కర్ర సామగ్రిని తయారుచేయు పని

కర్ర  సామగ్రిని  తయారుచేయుపని

ఉపోద్ఘాతము:—

ప్రకృతిలో   లభ్యమగు  వివిధ  సహజవనరులు

 మానవుని  అవసరాలను  తీర్చడానికి  

ఉపయోగపడుచున్నవి.  మన నిత్య 

జీవితంలో  అనేక  విధములుగా  

ఉపయోగపడెడి ప్రకృతి వనరులలో   

కర్ర  ఒకటి.  ప్రకృతిలో   సమృద్ధిగా  గల  

వృక్ష సంపదనుండి   లభించే  కర్ర  

వివిధ  సామగ్రిని  తయారు చేయుటకు  

ఉపయోగపడుచున్నది.  

మొట్టమొదటగా  మానవుడు  చెట్టు  

కొమ్మల  ద్వారా   లభించెడి  పొడవైన  

కర్రల  మొనలు  పదును పెట్టుకొని   

ఆయుధములుగా   తయారుచేసుకొని  

వాటితో  జంతువులను   వేటాడేవాడు.  

క్రమేణా  కర్ర నుపయోగించి  ఇండ్లు 

  కట్టుకొనుట   ,బండ్లు తయారుచేయుట

 ,  ఓడలు  నిర్మించుట   మరియు  

యితర  గృహోపకరణములు   

తయారు  

చేసుకొనుట  మొదలైనవి.  ఈ  విధంగా  

 కర్ర  వుపయోగము  మానవ  నాగరికత   

వికాసానికి  తోడ్పడసాగింది.

                        
అయితే  చెట్టు  నుంచి  

లభ్యమగు  కర్రను   మానవుని  

ఉపయోగానికి  అవసరమైన సామగ్రిగా  

రూపొందించడానికి  కొన్ని  పనిముట్లు   

అవసరముంటుంది .  కర్ర  సామగ్రిని  

తయారుచేసే  మొట్టమొదటి  

పనిముట్లు  రాతితో  చేయబడేవి. 

అయితే  రాతితో  చేయబడిన  

పనిముట్లు  మొరటుగా  వుండుటయే  

కాకుండగా  వీటిని  పదును 

పెట్టుకొనుట  ,  ఎక్కువ  కాలము  

మన్నికగా  వుపయోగించుట  

సాధ్యపడెడిది  కాదు.  కాలక్రమేణా  యీ 

పనిముట్లను  తయారు చేయుటలో   

రాయి  స్థానంలో  లోహము  

ప్రవేశించింది.

తొలుదొల్తగా  వీటి తయారీలో  ' రాగి '  

ని   ఉపయోగించేవారు. అయితే  రాగి 

మెత్తటి  లోహము కనుక  అది ఎక్కువ 

మన్నికగా  వుండకపోయెడిది.  రాగి 

స్థానంలో  ' కంచు'

ప్రవేశించి దానితో  తయారుచేసిన  

వివిధ  పనిముట్లు  కొన్ని వందల  

సంవత్సరాలు వాడబడ్డాయి.  క్రమేణా 

కంచుస్థానములోనికి ఇనుము ప్రవేశించి 

ఇనుప  పనిముట్లు వాడుక పెరుగుతూ 

వచ్చింది.
                   కర్ర   సామగ్రిని   

తయారుచేయుటకు  నేడు  ఉపకరించు  

వివిధపరికరములు  ' ఉక్కు ' అనబడు  

మేలురకపు  ఇనుముతో   చేయబడి  

విరివిగా   వాడబడుతున్నాయి.  

రంపము , చిత్రిక , ఉలి , బోరింగ్ బిట్లు  

మొదలగునవి  యీ  విధముగా   

తయారుచేయబడ్డ  పనిముట్లు  . 

అయితే   యీ    పనిచేయించుకొనుట   

ద్వారా  ఉపయోగపడుట  వలన  వీటిని   
'చేతిపనిముట్లు  '  అని  అంటారు . 

త్వరితముగా  పనులను  సాధించుటకై  

చేతి పనిముట్లతో  పాటు  యంత్ర  

పనిముట్ల  ఆవశ్యకత యేర్పడింది.  కర్ర 

సామాగ్రిని   తయారుచేయు   యంత్ర 

పనిముట్లు   సుమారు   రెండు 

శతాబ్దముల క్రింద  రూపొందించబడి  

క్రమేణా  అభివృధ్ధి పరచబడ్డాయి.
                  
 కర్ర సామాగ్రిని   తయారు చేయుట   ఒక 

కళ గా   పరిగణింప వచ్చును.   ఈ కళ 

యందు   నైపుణ్యతను   సాధించుటకు 

గాను   దీనిపై   అభిరుచి తో   పాటు   ఈ 
కళకు   సంబంధించి ఈ కళకు చెందిన 

వివిధ   పనులను నేర్చుకొని , వాటిని 

సరిగా అమలు పరచు  కొనుటకు గాని 

ఎల్లప్పుడు  సాధన  చేయవలసి  

ఉంటుంది తగినంత అనుభవం సాధించి 

ఈ కళ  యందు నేర్పరిగా ఏర్పడుటకు 

గాను ఈ విధమైన   సాధన   అవసరం  

అవుతుంది .ఇందుకు గాను ముందుగా 

కర్ర సామాగ్రిని తయారు చేయుటలో 

ఉపకరించు వివిధ పనిముట్లు, వాటిని 

ఉపయోగించే విధానం వివరంగా 

తెలుసుకోవాలి.