్   ( Spoke shave ):

         ఇది     రెండు   ప్రక్కల    రెండు    హాండిల్ లను    కలిగియుంటుంది.    ఈ    ప్లేను    

ద్వారా   వస్తువుయొక్క     వంపు   దిరిగిన    ఉపరితలమును     నునుపుపరచుట  

 సాధ్యపడుతుంది.   ఉబ్బెత్తుగాయున్న     లేదా     లోతుకలిగియున్న      

 వట్రుతలములను లేదా   దగ్గర    దగ్గరగా   వంపుదిరిగిన     అంచులుగల    వస్తువు    

వట్రుతలములను     నునుపుపరచుటకు    యిది    పనికివస్తుంది.      దీనిని     రెండు  

 చేతులతో     పట్టుకొని    కర్రవస్తువుయందు    కణములు   ( Grains )   అమర్చబడిన    

దిశలో    దీనిని    కదలించాలి.    దీని  పై     అమర్చబడిన    స్క్రూ ను   త్రిప్పుకొనుట  

 ద్వారా    కర్రవస్తువు పై    యిది    పొరలుగా   ఖండించెడి   కర్ర    మందమును  

  క్రమబద్ధము    చేసుకొనవచ్చును.   

8.   ఇతర      ప్లేనులు    :   

                 పైన    పేర్కొనబడిన    ప్లేనులే   కాకుండా,     మరికొన్ని    ప్లేనులు    కొన్ని  

 ప్రత్యేక    పనులకుగాను    వుపయోగపడతాయి.    వాటిని    గురించి   క్రింద    

 వివరించనైనది.    

( a )బ్లాక్    ప్లేన్ ( Block plane )  :-

            దీని    ద్వారా    కర్రవస్తువుపై    కణములు     అమర్చబడిన    దిశకు      అడ్డముగా   

   ఖండించి     ఉపరితలమును    సమపరుచుట      సాధ్యపడుతుంది.    ఈ    ప్లేను    ఒకే  

 ఒకబ్లేడును   కలిగియుండి,      దానిని    సుమారు    12   నుండి   20    డిగ్రీల     కోణములో    

 అమర్చుకొనవచ్చును.   ఈ   ప్లేను    చిన్న    సైజులో     వుండుట     మూలముగా    దీని  

  ద్వారా     సులభముగా      పనిచేయించుకొనవచ్చును.     ఇతర     ప్లేనుల    ద్వారా    

 సాధ్యపడని    చిన్నసైజు      కర్రవస్తువుపై     దీని    నుపయోగించవచ్చును.

(b)   హాలో    ప్లేను    ( Hollow plane ) :

          దీనిద్వారా      కర్రవస్తువుపైన    ఉబ్బత్తు    వట్రుతలమును    పొంది,    దానిని    

నునుపుపరచవచ్చును.     ఈ     ప్లేను   బాడీ     అడుగుభాగము     పటములో    చూపినట్లుగా

    పైకి    వంపుతిరిగి       యుంటుంది.     దీనినే   

 ' హాలో   ప్లేన్ '    అంటారు.    

(c)    గుండ్రని   అడుగుగల    ప్లేను    ( Round plane ):

            కర్రవస్తువుపై న    లోతు    కలిగిన    వట్రుతలమును     యేర్పరిచి,    

నునుపుపరచుటకు    యిది    వుపయోగపడుతుంది.    దీని    బాడీ     అడుగుభాగము    

 క్రిందవైపు     వంపుతిరిగి   ఉబ్బెత్తుగాయున్న    వట్రుతలమును    కలిగియుంటుంది.

అభ్యాసము

1.   జాక్   ప్లేన్   వుపయోగమును    తెలుపుము. దాని   పటమును    గీచి  వివిధ     గుర్తించుము.

2.    జాక్  ప్లేన్ కు  మరియు    ట్రైయింగ్ ప్లేన్ కు గల   భేదములను    వివరించుము.

3.   రిబేటింగ్    ప్లేను  పటమును   గీచి   వివిధ   భాగములను    గుర్తింపుము.

4.   ప్లౌ   ప్లేన్ కు   మరియు   జాక్ ప్లేనుకుగల    భేధమును    వివరించి,  ప్లౌ ప్లేన్  

వుపయోగమును   తెలుపుము. 

5.   స్పోక్  షేవ్ ను   వుపయోగించు    విధానమును   తెలుపుము.

6.   హాలో    ప్లేన్ కు   మరియు    రౌండ్  ప్లేనుకు     గల    భేధములను    వివరింపుము.

19. ఉలి

 ఉలి    ( Chisel ) :  

దీనితో     కర్రను    పొరలు,   పొరలుగా   ఖండించవచ్చును.   

 కర్రవస్తువును     ఖండించి    దానిలో    వెడల్పైన    చీలికలు,    చదరపు 

  రంధ్రములు    చేయుటకు   యిది    ఉపయోగపడుతుంది.    పటము   4.18 

 లో   చూపినట్లు   యిది   పొడవైన       సమతల    చతురస్రపు    పలక   

 ఆకారముగల   బ్లేడును     కలిగియుంటుంది.    ఇది    మేలురకపు      చెక్కతో 

      చేయబడి     దీని    ఒక      చివరన     సన్నని    కడ్డీ     ఆకారపు    ' టాంగ్ '  (

Tong ) ను    కలిగియుంటుంది.    గట్టి    కర్రతో    చేయబడిన     ' హాండిల్ ' 

 నకు      గల     రంధ్రములో      టాంగా    అమర్చుకొనుట    ద్వారా    బ్లేడు   

  హాండిల్ నకు    కలుపబడుతుంది.    బ్లేడు    రెండవ   చివర   అంచు   

 పదునైన    మొనగా    ఏర్పరచబడి   యుంటుంది.    పదునైన    మొనగా   

  అంచు    ద్వారా    కర్రవస్తువును    పెచ్చులు,   పెచ్చులుగా   

 ఖండించవచ్చును.    ఈ    అంచును    'ఖండించెడి  అంచు'    ( Cutting  edge

 )   అని     అంటారు.    

         ఉలి     సైజు     దాని     బ్లేడు    వెడల్పు   పైన     ఆధారపడియుంటుంది. 

   బ్లేడు    సైజుతో    పాటు    దాని    ఆకారము     మరియు   దానిద్వారా   

 కర్రవస్తువును    ఖండించెడి     విధానము   మొదలైన     విషయములు   

  ఉలిని   ఏ    పనికి    ఉయోగించాలో    నిర్ణయించుటకు   తోడ్పడుతవి. 

  వివిధ    రకముల    ఉలులు,    వాటి    నిర్మాణ     వివరములు.    వాటిని   

  యే   పనులకు    ఉపయోగించుకొనవలయునన్నది    క్రింద   

 వివరించనైనది.

1.   ఫర్మర్   ఉలి   ( Firmer  chisel ) 

          ఇది    మందమైన    బ్లేడును    కలిగియుండి   ఉలి   ద్వారా    చేయబడు 

  అన్నిరకముల    పనులను    చేసుకొనుటకు    ఉపయోగపడుతుంది.   దీని   

 పదునైన    అంచును   కర్రపలకపై   ఏటవాలుగా    పెట్టుకొని    హాండిల్ ను   

 చేతితో    పట్టుకొని   నొక్కిపెడ్తూ,   హాండిల్ ను    చేతితో    గానీ,    మాలెట్     (

 కర్రతో    చేయబడిన    సుత్తె )  తో     గాని   కొట్టుట   ద్వారా  పదునైన  అంచు

   కర్రవస్తువులోనికి   దిగబడుతుంది.   దీని   ద్వారా   చదరపు, 

  దీర్ఘచతురస్రాకారపు    చీలికలు,  రంధ్రములు   యేర్పరచవచ్చును.    దీని   

 బ్లేడు    వెడల్పు    5 మి.మీ.    నుండి   50 మి.మీ.   వరకు   మరియు   పొడవు 

  125 మి.మీ.    దాకా   యుంటుంది.   బ్లేడు  రెండు   ప్రక్కల    చదునుగా   

 యుండి   పదునైన   మొనవద్ద    మాత్రము     కోసుగా   వుంటుంది.   పదునైన

    అంచుగల    చూస్తే  దీనిబ్లేడు   దీర్ఘచతురస్రాకారంగా    వుంటుంది.

2.   బివెల్    ఆకారపు   అంచుగల   ఉలి   ( Bevel   edge   chisel  )  :-

         ఇది   కూడా    ఫర్మర్    ఉలి    సైజులోనే    యుంటుంది.    అయితే   దీని

   బ్లేడు    క్రింది    ఉపరితలము   సమతలంగా    వుండి    వెడల్పు   

 ఎక్కువగా   వుంటుంది.   పై   ఉపరితలము    రెండు    ప్రక్కల    ఏటవాలుగా

    యుండి    మధ్యభాగము    చదునుగా   యుంటుంది.   పటము  4.20.   

 పదునైన   అంచువైపు   నుండి    చూచినపుడు   ఇది   ట్రెపీజియం 

  ఆకారమును    కలిగియుంటుంది.   సాధారణ    ఫర్మల్   ఉలితో   

  పనిచేయుటకు   కర్రవస్తువు    మూలలయందు    బివెల్    అంచు   ఫర్మల్ 

 ఉలి     ఉపయోగపడుతుంది.

3.   పేరింగ్    ఉలి    ( Paring   Chisel ) :-

                 ఇది    కూడా    ఫర్మర్   ఉలి    లేదా    'బివెల్    అంచు   ఫర్మల్ 

 ఉలి'    వలెనే    చేయబడి     ఎక్కువ    పొడవును    కలిగిన     బ్లేడును 

  కలిగియుంటుంది.    ఎక్కువ   లోతుగల     కర్రవస్తువులపై   

 పనిచేయునపుడు     ఫర్మర్ ఉలి    బ్లేడు  పొడవు    సరిపోనందున    దీనిని 

  ఉపయోగించినపుడు   దీని   హాండిల్ ను    చేతితో     మాత్రమే    నొక్కిపెడ్తూ

    లేదా    హాండిల్   పై    అరచేతితో    కొడ్తూ     దీనితో    మెల్లిగా   

 పనిచేసుకొనాలి.    అంతేకాని   దీని    హాండిల్    పైన   మాలెట్ తో 

  కొట్టరాదు.    దీని    బ్లేడు   పొడవు    225  నుండి   800  మి.మీ.   వరకు   

 మరియు    వెడల్పు   5   నుండి   50  మి.మీ.   వరకు    వుంటుంది.

4.   మోర్ టైస్  ఉలి   ( Mortise Chisel ) :-

               దీనిని     భారీ    పనులకు   ఉపయోగిస్తారు.     కర్రను   లోతుగా    (

 ఎక్కువ  మందముతో )    ఖండించినపుడు    ఉలి  పై   ఎక్కువ    భారము   

 పడుతుంది.    అట్టి   పరిస్ధితులలో    ఉలిని    ఉపయోగించినపుడు    ఆ   

 భారము    తట్టుకునే    విధంగావుండాలి.    అందుకుగాను    బ్లేడు   ఎక్కువ 

  మందముతో   గల     మోర్ టైస్     ఉలిని    ఉపయోగిస్తారు.    దీని   పదునైన 

  అంచు   కర్రవస్తువులోనికి   ఎక్కువ   లోతుతో   చొచ్చుకొనిపోవుటకుగాను   

 దీని    హాండిల్ ను    ఎక్కువ   శక్తితో    కొట్టుటకుగాను  కర్రతోచేసిన    సుత్తె 

 బదులు   సాధారణ     సుత్తెను    ఉపయోగిస్తారు.    ఈ  విధముగా 

  కొట్టినపుడు   హాండిల్     దెబ్బతినిపోకుండా    యుండుటకుగాను     

 హాండిల్      చివర     ఇనుపతొడుగు   బిగింపబడి    యుంటుంది.

దీని   బ్లేడు    హాండిల్  వైపు    ఎక్కువ    మందమును    పదునైన   

 అంచువైపు     తక్కువ   మందమును     కలిగి     యుండునట్లు    ఏటవాలుగా 

  వుంటుంది.    బ్లేడు     వెడల్పు  3మి.మీ. నుండి    15మి.మీ.     వరకు 

  వుంటుంది.     కరర్రవస్తువుయందు   చదరపు   రంధ్రములను    చేయుటకు 

  ( వీటిని 'మోర్ టైస్' అంటారు  )  గాను,   కొద్దిలోతును  కలిగిన 

  రంధ్రములను   చేయుటకుగాను    యిది   ఎక్కువగా 

  వుపయోగపడుతుంది.

5.   సాకెట్   ఉలి   ( Socket  Chisel ) :-    

            దీని   బ్లేడు    ఫర్మర్   బ్లేడువలెనేయుండి   20 మి.మీ.   నుండి 

  50మి.మీ.  వరకు    వెడల్పును   కలిగియుంటుంది.    బ్లేడు   రెండువైపులగల 

  ఉపరితలము   చదునుగాయుండి  బ్లేడు   చివరిభాగము    మాత్రము 

  పదునైన    అంచును   కలిగియుంటుంది.   అయితే   హాండిల్  కు   బ్లేడు 

  బిగింపబడినచోట   సాకెట్    అనబడు    వెడల్పైన   లోతైన    గొట్టమును 

 కలిగియుండి   దానికి   హాండిల్    బిగింపబడి   యుంటుంది.     

         ఆకారపు    సాకెట్   ఉక్కు   లేదా   యిత్తడి   లోహముతో   చేయబడి 

  యుంటుంది.    భారిపనులను   చేయుటకు   ఇది   ఉపయోగపడుతుంది.   

  ఎక్కువ    శక్తితో  కూడిన   దెబ్బను   హాండిల్ పై    కొట్టినపుడు   హాండిల్   

  కర్ర    విరుగుట    లేదా    దానియందు    పగుళ్లు    యేర్పడకుండా     సాకెట్ 

  ఉపయోగిస్తుంది.   దీనిని  ఫర్మర్  ఉలిని   సాధారణ   పనులకు   కూడా 

  ఉపయోగించవచ్చు.

ఆకారమును    కలిగియుంటుంది.     దీని     నుపయోగించి   

  కర్రవస్తువుయండు    గుండ్రపు    రంధ్రములను    యేర్పరుచటుకు   

 వీలుంటుంది.    కర్రవస్తువుకుగాను     ఉపయోగపడెడి    లేత్   

 యంత్రములపై   దీనిని    ఎక్కువగా    వుపయోగిస్తారు.     బ్లేడు   

 ఆకారమునుబట్టి     రెండు   రకముల   ' గౌజులు '   వున్నాయి.      వంపు   

  తిరిగిన    ఆకారము     బ్లేడులో    తలముయందు    పదునైన    అంచు 

  కలిగిన     గౌజును    ' ఇన్  సైడ్   గౌజ్ ' ( Inside gouge )   అని   అంటారు.   

  వంపు దిరిగిన      బ్లేడు   వెలుపలి    తలముయందు    అంచును   

  కలిగియున్న   గౌజును   ' అవుట్   సైడ్    గౌజు '    ( Outside   gouge )    అని 

  అంటారు.     ఇవి     5 మి.మీ.  నుండి   25 మి.మీ.    వరుకు    వెడల్పును   

  కలిగియుంటాయి.

ఉలిని    ఉపయోగించు   విధానము :

      కర్రవస్తువుయందు    కణములు     అమర్చబడిన     దిశలోనే    ఉలిని   

   ఉపయోగిస్తు    వస్తువును     ఖండించాలి.      ఉలిని      ఉపయోగించటానికి 

   ముందు      వస్తువును       ' ' మోర్   టైస్ '     యందుగానీ       లేదా    ఇతర   

  గట్టి      ఆధారముతోగాని     అమర్చి     బిగించుకొనాలి.      దీనివలన   

 ఉలిని   పట్టుకొని     సుత్తెతో      దానిని      కొట్టుటకు     రెండు   చేతులను   

  వుపయోగించవచ్చును.

         కర్రవస్తువు పై     ఉలికి      గల    పదునైన     అంచుకుగల      ఏటవాలు 

    తలము    పైకి      వుండునట్లుగా    పెట్టుకొనాలి.     ఉలి      బ్లేడును     

 ఎడమ      చేతితో     పట్టుకొని       కుడి     చేతితో   హాండిల్ ను    నొక్కి

 పెట్టుట   ద్వారా     ఉలిని     ముందుకు     కదిలిస్తూ     కర్రవస్తువు   

  ఉపరితలమును     చదునుపరిచి      నునుపుపరచవచ్చును.   

 పెద్దమొత్తములో   కర్రవస్తువును     ఖండించుటకు    హాండిల్ పై  మాలెట్

 తో    కొట్టవలసి  వుంటుంది.   ఉలితో      వస్తువును    ఖంఢించినపుడు   

  పనిచేయువ్యక్తి     శరీరమునకు      దూరముగా     దానితో     పనిచేయవలెను.

     ఉలినుపయోగించుటకు     ముందు      దాని        పదునైన   అంచు      

  సరాగా     వుందా     లేదా  గమనించాలి.        పదునులేని      అంచును  '

 గ్రైండ్ '     చేసుకొని      పదును      పెట్టుకొనాలి.     ఉలి  హాండిల్   

 పగుళ్ళను     కలిగియున్న    యెడల     దానిని     తొలగించి      క్రొత్త     

 హాండిల్ ను     అమర్చుకొనాలి.         ఉలినుపయెగించుటకు   ముందు     

 మలినపదార్థములు,      గ్రీజు,     నూనె  మొదలగు      యితర     

 పదార్థములను    మరియు      బ్లేడు పైన,    హాండిల్ పైన       లేకుండా     

  వాటిని       శుభ్రపరుచుకొనాలి.

అభ్యాసము

 1.   ఱంపము    పటమును    గీచి   వివిధ   

       భాగములను     గుర్తించుము.

 2.   ఱంపమును    ఉపయోగించుటకు    ముందు   

      గమనించవలసిన     వివరములను     

      పేర్కొనము.

 3.   కర్రవస్తువు    యందు    అమర్చబడిన      

      కణములకు     అడ్డముగా     కోయుటకు  

      వుపకరించు    ఱంపము   నొకదానిని   

      పేర్కొని,    దానిని     ఉపయోగించు    

      విధానము    తెలుపుము.

 4.   రిప్    ఱంపము   పటమును   గీచి,    అది   

       పనిచేయు    విధానమును    గురించి   

       వివరించుము.   

 5.    ఱంపము      సైజును    యే    విధముగా       

        పేర్కొందురు ?     ఱంపమును    పదును   

        పెట్టుకొను    విధానమును     వివరించుము.

 6.     ' బౌ   ఱంపము '    పటమును    గీచి,    

         వివిధ 

         భాగములను   గుర్తింపుము.

 7.      కంపాస్    ఱంపము    ఉపయోగమును   

         తెలుపుము.

 8.      కర్రవస్తువుయందు     వంపు    తిరిగిన   

         దిశలో      ఖండించుటకు    ఉపయోగపడెడి   

         వివిధ    ఱంపమును    పేర్కొని,   వాటిలో   

         ఒకదానిని    వివరింపుము.

 9.      ' ఉలి '   యొక్క    పటమును   గీచి,   దాని

         వివిధ   భాగములను   గుర్తించుము.   

10.    ఉలి   సైజును   యేవిధముగా  పేర్కొందురు?

         ఉలిని    ఉపయోగించెడి   విధానము  

         తెలుపుము.

11.   ' మోర్ టైస్ ఉలి '   ని   ఉపయోగించు   

         విధానమును     తెలుపుము.

12.  ' గౌజ్ '    మరియు    ' ఉలి '  కి    గల    

       భేదములను   వివరించుము.    

       రెండురకముల    గౌజుల    పేర్లను    పేర్కొని, 

       వాటి     మధ్యగల     భేదములను    

       వివరింపుము.

18. కర్రవస్తువును ఖండించెడి పనిముట్లు

 కర్ర  వస్తువును ఖండించెడి  పనిముట్లు
ఉపోద్ఝాతము:

     కర్ర  సామాగ్రిని   తయారుచేయుటకు  గాను   పెద్ద   సైజుగల  కర్రవస్తువులను ఖండిచి   చిన్నముక్కలుగా   చేయుటకు   లేదా వాటికి   వివిధ    ఆకారములను   తెచ్చుటకు ఉపయోగపడు   పనిముట్లను 'ఖండిచెడి పనిముట్లు' (cutting tools) అని  అంటారు. కర్రసామాగ్రిని   తయారుచేయు పనియందు యుందుకుగాను   ఉపయోగపడెడి పనిముట్లను రెండురకములుగావిభజించవచ్చు.

    1. ఱంపము (saw)      2. ఉలి   (chiesl)

          ఈ   రెండురకముల   పనిముట్లు వస్తువులను   ఖండించెడి   విధానములోను, మరియు   వాటినుపయోగించెడి  పధ్ధతిలోను భేదములున్నాయు. ఈ   పనిముట్లను గురించి వివరముగా   తెలుసుకుందాము.

1. ఱంపము   : 

         ఇది కర్ర వస్తువులను  కోసి  రెండు భాగములుగా   విడదీయుటకు  మరియు కావలసిన    ఆకారములలో   కోయుటకు వుపయోగపడుతుంది. ఇది  స్ర్పింగుదనమును కలిగిన  ఉక్కుతో  చేయబడిన    సన్నని రేకుఆకారపు   బ్లేడును   కలిగి యుంటుంది.  స్ర్పింగుదనమును   కలిగియుండుట  మూలముగా   భ్లేడును   కొద్దిగా,ప్రక్కలకు వంచినను అది విరగకుండా  వుండును. బ్లేడు ఒక  ప్రక్కగా   కర్రతో   చేసిన   హాండిల్   ( పిడి )కు రివెట్ల  ద్వారా  లేదా స్ర్కూల  ద్వారా బిగింపబడి   వుంటుంది.  బ్లేడు  పొడవైన అడుగుభాగపు   అంచు   వరసగా  అమర్చిన పదునైన   మొనలతో   కూడిన 'పండ్లను' కలిగియుంటుంది. వీటినే 'ఱంపపు పండ్లు' అంటారు. ఇవి   V—ఆకారమును   కలిగియుంటాయి. ఱంపముబ్లేడు పండ్లు కర్రపలకపై ఆనించి వాటి పదునైన మొనలు ముందునకు  సాగునట్లు  తోసినపుడు, అవి కర్రను క్రమక్రమంగా ఖండిస్తూకోసివేస్తాయి ఱంపముబ్లేడు పండ్లు ఒకదానిని విడిచి ఇంకొకటి కుడి, ఎడమ వైపులకు వంపబడియుంటాయి. దీనివలన బ్లేడు పండ్లు కర్ర వస్తువును ఖండించినపుడు యేర్పడు సన్నని చీలికగుండా బ్లేడు మిగిలినభాగము యేవిధమైన రాపిడి లేకుండా  సులభముగా పయనిస్తుంది. ఇందుకు కారణము రెండు వైపులా కొద్దిగా వంగిన పండ్ల మూలముగా ఱంపము బ్లేడు కర్రవస్తువును   ఖండించినపుడు యేర్పడెడి చీలిక, బ్లేడు మందము కన్నా కొద్దిగా ఎక్కువ మందమును కలిగియుండుటయే!

     బ్లేడు ముందుభాగమును 'టో'(toe) అనీ, హాండిల్   బిగించిన   వెనుకభాగమును   హీల్ (Heel) అనీ పిలుస్తారు.   ఱంపము యొక్క సైజును దాని బ్లేడు పొడవును బట్టి నిర్ణయిస్తారు. ఉదాహరణకు  650 మి.మీ. సైజు గల ఱంపము  బ్లేడు   పొడవు 650 మి.మీ. వుంటుంది.  ఱంపము   పొడవు  మరియు ఆకారములు పలురకములుగా వున్నాయి. కర్రసామాగ్రిని తయారుచేయు పనియందు ఉపయోగపడు వివిధ రకముల ఱంపములను గురించి క్రింద వివరించనైనది.

        ఉపయోగించు విధానమునుబట్టి ఱంపమును   రెండు రకములుగా విభజించవచ్చును.  

(1)ముందుకు  నెట్టబడెడి ఱంపములు (push saws) :-  వీటిని కర్రవస్తువుపై ముందుకు నెట్టుట ద్వారా కర్ర కోయబడుతుంది. ఱంపమును వెనుకకు లాగినపుడు ఱంపము పండ్లు కర్ర వస్తువునకు తగలకుండాయుండునట్లు కొద్దిగా పైకిలేపాలి. తిరిగి ఱంపమును ముందుకు నెట్టినపుడు వస్తువుపై ఱంపము పండ్లను నొక్కిపెడ్తూ ముందుకు నెట్టుచు కర్రను కోయవలసి వుంటుంది. ఈ రకపు ఱంపములో బ్లేడుకుగల పండ్లు ముందు వైపుకు తిరిగిన పదునైన మొనలను కలిగివుంటాయి. కాబట్టి కర్రను కోయుటకుగాను ఈ ఱంపమును ముందుదిశలో మాత్రమే ఉపయోగించాలి. 

(2) వెనుకకు లాగెడి ఱంపములు (Draw saws) :-

ఈ ఱంపము యెక్క పండ్లు కొద్దిగా వెనుకవైపుకు తిరిగిన పదునైన మొనలను కలిగి యుంటాయి. ఱంపము వెనుకకు (అనగా హాండిల్ వైపునకు) లాగినపుడు కర్రవస్తువుపై బ్లేడుపండ్లను నొక్కిపెట్టి వుంచాలి.దీనివలన ఱంపము వెనుకకు పయనించునపుడు కర్రవస్తువు కోయబడుతుంది. తిరిగి ఱంపమును ముందుకు నెట్టినపుడు బ్లేడును కర్రవస్తువునుండి కొద్దిగా పైకిలేపి ఎక్కువ బలము నుపయోగించకుండా పయనింపజేయాలి. 

పై రెండురకముల ఱంపములు వాడుకలో నున్నాయి. కనుక బ్లేడును ఉపయోగించుటకు ముందు దాని పండ్లు ఏ దిశలో తిరిగియున్న పదునైన మొనలను కలిగియున్నది గమనించుకొనాలి. తప్పు దిశలో బ్లేడును కదిలిస్తూ కర్రవస్తువునుకోయుటకు ప్రయత్నించినయెడల కర్రవస్తువు కోయబడకుండా వుండుటయేకాక, ఱంపముపండ్లు దెబ్బతినిపోవచ్చును.

1.  చేతి  ఱంపము ( Hand saw ) :-

       దీనినే  'క్రాస్  కట్ ఱంపము ' ( cross cut saw )   అనికూడా  అంటారు.  అనగా  'అడ్డముగా  కోసెడి ఱంపము  అని  అర్థము.  దీనికి  కారణము కర్రవస్తువులో  కణములు  ( Grains ) అమర్చబడిన  దిశకు  అడ్డముగా  కర్రను  కోయుటకు  ఇది  ఉపయోగపడుతుంది.  అయితే  కణములు  అమర్చబడినదిశలో  మరియు  ఇతరదిశలలో  కూడా  ఇది  కర్రను  కోయుటకు  ఉపకరిస్తుంది.  దీని  బ్లేడు పొడవు  500  నుంచి  650  మి. మీ. వరకు వివిధ సైజులలో లభ్యమగుతుంది.  బ్లేడు  మందము  1 గేజి  వుంటుంది. దీని  పండ్లు  పటము  4.3 లో  చూపిన మాదిరిగా  అమర్చబడి  చాకు  మొనలాంటి  పదునైన  మొనలను  కలిగావుంటాయి.  దీనిచే  కర్రవస్తువును  కోయునపుడు   వాడియైన   మొనలచే  ఖండింపబడిన  భాగము  మొనల  మధ్య  ఖాళీస్థలములో  నొక్కబడి  చూర్ణంగా   మారుతుంది.  దీని  బ్లేడు  100 మి.మీ.  పొడవులో             20  నుండి  48  వరకు  పండ్లను   కలిగియుంటుంది.  

2.  రిప్  ఱంపము ( Rip  saw ) :-

            ఈ  ఱంపము  కర్రవస్తువుయందు  కణములు  అమర్చబడిన  దిశలో  మాత్రమే  కర్రను   కోయగలుగుతుంది.  దీనిపండ్లు  ఉలి  ( Chisel ) కి  గల  పదునైన  వస్తువును  ఖండించెడి  అంచు లాగా కొద్ది  మందముతో  అమర్చబడివుంటాయి.  వరసగా  బ్లేడు  అమర్చబడిన  ఈ  పండ్లు  వరుసగా    అమర్చబడిన   అనేక   ఉలుల   యొక్క   పదునైన   అంచులలాగా   పనిచేసి  కర్రవస్తువును  ఖండిస్తాయి.   బ్లేడును   ముందునకు  కదిల్చినపుడు  ఒక   కదలికలో   ఎక్కువ  మొత్తములో  కర్రను  ఖండించుటకు  యిది   ఉపయోగపడుతుంది.  దీని   బ్లేడు  వెడల్పు   ముందువైపు  తక్కువగా  (సుమారు  8 సెం. మి. ), హాండిల్ వైపు  ఎక్కువగా  (సుమారు  16 సెం.మి. )  వుంటుంది.   ఇది   650  నుండి  750  మి.మీ.  వరకు   వివిధ  సైజులలో   లభ్యమగుతుంది.  100 మి.మీ.  బ్లేడు  పొడవులో   ముందువైపు  24  నుండి  32  వరకు,   హాండిల్ వైపు  12  నుండి  15   వరకు  పండ్లను కలిగియుంటుంది

      

3.  పానెల్ ఱంపము  ( Panel saw ) :-

          ఇది  క్రాస్   ఱంపము  ఆకారములోనేయుండి,   అదేవిధంగా  పనిచేస్తుంది.   అయితే  దీని  బ్లేడు  క్రాస్కట్  ఱంపము  బ్లేడుకన్నా  తక్కువ  మందమును   (22 గేజి )  కలిగియుంటుంది. దీని  పొడవు  350  నుండి  600మి.మీ.  వరకు  వివిధ  సైజులలో  వుండి ,  100 మి.మీ.  బ్లేడు  పొడవులో  32  నుండి  48  వరకు  పండ్లను  కలిగివుంటుంది.  కర్రవస్తువును  సూచించిన   కొలతల   ప్రకారము  ఖచ్చితంగా  కోయుటకు  ఇది  పనికివస్తుంది.   కర్రవస్తువును   రెండు   భాగములుగా  చీల్చుటకు   మరియు   కణములు   అమర్చబడిన  దిశకు   అడ్డముగా   కోయుటకు  కూడా  ఇది  ఉపయోగపడుతుంది.

4.   టెనన్  ఱంపము  ( Tenon saw ) :- 

          ఇది   కూడా  చేతిఱంపమువలె   పండ్లను  కలిగియుండి  కర్రవస్తువులో  కణములు  అమర్చబడిన  దిశకు  అడ్డముగా  కోయుటకు  వాడబడుతుంది.   దీని  బ్లేడు  తక్కువ  మందమును  ( 22  గేజి )  కలిగియుండి,  దీని  పండ్లు  సమబాహు   త్రిభుజాకారములో   60॰  కోణమునుగలిగిన   పదునైన   మొనలను  కలిగియుంటాయి.  కర్రవస్తువును  మృదువుగా  కోయుటకు యిది  నుపయోగించినపుడు   బ్లేడు  ప్రక్కలకు  వంగిపోకుండా   దృఢంగా  నిలబడి   యుండుటకుగాను  బ్లేడు  పై   భాగమున  కర్రచేగాని,   లోహముతోగాని  చేయబడిన ఆధారపు  చట్రము  ( Frame )   అమర్చబడి   యుంటుంది.  ఱంపపుపండ్లకు   వెనుకవైపున   ఆధారము  కల్పింపబడినది   కావున   దీనిని  'బ్యాక్  ఱంపము'  ( Back saw )   అని   పిలుస్తారు.   ఇది    200  నుండి  450  మి.మీ.    వరకు   పొడవుతో   వివిధ    సైజులు   లభ్యమగుతుంది.   100  మి.మీ.   బ్లేడు  పొడవులో   40   నుండి  60   వరకు    పండ్లను   కలిగియుంటుంది.

5.  డవ్   టెయిల్    ఱంపము   ( Dove   tail  saw ) :-      

           ఇది    కూడ    టెనస్   ఱంపము   వలె  యుంటుంది.    అయితే   ఇది  తక్కువ    పొడవుతో     ( 150  నుండి  300 మి.మీ.  వరకు వివిధ  సైజులలో )    చిన్నసైజులో   వుండి   దీని  హాండిల్  తెరుచుకొని  వుంటుంది.  ఇది  కర్రవస్తువును  అతి   మృదువుగా  కోయుటకు,  సన్నని  చీలికలను  యేర్పరుచుటకు  మరియు  డవ్  టెయిల్  లను   ఏర్పరిచి  కర్రవస్తు  భాగములను  కలుపుకొనుటకు  వుపయోగపడుతుంది.  బ్లేడు  మందము  22  గేజితో   అతి  తక్కువగా  యుండి  100 మి.మీ.  పొడవు  గల   బ్లేడు  యందు  40  నుండి  60  వరకు  పండ్లు  యేర్పరచబడి   వుంటాయి.

6.  విల్లు   ఆకారపు  ఱంపము   ( Bow  saw ) :- 

        దీనిని   ' బౌ   ఱంపము '  అని అంటారు   ఇది     

వెడల్పు    తక్కువుగా  యున్న    బ్లేడును  కలిగియుంటుంది.    సాధారణంగా   దీని   బ్లేడు   3 మి. మీ. నుండి   12.5   మి.మీ.    వరకు   వెడల్పును   200  నుండి   250  మి.మీ.   వరకు   పొడవును   కలిగియుంటుంది.   దీనికి  ముందు   మరియు    వెనుక    భాగములలో    కర్రతో  చేయబడిన    రెండు   హాండిల్ లు    బిగింపబడి   వుంటాయి.    అంతే   కాకుండా    బ్లేడుకు   రెండు  వైపులా    కర్రతో    చేయబడిన   రెండు   కడ్డీలు   నిలువుగా    అమర్చబడి  ఆ   రెండింటినీ   కలుపుతూ  బ్లేడు   పొడవుకు    సమాంతరముగా    

కర్రతో   చేసిన    అడ్డు   కమ్మీ     ఒకటి   బ్లేడుకు    పై భాగమున     కొద్ది  దూరములో   అమర్చబడి    యుంటుంది.   ఈ    అడ్డు  కమ్మీ కి    మధ్యభాగములోగల    ఒక    చీలికలో     మరియొక    నిలువు   కడ్డీ     అమర్చబడియుంటుంది.    అడ్డు  కమ్మీకి    సమాంతరముగా     దానికి    పై   భాగమున    కొద్ది    దూరాములో    బ్లేడు    ముందు,    వెనుక  భాగములలో   అమర్చబడిన   నిలువుకడ్డీలను  కలుపుతూ   దారము  బిగింపబడి  యుంటుంది.  ఈ  దారము  పొడవు   సుమారు  3  మీటర్ల  దాకా  యుండి  అది  వదులుగా  వుండకుండా  బిగుతుగా   యుండుటకుగాను  మధ్యలోగల  నిలువుకడ్డీకి  చుట్టబడి  యుంటుంది.  బ్లేడును   గట్టిగా  బిగించడానికి   మధ్యలో  గల  నిలువుకడ్డీని  చేతితో   గుండ్రముగా   త్రిప్పుకొని  దారమును  దానిచుట్టూ   చుట్టుకొనవలసిన   యుంటుంది.   నిలువుకడ్డీ   అడ్డుకమ్మీకిగల   చీలికలో   సులభంగా  తిరుగుటవలన   యిది సాధ్యపడి  బ్లేడు   తగినంత  బిగుతుదనమును   కొద్దిగా    తగ్గించుకొనుట    ద్వారా  దీనినయోగించి  కొద్దిగా  వంపుకలిగిన  దిశలలో    కర్రవస్తువును  కోయవచ్చును.

7.  కంపాస్   ఱంపము  ( Compass saw ) :-

          దీనినే  ' టర్నింగ్ '  ( Turning  saw ) ఱంపము  అని  అంటారు.  దీని  బ్లేడు  కూడ   తక్కువ   వెడల్పును  కలిగియుంటుంది.  ఇది  250  నుండి  400  మి.మీ.  పొడవుతో   కోసుగా   వుండి  హాండిల్   వైపు  ఎక్కువ  వెడల్పును,  బ్లేడు   ముందు   వైపు   తక్కువ   వెడల్పును   కలిగి యుంటుంది.   ఇది   250  నుండి   400  మి.మీ.   పొడవుతో   కోసుగా  వుండి   హాండిల్  వైపు   ఎక్కువ   వెడల్పును,   బ్లేడు   ముందు  వైపు   తక్కువ   వెడల్పును   కలిగియుండునట్లుగా   చేయబడియుంటుంది.    ఈ  ఱంపము   రెండు   రకములుగా    లభ్యమగుతుంది.    మొదటిరకపు    కంపాస్   ఱంపముయందు   బ్లేడు   వెనుక  భాగము   హాండిల్ నకు    స్ధిరంగా    బిగింపబడి   యుంటుంది.  రెండవరకము    కంపాస్   ఱంపము    మూడు   వివిధ  సైజుల    బ్లేడును    కలిగియుండి,   వాటికి   అవసరమైన    బ్లేడును   హాండిల్ కు   తగిలించుకొను   సదుపాయమును   కలిగియుంటుంది.    హాండిల్ కు   అమర్చిన   ఒక   స్క్రూను    వదులు  చేసుకొని    కావలసిన   బ్లేడును   దీనిలో   అమర్చికొని    తిరిగి    స్క్రూను       బిగింపబడుతుంది.    దీనితో    కూడ   వంపుదిరిగిన    దిశలో   కర్రవస్తువులను   కోయుటకు     వీలుంటుంది.

8.   కోపింగ్   ఱంపము   (Coping  saw ) :-

        ఇది   తక్కువ   మందము    మరియు   తక్కువ   వెడల్పుగల    బ్లేడును    కలిగియుండి   అది   ఇనుప   చట్రములో    ఒక    మీట    ద్వారా    బిగింపబడి  యుంటుంది.   బ్లేడు   పండ్ల    వెనుకవైపున     ( అనగా   హాండిల్ వైపు )   తిరిగి   యుంటాయి.    హాండిల్ ను   గుండ్రముగా    త్రిప్పుకొనుట   ద్వారా   బ్లేడు   బిగువుదనమును    సరిచేసుకొనవచ్చును.    తక్కువ   వ్యాసముగల     చిన్న  వంపు   దిరిగిన   చాపముల   దిశలో   కర్రవస్తువును    కోయుటకు   యిది   పనికివస్తుంది.

9.  కీరంధ్రములను   చేయుఱంపము  ( key   hole  or    pad   hole    saw):-

        వస్తువుపై    సన్నని     ' కీ '   రంధ్రములు   ( చీలికలు )    చేయుటకు    ఈ   ఱంపము   పనికివస్తుంది.   ఇది   చిన్నగా     సుమారు    250  మి.మీ.    పొడవును    కలిగియుంటుంది.      దీని    బ్లేడు    కోసుగా   చేయబడియుంటుంది.    హండిల్ యందు    చీలికలో    బ్లేడు   బిగింపబడియుంటుంది.     బ్లేడును    వుపయోగించినపుడు   దీనిని    హాండిల్   నుండి      బయటకు     తీయవచ్చును.

ఱంపమును   ఉపయోగించువిధానము    :

        ఱంపమును   సరిగా    ఉపయోగించని    యెడల   దాని   బ్లేడు   విరిగిపోవుట   లేదా    ఱంపముపండ్లు    దెబ్బతినిపోవుట   జరగవచ్చును.   అంతే   కాకుండా    కర్రవస్తువును   సరియైన   దిశలో   కోయుట   సాధ్యపడదు.   ఱంపమును    సరిగా   వుపయోగించు  విధానము   క్రింది   వివరింపబడింది.    

( 1 )   ఱంపమును   చేతితో   పట్టుకొన్నపుడు   చూపుడు   వ్రేలు    ( Fist  finger )   ముందువైపునకు  సూచిస్తూ వుండాలి.   దీనివలన   ఱంపముతో   వస్తువును    కోయుటను   కావలసిన    రీతిలో    క్రమబద్దము    చేసుకొనుటకు   సాధ్యపడుతుంది.   

 ( 2 )   వస్తువు   కొలతకన్నా    కొద్దిగా   ఎక్కువ   కొలతలను   కలిగియుండునట్లుగా  ఱంపముతో  కోయాలి.   కావలసినదానికన్నా   ఎక్కువగా    యున్న   కొద్ది   భాగము   ' ప్లేన్ '   నుపయోగించి    చదును   చేయునపుడు   తొలగించబడుతుంది.    

( 3 )   ఱంపము   ముందునకు  నెట్టునపుడు   పయనించెడి   దూరమును    ' స్ర్టోక్ '   ( Stroke )  అంటారు.    ఱంపము   పై   తక్కువ  ఒత్తిడిని   కలుగచేస్తూ   ఱంపము  కదిలెడి   స్ర్టోక్   పొడవుగా    వుండునట్లుగా    ఱంపముతో   కర్రవస్తువును    కోయాలి.  

( 4 )   ఱంపము   ఉపయోగించుటకు  ముందు   ఱంపము     పండ్లు    పదునుగా    ఉన్నాయా   లేదా    అన్నది    పరీక్షించుకొనాలి.    పదును     లేనియెడల    వాటిని     పదును     పెట్టుకొనాలి.

( 5 ) పని   ప్రారంభించుటకు   ముందు   ఱంపము    బ్లేడు   కర్ర   ఉపరితలము     చేయు   కోణము   తక్కువగా   వుండును.   ఱంపమును  పట్టుకొనాలి.   ఎడమచేతి  బొటన   వ్రేలికి  ఱంపము   బ్లేడును   నొక్కి   పెడుతూ,   ఱంపము  బ్లేడు   ప్రక్కలకు  కదలకుండా   తిన్నగా    సాగును   ముందు   నెమ్మదిగా   కర్రను    కోయాలి.  ముందుగా   తేలిక    స్ట్రోక్ లతో    కొద్దిగా  కోయుటద్వారా   కర్ర    యందు  చీలిక   యేర్పరచాలి.    పిదప    పొడవైన   స్ట్రోక్ లతో   కర్రను   వేగంగా   కోయవచ్చును.

ఱంపమును    పదును    పెట్టుకొనుట :  

       ఱంపమును   ఉపయోగించిన     కొంతకాలమునకు   దానిపండ్లు    అరిగిపోయి    పదును    కోల్పొనవచ్చును.    అప్పుడు   ఱంపమముతో    కర్రను    కోయుపని    సరిగా    జరగదు.   ఱంపము   పండ్లను    పదునుపెట్టుకొని       మరల    కోతను    సాగించాలి.  ఱంపము   పండ్లను    పదును   పెట్టుకొనెడి    విధానము   క్రింద   వివరించనైనది.    

1.  ముందుగా   ఱంపము   బ్లేడు    పండ్లు    పైకి   యుండునట్లుగా    బ్లేడు   తలక్రిందుగా ' వైస్ '   పైన   బిగించాలి.   అయాతే    వైస్ లో     బ్లేడు   వదులుగా   వుండరాదు.     వదులుగా    బిగించిన     బ్లేడును   పదును   పెట్టిన    యెడల    అది   పదునైన   మొనలు    కలిగిన    పండ్లను    కాకుండా    గుండ్రముగా    వున్న     పండ్ల     యేర్పడతాయి.     

2.  మొదట   సాధారణ    చదునైన   ఫైల్   ( Flat    file )  తో    ఱంపము   పండ్ల పై     ముందునుండి     వెనుకవైపు    ఫైల్ ను    కదిలిస్తూ      పండ్లను    అరగదీయాలి.   

3.  తర్వాత    పండ్ల    మధ్యగల    ఖాళీ    స్థలములో    కూర్చుండునట్లు   త్రిభుజాకారపు   ఫైలను    బ్లేడుకు     లంబదిశలో    అమర్చి   పండ్లను    అరగదీసిన    యెడల    పండ్లు   పదునుపెట్టబడతాయి.    

4.   తర్వాత   బ్లేడు   పండ్లను    ఒకదానిని   విడచి   యింకొకటి    ఎడమ     వైపుకు,    మిగిలిన    పండ్లు   కుడివైపుకు     వంగియుండునట్లుగా    అమర్చాలి.    ఇందుకుగాను    బ్లేడు    పండ్లకు    ఒకవైపు    ఏదైనా     ఆధారమునమర్చి    సుతత్తె   నుపయోగిస్తూ      పండ్లను   ప్రక్కలకు   కొద్దిగా   వంగి   (  పటము  4.15 ).    లేదా   ' సా   సెట్ '    అను   పరికరము  నుపయోగించి    బ్లేడు    పండ్లను   ప్రక్కలకు    వంచుకొనవచ్చును.     దీనిని    'ఱంపము  పండ్లను    అమర్చుకొనుట '    లేదా     ఱంపము   పండ్ల     సెట్టింగు   ( Saw   setting )   అని    అంటారు.    

5.    పిదప    ఆయిల్    స్టోన్  ( Oil stone )    ద్వారా    బ్లేడుకు    యిరువైపులా     వంచబడిన   పండ్ల    వాడి    మొనలను     సరిచేయాలి.     దీనిని    డ్రెస్సింగ్   ( Dressing )    అని   అంటారు.

6.   చివరిగా    పటము  4.17  లో    చూపిన   మాదిరిగా   త్రిభుజాకార     ఫైల్ ను    వుపయోగిస్తూ   ఒకటిగా   బ్లేడు   పండ్ల     ఎడమ వైపు,    మిగిలిన     పండ్లను    కుడివైపు     అరగదీసి   పదును    పెట్టుకొనాలి.

17. గుర్తించుటకు ఉపకరించు పరికరములు

 11. కాంబినేషన్ సెట్   ( combination set) :

      ఇది   ఎంతో   ఉపయోగకరమైన  పనిముట్టు.  దీని  యందు   ట్యైస్క్వేర్   కోణమానిని , 

స్పిరిట్లలెవె ,  స్కేల్ ,      స్క్రైబర్      అనబడున    ఐదు   పనిముట్లు   అమర్చబడి   ఉండి  

 ఆ   పనిముట్లు   విశిష్టతను   యిది    కలిగియుంటుంది.   పటములో   చూపినట్లుగా   యిది 

బ్లేడు,   స్క్వేర్ హెడ్,   కోణమానిని   కలిగిన   హెడ్,    సెంటర్ స్క్వేర్ హెడ్,   అనబడు 

నాలుగు భాగములను   కలిగియుంటుంది.   మిగిలిన    మూడు భాగములు   బ్లేడుకు 

తగిలించబడి   ఉంటాయి.   సన్నని   బ్లేడు   ఋజువుగా   ఉండి   దాని పై   కొలతలు 

గుర్తించబడి    వుండుట   మూలముగా   స్కేలువలె   ఉపయెగపడుతుంది.   దీని 

వెనుకభాగమున   మధ్యగా   పొడవు   దిశలో   ఒక   చీలిక    చేయబడియుంటుంది.    బ్లేడును

 తగిలించిన    ప్రతి   హెడ్ భాగము    మేకులాంటి    కడ్డీని    కలిగియుండి,   ఆ కడ్డీ    బ్లేడుకు 

వెనుకవైపున    గల    చీలికలో    అమర్చబడి  యుంటుంది.    మేకును   చీలికలో 

కదిలిస్తూ    హెడ్ ను    బ్లేడుపైన   జరపుకోవచ్చును.    ఈ విధంగ   జరుపుకొన్న   హెడ్ ను 

కావలసిన    స్థానములోనికి    తెచుకున్న   పిదప   హెడ్   పైన   గల   స్క్రూను   బిగించుట

  ద్వారా   అది    బ్లేడుకు    బిగింపబడి   యుంటుంది .   కోణమానిని     కలిగియున్న హెడ్ 

మరియు    స్క్వేర్    హెడ్   సాధారణంగా    స్పిరిట్    లెవెల్ ను    కలిగియుంటాయి.   

స్క్వేర్ హెడ్     కొనభాగమున    'స్క్రైబర్'    అనబడు    గుర్తించెడి    సాధనము

 అమర్చబడియుంటుంది.    స్క్వేర్ హెడ్    పైన    అమర్చిన    స్క్రూను    వదులుచేసి 

దానిని    బ్లేడుకు    లంకోణములో    లేదా    తగిన   కోణములో    అమర్చుకొని   ట్రైస్క్వేర్ 

లేదా    మీటర్ స్క్వేర్    లాగా   ఉయోగించవచ్చును. 

12. గుర్తులు పెట్టుటకు ఉపకరించు చాకు  

(marking knife) :--

           దీని    ద్వారా     కర్రవస్తువుపై     రేఖలుగీయుట     మరియు     యితర గుర్తులు 

పెట్టుట    చేయవచ్చును.   ఇది   ఉక్కుతో    చేయబడి   ఒకవైపు    పదునైన    మొన   

 రెండవ   చివర    ఏటవాలుగా    యున్న    పదునైన    అంచును    కలిగియుంటుంది.   దీని

 ద్వారా    గుర్తులను    సరిగ్గా    మరియు    ఖచ్చితంగా    పెట్టుకొనవచ్చును.   'మార్కింగ్ 

చాకు'   అంటారు.

13.  గుర్తులు పెట్టుటకు ఉపకరించు సాధనము:---- కర్ర వస్తువు

యొక్క యేదైన ఒక అంచుకు సమాంతరగా గీతను గుర్తించుటకు

పనికివచ్చు యీ సాధనమును 'మార్కింగ్ గేజి' (marking gauge)అని

అంటారు. ముఖ్యమైన పనిముట్టుగా పరిగణింపబడే మార్కింగ్ గేజి

దీర్ఝచతురస్రపు దిమ్మ రూపమును కలిగియుండి గట్టి కర్రతో

చేయబడియుంటుంది. దీని అవచ్చేదము (cross section) చతురస్రాకారం

లేదా దీర్ఘచతురస్రాకారమును కలిగియుండి దీని అడుగు భాగమున ఒక

చివర ఉక్కుతో చేయబడిన పిన్నును కలిగియుంటుంది. ఈ పిన్నుకు గల

పదునైనమొన కర్రవస్తువు మీద గుర్తులు పెట్టుటకు వుపకరిస్తుంది. పిన్ను

పొడవు సుమారు 2 మి.మీ. ఉంటుంది.' హెడ్' అనబడెడి మరియొక కర్ర

పలకకు మధ్యలో చేయబడిన చదరపు ( లేదా దీర్ఘచతురస్రపు) రంధ్రములో

పిన్నుకు తగిలిన 'దిమ్మ' (stem) వదులుగా అమర్చబడి యుంటుంది. హెడ్

పైన అమర్చిన ఒక స్క్రూను చేతితో త్రిప్పుకొని వదులుపరచుట ద్వారా

దిమ్మ పైన హెడ్ ను కదల్చి జరుపుకొనవచ్చును. ఈ విధముగా జరుపుకొనుట

వలన పిన్నుకు, హెడ్ కు మధ్యగల దూరమును మార్చుకొని ఎక్కువ లేదా

తక్కువ చేసుకొనవచ్చును. తిరిగి స్క్రూను బిగించుట ద్వారా హెడ్, దిమ్మపైన

కదలకుండా యుంటుంది. దీనిని ఉయోగించినపుడు ముందుగా పిన్నువైపు

గల హెడ్ ముఖ భాగమును (face) కర్రవస్తువు అంచుకు తగులునట్లు నొక్కి

పెట్టాలి . చేతితో హెడ్ భాగమును పట్టుకొని, పిన్ను పదునైన మొనభాగము

కర్రవస్తువు ఉపరితలము పై తగులునట్లు నొక్కి పెట్తూ, హెడ్ ను ముందునకు

కదిల్చినపుడు పిన్ను ద్వారా కర్రవస్తువు పై సరళరేఖ గుర్తించబడుతుంది.

అయితే హెడ్ ను ముందునకు కదిలించినపుడు దాని ముఖ భాగము

కర్రవస్తువు అంచుకు ఎప్పుడూ తగులునట్లుగా నొక్కిపెట్తూ వుండాలి. అప్పుడే

గీచిన సరళరేఖ కర్రవస్తువు ఆ అంచుకు సమాంతరంగా వుంటుంది. పిన్నుకు,

హెడ్ కు గల మధ్య దూరమును మారుస్తూ ఆ అంచుకు సమాంతరంగా

ఎన్ని సరళరేఖలైన గీయవచ్చు. మార్కింగ్ గేజి నుయోగించు విధానము

పటములో చూపబడింది.

14. రెండు పిన్నుల మార్కింగ్ గేజి : దీనిని 'మోర్ టైస్ గేజి' (mortise gauge) అని అంటారు.

దీనితో ఒకేసారి రెండు సమాంతర రేఖలను గీయవచ్చును. ఇది

కూడా మార్కింగ్ గేజ్ వలనే యుండి ఒక పిన్నుకు బదులు రెండు

పిన్నులను కలిగియుంటుంది. వీటిలో ఒక పిన్ను దిమ్మకు బిగింపబడి

స్థిరంగా యుంటుంది. దిమ్మకు అడుగుభాగామున గల

దీర్ఘచతురస్రాకారపు చీలికలో కదిలెడి కర్రపలక ఒకటి

అమర్చబడియుంటుంది. ఈ కర్రపలకకు మొదటి పిన్ను వున్నదిశలో

రెండవ పిన్ను బిగింపబడియుంటుంది. కదిలెడి కర్ర పలకను

కదిలించినపుడు యీ రెండవ పిన్ను కదులుటచే దానిని 'కదిలెడి

పిన్ను' (movable pin) అని అంటారు. కర్రపలకను దిమ్మలో

కదలకుండా బిగించుటకుగాను కర్రపలక రెండవ చివర చేతితో

త్రిప్పుకొను స్క్ర ఒకటి అమర్చబడియుంటుంది. దీనిని

వదులుచేసుకొని దిమ్మలోని చీలికలో కర్రపలకను కదల్చి రెండు

పిన్నుల మధ్య దూరమును మార్చుకొనవచ్చును. స్క్రూను బిగించుట

ద్వారా రెండు పిన్నుల మధ్యదూరము మారకుండా స్థిరంగా

వుంటుంది. మార్కింగ్ గేజి వలనే దీని హెడ్ ను కర్రవస్తువు అంచుకు

నొక్కి పెట్తూ దీనిని ముందుకు కదిలించుట ద్వారా ఆ అంచుకు

సమాంతరంగా రెండు సరళరేఖలు ఒకేసారి గుర్తింపబడతాయి. దీని

నుపయోగిస్తూ సన్నని దీర్ఘచతురస్రాకారపు చీలికలను చేయుటకు

సమాంతర రేఖలను గీయుటకు వీలుంటుంది. ఈ చీలికలను 'మోర్

టైస్ చీలికలు' (morertise grooves) అని అంటారు. కాబట్టే ఈ

గేజిని 'మోర్ టైస్ గేజి' అని పిలుస్తారు.

15. సన్నని ఖండించెడి గేజి (cutting gauge) :

ఇది కూడా మార్కింగ్ గేజి ఆకారంలో యుండి

అదేవిధంగా పని చేస్తుంది. అయితే దీనిలో కర్రదిమ్మకు బిగించిన

పిన్నుకు బదులు ఉక్కుతో చేసిన పదునైన బ్లేడు (cutter)

దిమ్మకు బిగించబడియుంటుంది. మార్కింగ్ గేజి వలె ఉయోగిస్తూ

కర్రవస్తువు అంచు ఆధారంగా దీనిని ముందుకు కదిలించినపుడు

ఆ అంచుకు సమాంతరగా కర్రవస్తువును పదునైన బ్లేడు

ఖండిస్తుంది. అయితే ఇది 3 మి.మీ. వరకు మందము గల సన్నని

కర్రవస్తువులను మాత్రమే కోయగలుగుతుంది. ఎక్కువ మందముగల

కర్రవస్తువులపై ఇది లోతైన కొలతలను యేర్పరుస్తుంది. సన్నని కర్రవస్తువు

యేదేని అంచుకు సమాంతరంగా ఆ వస్తువును ఖండి పాయలగా చేయుటకు ఇది

ఉపకరిస్తుంది. దీనిని 'కటింగ్ గేజి' అని పిలుస్తారు.

16.అవుట్ సైడ్ కాలిపర్స్ (outside callipers): దీని ద్వారా కర్ర వస్తువుల

వెడల్పు, మందము మొదలగు కొలతలను కొలవవచ్చు. ఇది లోపలి

దిక్కుగా వంపు తిరిగిన రెండు భుజములను కలిగియుంటుంది. ఈ రెండు భుజముల పై భాగము ఒక పిన్ను ద్వారా కలపబడివుంటాయి. ఈ పిన్ను ఆధారముగా భుజములను కదిలిస్తూ వాటిని దగ్గరగా లేదా దూరంగా జరుపుకొనవచ్చును. వస్తువు మందమును కొలుచుటకుగాను ముందుగా యీ పనిముట్ల రెండు భుజములను బయటకు నెట్టుచు వాటి మధ్యదూరమును పెంచుకొని వీటి అడుగుభాగపు అంచుల మధ్యగా కర్రవస్తువును అమర్చి, ఆ భుజములకు దగ్గరగా వచ్చునట్లు నొక్కి పట్టాలి. దీని వలన భుజముల అడుగు అంచులకు కర్రవస్తువును రెండు వైపులా తగులునట్లు దగ్గరకు వస్తాయి. పిదప భుజముల మధ్యనుండి కర్రవస్తువును తీసివైచి, వాటి అడుగు అంచులను స్టీలురూలు పై గల కొలతలకు తాకునట్లుగా అమర్చి వాటి మధ్య దూరము కొలవాలి. ఈ కొలత కర్రవస్తువుయొక్క మందము లేదా వెడల్పును సూచిస్తుంది. అవుట్ సైడ్ కాలిపర్సు రెండు రకములుగా లభ్యమగును. మొదటిరకపు సాధారణ కాలిపర్ పైన తెలిపినట్లు రెండుభుజములను కలిగియుండి వాటి పై భాగము వాషర్ల మధ్య వదులుగా అమర్చియుండుట మూలముగా సులభముగా కదలగలుగుతాయి. రెండవ రకమునకు చెందిన 'స్ప్రింగు కాలిపర్' పైన తెలిపినట్లుగా వదులైన ఆధారపు జాయింట్ కు బదులు గుండ్రముగా వంపుదిరిగిన స్ప్రింగును కలిగియుంటుంది. రెండు భుజములను కలుపుతూ అమర్చబడిన స్క్రూ పైన గల నట్టును త్రిప్పుకొని వీటి మధ్య దూరమును మార్చుకొనవలసి యుంటుంది

17.ఇన్ సైడ్ కాలిపర్స్ (Inside callipers ) కర్రవస్తువుయందు చేయబడిన రంధ్రములు, చీలికలు మొదలగువాటి లోపల కొలతలు (అనగా రంధ్రమయొక్క వ్యాసము, చీలిక వెడల్పు మొదలగునవి) తీసుకొనుటకు ఇది ఉపకరిస్తుంది. ఇది రెండు భుజములను కలిగియుండి వాటి అడుగు అంచులు వెలుపలి వైపుకు వంపు తిరిగి యుంటాయి. రెండు అంచులు రంధ్రములోపలి తలమునకు లేదా చీలిక వెడల్పును సూచించు యెదురెదురు తలములకు తగులునట్లుగా అమర్చి, పిదప దీనిని బయటకు తీసి స్టీలురూలు పైన అమర్చుట ద్వారా కొలతలను తెలుసుకొనవచ్చును. ఇది కూడా సాధారణ ఇన్ సైడ్ కాలిపర్ మరియు స్ప్రంగురకపు ఇన్ సైడ్ కాలిపర్ రెండు రకములుగా లభ్యమగుతుంది. అభ్యాసము 1. కర్రవస్తువు పై చాపములను, వృత్తములను గుర్తించుటకు ఉపయోగపడెడి పనిముట్లను పేర్కొని, వాటిలో యేదేని ఒకదానిని గురించి వివరించుము. 2. వివిధ రకముల కొలబద్దలను పేర్కొని, నాలుగు మడతల స్కేలుపటమును గీచి దానిని వుపయోగించు విధానమును తెలుపుము. 3. 'ట్రైస్క్వ' పటమును గీచి దానిని వుపయోగించు విధానము తెలుపుతుంది. 4. 'బివెల్ స్క్వేర్' మరియు 'మీటర్ స్క్వేర్ 'ల మధ్యగల వ్యత్యాసము తెలిపి, బివెల్ స్క్వేర్ ను వుయోగించు విధానము తెలుపుము. 5. కాంబినేషన్ సెట్ పటమును గీచి, వివిధ భాగములను గుర్తించుము. 6.స్పిరిట్ లెవెల్ ను ఉపయోగించి విధానము తెలుపుము. 7. మార్కింగ్ గేజిని వుపయోగించు విధానము తెలుపుము. 8.మోర్ టైన్ గేజికి, మార్కింగ్ గేజికి మధ్యగల వ్యత్యాసమును తెలిపి, టైస్ గేజి పనిచేయు విధానమును వివరించుము. 9.అవుట్ సైడ్ కాలిపర్ ఉపయోగమును తెలిపి, వివిధ రకములు అవుట్ సైడ్ కాలిపర్స్ గురించి వివరింపుము. 10.ఇన్ సైడ్ కాలిపర్ ను ఉపయోగించు విధానమును వివరించుము.